HABAKUKI 2
2
Omonene okoiraneria Habakuki
1Inche nintenene korenda, ee, nintenene igoro ase omorobiri bw’ogotengera, ndore aya Omonene arantebie, na buna ndairanerie igoro y’okorera kwane.
2Omonene akang’iraneria, agantebia, “Rika okorora okwo ase ebao namariko amaya, erinde oyo okoyasoma ayasome buya. 3Okorora okwo nigo koganyete engaki yaye eike. Nigo gokoayerera goikerane, tigokomocha goikerana. Nonya gokororekana ng’a gwatebanire, ekeene goika goikerane, tikogotebana. 4Rora, oyo okweimokereria igoro, omoyo oye tori omoronge, korende omonyene oboronge nabe moyo goetera ase okwegena kwaye.
Okogambigwa kw’abatari abanyaboronge
5“Edivai nigo ere buna omoonchoreria omong’ainereria; omonto omwerori tari kogenderera koba nobotoereru. Okogania kwaye nigo gokogarea kwaba buna aase abakure; nigo konga buna amakweri atari goisaneka. Nigo agosangereria abanto b’ebisaku bionsi gocha asare na gokora abanto be chinse chionsi koba abaye.” 6Abanto aba bonsi nigo baramokorere echeche baroisie engero y’okomochecheria batebe, “Obobe nobwaye oyo‐gosangereria amo ebinto bitari ebiaye, na bwetweka ebinto airete bibe ntenenera. Ngoika ririri aragenderere gokora igo?”
7Inee! Abanto baria kwairete ebinto biabo tibakogochera mobosokano, na bagochande, bakobwate bakoire ase obosomba. 8Ekiagera aye gwasakoire ebisaku ebinge, abanto b’ebisaku ebitigari mbagosakore aye; gwaiteire amanyinga ’abanto abange, na ogakora ayare amabe ase ense na ase emechie, na ase bonsi abamenyeteo.
9Obobe nobwaye omonto oria okonyora ebitoki bi’obobe na kobirenta ase enyomba yaye, erinde bweagachera egeswa kiaye aase aimokererete igoro ng’a abe noborendi korwa ase okobua kw’amabe. 10Aye kwarenteire enyomba yao obosooku ase ogoita abanto abange, na igo gwakorire ebibe bi’ogosiria obogima bwao aye omonyene. 11Amagena ’enyasi naake eriogi na emiamba ye rirongo neyairanerie.
12Obobe nobw’omonto oyio okoagacha omochie ase ogoitera amanyinga na kobeka oboroso bw’omochie ase ogokora ebibe. 13Abanto nigo bakwerosia gokora emeremo eyio erasambwe nomorero, na abanto b’ebisaku nigo bakwerosia gokora emeremo ere bosa. Rora, ayio nigo arure ase Omonene. 14Ense neichorigwe nokomanya kw’obonene bw’Omonene buna chinyancha chiichire namache.
15Obobe nobw’omonto oria okoa omonto onde ekenyugwa giochoganirie nobosongo kiamotindia, erinde anyare korigereria obogetirianda bwaye. 16Aye nigo gwaichoirwe nobosooku ribaga ri’ogosikwa. Aye kanywe, obe omonto otarogeti! Egekombe ki’egesusuro kere ase okoboko gw’okorio kw’Omonene nakegochere; na oboosoku mbotube obonene bwao. 17Obobe bwakoretwe ase Lebanoni mbogotube, na ogosirigwa gwe ching’iti koria gwachiondogetie; aye noegwe egesusuro, ekiagera gwaiterete amanyinga ’abanto, na ogakora amabe ase ense, na ase emechie, na ase abanto bamenyeteo.
18Omogwekano bw’ogosasimwa, mbitoki ki okorentera oyio okoyobomba? Oyio nomogwekano obombire ore omworokia omong’ainereria? Oyio oyoroisetie nigo asemeretie emeremo y’amaboko aye ere chinyasae chitari gokwana. 19Obobe nobwaye omonto oria ogotebia egento kebaachire korwa ase omote: Boka! Na otebia rigena ritanyare gokwana: Imoka! Inee! Ebinto ebio mbinyare gokworokereria enchera? Rora, ebio nigo bioomire ne chitahabu ne chifeta, korende omoika tori ime yabo.
20“Korende Omonene nao are ase Hekalu yaye Enchenu; tiga ense yonsi ekire‐kiri ase obosio bwaye.”
Currently Selected:
HABAKUKI 2: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
