Mat 27
27
Jesû nîwavirirwe kûrî Pilato
(Mar 15.1; Luka 23.1-2; Joh 18.28-32)
1Kîraûko tene, anene a athînjîri-Ngai onthe na athuuri nîmaavangire ûrîa makûûragithia Jesû. 2Nao nîmaamwovire na mvîngû na makîmûvira kûrî Pilato, ûrîa warî mûnene wa thirikari ya Roma.
Gûkua kwa Judasi
(Ciîko 1.18-19)
3 #
Ciîko 1.18-19
Rîrîa Judasi ûrîa wacukanîrîre Jesû aamenyire atî Jesû nîwatuîrwa kûûragwa, nîweririre na agîcokia mbeca irîa mîrongo îthatû cia sîlûva kûrî anene a athînjîri-Ngai na athuuri, na akîmeera atîrî, 4“Nie nînjîvîtie nîûndû wa gûcukanîrîra mûndû ûtevîtie nîguo aûragwe.”
Nao nîmaamûcokerie atîrî, “Tue tûtiramaka nî ûguo, ûcio nî thîna waku.”
5Nake Judasi nîwaikanirie mbeca icio kûu hekarûrî, akiuma na akîthiî agîita.
6Nao anene a athînjîri-Ngai nîmoocire mbeca icio na makiuga atîrî, “Ino nî mbeca cia nthakame, na watho wetû ndwîtîkîrîtie kwiga mbeca ta ino mûthithûrî wa hekarû.” 7Kwoguo nîmaathiîre ndundu, na makîrîkanîra magûre kîthaka Kîam mûmbi wa nyûngû na mbeca icio gîtuîke gîa kûthikagwa ageni. 8Kwoguo nginya ûmûnthî kîthaka kîu gîtagwa, “Kîthaka Kîam nthakame”.
9 #
Zak 11.12-13
Kwoguo maûndû nîmaavingire marîa maarîtue nî mûrathi Jeremia atî: “Nîmoocire mbeca mîrongo îthatû cia sîlûva, thogora ûrîa andû a Isiraeli metîkîrîte kûrîva nî ûndû wake. 10Nîmaatûmîre mbeca icio kûgûra kîthaka Kîam mûmbi wa nyûngû kûringana na ûrîa Mwathani aambathîte.”
Jesû nîwacirithirue nî Pilato
(Mar 15.2-5; Luka 23.3-5; Joh 18.33-38)
11Jesû nîwarûngamire mbere ya mûnene wa thirikari ya Roma. Mûnene ûcio nîwamûririe atîrî, “We nîwe mûthamaki wa Ayahudi?”
Nake Jesû nîwamûcokerie atîrî, “We nîwe wauga guo.” 12Nwatî Jesû ndaacokia ûndû îgûrû rîa maûndû marîa aathitangirwe namo nî anene a athînjîri-Ngai na athuuri.
13Kwoguo Pilato nîwamûririe atîrî, “Anga ndûregua maûndû mau monthe marakûthitanga namo?”
14Nwatî Jesû nîwaregire gûcokia wanarî ûndû. Kwoguo Pilato nîwamakire mûno.
Jesû nîwatuîrîrwe kûûragwa
(Mar 15.6-15; Luka 23.13-25; Joh 18.39—19.16)
15Wa vîndî ya kîrugo Kîam pasaka, mûnene wa thirikari ya Roma nîwamenyerete kûrekagîrîria mûndû ûmwe wa arîa methagîrwa marî njeera, mûndû wa ûrîa andû mangîetirie. 16Na vîndî îo kwarî na mûndû ûmwe wovetwe njeera wetagwa Baraba#27.16 Baraba: Mandîko mamwe nîmongagîrîra ‘Jesû.’. Ke nîwecîkene nîûndû aarî mûcûku mûno. 17Kwoguo, rîrîa andû maagomanire, Pilato nîwamaûririe atîrî, “Mûrenda nîmûrekerie ûrîkû? Nî Baraba kana nî Jesû ûrîa wîtagwa Mesaya?” 18Pilato nîwecî waro atî atongoria a Ayahudi maanenganîrîte Jesû kûrî ke nîûndû maarî na rwetho.
19Rîrîa Pilato eekarîte nyombarî ya gûcirithanîrua, mûka nîwatûmanire akeerwa atîrî, “Ndûgeke mûndû ûcio wanarî ûndû, nîûndû ndarî ûndû mûcûku ekîte. Nîûndû ûtukû mbîthîrîtwe nthînîkîte mûno kîrotorî gîakwa nîûndû wake.”
20Nao anene a athînjîri-Ngai na athuuri nîmaaringîrîrie kîrîndî kîre Pilato amarekerie Baraba na aûragithie Jesû. 21Nwatî Pilato nîwaûririe kîrîndî atîrî, “Nî ûrîkû gatagatîrî ka andû aya aîrî mûrenda nîmûrekerie?”
Nao nîmaamûcokerie atîrî, “Nî Baraba!”
22Pilato nîwamaûririe atîrî, “Mûrenda mbîke atîa vi na Jesû ûrîa wîtagwa Mesaya?”
Nao nîmaamûcokerie atîrî, “Mwambe mûtharavarî îgûrû!”
23Pilato nîwamaûririe atîrî, “Nî ûndû ûrîkû mûcûku ekîte?”
Nao nîmaakîrîrîrie kugîrîria atîrî, “Mwambe mûtharavarî îgûrû!”
24 #
Gûco 21.6-9
Rîrîa Pilato oonire atî gûtirî ûndû angîka na akîona atî andû mavota kûgoma, nîwocire manjî, akîîthambia njara arî mbere ya kîrîndî na akîmeera atîrî, “Nie ndikaûrua nthakame ya mûndû ûyû. Ûyû nî wîra wenyu!”
25Nakîo kîrîndî kîonthe nîgîacokirie atîrî, “Nthakame yake nî îtûcokerere na îcokerere ciana cietû.”
26Pilato nîwacokire akîrekereria Baraba. Na arîkia kûrivithia Jesû na ivoko, nîwamûnenganîre akambwe.
Thigari nîcianyûrûririe Jesû
(Mar 15.16-20; Joh 19.2-3)
27Nao athigari a Pilato nîmaacokire makîvira Jesû mûciî kwa mûnene wa Roma. Nayo mbûtû yonthe ya athigari nîyamûrigicîrie. 28Nîmaacokire makîmûruta nguo ciake makîmwîkîra nguo ndune. 29Nao nîmaamûthondekere nthûmbî ya mîgua, makîmwîkîra kîongorî gîake na makîmûnyitithia karûthanju na njara yake ya ûrîo. Nîmaacokire magîturia maru mbere yake na makîmûnyûrûria makiugaga atîrî, “Wî mwaro Mûthamaki wa Ayahudi!” 30Nao nîmaamûtuîrîre mata, magîoca rûthanju na makîmûringa kîongo. 31Na rîrîa marîkirie kûmûnyûrûria, nîmaamûrutire kanjû makîmûcokia nguo ciake na makîmûvira akambwe mûtharavarî îgûrû.
Kwambwa kwa Jesû
(Mar 15.21-32; Luka 23.26-43; Joh 19.17-27)
32Marî njîrarî, nîmaatûnganire na mûndû waumîte Kurene wetagwa Simoni na makîmûringîrîria akuuîre Jesû Mûtharava. 33Nao nîmaakinyire vandû vetagwa Gologotha, na ûguo nî ta kuga, “Vandû va îvîndî rîa Kîongo”. 34#Tha 69.22 Na marî vau nîmaaveere Jesû ndivei îtukanîtue na kîndû kîrûrû, nwatî amîcama nîwaregire kûmînyua.
35 #
Tha 22.19
Nao nîmaamwambire mûtharavarî na magîcoka makîûthîra nguo ciake na makîigaana. 36Na vuva wa ûguo nîmeekarire nthî wa vau mamûrangîrîte. 37Na îgûrû rîa kîongo gîake nîmaacuririe kîmenyithia Kîamndîkîtwe ûndû ûrîa aathitangîrîtwe atî, “Ûyû nîke Jesû Mûthamaki wa Ayahudi.” 38Nao nîmaacokire makîamba acunani aîrî vamwe na Jesû, ûmwe mwena wake wa ûrîo, na ûcio wîngî mwena wake wa ûmotho.
39 #
Tha 22.8; 109.25 Nao andû arîa maavîtûkagîrîra vau nîmaainainirie ciongo ciao na makîruma Jesû makîmwîraga atîrî, 40#Mat 26.61; Joh 2.19 “Ooo! We nîûngîomomorire hekarû na ûmîtume rîngî na mîthenya îthatû. Îîtethûre na wîrute mûtharavarî ethîrwa we wî Mûriû wa Ngai.”
41Nao anene a athînjîri-Ngai, arimû a Watho, na athuuri wa nao nîmaamûnyûrûririe makiugaga atîrî, 42“Nîaratethûraga arîa engî, nwatî ndangîîtethûra! Ke nîke Mûthamaki wa Isiraeli. Nîerute mûtharavarî îgûrû, natue nîtûgwîtîkia atî ke nîke Mesaya. 43#Tha 22.9 Ke nîevokete Ngai na augaga atî ke nî Mûriû wa Ngai. Tigani rîu twone kana Ngai nîakûmûtethûra.”
44Wana nginya acunani arîa maambîtwe vamwe nake nîmaamûrumire wa guo.
Gûkua kwa Jesû
(Mar 15.33-41; Luka 23.44-49; Joh 19.28-30)
45Thaa thita cia mûthenya ciakinya, vûrûri wonthe nîwagîre nduma nginya thaa kenda. 46#Tha 22.2 Na ciakinya thaa kenda, Jesû nîwaugîrîrie atîrî, “Eloi, Eloi, lama savakithani?” Na ûguo nî ta kuga atîrî, “Ngai wakwa, Ngai wakwa wandiganîria nîkî?”
47Nao andû amwe arîa maarûngamîte vau mamwîgua, nîmaaugire atîrî, “Ke areta Elija.” 48#Tha 69.22 Na ûmwe gatagatîrî kao nîwavinyûrire wa rîmwe, agîoca civonji, na akîmîrinda ndiveirî îno ngagatu. Nîwacokire akîmîmundîrîra karûthanjurî na akîmûnengereria anyue.
49Nwatî andû acio engî nîmeeranire atîrî, “Tweterereni twone kana Elija nî agûka kûmûtethûra!”
50Nake Jesû nîwanîrîre rîngî na mûgambo mûnene na akînatuîkana.
51 #
Ntha 26.31-33
Nakîo gîtambaa gîa hekarû nîgîatûkanire maita maîrî, kuuma îgûrû nginya nthî. Nayo nthî nîyainainire namo mathiga magîatûkanga. 52Mbîrîra nîciavingûkire, na andû a Ngai eengî arîa maakuîte nîmaariûkirue; 53na makiumia mbîrîrarî ciao. Na rîrîa Jesû ariûkire, nîmaathiîre îtûûrarî rîa Jerusalemu na makîonwa nî andû eengî.
54Rîrîa mûnene wa athigari îgana na athigari arîa maarî nake marangîrîte Jesû meegwire kîthingithia, na makîona maûndû marîa mengî monthe meekîkire, nîmaamakire na makiuga atîrî, “Na ma mûndû ûyû ararî Mûriû wa Ngai!”
55 #
Luka 8.2-3
Navo vaarî na aka eengî meroragîria marî varaca. Aka acio nî arî maarûmîrîrîte Jesû kuuma Galili makîmûtungatagîra. 56Gatagatîrî kao kwarî na Mariamu Mûmagidali, Mariamu ng'ina wa Jakuvu na Josefu, na mûka wa Zebedii.
Kûthikwa kwa Jesû
(Mar 15.42-47; Luka 23.50-56; Joh 19.38-42)
57Kîvwaî gîakinya, mûndû warî mûtongu waumîte Arimathea nîwakinyire. Ke eetagwa Josefu na aarî mûrutwa wa Jesû. 58Nake nîwathiîre kûrî Pilato na akîmûria amûve mwîrî wa Jesû. Pilato nîwathanire atî Josefu avewe mwîrî wa Jesû. 59Kwoguo Josefu nîwocire mwîrî, akîûrigica na cuka îno ntheru, 60na akîwiga mbîrîrarî yake îrîa aacîte îthigarî na îtaanaigwa mûndû. Nîwacokire akîvingiritia îthiga rînene akîvinga mbîrîra narîo akînathiî. 61Mariamu Mûmagidali na Mariamu ûcio wîngî meekarîte nthî vau mwena ûcio wîngî wa mbîrîra.
Arangîri a mbîrîra
62Mûthenya ûcio wîngî warî mûthenya wa thavatû. Nao anene a athînjîri-Ngai na Afarisai, nîmaagomanire mbere ya Pilato na makîmwîra atîrî, 63#Mat 16.21; 17.23; 20.19; Mar 8.31; 9.31; 10.33-34; Luka 9.22; 18.31-33 “Mûnene, tue nîtûraririkana atî vîndî îrîa mûndû ûcio mûthani aatûûraga mwoyo nîwaugire atîrî, ‘Nîngaariûkua mûthenya wa kathatû.’ 64Kwoguo, athana mbîrîra yake îrangîrwe nginya mûthenya wa kathatû nîguo arutwa ake kûthiî vo maîe mwîrî wake na vuva wa ûguo macoke meere andû atî Jesû nîmûriûku. Maveeni ta mau nwa methîrwe marî macûku mûno gûkîra marîa ma mbere.”
65Nake Pilato nîwamerire atîrî, “Ocani arangîri na mûthiî nao makarangîre mbîrîra îo wata ûrîa mûngîvota.”
66Kwoguo nîmaathiîre na magîkîra îthiga rîrîa rîavingîte mbîrîra mûvûûri na magîcoka magîtiga athigari marangîrîte mbîrîra.
Currently Selected:
Mat 27: KKB
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
Mat 27
27
Jesû nîwavirirwe kûrî Pilato
(Mar 15.1; Luka 23.1-2; Joh 18.28-32)
1Kîraûko tene, anene a athînjîri-Ngai onthe na athuuri nîmaavangire ûrîa makûûragithia Jesû. 2Nao nîmaamwovire na mvîngû na makîmûvira kûrî Pilato, ûrîa warî mûnene wa thirikari ya Roma.
Gûkua kwa Judasi
(Ciîko 1.18-19)
3 #
Ciîko 1.18-19
Rîrîa Judasi ûrîa wacukanîrîre Jesû aamenyire atî Jesû nîwatuîrwa kûûragwa, nîweririre na agîcokia mbeca irîa mîrongo îthatû cia sîlûva kûrî anene a athînjîri-Ngai na athuuri, na akîmeera atîrî, 4“Nie nînjîvîtie nîûndû wa gûcukanîrîra mûndû ûtevîtie nîguo aûragwe.”
Nao nîmaamûcokerie atîrî, “Tue tûtiramaka nî ûguo, ûcio nî thîna waku.”
5Nake Judasi nîwaikanirie mbeca icio kûu hekarûrî, akiuma na akîthiî agîita.
6Nao anene a athînjîri-Ngai nîmoocire mbeca icio na makiuga atîrî, “Ino nî mbeca cia nthakame, na watho wetû ndwîtîkîrîtie kwiga mbeca ta ino mûthithûrî wa hekarû.” 7Kwoguo nîmaathiîre ndundu, na makîrîkanîra magûre kîthaka Kîam mûmbi wa nyûngû na mbeca icio gîtuîke gîa kûthikagwa ageni. 8Kwoguo nginya ûmûnthî kîthaka kîu gîtagwa, “Kîthaka Kîam nthakame”.
9 #
Zak 11.12-13
Kwoguo maûndû nîmaavingire marîa maarîtue nî mûrathi Jeremia atî: “Nîmoocire mbeca mîrongo îthatû cia sîlûva, thogora ûrîa andû a Isiraeli metîkîrîte kûrîva nî ûndû wake. 10Nîmaatûmîre mbeca icio kûgûra kîthaka Kîam mûmbi wa nyûngû kûringana na ûrîa Mwathani aambathîte.”
Jesû nîwacirithirue nî Pilato
(Mar 15.2-5; Luka 23.3-5; Joh 18.33-38)
11Jesû nîwarûngamire mbere ya mûnene wa thirikari ya Roma. Mûnene ûcio nîwamûririe atîrî, “We nîwe mûthamaki wa Ayahudi?”
Nake Jesû nîwamûcokerie atîrî, “We nîwe wauga guo.” 12Nwatî Jesû ndaacokia ûndû îgûrû rîa maûndû marîa aathitangirwe namo nî anene a athînjîri-Ngai na athuuri.
13Kwoguo Pilato nîwamûririe atîrî, “Anga ndûregua maûndû mau monthe marakûthitanga namo?”
14Nwatî Jesû nîwaregire gûcokia wanarî ûndû. Kwoguo Pilato nîwamakire mûno.
Jesû nîwatuîrîrwe kûûragwa
(Mar 15.6-15; Luka 23.13-25; Joh 18.39—19.16)
15Wa vîndî ya kîrugo Kîam pasaka, mûnene wa thirikari ya Roma nîwamenyerete kûrekagîrîria mûndû ûmwe wa arîa methagîrwa marî njeera, mûndû wa ûrîa andû mangîetirie. 16Na vîndî îo kwarî na mûndû ûmwe wovetwe njeera wetagwa Baraba#27.16 Baraba: Mandîko mamwe nîmongagîrîra ‘Jesû.’. Ke nîwecîkene nîûndû aarî mûcûku mûno. 17Kwoguo, rîrîa andû maagomanire, Pilato nîwamaûririe atîrî, “Mûrenda nîmûrekerie ûrîkû? Nî Baraba kana nî Jesû ûrîa wîtagwa Mesaya?” 18Pilato nîwecî waro atî atongoria a Ayahudi maanenganîrîte Jesû kûrî ke nîûndû maarî na rwetho.
19Rîrîa Pilato eekarîte nyombarî ya gûcirithanîrua, mûka nîwatûmanire akeerwa atîrî, “Ndûgeke mûndû ûcio wanarî ûndû, nîûndû ndarî ûndû mûcûku ekîte. Nîûndû ûtukû mbîthîrîtwe nthînîkîte mûno kîrotorî gîakwa nîûndû wake.”
20Nao anene a athînjîri-Ngai na athuuri nîmaaringîrîrie kîrîndî kîre Pilato amarekerie Baraba na aûragithie Jesû. 21Nwatî Pilato nîwaûririe kîrîndî atîrî, “Nî ûrîkû gatagatîrî ka andû aya aîrî mûrenda nîmûrekerie?”
Nao nîmaamûcokerie atîrî, “Nî Baraba!”
22Pilato nîwamaûririe atîrî, “Mûrenda mbîke atîa vi na Jesû ûrîa wîtagwa Mesaya?”
Nao nîmaamûcokerie atîrî, “Mwambe mûtharavarî îgûrû!”
23Pilato nîwamaûririe atîrî, “Nî ûndû ûrîkû mûcûku ekîte?”
Nao nîmaakîrîrîrie kugîrîria atîrî, “Mwambe mûtharavarî îgûrû!”
24 #
Gûco 21.6-9
Rîrîa Pilato oonire atî gûtirî ûndû angîka na akîona atî andû mavota kûgoma, nîwocire manjî, akîîthambia njara arî mbere ya kîrîndî na akîmeera atîrî, “Nie ndikaûrua nthakame ya mûndû ûyû. Ûyû nî wîra wenyu!”
25Nakîo kîrîndî kîonthe nîgîacokirie atîrî, “Nthakame yake nî îtûcokerere na îcokerere ciana cietû.”
26Pilato nîwacokire akîrekereria Baraba. Na arîkia kûrivithia Jesû na ivoko, nîwamûnenganîre akambwe.
Thigari nîcianyûrûririe Jesû
(Mar 15.16-20; Joh 19.2-3)
27Nao athigari a Pilato nîmaacokire makîvira Jesû mûciî kwa mûnene wa Roma. Nayo mbûtû yonthe ya athigari nîyamûrigicîrie. 28Nîmaacokire makîmûruta nguo ciake makîmwîkîra nguo ndune. 29Nao nîmaamûthondekere nthûmbî ya mîgua, makîmwîkîra kîongorî gîake na makîmûnyitithia karûthanju na njara yake ya ûrîo. Nîmaacokire magîturia maru mbere yake na makîmûnyûrûria makiugaga atîrî, “Wî mwaro Mûthamaki wa Ayahudi!” 30Nao nîmaamûtuîrîre mata, magîoca rûthanju na makîmûringa kîongo. 31Na rîrîa marîkirie kûmûnyûrûria, nîmaamûrutire kanjû makîmûcokia nguo ciake na makîmûvira akambwe mûtharavarî îgûrû.
Kwambwa kwa Jesû
(Mar 15.21-32; Luka 23.26-43; Joh 19.17-27)
32Marî njîrarî, nîmaatûnganire na mûndû waumîte Kurene wetagwa Simoni na makîmûringîrîria akuuîre Jesû Mûtharava. 33Nao nîmaakinyire vandû vetagwa Gologotha, na ûguo nî ta kuga, “Vandû va îvîndî rîa Kîongo”. 34#Tha 69.22 Na marî vau nîmaaveere Jesû ndivei îtukanîtue na kîndû kîrûrû, nwatî amîcama nîwaregire kûmînyua.
35 #
Tha 22.19
Nao nîmaamwambire mûtharavarî na magîcoka makîûthîra nguo ciake na makîigaana. 36Na vuva wa ûguo nîmeekarire nthî wa vau mamûrangîrîte. 37Na îgûrû rîa kîongo gîake nîmaacuririe kîmenyithia Kîamndîkîtwe ûndû ûrîa aathitangîrîtwe atî, “Ûyû nîke Jesû Mûthamaki wa Ayahudi.” 38Nao nîmaacokire makîamba acunani aîrî vamwe na Jesû, ûmwe mwena wake wa ûrîo, na ûcio wîngî mwena wake wa ûmotho.
39 #
Tha 22.8; 109.25 Nao andû arîa maavîtûkagîrîra vau nîmaainainirie ciongo ciao na makîruma Jesû makîmwîraga atîrî, 40#Mat 26.61; Joh 2.19 “Ooo! We nîûngîomomorire hekarû na ûmîtume rîngî na mîthenya îthatû. Îîtethûre na wîrute mûtharavarî ethîrwa we wî Mûriû wa Ngai.”
41Nao anene a athînjîri-Ngai, arimû a Watho, na athuuri wa nao nîmaamûnyûrûririe makiugaga atîrî, 42“Nîaratethûraga arîa engî, nwatî ndangîîtethûra! Ke nîke Mûthamaki wa Isiraeli. Nîerute mûtharavarî îgûrû, natue nîtûgwîtîkia atî ke nîke Mesaya. 43#Tha 22.9 Ke nîevokete Ngai na augaga atî ke nî Mûriû wa Ngai. Tigani rîu twone kana Ngai nîakûmûtethûra.”
44Wana nginya acunani arîa maambîtwe vamwe nake nîmaamûrumire wa guo.
Gûkua kwa Jesû
(Mar 15.33-41; Luka 23.44-49; Joh 19.28-30)
45Thaa thita cia mûthenya ciakinya, vûrûri wonthe nîwagîre nduma nginya thaa kenda. 46#Tha 22.2 Na ciakinya thaa kenda, Jesû nîwaugîrîrie atîrî, “Eloi, Eloi, lama savakithani?” Na ûguo nî ta kuga atîrî, “Ngai wakwa, Ngai wakwa wandiganîria nîkî?”
47Nao andû amwe arîa maarûngamîte vau mamwîgua, nîmaaugire atîrî, “Ke areta Elija.” 48#Tha 69.22 Na ûmwe gatagatîrî kao nîwavinyûrire wa rîmwe, agîoca civonji, na akîmîrinda ndiveirî îno ngagatu. Nîwacokire akîmîmundîrîra karûthanjurî na akîmûnengereria anyue.
49Nwatî andû acio engî nîmeeranire atîrî, “Tweterereni twone kana Elija nî agûka kûmûtethûra!”
50Nake Jesû nîwanîrîre rîngî na mûgambo mûnene na akînatuîkana.
51 #
Ntha 26.31-33
Nakîo gîtambaa gîa hekarû nîgîatûkanire maita maîrî, kuuma îgûrû nginya nthî. Nayo nthî nîyainainire namo mathiga magîatûkanga. 52Mbîrîra nîciavingûkire, na andû a Ngai eengî arîa maakuîte nîmaariûkirue; 53na makiumia mbîrîrarî ciao. Na rîrîa Jesû ariûkire, nîmaathiîre îtûûrarî rîa Jerusalemu na makîonwa nî andû eengî.
54Rîrîa mûnene wa athigari îgana na athigari arîa maarî nake marangîrîte Jesû meegwire kîthingithia, na makîona maûndû marîa mengî monthe meekîkire, nîmaamakire na makiuga atîrî, “Na ma mûndû ûyû ararî Mûriû wa Ngai!”
55 #
Luka 8.2-3
Navo vaarî na aka eengî meroragîria marî varaca. Aka acio nî arî maarûmîrîrîte Jesû kuuma Galili makîmûtungatagîra. 56Gatagatîrî kao kwarî na Mariamu Mûmagidali, Mariamu ng'ina wa Jakuvu na Josefu, na mûka wa Zebedii.
Kûthikwa kwa Jesû
(Mar 15.42-47; Luka 23.50-56; Joh 19.38-42)
57Kîvwaî gîakinya, mûndû warî mûtongu waumîte Arimathea nîwakinyire. Ke eetagwa Josefu na aarî mûrutwa wa Jesû. 58Nake nîwathiîre kûrî Pilato na akîmûria amûve mwîrî wa Jesû. Pilato nîwathanire atî Josefu avewe mwîrî wa Jesû. 59Kwoguo Josefu nîwocire mwîrî, akîûrigica na cuka îno ntheru, 60na akîwiga mbîrîrarî yake îrîa aacîte îthigarî na îtaanaigwa mûndû. Nîwacokire akîvingiritia îthiga rînene akîvinga mbîrîra narîo akînathiî. 61Mariamu Mûmagidali na Mariamu ûcio wîngî meekarîte nthî vau mwena ûcio wîngî wa mbîrîra.
Arangîri a mbîrîra
62Mûthenya ûcio wîngî warî mûthenya wa thavatû. Nao anene a athînjîri-Ngai na Afarisai, nîmaagomanire mbere ya Pilato na makîmwîra atîrî, 63#Mat 16.21; 17.23; 20.19; Mar 8.31; 9.31; 10.33-34; Luka 9.22; 18.31-33 “Mûnene, tue nîtûraririkana atî vîndî îrîa mûndû ûcio mûthani aatûûraga mwoyo nîwaugire atîrî, ‘Nîngaariûkua mûthenya wa kathatû.’ 64Kwoguo, athana mbîrîra yake îrangîrwe nginya mûthenya wa kathatû nîguo arutwa ake kûthiî vo maîe mwîrî wake na vuva wa ûguo macoke meere andû atî Jesû nîmûriûku. Maveeni ta mau nwa methîrwe marî macûku mûno gûkîra marîa ma mbere.”
65Nake Pilato nîwamerire atîrî, “Ocani arangîri na mûthiî nao makarangîre mbîrîra îo wata ûrîa mûngîvota.”
66Kwoguo nîmaathiîre na magîkîra îthiga rîrîa rîavingîte mbîrîra mûvûûri na magîcoka magîtiga athigari marangîrîte mbîrîra.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019