DANIELI 8
8
Okorora kwa Danieli igoro y’emingichi na egoree
1Ase omwaka o gatato bw’okogamba kwa Belisasari omoruoti, inche Danieli nkarora okorora konde nyuma ya koria kwe ritang’ani. 2Ase okorora kwane nkarora ng’a nigo narenge ase eburi y’omochie o Susa, agwo ase orogongo rwa Elamu. Ekero narengeo ase okorora kwane, nkarora inde ang’e norooche rwa Ulai. 3Nkarigereria nkarora emingichi yabwate chingunchara ibere eteneine ase engegu y’orooche. Chingunchara chionsi ibere nigo chiarenge chintambe, korende oromo nigo rwarenge orotambe kobua oronde, na orwo orotambe nigo rwamerete korwa nyuma y’orwo ronde. 4Nkarora emingichi eria egotwoma gochia ensemo ya bosongo, na eya sugusu, na eya irianyi; eng’itiende tiyarenge konyara gotenena ase obosio bwaye, gose onde tarenge konyara gotooria korwa ase okobua kwaye. Nigo yarenge gokora buna yanchete, naende ekaba egokora amang’ana amanene.
5Ekero narenge ndengereretie amang’ana ayio, nkarora egoree egocha korwa bosongo, egaeta ase ense engima etari gotacha inse. Nigo yabwate orogunchara rw’ogokumia gati‐gati y’amaiso aye. 6Egachiera emingichi eria yabwate chingunchara ibere, eria naroche eteneine ase engegu y’orooche, ekarindokera emingichi eria ere nekeririanda ekenene. 7Nkarora egosuka gochia ang’e ase emingichi eria; egatwoma emingichi eria, ere nekeririanda ekenene ekayeiyeria inse, ekabuna chingunchara chiaye ibere. Emingichi eria tiyarenge ne chinguru chi’okorwana negoree eria, korende ekaiyerigwa inse na gotiringwa negoree eria. Onde tarenge konyara gotooria emingichi eria korwa ase okobua kw’egoree eria.
8Erio egoree eria egakora amang’ana amanene mono. Ekero yabete ne chinguru chinyinge, orogunchara rwaye oronene rokabuneka, na ase ribaga riaye chingunchara inye chi’ogokumia chikamerao chiarochie gochia ase chinsemo inye chia igoro. 9Korwa ase oromo rw’echio orogunchara ronde rokamera korwao; orwo rogakina mono gochia irianyi, na gochia moocha, na gochia ase ense eria engiya mono. 10Orogunchara orwo rogakina mono, rogaika ase emeganda ya igoro, rokaiyeria emeganda ende ne ching’enang’eni gocha inse aa, rogachitiringerao. 11Ee, orogunchara roria rogekinia na gwetogia igoro y’Omogambi bw’emeganda eria, rokarusia korwa ase Omogambi oria ekeng’wanso ki’ogosambwa gia kera rituko, rogatagora Obomenyo bwaye Obochenu. 12Omoganda oria amo nekeng’wanso ki’ogosambwa gia kera rituko bikaruegwa na kobekwa ase okobua kw’orogunchara roria ase engencho y’ogosaria. Ekeene kegatugutwa inse, na orogunchara roria rokagenderera koba nokobua.
13Erio nkaigwa omochenu oyomo ogokwana, na omochenu onde akaboria oria orenge gokwana, “Nengaki eng’ana naki okorora okwo igoro y’ekeng’wanso ki’ogosambwa gwa kera rituko gokworokia? Nengaki eng’ana naki ogosaria kw’ogosiria korabe, na okoruegwa kw’Obomenyo Obochenu na okw’omoganda oria biratiringerwe inse korabe?”
14Omochenu oria bwe ritang’ani akang’iraneria, “Nase engaki ye chimogoroba ne chimambia chilifu ibere, na amagana atato (2,300); nyuma y’ayio Obomenyo Obochenu mbochenwe.”
Omomalaika Gabirieli okoorokia engencho y’okorora koria
15Ekero inche Danieli naroche okorora koria na nkarigia imanye engencho yaye, nkarora oyomo ogwekaine mwanyabanto oteneine ase obosio bwane. 16Nkaigwa eriogi ri’omonto rikorangeria korwa gati‐gati y’orooche rwa Ulai, rigoteba, “Aye Gabirieli, momanyie omonto oyio engencho y’okorora okwo!” 17Ase ayio agacha ang’e ase nateneine; ekero aigete asende nkaondoka, nkagwa inse maumama.
Korende omonto oria agantebia, “Aye mwanyabanto, manya ng’a okorora koria nigo gokworokia chingaki chi’omoerio.” 18Ekero agendererete gokwana nainche, chitoro chinene chikambwata gontung’aime inse ng’umaime, korende agankuna, agantenenia, na inche ngatenena boronge. 19Nyuma y’ayio agantebia, “Rora, ningotebie aya agochia koba ase omoerio bw’endamwamu y’Omonene, ekiagera okorora okwo nigo gokworokia igoro y’engaki y’omoerio.
20“Emingichi eria kwaroche yabwate chingunchara ibere, abwo nabaruoti b’Abamedi na Abaayemi, 21na egoree eria yabwate amanya, oyio nomoruoti bw’Abagiriki, na orogunchara roria oronene rwarenge gati‐gati y’amaiso aye, oyio nomoruoti obo bwe ritang’ani. 22Orogunchara roria rwabunegete na aase aye chingunchara inye chikamera aroro, engencho yaye nere eye: Amaruoti ane naoroke korwa ase egesaku ekio, korende takoba nokobua buna koria kwa roria rwe ritang’ani.
23“Ase engaki y’omoerio bw’amagambi ayio, ekero abasaria barabe baikeire ekerengo kiabo ki’omoerio, omoruoti omotindi mono oichire nobong’ainereria naoroke. 24Ere nabe nokobua okonene mono, korende tari ase chinguru chiaye ere omonyene. Narente ogosiria okonene gw’okoondokia, nabue ase kende gionsi arakore. Nasirie abanto bare nokobua amo nabanto abachenu. 25Ase obong’aini bwaye bw’obong’ainereria nagenderere konyora okobua ase kende gionsi arakore, na ase ebirengererio biaye ere omonyene nekinie na koenena. Naite abanto abange mobosokano batakureiri. Naimokerere igoro koamererania n’Omogambi bw’abagambi. Erio nasenyentwe, korende tari nokoboko kwa mwanyabanto. 26Okorora okwo igoro ye chimogoroba ne chimambia gwakwanetwe nogw’ekeene. Kogache okobise, ekiagera nigo koraire amatuko amange komanye goikeranigwa.”
27Inche Danieli nkaborwa chinguru, nkaba omorwaire ase amatuko amake. Nyuma y’ayio nkaimoka gochia gokora emeremo ase omoruoti, korende ngaichanigwa ase engencho y’okorora okwo, na onde tarenge omanyete engencho yaye.
Currently Selected:
DANIELI 8: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
DANIELI 8
8
Okorora kwa Danieli igoro y’emingichi na egoree
1Ase omwaka o gatato bw’okogamba kwa Belisasari omoruoti, inche Danieli nkarora okorora konde nyuma ya koria kwe ritang’ani. 2Ase okorora kwane nkarora ng’a nigo narenge ase eburi y’omochie o Susa, agwo ase orogongo rwa Elamu. Ekero narengeo ase okorora kwane, nkarora inde ang’e norooche rwa Ulai. 3Nkarigereria nkarora emingichi yabwate chingunchara ibere eteneine ase engegu y’orooche. Chingunchara chionsi ibere nigo chiarenge chintambe, korende oromo nigo rwarenge orotambe kobua oronde, na orwo orotambe nigo rwamerete korwa nyuma y’orwo ronde. 4Nkarora emingichi eria egotwoma gochia ensemo ya bosongo, na eya sugusu, na eya irianyi; eng’itiende tiyarenge konyara gotenena ase obosio bwaye, gose onde tarenge konyara gotooria korwa ase okobua kwaye. Nigo yarenge gokora buna yanchete, naende ekaba egokora amang’ana amanene.
5Ekero narenge ndengereretie amang’ana ayio, nkarora egoree egocha korwa bosongo, egaeta ase ense engima etari gotacha inse. Nigo yabwate orogunchara rw’ogokumia gati‐gati y’amaiso aye. 6Egachiera emingichi eria yabwate chingunchara ibere, eria naroche eteneine ase engegu y’orooche, ekarindokera emingichi eria ere nekeririanda ekenene. 7Nkarora egosuka gochia ang’e ase emingichi eria; egatwoma emingichi eria, ere nekeririanda ekenene ekayeiyeria inse, ekabuna chingunchara chiaye ibere. Emingichi eria tiyarenge ne chinguru chi’okorwana negoree eria, korende ekaiyerigwa inse na gotiringwa negoree eria. Onde tarenge konyara gotooria emingichi eria korwa ase okobua kw’egoree eria.
8Erio egoree eria egakora amang’ana amanene mono. Ekero yabete ne chinguru chinyinge, orogunchara rwaye oronene rokabuneka, na ase ribaga riaye chingunchara inye chi’ogokumia chikamerao chiarochie gochia ase chinsemo inye chia igoro. 9Korwa ase oromo rw’echio orogunchara ronde rokamera korwao; orwo rogakina mono gochia irianyi, na gochia moocha, na gochia ase ense eria engiya mono. 10Orogunchara orwo rogakina mono, rogaika ase emeganda ya igoro, rokaiyeria emeganda ende ne ching’enang’eni gocha inse aa, rogachitiringerao. 11Ee, orogunchara roria rogekinia na gwetogia igoro y’Omogambi bw’emeganda eria, rokarusia korwa ase Omogambi oria ekeng’wanso ki’ogosambwa gia kera rituko, rogatagora Obomenyo bwaye Obochenu. 12Omoganda oria amo nekeng’wanso ki’ogosambwa gia kera rituko bikaruegwa na kobekwa ase okobua kw’orogunchara roria ase engencho y’ogosaria. Ekeene kegatugutwa inse, na orogunchara roria rokagenderera koba nokobua.
13Erio nkaigwa omochenu oyomo ogokwana, na omochenu onde akaboria oria orenge gokwana, “Nengaki eng’ana naki okorora okwo igoro y’ekeng’wanso ki’ogosambwa gwa kera rituko gokworokia? Nengaki eng’ana naki ogosaria kw’ogosiria korabe, na okoruegwa kw’Obomenyo Obochenu na okw’omoganda oria biratiringerwe inse korabe?”
14Omochenu oria bwe ritang’ani akang’iraneria, “Nase engaki ye chimogoroba ne chimambia chilifu ibere, na amagana atato (2,300); nyuma y’ayio Obomenyo Obochenu mbochenwe.”
Omomalaika Gabirieli okoorokia engencho y’okorora koria
15Ekero inche Danieli naroche okorora koria na nkarigia imanye engencho yaye, nkarora oyomo ogwekaine mwanyabanto oteneine ase obosio bwane. 16Nkaigwa eriogi ri’omonto rikorangeria korwa gati‐gati y’orooche rwa Ulai, rigoteba, “Aye Gabirieli, momanyie omonto oyio engencho y’okorora okwo!” 17Ase ayio agacha ang’e ase nateneine; ekero aigete asende nkaondoka, nkagwa inse maumama.
Korende omonto oria agantebia, “Aye mwanyabanto, manya ng’a okorora koria nigo gokworokia chingaki chi’omoerio.” 18Ekero agendererete gokwana nainche, chitoro chinene chikambwata gontung’aime inse ng’umaime, korende agankuna, agantenenia, na inche ngatenena boronge. 19Nyuma y’ayio agantebia, “Rora, ningotebie aya agochia koba ase omoerio bw’endamwamu y’Omonene, ekiagera okorora okwo nigo gokworokia igoro y’engaki y’omoerio.
20“Emingichi eria kwaroche yabwate chingunchara ibere, abwo nabaruoti b’Abamedi na Abaayemi, 21na egoree eria yabwate amanya, oyio nomoruoti bw’Abagiriki, na orogunchara roria oronene rwarenge gati‐gati y’amaiso aye, oyio nomoruoti obo bwe ritang’ani. 22Orogunchara roria rwabunegete na aase aye chingunchara inye chikamera aroro, engencho yaye nere eye: Amaruoti ane naoroke korwa ase egesaku ekio, korende takoba nokobua buna koria kwa roria rwe ritang’ani.
23“Ase engaki y’omoerio bw’amagambi ayio, ekero abasaria barabe baikeire ekerengo kiabo ki’omoerio, omoruoti omotindi mono oichire nobong’ainereria naoroke. 24Ere nabe nokobua okonene mono, korende tari ase chinguru chiaye ere omonyene. Narente ogosiria okonene gw’okoondokia, nabue ase kende gionsi arakore. Nasirie abanto bare nokobua amo nabanto abachenu. 25Ase obong’aini bwaye bw’obong’ainereria nagenderere konyora okobua ase kende gionsi arakore, na ase ebirengererio biaye ere omonyene nekinie na koenena. Naite abanto abange mobosokano batakureiri. Naimokerere igoro koamererania n’Omogambi bw’abagambi. Erio nasenyentwe, korende tari nokoboko kwa mwanyabanto. 26Okorora okwo igoro ye chimogoroba ne chimambia gwakwanetwe nogw’ekeene. Kogache okobise, ekiagera nigo koraire amatuko amange komanye goikeranigwa.”
27Inche Danieli nkaborwa chinguru, nkaba omorwaire ase amatuko amake. Nyuma y’ayio nkaimoka gochia gokora emeremo ase omoruoti, korende ngaichanigwa ase engencho y’okorora okwo, na onde tarenge omanyete engencho yaye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020