ISAYA 35
35
Enchera y’Obochenu
1Erooro na ense enyomo nchibe nomogoko;
ee, erooro nechenge na gosicha buna ebisicha ebiya.
2Nigo erasiche ebisicha ebinge,
erio echenge na gotera nomogoko.
Neegwe obonene buna obw’ebitunwa bia Lebanoni,
na obwari buna obwa Karimeli na Saroni.
Abanto mbarore obonene bw’Omonene,
ee, mbarore obonene bwa Nyasae oito na obonguru bwaye.
3Amaboko are amoro yabeke chinguru;
kong’ia amaru arosire.
4Tebia abanto abwo babwate chinkoro chinyoba:
“Mobe abaremu, timwoboa!
Naama! Nyasae oino nache korusia egesiomba.
Rora, Nyasae nache kobaruseria egesiomba.
Ere nache kobatooria.”
5Erio amaiso ’emeuko aramokigwe,
na amato ’emetino atinorwe.
6Ebisegora mbichara‐charoke buna chinsune,
ne chimeme chi’amamama nchitere nomogoko.
Chindooche nchisoke ase erooro,
na ebirooche ase ekerubo ekiomo.
7Ense y’omokenye ogosamba nebe ritibo ri’amache,
na ase ense enyomo chinsoko chi’amache nchitubokeo;
aase chisese chi’orosana chiamenyete,
obonyansi, na ebitonto, na amauncho mbimereo.
8Enchera enene eroisirie buya nebeo;
eyio nigo erarokwe “Enchera Enchenu”.
Abanto batachenegeti tibagoetao;
enchera eyio nigo erabe ey’abanto aba boka.
Abagoeta aroro, nonya bare abariri, tibagosira.
9Endo tekobao ase enchera eyio,
gose eng’iti ende y’orosana tegochao,
chirochio tichikonyorekana aroro,
korende abanto baboorigwe nabwo
barataare ase enchera eyio.
10Abanto abwo Omonene abooririe mbairane,
baike Sayoni bagotera;
omogoko o kare na kare nobe igoro ase emetwe yabo buna egutwa;
mbabe nomogoko na omochengo,
obororo na omoichano mbiere kegima asebare.
Currently Selected:
ISAYA 35: EKEGUSIIBBLE
Highlight
Share
Compare
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
