EKEKIELI6 25
25
Obobani bore mamincha y’Abaamoni
1Naende ring’ana ri’Omonene rigacha asende, rigantebia: 2“Aye mwanyabanto, onchoka origererie Abaamoni, obane mamincha yabo. 3Obatebie baigwe ring’ana ri’Omonene Nyasae, otebe: Aya naro Omonene Nyasae agoteba: Inwe nigo mwagogete, mogateba: Ahaa! Ahaa! Ekero Aase aane Aachenu akoretwe akaba aatachenegeti, na ekero ense y’Abaisraeli yatigarete bosa, na ekero Abayuda bairetwe ase obosomba. 4Ase ayio, nimbarue mbabeke ase amaboko ’abanto ba moocha, mobe ababo. Barabwo mbabeke chiema chiabo ase egati yaino, naende mbaagache obomenyo bwabo aroro; mbarie okwama kwaino na banywe amabeere aino. 5Nindue omochie o Raba obe oborisia bwe chingamia, na emechie y’Abaamoni ebe ameeri ’amaicho. Erio nario moramanye ng’a inche ninche Omonene.
6“Aya naro Omonene Nyasae agoteba: Inwe nigo mwaagete chinkobi, naende mogatinera amagoro aino inse, mokagoka ne chinkoro chiaino chionsi ase engencho y’amabe anyorete ense y’Abaisraeli. 7Ase ayio, rora, nindambore okoboko kwane igoro asemore mbae egesusuro, nimbarue mwoswe nebisaku binde. Nimbaite mbasirie korwa ase abanto, ee, mbasirie kegima, morue ase chinse echio. Erio nario moramanye ng’a inche ninche Omonene.
Obobani bore mamincha y’Abamoabu
8“Aya naro Omonene Nyasae agoteba: Abamoabu na Abaseiri nigo bagokwana ng’a Abayuda nigo banga buna abanto b’ebisaku binde bionsi. 9Ase engencho eyio ninyasiore ense ya Moabu, agwo ase egetirimboko ase emechie ere, eyio ere obonene bw’ense eria, nero Beti‐Yesimoti, na Baali‐Meoni, na Kiriataimu. 10Nimbeke ense eria amo nense y’Abaamoni ase amaboko ’abanto ba Moocha, chibe echiabo, na Abaamoni abwo tibakoba bakoinyorwa nabanto b’ebisaku binde nonya ng’ake. 11Ninachere Abamoabu ekina, erio bamanye ng’a inche ninche Omonene.
Obobani bore mamincha y’Abaedomu
12“Aya naro Omonene Nyasae agoteba: Abaedomu bakoreire Abayuda bobe ase okorusia egesiomba, na babeire nokomocha ase okobakorera igo. 13Ase ayio, aya naro Omonene Nyasae agoteba: Nindambore okoboko kwane mamincha y’Abaedomu; ning’ite nsirie kera omonto, na kera eng’iti. Ninsarie ense eyio ebe bosa. Abanto mbaitwe nemioro korwa Temani goika Dedani. 14Nindusie egesiomba kiane ase ense y’Abaedomu goetera ase amaboko ’Abaisraeli, abanto baane. Barabwo mbakorere Abaedomu koreng’ana nendamwamu yane, na ekeririanda kiane. Erio Abaedomu mbanyare komanya egesiomba kiane. Nabo Omonene Nyasae atebire.
Obobani mamincha y’Abafilisti
15“Aya naro Omonene Nyasae agoteba: Abafilisti barusirie egesiomba bare nobobisa ase chinkoro chiabo, na ase okogecha kogendererete botambe basiririe ababisa babo kegima. 16Ase ayio, aya naro Omonene Nyasae agoteba: Nindambore okoboko kwane mbae Abafilisti egesusuro, ning’ite Abakereti, mbasirie kegima, naende nsirie kegima abwo baratigare ase chinse chia ng’umbu mbarabare y’enyancha. 17Nindusie egesiomba ekenene mono asebare, nimbe nendamwamu y’okobaa egesusuro. Erio bamanye ng’a inche ninche Omonene, ekero ndarusie egesiomba asebare.”
Currently Selected:
EKEKIELI6 25: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
