ABAIBIRANIA 3

Yeso nomonene kobua Musa

1Ase ayio, abaminto abachenu, ababwatani b’okorangerigwa gokorwa igoro, morengererie mono Yeso omotomwa na Omokuani Omonene bw’okoorokia gwaito. 2Ere nigo arenge omwegenwa asare ere oyomochorete, buna Musa boigo arenge omwegenwa ase enyomba yonsi ya Nyasae. 3Naki Yeso nigo abarirwe ng’a nemogwenerete abe nobonene mono kobua Musa, buna omoagachi enyomba are nogosikwa kobua enyomba enyene. 4(Kera enyomba nigo ekoagachwa nomonto, korende Nyasae nere omoagachi bw’ebinto bionsi.) 5Na Musa nigo arenge omwegenwa ase enyomba yonsi ya Nyasae buna omokoreri, erinde abe kirori ase amang’ana arache gokwanwa, 6korende Kristo nigo are omwegenwa buna Omwana igoro ase enyomba ya Nyasae. Intwe nenyomba yaye gatorabwate bokong’u oboremu na ogwetogia kw’ogosemeria goika omoerio.

Ogotimoka kore ase abanto ba Nyasae

7Ase ayio, buna Omoika Omochenu ogokwana,

“Rero, komoraigwe eriogi riaye,

8timokong’ia chinkoro chiaino, buna ekero keria gi’okogechia,

ase rituko riria ri’ogoteemwa agwo ase erooro.

9Agwo chisokoro chiaino nchianteemete ase okondenga,

naende nchiaroche ogokora kwane ase engaki y’emiaka emerongo ene.

10Ase ayio, nkagechigwa nekegori keria,

ngateba: Botambe abanto aba nigo basirete ase chinkoro chiabo,

ne chinchera chiane tibachimanyeti,

11buna natianire ase endamwamu yane:

Tibagosoa ase ogotimoka kwane nonya ng’ake.”

12Rigereria baminto, taba onde omo oino oyore nenkoro embe y’ogotegena, abaise kweatanana korwa ase Nyasae ore moyo. 13Korende moremanie inwe ase inwe kera rituko, ekero gekorokwa ekia Rero, erinde ase, more onde takorwa koba omokong’u ase obong’ainereria bw’ebibe. 14Naki twabeire ababwatani na Kristo, gatorabwate bokong’u ogosemeria gwaito kwe ritang’ani goika omoerio. 15Agwo igo egokwanwa,

“Rero, komoraigwe eriogi riaye,

timokong’ia chinkoro chiaino’

buna ekero keria gi’okogechia.”

16Naki mbarabi baria bamogechetie ekero baigwete? Tari baria bonsi barwete Misiri, baare koraagwa na Musa? 17Naende mbarabi abwo are agechetigwe nabarabwo ase engaki y’emiaka emerongo ene? Tari baria bakorete ebibe, abwo emebere yabo yagwete ase erooro? 18Naende nase barabi atianete ng’a tibagosoa ase ogotimoka kwaye? Tari ase baria bangete koigwera? 19Na igo twarorire ng’a tibanyarete gosoa ase engencho y’ogotegena kwabo.

Currently Selected:

ABAIBIRANIA 3: EKEGUSIIBBLE

Highlight

Copy

Compare