2 TIMETHEO 1

Ogokwania

1Inche Paulo, omotomwa o Kristo Yeso ase ogwancha kwa Nyasae, ase engencho y’eira y’obogima bore ase Kristo Yeso, 2ngokorikera nde aye Timotheo, omwana one omwanchwa:

Obuya na amabera, na omorembe, bikorwa ase Nyasae Tata, na ase Kristo Yeso, Omonene oito.

Obwegenwa ase enchili

3Igo nkomoakera Nyasae ng’a mbuya mono, oyo ngokorera nenkoro etari kongambia, buna chisokoro chiane chiare gokora, nigo ngokoinyora botambe ase ogosaba kwane obotuko na omobaso. 4Ekero nkoinyora amariga ao nigo nkoba namaiga gokorora, erinde ing’ichorwe nomogoko. 5Ning’inyorete okwegena ore nakorokwo, ogotari nobong’ainereria, okwo kwarenge ritang’ani ase nyagokoro Lois na ase nyoko Yunuke, na inche ninde nobomaene ng’a naye nokobwate boigo. 6Ase engencho eyio ngokoinyoria, oigererie ekeegwa ekiarure ase Nyasae, ekere ime yao, ekio kwaetwe ekero nakobekerete amaboko aane, 7ekiagera Nyasae tatoeti omoika bw’obwoba, korende oyo bwe chinguru na obwanchani, na oyo bw’okwerenga intwe abanyene.

8Gaki, torora obosooku kobera Omonene oito kirori, gose tondorera inche, omosibwa oye, obosooku, korende nonya naye oremererie emechando ase engencho y’enchili, ase okobua kwa Nyasae, 9oyototooretie na agatorangeria ase okorangeria ogochenu, tari ase engencho y’ogokora gwaito korende koreng’ana nokorigia kwaye omonyene, na obuya bwaye. Obuya obo twaetwe ase Kristo Yeso korwa agwo kare 10bwaorokigwe bono ase okoorokigwa kw’Omotooria oito Kristo Yeso. Ere agasiria chinguru chi’amakweri, na akarenta obogima na ogotasareka goetera ase enchili. 11Naki ase enchili eye nkaragwa koba omoraria, na omotomwa, na omworokia. 12Ase engencho eyio nanyorire emechando eye. Korende tinkorora obosooku, naki nimomanyete ere oyonyegenete, naende ninde nobomaene ng’a goika Rituko riria ere nanyare korenda keria angacherete. 13Bwatia amang’ana ayare ay’obogima, ayakwaigwete korwa asende, abe ekiorokererio ogotunyana ase okwegena na obwanchani bire ase Kristo Yeso. 14Renda keria ekiya kwaetwe, okegache, okerende ase chinguru chi’Omoika Omochenu, oyomenyete ime yaito.

15Kwamanyire ng’a bonsi abare Asia bantigire, na ase abwo mbareo Figelo na Hermogene. 16Omonene abarorere amabera abwo bare ab’enyomba y’Onesiforo, ekiagera ekero ase ekero nigo are gontimokia, gose tare korora obosooku ase engencho y’ebinyuri biane. 17Korende ekero aigete Rumi akandigia nomokia, akaanyora. 18Omonene namwanchere anyore amabera korwa ase Omonene Rituko riria. Aye kwamanyire buya buna are gokora emeremo emenge aaria Efeso.

Currently Selected:

2 TIMETHEO 1: EKEGUSIIBBLE

Highlight

Copy

Compare