1 ABAKORINTO 10
10
Ogokurerwa korwa ase omogano bw’Abaisraeli
1Baminto, tindigeti momoche komanya ng’a chisokoro chiaito chionsi nigo chiarenge inse ye riire. Barabwo bonsi bagaeta egati y’enyancha; 2bonsi bakabatiswa ase Musa ime ase riire na ime ase enyancha. 3Bonsi bakaria endagera eria eria y’omoika. 4Bonsi bakanywa ekenyugwa keria keria ki’omoika, ekiagera banywete korwa ase egetare ki’omoika kiabatunyanete; na egetare keria nakio Kristo. 5Korende abange babo Nyasae tagweneretwe nabarabwo, nakio kiagerete emebere yabo ekwete yasiareretwe ase erooro.
6Ebi igo biarenge ebiorokererio bi’ogotokurera, erinde intwe titoba abanto bakogania amabe, buna baria baganetie. 7Gose timoba abasasimi emegwekano buna abande babo barenge; buna erikire, “Abanto nigo baikaransete koria na konywa, bagatenena gotenga.” 8Gose titokora obotomani buna abande babo bakorete, na abanto chilifu emerongo ebere na isato bagakwa ase rituko erimo. 9Gose titoteema Omonene, buna abande babo bakorete, bagasirigwa ne ching’iti. 10Gose timwemurungania buna abande babo bemurunganetie bagasirigwa noria Omosiria. 11Aya agakoreka asebare buna ekiorokererio, akarikwa ase ogotokurera intwe abatogocherwa nomoerio bw’ense. 12Ase ayio oyogwekaga ng’a nateneine erende tagwa. 13Ogoteemwa tikwabanyorete inwe, otatiga okore kw’engencho ya mwanyabanto. Nyasae nomwegenwa, takobatiga moteemwe goetania buna chinguru chiaino ching’ana, korende amo nogoteemwa nakore egesieri mogosokera, erinde monyare gokoremereria.
Ogosasimwa kw’emegwekano nkogwenerete gotamwa
14Ase engencho eyio, abanchwa baane, tama, timobaisa gosasima emegwekano. 15Igo ngokwana asemore buna ase abanto bare nobong’aini; morenge aya ngokwana. 16Egekombe keria ki’ogosesenigwa togosesenia, Inee, tikeri okobwatana namanyinga a Kristo? Omogati oria togosamunyora, tori okobwatana nomobere o Kristo? 17Ekiagera omogati noyomo, intwe abatore abange nigo tore omobere oyomo; naki intwe twensi nigo tokonyora ensemo yaito y’omogati oria oyomo. 18Rigereria chingencho chi’Abaisraeli; abwo bakoria ebing’wanso ebio, Inee, tibari kobwatana negesasimero? 19Ninki ngokwana? Ng’a keria gekoruegwa ekeng’wanso ase omogwekano bw’ogosasimwa negento? Gose omogwekano oria negento? 20Taibo, korende ebinto biria abanto b’Ebisaku bakorua buna ebing’wanso nigo bakoruera ebirecha, gose tari Nyasae. Inche tinyancheti inwe mobwatane nebirecha. 21Timokonyara konywera egekombe ki’Omonene na egekombe ki’ebirecha. Timokonyara kobwatana nemesa y’Omonene na emesa y’ebirecha. 22Inee! Igo tokogera Omonene abe ne ribero? Gose ntore ne chinguru kobua ere?
23“Ninde nobosibore gokora kende gionsi”, korende tari bionsi birankonye. “Ninde nobosibore gokora kende gionsi”, korende tari bionsi bikoagacha. 24Omonto terigeria kwenyorera ebiya, korende arigerie omogisangio oye ebiya. 25Karie kera egento egekoonigwa ase echiiro, timona koboraboria. Timotiga chinkoro chiaino chichandeke. 26“Naki ense ney’Omonene, amo na bionsi ebireo.” 27Onye omonto otari nokwegena okobarangeria inwe ase endagera, na inwe morigetie kogendao; karie kera egento kerabekwe ase amasio aino, timona kobora‐boria. Timotiga chinkoro chiaino chichandeke. 28(Korende omonto karabatebie, “Egento ekio kiarurwe ekeng’wanso ase omogwekano bw’ogosasimwa”, timoria ase engencho yaye ere ayaborokia, na ase enkoro yaye, erinde techandeka. 29Natebire “enkoro techandeka”, tari eyao, korende eyaye oria onde.) Nase ki obosibore bwane bokogambigwa nenkoro y’omonto onde omoao? 30Kondarie ensemo yane ase ogoaka ng’a mbuya mono, nase ki nkoramwa ase egento nasabeire?
31Gaki komokoria, gose mokonywa gose mogokora ing’ana rinde rionsi, kora onsi ase obonene bwa Nyasae. 32Timogocha Abayahudi gose Abagiriki, gose ekanisa ya Nyasae. 33Mobe buna inche; nkogwenera abanto bonsi ase chinchera chionsi. Tinkorigia kwegwenera inche omonyene, korende ngwenere abwo bare abange, erinde banyare gotoorigwa.
Currently Selected:
1 ABAKORINTO 10: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
1 ABAKORINTO 10
10
Ogokurerwa korwa ase omogano bw’Abaisraeli
1Baminto, tindigeti momoche komanya ng’a chisokoro chiaito chionsi nigo chiarenge inse ye riire. Barabwo bonsi bagaeta egati y’enyancha; 2bonsi bakabatiswa ase Musa ime ase riire na ime ase enyancha. 3Bonsi bakaria endagera eria eria y’omoika. 4Bonsi bakanywa ekenyugwa keria keria ki’omoika, ekiagera banywete korwa ase egetare ki’omoika kiabatunyanete; na egetare keria nakio Kristo. 5Korende abange babo Nyasae tagweneretwe nabarabwo, nakio kiagerete emebere yabo ekwete yasiareretwe ase erooro.
6Ebi igo biarenge ebiorokererio bi’ogotokurera, erinde intwe titoba abanto bakogania amabe, buna baria baganetie. 7Gose timoba abasasimi emegwekano buna abande babo barenge; buna erikire, “Abanto nigo baikaransete koria na konywa, bagatenena gotenga.” 8Gose titokora obotomani buna abande babo bakorete, na abanto chilifu emerongo ebere na isato bagakwa ase rituko erimo. 9Gose titoteema Omonene, buna abande babo bakorete, bagasirigwa ne ching’iti. 10Gose timwemurungania buna abande babo bemurunganetie bagasirigwa noria Omosiria. 11Aya agakoreka asebare buna ekiorokererio, akarikwa ase ogotokurera intwe abatogocherwa nomoerio bw’ense. 12Ase ayio oyogwekaga ng’a nateneine erende tagwa. 13Ogoteemwa tikwabanyorete inwe, otatiga okore kw’engencho ya mwanyabanto. Nyasae nomwegenwa, takobatiga moteemwe goetania buna chinguru chiaino ching’ana, korende amo nogoteemwa nakore egesieri mogosokera, erinde monyare gokoremereria.
Ogosasimwa kw’emegwekano nkogwenerete gotamwa
14Ase engencho eyio, abanchwa baane, tama, timobaisa gosasima emegwekano. 15Igo ngokwana asemore buna ase abanto bare nobong’aini; morenge aya ngokwana. 16Egekombe keria ki’ogosesenigwa togosesenia, Inee, tikeri okobwatana namanyinga a Kristo? Omogati oria togosamunyora, tori okobwatana nomobere o Kristo? 17Ekiagera omogati noyomo, intwe abatore abange nigo tore omobere oyomo; naki intwe twensi nigo tokonyora ensemo yaito y’omogati oria oyomo. 18Rigereria chingencho chi’Abaisraeli; abwo bakoria ebing’wanso ebio, Inee, tibari kobwatana negesasimero? 19Ninki ngokwana? Ng’a keria gekoruegwa ekeng’wanso ase omogwekano bw’ogosasimwa negento? Gose omogwekano oria negento? 20Taibo, korende ebinto biria abanto b’Ebisaku bakorua buna ebing’wanso nigo bakoruera ebirecha, gose tari Nyasae. Inche tinyancheti inwe mobwatane nebirecha. 21Timokonyara konywera egekombe ki’Omonene na egekombe ki’ebirecha. Timokonyara kobwatana nemesa y’Omonene na emesa y’ebirecha. 22Inee! Igo tokogera Omonene abe ne ribero? Gose ntore ne chinguru kobua ere?
23“Ninde nobosibore gokora kende gionsi”, korende tari bionsi birankonye. “Ninde nobosibore gokora kende gionsi”, korende tari bionsi bikoagacha. 24Omonto terigeria kwenyorera ebiya, korende arigerie omogisangio oye ebiya. 25Karie kera egento egekoonigwa ase echiiro, timona koboraboria. Timotiga chinkoro chiaino chichandeke. 26“Naki ense ney’Omonene, amo na bionsi ebireo.” 27Onye omonto otari nokwegena okobarangeria inwe ase endagera, na inwe morigetie kogendao; karie kera egento kerabekwe ase amasio aino, timona kobora‐boria. Timotiga chinkoro chiaino chichandeke. 28(Korende omonto karabatebie, “Egento ekio kiarurwe ekeng’wanso ase omogwekano bw’ogosasimwa”, timoria ase engencho yaye ere ayaborokia, na ase enkoro yaye, erinde techandeka. 29Natebire “enkoro techandeka”, tari eyao, korende eyaye oria onde.) Nase ki obosibore bwane bokogambigwa nenkoro y’omonto onde omoao? 30Kondarie ensemo yane ase ogoaka ng’a mbuya mono, nase ki nkoramwa ase egento nasabeire?
31Gaki komokoria, gose mokonywa gose mogokora ing’ana rinde rionsi, kora onsi ase obonene bwa Nyasae. 32Timogocha Abayahudi gose Abagiriki, gose ekanisa ya Nyasae. 33Mobe buna inche; nkogwenera abanto bonsi ase chinchera chionsi. Tinkorigia kwegwenera inche omonyene, korende ngwenere abwo bare abange, erinde banyare gotoorigwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020