HOSEA 4
4
Omonene okobea Abaisraeli
1Inwe Abaisraeli, igwa ring’ana ri’Omonene, ekiagera obeeigwe nabamenyete ase ense eye: “Obwegenwa gose obwanchani tibori aroro, na abanto b’ense eye tibamomanyeti Nyasae. 2Nigo bagotiana na gokwana oborimo; nigo bagoita na koiba, naende bakora obotomani. Nigo bagosaria amachiko onsi, na ogoiterwa kw’amanyinga nigo gokobwatigwa nokonde. 3Ase engencho eyio ense nigo ekorera ase okweumia, na kera omonto omenyeteo nigo achandegete na kogoya; boigo ching’iti chi’orosana, ne chinyoni, ne chinswe ngokwa chire.
Omonene okobea abakuani
4“Monto onde tabaisa koba omoengereria, gose monto onde tasoera onde. Nonya nabo inwe nigo mogosoera abakuani. 5Aye nogochwa mobaso na botuko, na omobani agochwe amo naye. Inche ninsirie nyoko. 6Abanto baane nigo bagosirigwa, ekiagera batari nokomanya. Ekiagera aye kwangire komanya inche, nainche ninkwange, toba omokuani one. Ekiagera kwangire koigwera amachiko aane inche Nyasae oo, boigo nainche ninyange abana bao.
7“Buna abakuani bagendererete kobucha, naboigo bagendererete gokora ebibe asende. Ase ayio ning’onchore obonene bwabo bobe obosooku. 8Nigo bakwerageria ebibe bi’abanto baane, nigo bakogania bakore obobe. 9Buna erabe ase abanto, naboigo erabe nase omokuani. Nindue egesusuro asebare bonsi ase engencho ye chinchera chiabo, nimbaakane koreng’ana nogokora kwabo. 10Mbaragere, korende tibakoigota; mbabe bagokora obonyaka, korende tibakomentekana, ekiagera bantigire inche Omonene, na baonchokeire chinyasae ching’ao.
Omonene okwanga ogosasimwa kw’emegwekano
11“Obotomani, na edivai, na ekenyugwa kegotindia, nigo bikoura abanto okomanya kwabo. 12Abanto baane nigo bakorigia ogosemigwa korwa ase ekeengwe ki’omote, na enyimbo yabo nigo ekobaorokeria aya baganetie komanya. Omoika bw’obotomani obasiririe, barabwo batigire Nyasae obo bachiire gotayaya. 13Nigo bakoruera ebing’wanso ase ebitunwa igoro, na basambera ubani ase ebigoro, inse y’emete enga buna emetontera, na inse y’emesobeti, na inse y’ebirachuoki, ekiagera agwo nao ebiriri ebiya bire.
“Ase ayio, abaiseke baino nigo bagokora obonyaka, na baka bamura baino nigo bagokora obotomani. 14Ekero abaiseke baino barabe bagokora obonyaka na korua ebing’wanso, na baka bamura baino barabe bagokora obotomani, tinkobaa egesusuro, ekiagera abasacha abanyene nigo bakogenda ao bakora obonyaka nabatayayi be chihekalu, na abanto batari nokomanya goika basirigwe kegima.
15“Inwe Abaisraeli, nonya mogokora obotomani, timobaisa gotiga Abayuda bakore ogosaria okwo. Timobaisa kogenda Giligali, gose gotiira gochia ase Beti‐Aveni,#4:15 Beti‐Aveni, engencho yaye: enyomba y’obobe gose timobaisa gotiana mogoteba: Ekeene, buna Omonene are moyo. 16Abaisraeli babeire abaenenu buna ritororo rienenu ritari kogambereka. Inee! Omonene nanyare kobarisia buna chimanwa chie ching’ondi chikorisigwa ase egetii ekegare? 17Egesaku gi’Efraimu kiabwatanire nemegwekano kegosasima, tiga getigweo. 18Kobanyure batindire, nigo bakwerua kegima ase obotomani botambe; abwo bare chinguba chi’abanto nigo banchete ay’obosooku. 19Ekembugu‐mbugu nkebaabuse ne chinguru chiaye, na barabwo mbasookigwe ase engencho y’ebing’wanso biabo.
Currently Selected:
HOSEA 4: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
