HOSEA 3
3
Hosea na omokungu otarenge omwegenwa
1Omonene agantebia, “Genda omwanche naende omokungu oyio nonya ogokora obotomani nomwanchi oye, omwanche buna Omonene anchete Abaisraeli, nonya baonchokeire chinyasae ching’ao, naende banchire amasabibu amomo.”
2Ase igo nkamogora chisekeli chie chifeta ikomi na isano, na esairi ebitonga ikomi na bitano. 3Nkamotebia, “Ogenderere komenya nainche amatuko amange kore omweriti ase engencho yane. Tobaisa gokora obonyaka, gose koba oyo bw’omosacha onde omoao, na inche ningenderere kwerita ase engencho yao.”
4Naboigo Abaisraeli baragenderere komenya ase amatuko amange batabwati omoruoti gose omogambi, batari korua ebing’wanso, gose gosasima amagena atenenirie, gose koba negesibao ki’obokuani, gose ebinyasae bibekire ase chinyomba. 5Nyuma y’ayio Abaisraeli nabairane, barigie Omonene, Nyasae obo, na Daudi, omoruoti obo; mbamoiroke Omonene, barigie obuya bwaye ase amatuko ay’omoerio.
Currently Selected:
HOSEA 3: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
