AYUBU 10
10
Ayubu ogendererete gokwana
1“Omoyo one ogechire obogima bwane;
nimbe nobosibore gokwana na kwemurungania,
ninkwane nobororo bore ase omoyo one.
2Ninkwane, ntebie Nyasae: Tobaisa kongambia;
imanyie egekogera aye okondwania iga.
3Inee! Nigo ogokirie ase ogonchanda
na gochaya emeremo y’amaboko ao,
na gwanchera ogosemania kw’abakori amabe?
4Inee! Amaiso ao naya mwanyabanto are?
Gose nigo okorora buna mwanyabanto akorora?
5Inee! Amatuko ao nabo ang’ana buna aya mwanyabanto,
gose emiaka yao buna ey’omonto,
6goika okona‐gotuka okomocha kwane
na korigia ebibe biane?
7Nonya nabo nomanyete ng’a inche tindi nokomocha,
na onde tari orantoorie korwa ase okoboko kwao?
8“Amaboko ao naro ambombete, akandoisia;
na bono kwang’onchokeire na gonsiria.
9Inyora ng’a naye kwambombete buna esike.
Inee! Nigo okong’irania imbe orotu naende?
10Inee! Tari aye kwang’umorete buna amabeere,
na okambomba buna amabeere abwatanire?
11Aye okaboyia omobere one risankwa okayobekera chinyama,
okayobwatania namauga na emeki.
12Aye kwang’eire obogima na konyorokia obwanchani bwao botari koera;
na oborendi bwao nigo borendete omoika one.
13Nonya nabo nigo obisete amang’ana ayio ase enkoro yao,
nimanyete ng’a oko nakwo kwarenge okogania kwao.
14Inse gokora ebibe, aye nigo ondigereretie,
na totiga kong’a egesusuro ase engencho y’ebibe biane.
15Obobe nobwane onye inde omokori amabe;
na onye inde omonyaboronge tinkonyara gwetogia;
nigo ing’ichire nobosooku,
ase ayio aye origererie emechando yane.
16Kondaimokererie omotwe one igoro,
aye nigo okondigia buna endo egotwara orotwari,
erinde ogenderere koorokia amakumia ao igoro yane.
17Aye nigo okomenta oborori bwao igoro yane,
na kwamentera ekeririanda igoro yane.
Nigo okona‐kondetera ababisa bakondwania.
18“Nase ki kwandusetie ase enda ya baba?
Naki anga yare koba buya onye nakwete ekero monto onde atarandora,
19imbe buna tinarengeo,
anga nigo narusetigwe ase enda ya baba ntindekwe.
20Inee! Amatuko ’obogima bwane tari amake?
Intige, imbe nobotoereru ase engaki eye enke,
21ekero ntaragenda aase ntanyare koirana korwao rinde,
ense eria y’omosunte ekerima na ey’ekiriri ki’amakweri,
22ense emwamu ti buna omosunte ekerima;
naende ey’ekiriri ki’amakweri na obotantanu,
agwo oborabu bwaye bore obomwamu ti buna obw’obotuko gati.”
Currently Selected:
AYUBU 10: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
