EKEKIELI6 2
2
1Ere agantebia, “Aye mwanyabanto, tenena namagoro ao, inche nkwane naye.” 2Ekero akwanete nainche, Omoika ogasoa ime yane, ogantenenia, erio nkamotegerera oria orenge gokwana nainche. 3Ere agantebia, “Aye mwanyabanto, nkogotoma inde gochia ase Abaisraeli, egesaku ekio getari koigwera, ekio giantigire inche. Abanto abwo amo ne chisokoro chiabo babeire bagosaria asende nonya ngoika rero iga. 4Abanto abwo nigo bakong’etie amasio abo ne chinkoro chiabo. Asebare nao nkogotoma gochia, goika obatebie iga: Aya naro Omonene Nyasae agoteba. 5Kobaraigwe, gose baange koigwa (ekiagera barabwo negesaku getari koigwera), mbamanye ng’a omobani obeire ase egati yabo.
6“Korende aye mwanyabanto, tobaisa kobairoka, gose koiroka amang’ana abo, nonya goetananire namageri na amagwa, naende komenyete ase egati y’ebiuge. Ee, tobaisa kwoboa ekero orarore amasio abo, gose kwoboa amang’ana abo, ekiagera abwo nigo bare egesaku getari koigwera. 7Amang’ana nkogotebia naro orabatebie kobarayategerere gose bayaange, ekiagera barabwo negesaku getari koigwera.
8“Korende aye mwanyabanto, tegerera aya nkogotebia; tobaisa koba oyo otari koigwera buna egesaku eke getari koigwera. Asamia omonwa oo, orie egento eke ngokoa.” 9Ekero narigereretie, nkarora okoboko koramboire gocha asende, na ase okoboko okwo ebuku yaringire iyarengeo. 10Ebuku eria ekaramborwa ase obosio bwane; nero nigo yarikire bosio na nyuma. Amang’ana arikire aroro nigo arenge ay’amagombo, na okweumia, na okorera kw’obobe.
Currently Selected:
EKEKIELI6 2: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
