1 ABAKORINTO 9
9
Omotomwa ore omogwekano omuya ase ogotarigia ebimotungetie
1Inee! Inche tindi omosibore? Inche tindi omotomwa? Tinaroche Yeso, Omonene oito? Inwe timori okwama kw’emeremo yane ase Omonene? 2Naki onye inche tindi omotomwa ase abande, korende nomotomwa inde asemore inwe. Inwe nigo more ekemanyererio ki’obotomwa bwane ase Omonene.
3Oko nakwo okoiraneria kwane ase baria bakomboria. 4Inee! Titori ne ribaga ri’okoria na konywa? 5Titori ne ribaga koira amo naintwe omokungu ore oyominto ase okwegena buna abatomwa bande, na abamwabo Omonene, na Kefa bakorete? 6Gose ninche bweka na Barnaba totari ne ribaga ri’ogotiga emeremo ya kera rituko? 7Morwani ki okogenda ase esegi kero kende gionsi na kweakanera ere omonyene? Moremi ki otakoria amasabibu ’omogondo oye bw’emesabibu? Gose ning’o okorisia riicho, otakonywa amabeere aye?
8Inee! Nigo ngokwana aya buna mwanyabanto? Gose amachiko tari goteba boigo? 9Naki ase amachiko a Musa nigo arikire, “Tobaisa kobekera entang’ana ekeokio ekero ekoora endagera.” Inee! Nyasae narengereretie amang’ana e chintang’ana? 10Inee! Tatebete ayio ase engencho yaito yoka? Ee, nigo arikire ase engencho yaito; ekiagera oyokorema nagwenerete korema ase ogosemeria, na ere oyokoora nigo akoora ase ogosemeria konyora ensemo yaye y’endagera. 11Onye intwe twabasimekeire ebinto bi’omoika, Inee, nering’ana rinene gatoragese ebinto biaino bi’ogokonya ase obogima bw’ense eye? 12Onye abande banyorire ensemo ebatungetie korwa asemore, Inee, intwe titokoyenyora kobua mono?
Korende titorakorera oboronge obo; korende nigo tokoremereria amang’ana onsi, titobaisa gotanga enchili ya Kristo. 13Timomanyeti ng’a baria bagokora emeremo ase Hekalu nigo bakoria endagera korwa ase Hekalu, na baria bagokorera ase egesasimero mbare nensemo yabo ase ebinto bikoruegwa ebing’wanso? 14Na Omonene naboigo ochikire ng’a baria bakorandia enchili banyore ebibagwenerete korwa ase enchili.
15Korende tindakorera amang’ana aya nonya ndimo. Gose tinyarigeti aya erinde abe boigo asende; naki mbuya ninkwa kobua omonto onde bwensi kong’ura ogwetogia kwane. 16Naki onye nkorandia enchili, tindi neri ingwetogeria, ekiagera okobetererigwa kwabekirwe asende. Obobe nobwane ntarandeti enchili! 17Naki onye ngokora emeremo eye ase ogwancha kwane, ninde neng’eria; korende onye tari ase ogwancha kwane, nonya nabo negenirwe noborendi. 18Gaki eng’eria yane ninki? Neye, ng’a ndandie enchili ya Kristo ntari konyora ebintungetie, na tinsaba ebiaboronge biane ase okorandia enchili.
Omokia o Paulo bw’okorenta abanto ase Kristo
19Naki nonya inde nobosibore korwa ase abanto bonsi, nekorire omosomba o bonsi, erinde ndete abanto abange kobua. 20Ase Abayahudi nkaba buna Omoyahudi, erinde mbarente Abayahudi; ase baria bare inse y’amachiko nkaba buna oyore inse y’amachiko (nonya inche omonyene tindi inse y’amachiko) erinde mbarente baria bare inse y’amachiko. 21Ase baria batari namachiko nkaba buna oyo otari namachiko (tari buna tindi namachiko ase obosio bwa Nyasae, korende nigo inde inse y’amachiko a Kristo) erinde mbarente baria batari namachiko. 22Ase abare abareu nkaba omoreu, erinde mbarente abareu. Igo nkaba chingencho chionsi ase abanto bonsi, erinde inyare kobatooria abanto ase chinchera chionsi. 23Na inche nigo ngokora aya onsi ase engencho y’enchili, erinde inyare koba oyomo obo bw’abakonyora ogosesenigwa kwaye.
Omokia ogwenerete ase obobui
24Timomanyeti ng’a abwo bakoamererania ase okominyoka chimbero, nigo bakominyoka bonsi, korende noyomo bweka okonyora eng’eria? Minyoka boigo, erinde moyenyore. 25Na kera oyokoamererania ase chigosori nigo agwetanga ase onsi. Na abwo nigo bagokora bo, erinde banyore egutwa egosareka, korende intwe tonyore eye etagosareka. 26Nonya ninche nkominyoka nde chimbero ntari gotiting’ara; naboigo inkorwanera chinkundi, tari buna oyokorwana nembeo. 27Korende nigo ngochanda omobere one na koyokoria buna omosomba, erinde konarandeirie abande, inche timba omonto ogocha kwangwa.
Currently Selected:
1 ABAKORINTO 9: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
1 ABAKORINTO 9
9
Omotomwa ore omogwekano omuya ase ogotarigia ebimotungetie
1Inee! Inche tindi omosibore? Inche tindi omotomwa? Tinaroche Yeso, Omonene oito? Inwe timori okwama kw’emeremo yane ase Omonene? 2Naki onye inche tindi omotomwa ase abande, korende nomotomwa inde asemore inwe. Inwe nigo more ekemanyererio ki’obotomwa bwane ase Omonene.
3Oko nakwo okoiraneria kwane ase baria bakomboria. 4Inee! Titori ne ribaga ri’okoria na konywa? 5Titori ne ribaga koira amo naintwe omokungu ore oyominto ase okwegena buna abatomwa bande, na abamwabo Omonene, na Kefa bakorete? 6Gose ninche bweka na Barnaba totari ne ribaga ri’ogotiga emeremo ya kera rituko? 7Morwani ki okogenda ase esegi kero kende gionsi na kweakanera ere omonyene? Moremi ki otakoria amasabibu ’omogondo oye bw’emesabibu? Gose ning’o okorisia riicho, otakonywa amabeere aye?
8Inee! Nigo ngokwana aya buna mwanyabanto? Gose amachiko tari goteba boigo? 9Naki ase amachiko a Musa nigo arikire, “Tobaisa kobekera entang’ana ekeokio ekero ekoora endagera.” Inee! Nyasae narengereretie amang’ana e chintang’ana? 10Inee! Tatebete ayio ase engencho yaito yoka? Ee, nigo arikire ase engencho yaito; ekiagera oyokorema nagwenerete korema ase ogosemeria, na ere oyokoora nigo akoora ase ogosemeria konyora ensemo yaye y’endagera. 11Onye intwe twabasimekeire ebinto bi’omoika, Inee, nering’ana rinene gatoragese ebinto biaino bi’ogokonya ase obogima bw’ense eye? 12Onye abande banyorire ensemo ebatungetie korwa asemore, Inee, intwe titokoyenyora kobua mono?
Korende titorakorera oboronge obo; korende nigo tokoremereria amang’ana onsi, titobaisa gotanga enchili ya Kristo. 13Timomanyeti ng’a baria bagokora emeremo ase Hekalu nigo bakoria endagera korwa ase Hekalu, na baria bagokorera ase egesasimero mbare nensemo yabo ase ebinto bikoruegwa ebing’wanso? 14Na Omonene naboigo ochikire ng’a baria bakorandia enchili banyore ebibagwenerete korwa ase enchili.
15Korende tindakorera amang’ana aya nonya ndimo. Gose tinyarigeti aya erinde abe boigo asende; naki mbuya ninkwa kobua omonto onde bwensi kong’ura ogwetogia kwane. 16Naki onye nkorandia enchili, tindi neri ingwetogeria, ekiagera okobetererigwa kwabekirwe asende. Obobe nobwane ntarandeti enchili! 17Naki onye ngokora emeremo eye ase ogwancha kwane, ninde neng’eria; korende onye tari ase ogwancha kwane, nonya nabo negenirwe noborendi. 18Gaki eng’eria yane ninki? Neye, ng’a ndandie enchili ya Kristo ntari konyora ebintungetie, na tinsaba ebiaboronge biane ase okorandia enchili.
Omokia o Paulo bw’okorenta abanto ase Kristo
19Naki nonya inde nobosibore korwa ase abanto bonsi, nekorire omosomba o bonsi, erinde ndete abanto abange kobua. 20Ase Abayahudi nkaba buna Omoyahudi, erinde mbarente Abayahudi; ase baria bare inse y’amachiko nkaba buna oyore inse y’amachiko (nonya inche omonyene tindi inse y’amachiko) erinde mbarente baria bare inse y’amachiko. 21Ase baria batari namachiko nkaba buna oyo otari namachiko (tari buna tindi namachiko ase obosio bwa Nyasae, korende nigo inde inse y’amachiko a Kristo) erinde mbarente baria batari namachiko. 22Ase abare abareu nkaba omoreu, erinde mbarente abareu. Igo nkaba chingencho chionsi ase abanto bonsi, erinde inyare kobatooria abanto ase chinchera chionsi. 23Na inche nigo ngokora aya onsi ase engencho y’enchili, erinde inyare koba oyomo obo bw’abakonyora ogosesenigwa kwaye.
Omokia ogwenerete ase obobui
24Timomanyeti ng’a abwo bakoamererania ase okominyoka chimbero, nigo bakominyoka bonsi, korende noyomo bweka okonyora eng’eria? Minyoka boigo, erinde moyenyore. 25Na kera oyokoamererania ase chigosori nigo agwetanga ase onsi. Na abwo nigo bagokora bo, erinde banyore egutwa egosareka, korende intwe tonyore eye etagosareka. 26Nonya ninche nkominyoka nde chimbero ntari gotiting’ara; naboigo inkorwanera chinkundi, tari buna oyokorwana nembeo. 27Korende nigo ngochanda omobere one na koyokoria buna omosomba, erinde konarandeirie abande, inche timba omonto ogocha kwangwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020