Popular Bible Verses from 1 TIMETHEO 2

Share

Naki Nyasae noyomo, na omobwatania egati ya Nyasae na mwanyabanto noyomo, omonto oria Kristo Yeso ere oyobweruete omonyene koba embooria ase engencho ya bonsi. Igoro y’ayio oborori borentwe ekero engaki yaye eraike.

Gaki, ritang’ani ase amang’ana onsi nabasoroire ng’a okoboria, na ogosaba, na okogaramera amo nokoiraneria Nyasae ng’a mbuya mono, bikoreke ase engencho y’abanto bonsi, ase engencho y’abaruoti, na bonsi abaeire okobua, erinde tonyare koba nobogima bw’oboitongo na obw’omorembe, na ase amang’ana onsi koba ne chingencho chi’obonyasae, na echi’ogosikana.

Nigo nganetie abasacha basabe kera aase, bakoimokia amaboko amachenu, batari nendamwamu, gose na tang’u‐tang’u. Naboigo nabakungu beboyie chianga chi’ogosika, babe aberiti abaya na abegiti, tari abakomina chitukia, gose kobeka etahabu ne chiruru, gose chianga chie rigori rinene, korende bakore ogokora okuya, buna egwenerete abakungu abakoorokia ng’a mbare ne chingeneho chi’obonyasae.