1 ABAKORINTO 11
11
1Mobe abegi baane, buna inche inde omwegi o Kristo.
Abakungu beboetie ase emesangererekano y’ekanisa
2Nabatogirie baminto, ekiagera mwang’inyoire ase amang’ana onsi, na inwe mwabwatire chingencho echi nabaete koreng’ana buna nabachiete. 3Korende nindigetie momanye ng’a Kristo nere omotwe o kera omosacha; na omosacha nere omotwe bw’omokungu; na Nyasae nere omotwe o Kristo. 4Kera omosacha kagosaba gose gakobana, na ere nare negento atubete omotwe oye, igo tasigeti omotwe oye. 5Korende kera omokungu kagosaba gose kobana na taboeti omotwe oye, igo tasigeti omotwe oye, nigo areng’aine nere oyokigitete etukia yaye. 6Naki onye omokungu tarigeti kweboa, tiga akigite etukia yaye; korende onye nobosooku ase omokungu konachwa etukia yaye gose gokigitwa tiga eboe. 7Naki tegwenereti omosacha gotuba omotwe oye, ekiagera nomogwekano bw’obonene bwa Nyasae; korende omokungu nobonene bw’omosacha. 8(Naki omosacha tarwete ase omokungu, korende nomokungu orwete ase omosacha. 9Gose omosacha tatongetwe ase engencho y’omokungu, korende nomokungu ase engencho y’omosacha.) 10Ase ayio negwenerete omokungu abe nekemanyererio gi’okobua ase omotwe oye ase engencho y’abamalaika. 11(Korende ase Omonene omokungu takoba omosacha ataiyo, gose omosacha takoba omokungu ataiyo. 12Naki buna omokungu arwete ase omosacha, naboigo na omosacha nere akoiborwa nomokungu, korende bionsi nigo bikorua ase Nyasae.) 13Egambie inwe abanyene. Inee! Mboronge omokungu asabe Nyasae atatubeti omotwe oye? 14Inee! Engencho ya mwanyabanto teri kworokereria ng’a onye omosacha okoba netukia entambe nigo ere obosooku asare, 15korende onye omokungu okoba netukia entambe nigo ere obonene bwaye? Ekiagera oeirwe etukia eria ase ogwetuba. 16Korende onye monto onde bwensi origetie korenta amang’ana ’okoamererania ase engencho eyio, intwe titori nengencho buna eyio, nonya ne chikanisa chia Nyasae.
Ogotasika endagera y’Omonene buna endagera enchenu
17Korende ase okobaa amachiko akobwatia ayio tinkobatogia, ekiagera timori gosangererekana ase amaya korende ase ogosaria. 18Naki ritang’ani naigure ng’a ekero mogosangerereka ase ekanisa ogwatananekana nkore asemore. Ayande aya naigure negenire ng’a namaene. 19Naki ogwatananekana nkogwenerete kobe ase egati yaino, erinde abwo abancheirwe bamanyekane maiso marore asemore. 20Ekero mogosangererekana amo, timori koria endagera y’Omonene; 21naki kera oyomo nigo agotang’ana kobogoria endagera yaye ase okoria, oyomo nare nenchara, na oyonde otindete. 22Inee! Timori ne chinyomba aase mokoragerera na konywera? Gose mwachayire ekanisa ya Nyasae na gosookia abwo batari na gento? Naki ndabatebie? Nimbatogie ase aya? Yaya, tinkobatogia.
Buna Omonene orokereretie endagera yaye egokorwa
(Mat 26:26–29; Mar 14:22–25; Luk 22:14–20)
23Naki inche nkanyora korwa ase Omonene ayanabaeire inwe, ng’a Omonene Yeso obotuko boria aruetwe akabogoria omogati, 24gakoorire koiraneria ng’a mbuya mono, akayosamunyora, akabora, “Oyo noro omobere one orurwe ase engencho yaino; kora iga ase okong’inyora inche.” 25Naboigo akabogoria egekombe nyuma y’okoria, akabora, “Egekombe eke nokobwatana okoyia ase amanyinga aane; kora iga kera ekero mogokenywera ase okong’inyora inche.” 26Naki kera ekero mokoria omogati oyo na konywera egekombe eke, nigo mokoraria amakweri ’Omonene goika achiche.
Okonyora endagera y’Omonene buna etagwenereti
27Gaki kera oyokoria omogati oyo gose konywera egekombe eke ki’Omonene buna etagwenereti nabe nokomocha igoro y’omobere bw’Omonene na amanyinga aye. 28Tiga omonto erenge omonyene, erio arie omogati na konywera egekombe. 29Naki oyokoria na konywa buna etagwenereti nigo akwegambia ere omonyene ase okoria na konywa, ase ogotaatanana ng’a oria nomobere bw’Omonene. 30Nakio gekogera abange asemore bare abareu na abarwaire, na abanto batai bake bakure. 31Korende gatoregambie buya intwe abanyene, anga titwagambigwa. 32Gatokogambigwa iga togosusurwa n’Omonene, titobaisa konacherwa ekina amo nense.
33Gaki baminto, komogosangererekana amo ase okoria, moganyane. 34Omonto kare nenchara, tiga arie mwaye, timobaisa gosangererekana amo ase okonyora okogambigwa. Na aya atigaire ninyaroisie ekero ndache.
Currently Selected:
1 ABAKORINTO 11: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
1 ABAKORINTO 11
11
1Mobe abegi baane, buna inche inde omwegi o Kristo.
Abakungu beboetie ase emesangererekano y’ekanisa
2Nabatogirie baminto, ekiagera mwang’inyoire ase amang’ana onsi, na inwe mwabwatire chingencho echi nabaete koreng’ana buna nabachiete. 3Korende nindigetie momanye ng’a Kristo nere omotwe o kera omosacha; na omosacha nere omotwe bw’omokungu; na Nyasae nere omotwe o Kristo. 4Kera omosacha kagosaba gose gakobana, na ere nare negento atubete omotwe oye, igo tasigeti omotwe oye. 5Korende kera omokungu kagosaba gose kobana na taboeti omotwe oye, igo tasigeti omotwe oye, nigo areng’aine nere oyokigitete etukia yaye. 6Naki onye omokungu tarigeti kweboa, tiga akigite etukia yaye; korende onye nobosooku ase omokungu konachwa etukia yaye gose gokigitwa tiga eboe. 7Naki tegwenereti omosacha gotuba omotwe oye, ekiagera nomogwekano bw’obonene bwa Nyasae; korende omokungu nobonene bw’omosacha. 8(Naki omosacha tarwete ase omokungu, korende nomokungu orwete ase omosacha. 9Gose omosacha tatongetwe ase engencho y’omokungu, korende nomokungu ase engencho y’omosacha.) 10Ase ayio negwenerete omokungu abe nekemanyererio gi’okobua ase omotwe oye ase engencho y’abamalaika. 11(Korende ase Omonene omokungu takoba omosacha ataiyo, gose omosacha takoba omokungu ataiyo. 12Naki buna omokungu arwete ase omosacha, naboigo na omosacha nere akoiborwa nomokungu, korende bionsi nigo bikorua ase Nyasae.) 13Egambie inwe abanyene. Inee! Mboronge omokungu asabe Nyasae atatubeti omotwe oye? 14Inee! Engencho ya mwanyabanto teri kworokereria ng’a onye omosacha okoba netukia entambe nigo ere obosooku asare, 15korende onye omokungu okoba netukia entambe nigo ere obonene bwaye? Ekiagera oeirwe etukia eria ase ogwetuba. 16Korende onye monto onde bwensi origetie korenta amang’ana ’okoamererania ase engencho eyio, intwe titori nengencho buna eyio, nonya ne chikanisa chia Nyasae.
Ogotasika endagera y’Omonene buna endagera enchenu
17Korende ase okobaa amachiko akobwatia ayio tinkobatogia, ekiagera timori gosangererekana ase amaya korende ase ogosaria. 18Naki ritang’ani naigure ng’a ekero mogosangerereka ase ekanisa ogwatananekana nkore asemore. Ayande aya naigure negenire ng’a namaene. 19Naki ogwatananekana nkogwenerete kobe ase egati yaino, erinde abwo abancheirwe bamanyekane maiso marore asemore. 20Ekero mogosangererekana amo, timori koria endagera y’Omonene; 21naki kera oyomo nigo agotang’ana kobogoria endagera yaye ase okoria, oyomo nare nenchara, na oyonde otindete. 22Inee! Timori ne chinyomba aase mokoragerera na konywera? Gose mwachayire ekanisa ya Nyasae na gosookia abwo batari na gento? Naki ndabatebie? Nimbatogie ase aya? Yaya, tinkobatogia.
Buna Omonene orokereretie endagera yaye egokorwa
(Mat 26:26–29; Mar 14:22–25; Luk 22:14–20)
23Naki inche nkanyora korwa ase Omonene ayanabaeire inwe, ng’a Omonene Yeso obotuko boria aruetwe akabogoria omogati, 24gakoorire koiraneria ng’a mbuya mono, akayosamunyora, akabora, “Oyo noro omobere one orurwe ase engencho yaino; kora iga ase okong’inyora inche.” 25Naboigo akabogoria egekombe nyuma y’okoria, akabora, “Egekombe eke nokobwatana okoyia ase amanyinga aane; kora iga kera ekero mogokenywera ase okong’inyora inche.” 26Naki kera ekero mokoria omogati oyo na konywera egekombe eke, nigo mokoraria amakweri ’Omonene goika achiche.
Okonyora endagera y’Omonene buna etagwenereti
27Gaki kera oyokoria omogati oyo gose konywera egekombe eke ki’Omonene buna etagwenereti nabe nokomocha igoro y’omobere bw’Omonene na amanyinga aye. 28Tiga omonto erenge omonyene, erio arie omogati na konywera egekombe. 29Naki oyokoria na konywa buna etagwenereti nigo akwegambia ere omonyene ase okoria na konywa, ase ogotaatanana ng’a oria nomobere bw’Omonene. 30Nakio gekogera abange asemore bare abareu na abarwaire, na abanto batai bake bakure. 31Korende gatoregambie buya intwe abanyene, anga titwagambigwa. 32Gatokogambigwa iga togosusurwa n’Omonene, titobaisa konacherwa ekina amo nense.
33Gaki baminto, komogosangererekana amo ase okoria, moganyane. 34Omonto kare nenchara, tiga arie mwaye, timobaisa gosangererekana amo ase okonyora okogambigwa. Na aya atigaire ninyaroisie ekero ndache.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020