OKOIRANERERA 34
34
Ogokwa kwa Musa
1Musa akarua emieya ya Moabu, agatiira gochia ase egetunwa kia Nebo igoro ase egechuria gia Pisiga, kororia Yeriko. Omonene akamworokia ense eria yonsi, ense ya Gileadi goika orogongo rwa Dani, 2na orogongo rwonsi rwa Nafutali, na orwa Efraimu, na orwa Manase, na orwa Yuda rwonsi goika Enyancha Enene ya bosongo, 3na Negebu, na ense omweya ya Yeriko, Omochie bw’Emekendo, na goika Soari. 4Erio Omonene agatebia Musa, “Eye nero ense eria narierete Ibrahimu, na Isaka, na Yakobo eira ng’a ning’ee ororeria rwabo ebe eyabo. Inche nigo nakoeire ribaga oyerore namaiso ao, korende tokonyara kwamboka gochia aroro.”
5Musa, omosomba bw’Omonene, agakwera agwo ase ense ya Moabu, buna Omonene atebete. 6Omonene akamotindeka agwo ase rikura ri’ense ya Moabu kororia Beti‐Peori; korende goika rero iga monto onde tari omanyete embeera yaye. 7Musa ekero akwete konya okoorire emiaka rigana erimo, na emerongo ebere, korende amaiso aye konya tarasareka, gose chinguru chiaye konya tichiramoerera 8Abaisraeli bakamoreera ase engaki y’amatuko emerongo etato agwo ase emieya ya Moabu, na nyuma y’ayio amatuko okomoreera na kobokia amagombo ase engencho yaye akaera.
9Yoshua, mosinto o Nuni, nigo aichire nomoika bw’obong’aini, ekiagera Musa konya omobekeire amaboko aye na Abaisraeli bakaba bakomoigwera, bagakora buna Omonene konya achikire Musa.
10Korwa engaki eyio mobani onde tana gotoka ase Abaisraeli onga buna Musa, oria Omonene arenge gokwana nere obosio ase obosio. 11Onde tana gotoka okorete ebikone buna ebi Omonene atomete Musa kobikora ase ense ya Misiri, na ase Farao amo nabasomba baye, na ense yaye yonsi. 12Mobani onde tari okorete ogokora gwe chinguru chinene, na ogokora okonene, na ogw’okoondokia okwo Musa aorogetie ase amaiso ’Abaisraeli bonsi.
Currently Selected:
OKOIRANERERA 34: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
