1 TIMETHEO 2
2
Okworokereria igoro y’ogosaba
1Gaki, ritang’ani ase amang’ana onsi nabasoroire ng’a okoboria, na ogosaba, na okogaramera amo nokoiraneria Nyasae ng’a mbuya mono, bikoreke ase engencho y’abanto bonsi, 2ase engencho y’abaruoti, na bonsi abaeire okobua, erinde tonyare koba nobogima bw’oboitongo na obw’omorembe, na ase amang’ana onsi koba ne chingencho chi’obonyasae, na echi’ogosikana. 3Eri nerigiya, naende ndiancheire ase obosio bwa Nyasae, Omotooria oito, 4oyorigetie abanto bonsi batoorigwe, banyare komanya onsi ayare ay’ekeene. 5Naki Nyasae noyomo, na omobwatania egati ya Nyasae na mwanyabanto noyomo, omonto oria Kristo Yeso 6ere oyobweruete omonyene koba embooria ase engencho ya bonsi. Igoro y’ayio oborori borentwe ekero engaki yaye eraike. 7Ase engencho y’ayio nkaragwa imbe omoraria, na omotomwa, erinde inyorokie abanto b’Ebisaku amang’ana ’okwegena na ekeene; nigo ngokwana ekeene, tindi gokwana oborimo.
8Nigo nganetie abasacha basabe kera aase, bakoimokia amaboko amachenu, batari nendamwamu, gose na tang’u‐tang’u. 9Naboigo nabakungu beboyie chianga chi’ogosika, babe aberiti abaya na abegiti, tari abakomina chitukia, gose kobeka etahabu ne chiruru, gose chianga chie rigori rinene, 10korende bakore ogokora okuya, buna egwenerete abakungu abakoorokia ng’a mbare ne chingeneho chi’obonyasae. 11Tiga omokungu eorokererie ase ogokira, na ase ogosika gwonsi. 12Ting’eti omokungu ribaga ri’okworokereria, gose kogambera omosacha, korende nemogwenerete akire, 13ekiagera Adamu nere otongetwe ritang’ani, na nyuma yaye Hawa. 14Na Adamu tang’ainetwe, korende nomokungu ong’ainetwe, na igo akaba omomochi. 15Korende omokungu natoorigwe goetera ase okoibora abana—onye okogenderera ase okwegena, na obwanchani, na obochenu amo nobweriti.
Currently Selected:
1 TIMETHEO 2: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
