DANIELI 7
7
DANIELI OKOOROKIA AMARORO AYE
(7:1—12:13)
Amaroro a Danieli igoro ye ching’iti inye.
1Ase omwaka bwe ritang’ani bw’okogamba kwa Belisasari, omoruoti o Babeli, Danieli akarota chindoto, akarora amaroro ekero araire borere bwaye. Erio akarika akaorokia amang’ana aroche ase chindoto chiria.
2Aya naro amang’ana Danieli atebete:
“Ase okorora kwane kwa botuko nkarora chimbeo inye chia igoro chigocha ne chinguru, chigaturubania enyancha enene. 3Ching’iti chinene inye chigatiira korwa ase enyancha ime; okororekana kwabo nigo kwarenge ao ao. 4Eng’iti entang’ani nigo yagwekaine endo, korende yabwate chimbaba buna echi’ensoti. Buna nabete ndigereretie, chimbaba chiaye nigo chiasimoire, ero ekaimokererigwa igoro korwa ase riroba, egatenenigwa namagoro abere buna omonto, ekaegwa enkoro ya mwanyabanto.
5“Naende nkarora eng’iti ya kabere yagwekaine edubu ekaimokerera igoro na kogunkwaria rikere riaye erimo; nigo yabwate chimbaru isato ase omonwa oye, gati‐gati y’amaino aye. Eng’iti eria egatebigwa: Imoka, orie chinyama chinyinge!
6“Nyuma y’ayio nkarora eng’iti ende yagwekaine engo, korende ase omogongo oye nigo yabwate chimbaba inye buna echie chinyoni. Eng’iti eyio nigo yabwate emetwe ene; nero ekaegwa okobua gw’okogamba.
7“Naende nkarora ase amaroro aria a botuko eng’iti ya kane. Nigo yarenge ey’okoondokia na koirokia, boigo nigo yarenge ne chinguru chinyinge. Nigo yabwate amaino amanene ay’ebioma; ekaria na kobutorana, na eke yatigaretie ekagetindachera inse namagoro aye. Eyio nigo yarenge nogwatananekana korwa ase ching’iti chiria chiayetang’anerete; ero nigo yabwate chingunchara ikomi. 8Buna narenge ndigereretie na korengereria igoro ye chingunchara chiria, nkarora orogunchara ronde oroke rokooroka korwa ase egati‐gati ye chingunchara chiria. Orogunchara roria oroke rogasimora chingunchara isato ase echio ikomi chiarotang’anerete, rogachisimora amo nememio‐mio. Nkarora orogunchara roria robwate amaiso buna ay’omonto, na omonwa orenge gokwana amang’ana ’oboenenu.
Okorora igoro y’omonto bw’amatuko amange
9“Ekero narigereretie nkarora ebirogo bi’obonene bigoterekwa, na omonto omokoro bw’amatuko amange agaikaransa ase ekerogo kiaye. Chianga chiaye nigo chiarenge chindabu se se, na etukia y’omotwe oye nigo yarenge endabu buna amarionya ’eng’ondi endabu asibirie; ekerogo kiaye ki’obonene nigo kiarenge chimeme chi’omorero ogwoka, na amagoro ’ekerogo ekio nigo arenge omorero ogwoka. 10Orooche rw’omorero rogasoka korwa asare. Chilifu ne chilifu bakamokorera; ne chilifu ikomi ara chilifu ikomi bagatenena ase obosio bwaye. Ab’ekegambero bagaikaransa kogamba, ne chibuku chikamaanorwa.
11“Ekero narigereretie ekaba ng’a orogunchara roria rwagendererete gokwana amang’ana ’oboenenu. Ase engencho eyio nkarora eng’iti eria egaitwa, na omobere oye ogasarigwa okarutwa ase omorero ogasambwa. 12Ching’iti chiria chinde chiatigarete chikaurwa chinguru chiabo chi’okogamba, korende chigatigwa chigendendererete koba moyo goika ase ebiro ne chingaki chiachikeretwe.
13“Naende nkarora ase amaroro aane a botuko oyomo onga buna omwana‐o‐mwanyabanto ogocha amo namare a igoro, agaika ang’e ase omonto oria omokoro bw’amatuko amange, akarentwa ase obosio bwaye. 14Ere oyio akaegwa okobua gw’okogamba, na obonene, na oboruoti, erinde abanto bonsi, na ebisaku, na abanto b’emenwa ao ao, bamokorere. Obogambi bwaye nobwa kare na kare, tibokoera, na oboruoti bwaye tibokobugwa.
Engencho y’amaroro ekoorokigwa
15“Inche Danieli ngachandeka ase omoika one, na amaroro aria naroche akang’ondokia. 16Ngachiera oyomo bw’abanto baria bateneine aroro, nkamoboria antebie ekeene gionsi igoro y’amang’ana aria. Omonto oria agantebia na komanyia engencho y’amang’ana aria onsi iga: 17Ching’iti echio chinene inye, abwo nabaruoti bane baraoroke ase ense. 18Korende abachenu b’Oyore Igoro Mono nabanyore oboruoti boragenderere goika kare na kare, ee goika kare na kare.
19“Erio nkagania komanya ekeene igoro y’eng’iti eria ya kane, eyarenge nogwatananekana korwa ase chiria chinde. Nigo yarenge ey’okooondokia mono, yabwate amaino ’ebioma ne chinchara chi’etaai; ekaria na kobutorana, na eke yatigaretie ekagetindachera inse namagoro aye. 20Naende nkagania komanya igoro ye chingunchara chiria ikomi chiarenge ase omotwe oye, na igoro y’orogunchara roria ronde oroke rwamerete korwa nyuma, orwo bosio bwaye isato ase chiria ikomi chiagweteo. Orogunchara orwo nigo rwabwate amaiso, na omonwa orenge gokwana amang’ana ’oboenenu, naende rokarorekana nigo rore oronene kobua echinde chiamwabo.
21“Buna nabete ndigereretie, nkarora orogunchara roria rokarwania abachenu esegi, rokababua, 22goika omonto oria omokoro bw’amatuko amange agacha, na abachenu b’Oyore Igoro Mono bakaegwa oboronge bwabo, na engaki egaika ekero abachenu bairete oboruoti boria.
23“Aya naro akwanete igoro y’eng’iti eria ya kane, agateba: Oboruoti bwa kane mbobe ase ense, borobwo nigo borabe nogwatananekana korwa ase amaruoti ande onsi. Nigo borarie ense yonsi na koyetindachera inse, naende boyebutorane ebe ebing’ese. 24Chingunchara chiria ikomi, abwo nabaruoti ikomi baraoroke, na nyuma yabo omoruoti onde naoroke. Ere nigo arabe nogwatananekana korwa ase abwo bamotang’anerete, nabue abaruoti batato. 25Ere nakwane amang’ana are mamincha y’Oyore Igoro Mono, naende narosie abachenu b’Oyore Igoro Mono na kobachanda; narengererie koonchora ebiro, na amachiko. Abachenu mbabekwe ase okoboko kwaye ase ekero ekemo, na ebiro bibere, na ekeng’ese gi’ekero.#7:25 gose “omwaka oyomo, na emiaka ebere, na ekeng’ese ki’omwaka” 26Korende ab’ekegambero mbaikaranse bagambe, bamoure okobua kwaye, na obogambi bwaye mbosirigwe boere kegima. 27Oboruoti, na okobua gw’okogamba, na obonene bw’amaruoti are inse y’erioba, mbiegwe abanto abachenu b’Oyore Igoro Mono. Oboruoti bwaye mbobe obwa kare na kare, na bonsi abaare kogamba mbamokorere na komoigwera.
28“Oyo noro omoerio bw’amang’ana ayio. Inche Danieli nkaba ng’ondogete ase ebirengererio biane, na obosio bwane bokaonchoka bokarachoka; korende nkagacha amang’ana aria ase enkoro yane ime.”
Currently Selected:
DANIELI 7: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
DANIELI 7
7
DANIELI OKOOROKIA AMARORO AYE
(7:1—12:13)
Amaroro a Danieli igoro ye ching’iti inye.
1Ase omwaka bwe ritang’ani bw’okogamba kwa Belisasari, omoruoti o Babeli, Danieli akarota chindoto, akarora amaroro ekero araire borere bwaye. Erio akarika akaorokia amang’ana aroche ase chindoto chiria.
2Aya naro amang’ana Danieli atebete:
“Ase okorora kwane kwa botuko nkarora chimbeo inye chia igoro chigocha ne chinguru, chigaturubania enyancha enene. 3Ching’iti chinene inye chigatiira korwa ase enyancha ime; okororekana kwabo nigo kwarenge ao ao. 4Eng’iti entang’ani nigo yagwekaine endo, korende yabwate chimbaba buna echi’ensoti. Buna nabete ndigereretie, chimbaba chiaye nigo chiasimoire, ero ekaimokererigwa igoro korwa ase riroba, egatenenigwa namagoro abere buna omonto, ekaegwa enkoro ya mwanyabanto.
5“Naende nkarora eng’iti ya kabere yagwekaine edubu ekaimokerera igoro na kogunkwaria rikere riaye erimo; nigo yabwate chimbaru isato ase omonwa oye, gati‐gati y’amaino aye. Eng’iti eria egatebigwa: Imoka, orie chinyama chinyinge!
6“Nyuma y’ayio nkarora eng’iti ende yagwekaine engo, korende ase omogongo oye nigo yabwate chimbaba inye buna echie chinyoni. Eng’iti eyio nigo yabwate emetwe ene; nero ekaegwa okobua gw’okogamba.
7“Naende nkarora ase amaroro aria a botuko eng’iti ya kane. Nigo yarenge ey’okoondokia na koirokia, boigo nigo yarenge ne chinguru chinyinge. Nigo yabwate amaino amanene ay’ebioma; ekaria na kobutorana, na eke yatigaretie ekagetindachera inse namagoro aye. Eyio nigo yarenge nogwatananekana korwa ase ching’iti chiria chiayetang’anerete; ero nigo yabwate chingunchara ikomi. 8Buna narenge ndigereretie na korengereria igoro ye chingunchara chiria, nkarora orogunchara ronde oroke rokooroka korwa ase egati‐gati ye chingunchara chiria. Orogunchara roria oroke rogasimora chingunchara isato ase echio ikomi chiarotang’anerete, rogachisimora amo nememio‐mio. Nkarora orogunchara roria robwate amaiso buna ay’omonto, na omonwa orenge gokwana amang’ana ’oboenenu.
Okorora igoro y’omonto bw’amatuko amange
9“Ekero narigereretie nkarora ebirogo bi’obonene bigoterekwa, na omonto omokoro bw’amatuko amange agaikaransa ase ekerogo kiaye. Chianga chiaye nigo chiarenge chindabu se se, na etukia y’omotwe oye nigo yarenge endabu buna amarionya ’eng’ondi endabu asibirie; ekerogo kiaye ki’obonene nigo kiarenge chimeme chi’omorero ogwoka, na amagoro ’ekerogo ekio nigo arenge omorero ogwoka. 10Orooche rw’omorero rogasoka korwa asare. Chilifu ne chilifu bakamokorera; ne chilifu ikomi ara chilifu ikomi bagatenena ase obosio bwaye. Ab’ekegambero bagaikaransa kogamba, ne chibuku chikamaanorwa.
11“Ekero narigereretie ekaba ng’a orogunchara roria rwagendererete gokwana amang’ana ’oboenenu. Ase engencho eyio nkarora eng’iti eria egaitwa, na omobere oye ogasarigwa okarutwa ase omorero ogasambwa. 12Ching’iti chiria chinde chiatigarete chikaurwa chinguru chiabo chi’okogamba, korende chigatigwa chigendendererete koba moyo goika ase ebiro ne chingaki chiachikeretwe.
13“Naende nkarora ase amaroro aane a botuko oyomo onga buna omwana‐o‐mwanyabanto ogocha amo namare a igoro, agaika ang’e ase omonto oria omokoro bw’amatuko amange, akarentwa ase obosio bwaye. 14Ere oyio akaegwa okobua gw’okogamba, na obonene, na oboruoti, erinde abanto bonsi, na ebisaku, na abanto b’emenwa ao ao, bamokorere. Obogambi bwaye nobwa kare na kare, tibokoera, na oboruoti bwaye tibokobugwa.
Engencho y’amaroro ekoorokigwa
15“Inche Danieli ngachandeka ase omoika one, na amaroro aria naroche akang’ondokia. 16Ngachiera oyomo bw’abanto baria bateneine aroro, nkamoboria antebie ekeene gionsi igoro y’amang’ana aria. Omonto oria agantebia na komanyia engencho y’amang’ana aria onsi iga: 17Ching’iti echio chinene inye, abwo nabaruoti bane baraoroke ase ense. 18Korende abachenu b’Oyore Igoro Mono nabanyore oboruoti boragenderere goika kare na kare, ee goika kare na kare.
19“Erio nkagania komanya ekeene igoro y’eng’iti eria ya kane, eyarenge nogwatananekana korwa ase chiria chinde. Nigo yarenge ey’okooondokia mono, yabwate amaino ’ebioma ne chinchara chi’etaai; ekaria na kobutorana, na eke yatigaretie ekagetindachera inse namagoro aye. 20Naende nkagania komanya igoro ye chingunchara chiria ikomi chiarenge ase omotwe oye, na igoro y’orogunchara roria ronde oroke rwamerete korwa nyuma, orwo bosio bwaye isato ase chiria ikomi chiagweteo. Orogunchara orwo nigo rwabwate amaiso, na omonwa orenge gokwana amang’ana ’oboenenu, naende rokarorekana nigo rore oronene kobua echinde chiamwabo.
21“Buna nabete ndigereretie, nkarora orogunchara roria rokarwania abachenu esegi, rokababua, 22goika omonto oria omokoro bw’amatuko amange agacha, na abachenu b’Oyore Igoro Mono bakaegwa oboronge bwabo, na engaki egaika ekero abachenu bairete oboruoti boria.
23“Aya naro akwanete igoro y’eng’iti eria ya kane, agateba: Oboruoti bwa kane mbobe ase ense, borobwo nigo borabe nogwatananekana korwa ase amaruoti ande onsi. Nigo borarie ense yonsi na koyetindachera inse, naende boyebutorane ebe ebing’ese. 24Chingunchara chiria ikomi, abwo nabaruoti ikomi baraoroke, na nyuma yabo omoruoti onde naoroke. Ere nigo arabe nogwatananekana korwa ase abwo bamotang’anerete, nabue abaruoti batato. 25Ere nakwane amang’ana are mamincha y’Oyore Igoro Mono, naende narosie abachenu b’Oyore Igoro Mono na kobachanda; narengererie koonchora ebiro, na amachiko. Abachenu mbabekwe ase okoboko kwaye ase ekero ekemo, na ebiro bibere, na ekeng’ese gi’ekero.#7:25 gose “omwaka oyomo, na emiaka ebere, na ekeng’ese ki’omwaka” 26Korende ab’ekegambero mbaikaranse bagambe, bamoure okobua kwaye, na obogambi bwaye mbosirigwe boere kegima. 27Oboruoti, na okobua gw’okogamba, na obonene bw’amaruoti are inse y’erioba, mbiegwe abanto abachenu b’Oyore Igoro Mono. Oboruoti bwaye mbobe obwa kare na kare, na bonsi abaare kogamba mbamokorere na komoigwera.
28“Oyo noro omoerio bw’amang’ana ayio. Inche Danieli nkaba ng’ondogete ase ebirengererio biane, na obosio bwane bokaonchoka bokarachoka; korende nkagacha amang’ana aria ase enkoro yane ime.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020