DANIELI 6
6
Danieli okobekwa ase engoro ye chindo
1Dario akarora ng’a mbuya abeke abagambi abanene b’oboruoti rigana erimo, na emerongo ebere, babe bakogamba ase oboruoti bwaye bwonsi. 2Naende akabeka abanene batato igoro ase abwo; Danieli nigo arenge oyomo obo. Abagambi baria abanene nigo barenge koba bakorua omobaro ase abwo batato, erinde omoruoti tabaisa gosirerwa nenibo. 3Danieli akamanyekana kobua abanene baria bande, na kobua abagambi baria abanene, ekiagera abwate omoika omuya mono ime yaye; na omoruoti akarengereria komobeka igoro y’oboruoti bwonsi. 4Erio abanene baria na abagambi baria abanene bakarigia banyore okomocha ase okogamba kwa Danieli, erinde bagende komosoera, korende tibanyorete kende gionsi ekebe, gose okomocha asare, ekiagera ere nigo arenge omwegenwa; okomocha gose gento kende ekebe tibianyorekanete asare. 5Erio abanto abwo bagatebania, “Titokonyara konyora okomocha konde gwonsi ase Danieli okwo torabwatererie tomosoere, otatiga torarigie okomocha kobwatekana buna amoirogete Nyasae oye.”
6Abanene baria bande, na abagambi baria abanene bakabwatana amo, bakagenda ase omoruoti, bakamotebia, “Aye omoruoti Dario, ochie kare! 7Abanene bonsi b’oboruoti, na abagambi bonsi be chingongo, na abagambi baria abanene, na abasemia, na abagavuna, bancheranire ng’a aye omoruoti obeke richiko na okaane bokong’u ng’a monto onde bwensi tabaisa gosaba enyasae ende yonsi, gose omonto onde, otatiga aye bweka aye omoruoti, ase engaki y’amatuko emerongo etato. Aise gokora ayio, rirorio arutwe ase engoro ye chindo. 8Bono aye omoruoti, beka richiko erio na orikong’ie, naende oribeke ekemanyererio kiao, erinde tiribaisa koonchorwa, koreng’ana buna amachio ’Abamedi na Abaayemi atari koonchorwa.” 9Ase ayio Dario omoruoti akabeka ekemanyererio kiaye ase amariko e richiko riria. 10Ekero Danieli amanyete ng’a amariko e richiko riria abekirwe ekemanyererio, akagenda nyomba mwaye, akariina gochia ase akanyomba ka irongo ase chitirisa chiaigoire kororia Yerusalemu, akaba ogotung’ama ara gatato ase kera rituko, akaba ogosaba na goakera Nyasae oye ng’a mbuya mono, buna anarete botambe.
11Bono abanto baria bagatubokera Danieli amo, bakamonyora ogosaba okorangeria Nyasae oye amokonye. 12Abanto baria bakagenda ase omoruoti, bakamoboria igoro ye richiko riria: “Aye omoruoti, Inee! Tikwabeka ekemanyererio kiao ase richiko riria, ogateba ng’a ase engaki y’amatuko emerongo etato monto onde bwensi orasasime enyasae ende eng’ao, gose omonto onde, otatiga aye bweka aye omoruoti, oyio arutwe ase engoro ye chindo?”
Omoruoti akairaneria, “Ee, richiko erio nigo riteneine bokong’u ritaonchorwe, koreng’ana buna amachiko ’Abamedi na Abaayemi atari koonchorwa.”
13Erio bakairaneria, bakamotebia, “Aye omoruoti, Danieli, oria oyomo bw’Abayuda baria boosetwe, ere tari gokoigwera, gose koigwera richiko riria kwabegete ekemanyererio kiao, korende nigo agokora ogosaba kwaye botambe ara gatato kera rituko.”
14Ekero omoruoti aigwete amang’ana aria, agachandeka mono, akarigia enchera y’ogotooria Danieli. Goika ekero erioba korikogwa akaba ogendererete korigia enchera y’okomotooria. 15Naende abanto baria bagatubokera omoruoti bare amo, bakamotebia, “Aye omoruoti, manya ng’a amachiko ’Abamedi na Abaayemi naya, ng’a ogochika konde gwonsi omoruoti abekire na kogokong’ia tigokoonchorwa nonya ng’ake.”
16Erio omoruoti akarua ogochika ng’a Danieli arentwe. Danieli akarentwa, akarutwa ase engoro ye chindo. Omoruoti agatebia Danieli, “Nyasae oo, oria ogokorera botambe nagotoorie.” 17Rigena rikarentwa rigakuneka ase omonwa bw’engoro eria, erio omoruoti akabeka ekemanyererio kiaye omonyene amo nebi’abanene b’oboruoti bwaye, erinde amang’ana ande onsi Danieli akoreretwe taonchorwa. 18Erio omoruoti akairana, akagenda nyomba mwaye, akeng’ata ase obotuko boria bwonsi. Tancha chigosori na kogokerwa konde gwonsi bikorwe, ne chitoro chikamobora.
19Mambia kobogokiamoka omoruoti akaimoka akaayerera gochia ase engoro eria ye chindo. 20Ekero aigete ang’e nengoro eria ase Danieli arutetwe, akarangeria neriogi ri’omoichano, akaboria Danieli, “Aye Danieli, omosomba o Nyasae ore moyo, Inee, Nyasae oo, oria ogokorera botambe, ogotooririe korwa ase chindo?”
21Erio Danieli akairaneria omoruoti, “Aye omoruoti, ochie kare! 22Nyasae one natomete omomalaika oye, agasieka emenwa ye chindo, na chirochio tichiankorerete bobe bonde, ekiagera nigo nanyorekanete ng’a tindi na komocha ase obosio bwaye; naboigo nase obosio bwao, aye omoruoti, tinkoreti komocha konde.”
23Omoruoti akaba nomogoko omonene mono, agachika ng’a Danieli arusigwe ase engoro eria. Ase ayio Danieli akarusigwa aroro na tanyorekanete oarire aande onsi ase omobere oye, ekiagera nigo amosemeretie Nyasae oye. 24Erio omoruoti agachika ng’a abanto baria basoerete Danieli barentwe. Erio bakarutwa ase engoro eria ye chindo, barabwo amo nabana babo, na abakungu babo, na ekero bataragwa gochia inse y’engoro eria, chindo chiria chikabaumokera, chikabuna‐buna amauga onsi ay’emebere yabo.
25Nyuma y’ayio Dario omoruoti akarika amang’ana, akayatoma ase abanto bonsi, na ebisaku, na abanto b’emenwa ao ao, bamenyete ase ense yonsi, akabatebia:
“Omorembe omentekane asemore: 26Bono narure ogochika ng’a abanto bonsi bare ase oboruoti bwane baiguswe na koiroka ase obosio bwa Nyasae o Danieli.”
“Ere nere Nyasae ore moyo,
nigo areo goika kare na kare;
oboruoti bwaye tibogosirigwa nonya ng’ake,
na okogamba kwaye nkogenderere gotari nomoerio.
27Ere nigo agokonya na gotooria,
nigo agokora ebikone na amakumia igoro na ase ense;
ere otooririe Danieli korwa ase chinguru chie chindo.”
28Bono Danieli oyio agasesenigwa akanyora okobua ase engaki y’okogamba kwa Dario na ey’ogwa Koresi Omoayemi.
Currently Selected:
DANIELI 6: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
DANIELI 6
6
Danieli okobekwa ase engoro ye chindo
1Dario akarora ng’a mbuya abeke abagambi abanene b’oboruoti rigana erimo, na emerongo ebere, babe bakogamba ase oboruoti bwaye bwonsi. 2Naende akabeka abanene batato igoro ase abwo; Danieli nigo arenge oyomo obo. Abagambi baria abanene nigo barenge koba bakorua omobaro ase abwo batato, erinde omoruoti tabaisa gosirerwa nenibo. 3Danieli akamanyekana kobua abanene baria bande, na kobua abagambi baria abanene, ekiagera abwate omoika omuya mono ime yaye; na omoruoti akarengereria komobeka igoro y’oboruoti bwonsi. 4Erio abanene baria na abagambi baria abanene bakarigia banyore okomocha ase okogamba kwa Danieli, erinde bagende komosoera, korende tibanyorete kende gionsi ekebe, gose okomocha asare, ekiagera ere nigo arenge omwegenwa; okomocha gose gento kende ekebe tibianyorekanete asare. 5Erio abanto abwo bagatebania, “Titokonyara konyora okomocha konde gwonsi ase Danieli okwo torabwatererie tomosoere, otatiga torarigie okomocha kobwatekana buna amoirogete Nyasae oye.”
6Abanene baria bande, na abagambi baria abanene bakabwatana amo, bakagenda ase omoruoti, bakamotebia, “Aye omoruoti Dario, ochie kare! 7Abanene bonsi b’oboruoti, na abagambi bonsi be chingongo, na abagambi baria abanene, na abasemia, na abagavuna, bancheranire ng’a aye omoruoti obeke richiko na okaane bokong’u ng’a monto onde bwensi tabaisa gosaba enyasae ende yonsi, gose omonto onde, otatiga aye bweka aye omoruoti, ase engaki y’amatuko emerongo etato. Aise gokora ayio, rirorio arutwe ase engoro ye chindo. 8Bono aye omoruoti, beka richiko erio na orikong’ie, naende oribeke ekemanyererio kiao, erinde tiribaisa koonchorwa, koreng’ana buna amachio ’Abamedi na Abaayemi atari koonchorwa.” 9Ase ayio Dario omoruoti akabeka ekemanyererio kiaye ase amariko e richiko riria. 10Ekero Danieli amanyete ng’a amariko e richiko riria abekirwe ekemanyererio, akagenda nyomba mwaye, akariina gochia ase akanyomba ka irongo ase chitirisa chiaigoire kororia Yerusalemu, akaba ogotung’ama ara gatato ase kera rituko, akaba ogosaba na goakera Nyasae oye ng’a mbuya mono, buna anarete botambe.
11Bono abanto baria bagatubokera Danieli amo, bakamonyora ogosaba okorangeria Nyasae oye amokonye. 12Abanto baria bakagenda ase omoruoti, bakamoboria igoro ye richiko riria: “Aye omoruoti, Inee! Tikwabeka ekemanyererio kiao ase richiko riria, ogateba ng’a ase engaki y’amatuko emerongo etato monto onde bwensi orasasime enyasae ende eng’ao, gose omonto onde, otatiga aye bweka aye omoruoti, oyio arutwe ase engoro ye chindo?”
Omoruoti akairaneria, “Ee, richiko erio nigo riteneine bokong’u ritaonchorwe, koreng’ana buna amachiko ’Abamedi na Abaayemi atari koonchorwa.”
13Erio bakairaneria, bakamotebia, “Aye omoruoti, Danieli, oria oyomo bw’Abayuda baria boosetwe, ere tari gokoigwera, gose koigwera richiko riria kwabegete ekemanyererio kiao, korende nigo agokora ogosaba kwaye botambe ara gatato kera rituko.”
14Ekero omoruoti aigwete amang’ana aria, agachandeka mono, akarigia enchera y’ogotooria Danieli. Goika ekero erioba korikogwa akaba ogendererete korigia enchera y’okomotooria. 15Naende abanto baria bagatubokera omoruoti bare amo, bakamotebia, “Aye omoruoti, manya ng’a amachiko ’Abamedi na Abaayemi naya, ng’a ogochika konde gwonsi omoruoti abekire na kogokong’ia tigokoonchorwa nonya ng’ake.”
16Erio omoruoti akarua ogochika ng’a Danieli arentwe. Danieli akarentwa, akarutwa ase engoro ye chindo. Omoruoti agatebia Danieli, “Nyasae oo, oria ogokorera botambe nagotoorie.” 17Rigena rikarentwa rigakuneka ase omonwa bw’engoro eria, erio omoruoti akabeka ekemanyererio kiaye omonyene amo nebi’abanene b’oboruoti bwaye, erinde amang’ana ande onsi Danieli akoreretwe taonchorwa. 18Erio omoruoti akairana, akagenda nyomba mwaye, akeng’ata ase obotuko boria bwonsi. Tancha chigosori na kogokerwa konde gwonsi bikorwe, ne chitoro chikamobora.
19Mambia kobogokiamoka omoruoti akaimoka akaayerera gochia ase engoro eria ye chindo. 20Ekero aigete ang’e nengoro eria ase Danieli arutetwe, akarangeria neriogi ri’omoichano, akaboria Danieli, “Aye Danieli, omosomba o Nyasae ore moyo, Inee, Nyasae oo, oria ogokorera botambe, ogotooririe korwa ase chindo?”
21Erio Danieli akairaneria omoruoti, “Aye omoruoti, ochie kare! 22Nyasae one natomete omomalaika oye, agasieka emenwa ye chindo, na chirochio tichiankorerete bobe bonde, ekiagera nigo nanyorekanete ng’a tindi na komocha ase obosio bwaye; naboigo nase obosio bwao, aye omoruoti, tinkoreti komocha konde.”
23Omoruoti akaba nomogoko omonene mono, agachika ng’a Danieli arusigwe ase engoro eria. Ase ayio Danieli akarusigwa aroro na tanyorekanete oarire aande onsi ase omobere oye, ekiagera nigo amosemeretie Nyasae oye. 24Erio omoruoti agachika ng’a abanto baria basoerete Danieli barentwe. Erio bakarutwa ase engoro eria ye chindo, barabwo amo nabana babo, na abakungu babo, na ekero bataragwa gochia inse y’engoro eria, chindo chiria chikabaumokera, chikabuna‐buna amauga onsi ay’emebere yabo.
25Nyuma y’ayio Dario omoruoti akarika amang’ana, akayatoma ase abanto bonsi, na ebisaku, na abanto b’emenwa ao ao, bamenyete ase ense yonsi, akabatebia:
“Omorembe omentekane asemore: 26Bono narure ogochika ng’a abanto bonsi bare ase oboruoti bwane baiguswe na koiroka ase obosio bwa Nyasae o Danieli.”
“Ere nere Nyasae ore moyo,
nigo areo goika kare na kare;
oboruoti bwaye tibogosirigwa nonya ng’ake,
na okogamba kwaye nkogenderere gotari nomoerio.
27Ere nigo agokonya na gotooria,
nigo agokora ebikone na amakumia igoro na ase ense;
ere otooririe Danieli korwa ase chinguru chie chindo.”
28Bono Danieli oyio agasesenigwa akanyora okobua ase engaki y’okogamba kwa Dario na ey’ogwa Koresi Omoayemi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020