Mat 26
26
Mûvango wa kûûraga Jesû
(Mar 14.1-2; Luka 22.1-2; Joh 11.45-53)
1Rîrîa Jesû aarîkirie kûthomithania maûndû mau monthe, nîwerire arutwa ake atîrî, 2#Ntha 12.1-27 “Mue nîmwîcî atî kîrugo Kîam pasaka nîgîgûkinya vuva wa mîthenya îrî, na Mûrû wa Mûndû nîakûnenganîrwa akambwe.”
3Nao anene a athînjîri-Ngai wa vamwe na athuuri nîmaacemanirie mûciî kwa Mûthînjîri-Ngai mûnene wetagwa Kaiafa, 4na makîvanga ûrîa makûnyita Jesû na nthitho nîguo mamûûrage. 5Nwatî nîmeeranire atîrî, “Tûtingîmûnyita vîndî îno ya kîrugo, nîûndû andû mavota kûgoma.”
Jesû nîwetîrîrue maguta arî Bethania
(Mar 14.3-9; Joh 12.1-8)
6Nake Jesû aarî îtûûrarî rîa Bethania mûciî gwa Simoni ûrîa warwarîte mûrimû wa ngothi. 7#Luka 7.37-38 Rîrîa Jesû aarîcaga irio, mûndûmûka ûmwe nîwathiîre kûrî ke akuuîte mûcuva wîcûrîte maguta maanungaga waro na ma goro, na agîtîrîria maguta mau kîongorî Kîam Jesû. 8Nwatî rîrîa arutwa moonire ûguo nîmaarakarire na makîambîrîria kûrania atîrî, “Nî ndûî gîatûma anange maguta mau. 9Maguta mama nîmangîendua mbeca nyîngî ikînavewa athîni!”
10Nake Jesû nîwamenyire ûrîa maaugaga, na kwoguo nîwamerire atîrî, “Mûrathînia mûndûmûka ûyû nîkî? Mûndûmûka ûyû nîwambîka ûndû mwaro mûno. 11#Gûco 15.11 Andû arîa athîni mûkethagîrwa nao vîndî cionthe nwatî mûtikethagîrwa nanie vîndî cionthe. 12Mûndûmûka ûyû etîrîria mwîrî wakwa maguta nîguo aûvarîrîrie mbere ya ûthikwe. 13Nie nîramwîra nama atî kûrîa kuonthe ûvoro mwaro ûkaavunjua nthî yonthe, ûndû ûcio ambîka nîûkaganagwa nîguo aririkanagwe.”
Judasi nîwetîkîre gûcukanîrîra Jesû
(Mar 14.10-11; Luka 22.3-6)
14Nake mûrutwa ûmwe wa arîa îkûmi na aîrî wetagwa Judasi Mûsikariota, nîwathiîre kûrî anene a athînjîri-Ngai 15#Zak 11.12 na akîmaûria atîrî, “Nîndûî mûkûmva nîngîmûnengera Jesû?” Nao nîmaatarire mbeca mîrongo îthatû cia sîlûva makîmûnengera. 16Kuuma vîndî îo Judasi nîwambîrîre gûcaria kamweke nîguo anenganîre Jesû kûrî o.
Jesû nîwarîre irio cia pasaka marî vamwe na arutwa ake
(Mar 14.12-21; Luka 22.7-13,21-23; Joh 13.21-30)
17Na mûthenya wa mbere wa kîrugo gîa kûrîa mîgate îrîa îtethagîrwa îkîrîtwe ndawa ya kwimbia, arutwa a Jesû nîmaathiîre kûrî ke na makîmûûria atîrî, “Ûrenda tûgakûvarîrîrie irio cia pasaka kû?”
18Nake Jesû nîwamerire atîrî, “Ta thiîni kûrî mûndû mûna îtûûrarî na mûmwîre, ‘Mwarimû auga atîrî: Îvinda rîakwa nîrîkinyu, na nîngûrîîra irio cia pasaka gwaku nyomba tûrî na arutwa akwa.’ ”
19Nao arutwa nîmeekire wata ûrîa Jesû aamerîte, na makîvarîria irio cia pasaka.
20Na kîvwaî Kîam mûthenya wa ûcio, Jesû na arutwa arîa îkûmi na aîrî nîmeekarire nthî nîguo marîe. 21Na rîrîa maarîcaga Jesû nîwamerire atîrî, “Nîramwîra nama atî, ûmwe gatagatîrî kenyu nîakûnjukanîrîra.”
22Nao arutwa nîmaanyitirwe nî kîeva na makîambîrîria kûmûria ûmwe kwa ûmwe atîrî, “Mwathani, nî nie ngûgûcukanîrîra?”
23 #
Tha 41.10
Nake Jesû nîwamacokerie atîrî, “Ûmwe gatagatîrî kenyu ûrîa ûravokanîria mûgate thuvurî vamwe nanie nîke ûkûnjukanîrîra. 24Mûrû wa Mûndû nîagûkua wata ûrîa Mandîko Matheru maugîte. Nwatî kaî mûndû ûrîa ûgûcukanîrîra Mûrû wa Mûndû nîakûgîa na thîna-î! Nî kava mûndû ûcio atangîaciarirwe!”
25Nake Judasi ûrîa wamûcukanîrîre nîwamûririe atîrî, “Mwathani nînie ngûgûcukanîrîra?” Nake Jesû nîwamûcokerie atîrî, “Ûguo wauga nîguo.”
Irio cia Mwathani cia kîvwaî
(Mar 14.22-26; Luka 22.14-20; 1Akor 11.23-25)
26Rîrîa maarîcaga, Jesû nîwocire mûgate, akîûrathima, akîwenyûranga, akîûnengera arutwa ake na akîmeera atîrî, “Kani mûrîe, ûyû nî mwîrî wakwa.”
27Nîwacokire agîoca gîkombe, agîcokeria Ngai ngatho, akîmanengera, na akîmeera atîrî, “Nyuani îno muonthe. 28#Ntha 24.8; Jer 31.31-34 Îno nî nthakame yakwa ya Kîrîkanîro#26.28 Kîrîkanîro: Mandîko mamwe nîmongagîrîra, ‘ikîrîa gîcerû.’, îrîa îgeetûrûrwa nîûndû wa andû eengî nîûndû wa kwoverwa mevia. 29Nîramwîra atî nie ndigaacoka kûnyua ndivei îno rîngî nginya mûthenya ûrîa ngaamînyua îrî njerû tûrî namue Ûthamakirî wa Vava.”
30Nao marîkia kwina rwîmbo, nîmaaumire kûu nyomba makîthiî kîrîmarî Kîam mîtî ya Mîtamaiyû.
Petero nîwerirwe atî nî agakaana Jesû
(Mar 14.27-31; Luka 22.31-34; Joh 13.36-38)
31 #
Zak 13.7
Nake Jesû nîwamerire atîrî, “Ûtukû ûyû wa ûmûnthî muonthe nîmûkûûra mûndiganîrie. Nîûndû Mandîko maugîte atîrî, ‘Ngai nîakaaûraga mûrîthi; nacio ng'ondu ivurunjûke.’ 32#Mat 28.16 Nwatî nariûka nîngaamûtongoria tûthiî Galili.”
33Nake Petero nîwerire Jesû atîrî, “Wana arîa engî onthe mangîgagûtiganîria, nie ndigaagûtiganîria!”
34Nake Jesû nîwamwîrire atîrî, “Nîrakwîra na ma atî mbere ya ngûkû îgambe ûtukû ûyû wa ûmûnthî, nîûkwîthîrwa ûngaanîte maita mathatû.”
35Nake Petero nîwamûcokerie atîrî, “Nie ndigaagûkaana wana ethîrwa nîkwa ngûraganîrua vamwe nawe!”
Nao arutwa acio engî onthe nîmaaugire wa guo.
Jesû nîwavoire arî Gethisemane
(Mar 14.32-42; Luka 22.39-46)
36Nake Jesû na arutwa ake nîmaacokire makîthiî vandû vetagwa Gethisemane na akîmeera atîrî, “Îkarani ava kamwerua nthiî vaarîa ngavoe.” 37Nake Jesû nîwetire Petero na ariû aîrî a Zebedii na makîthiî vamwe nao. Jesû nîwambîrîrie kûnyitwa nî kîeva, akîthînîka mûno ngororî yake, 38na akîra arutwa ake atîrî, “Nie nînîregua kîeva kîîngî mûno ngororî yakwa wa takwa nîngîkua. Îkaragani ava vamwe na nie na mûtikagwatwe nî toro.”
39Jesû aagendagenda mbere vanini nîwegwîthirie nthî na akîvoya atîrî, “Vava ethîrwa nwa kûvoteke, nthengutîria gîkombe gîkî Kîam mathîna. Nwatî îka ûrîa we ûkwenda, tî ûrîa nie ngwenda.”
40Nake Jesû nîwacokire varîa arutwa acio athatû maarî, na akîmethîrîria marî toro. Nake nîwaûririe Petero atîrî, “Mûtingîvotire gwîkara mûtarî toro na mûvoe vamwe nanie wanarî îthaa rîmwe? 41Mûtikamame nwatî voyani nîguo mûtikagwe mageriorî. Roho nîûrenda nwatî mwîrî ndûrî na vinya.”
42Jesû nîwacokire akîmatiga rîngî na akîvoya atîrî, “Vava, ethîrwa gîkombe gîkî Kîam mathîna gîtingînthengutîra ndakînyuîrîrîte, wendi waku nîwîkwe.” 43Ke nîwacokire rîngî kûrîa arutwa maarî, na nîwamethîrîrie mamamiî nîûndû maarî na toro mwîngî.
44Nake Jesû nîwamatigire rîngî, akîthiî na akîvoya riita rîa kathatû akiugaga ciugo wata icio. 45Ke nîwacokire rîngî varîa arutwa maarî, na akîmeera atîrî, “Anga nginya rîu mûrî toro mûvurûkîte? Ta roriani! Îvinda nîrîakinya na Mûrû wa Mûndû nîakûnenganîrwa kûrî evia. 46Rûngamani tûthiî! Taroriani mûnjukanîrîri nîwakinya!”
Kûnyitwa kwa Jesû
(Mar 14.43-50; Luka 22.47-53; Joh 18.3-12)
47Rîrîa Jesû aaragia, Judasi ûrîa warî ûmwe wa arutwa arîa îkûmi na aîrî nîwakinyire. Aakinyire marî na andû eengî makuuîte mviû na njokoma. Nao maatûmîtwe nî anene a athînjîri-Ngai na athuuri. 48Judasi ûrîa wamûcukanîrîre nîwambîte kwîra kîrîndî atîrî, “Mûndû ûrîa ngamumunya, ûcio nîke. Mûnyiteni!”
49Na wa rîmwe Judasi nîwathiîre kûrî Jesû na akîmwîra atîrî, “Mwarimû! Wî mwaro.” Nîwacokire akîmûmumunya.
50Nake Jesû nîwamwîrire atîrî, “Mûrata, îka ûrîa ûûkire gwîka!”
Nao nîmaaûkire, makînyita Jesû na makîmûrangîra. 51Na ûmwe wa andû arîa maarî na Jesû nîwacomorire rûviû rwake, na akîrenga gûtû kwa ngombo ya Mûthînjîri-Ngai ûrîa mûnene. 52Nake Jesû nîwamwîrire atîrî, “Cokia rûviû rwaku njûrarî, nîûndû arîa onthe marûaga na rûviû makaûragwa na rûviû. 53Anga ndwîcî nwambîtie ûtethio kuuma kûrî Vava, na andûmîre athigari makîria ya ikundi îkûmi na igîrî cia araika. 54Nwatî nwa nginya gwîkîke ûguo, nîguo Mandîko Matheru mavingue, wata ûrîa maugîte?”
55 #
Luka 19.47; 21.37 Nake Jesû nîwaûririe kîrîndî atîrî, “Mûkîte kûnyita mûkuîte mviû na njokoma takwa nî mûcunani? Nîrekaraga hekarûrî mûthenya wa mûthenya ngîthomithagia na matingînyiita. 56Nwatî maûndû mama mekîka nîguo maûndû marîa maarîtue nî arathi mandîkorî marîa matheru mavinge.”
Nao arutwa ake onthe nîmaaûrire makîmûtiganîria.
Jesû arî mbere ya kîama
(Mar 14.53-65; Luka 22.54-55,63-71; Joh 18.13-14,19-24)
57Nao andû arîa maanyitire Jesû nîmaamûvirire mûciî kwa Mûthînjîri-Ngai mûnene ûrîa wetagwa Kaiafa. Nao athuuri, wa vamwe na arimû a Watho nîmaagomanîte kuo. 58Nake Petero nîwaumire Jesû vuva arî varaca, nginya magîkinya nja ya mûciî wa Mûthînjîri-Ngai mûnene. Nîwekarire vau nja marî na arangîri nîguo one ûrîa gûgwîkara. 59Nao anene a athînjîri-Ngai, na Kîamma kîonthe nîmaacaragia ûira wa maveeni ûrîa mangîruta nîguo maûragithie Jesû, 60nwatî ûgîtura. Kûnarî ûguo, andû eengî nîmaarutire ûira wa maveeni wîgiî Jesû. Na mûthiiarî andû aîrî nîmaaûkire 61#Joh 2.19 na makiuga atîrî, “Mûndû ûyû aaugire atî nwa avote kwomomora hekarû ya Ngai na amîtume rîngî na mîthenya îthatû.”
62Nake Mûthînjîri-Ngai ûrîa mûnene nîwarûngamire na akîra Jesû atîrî, “Anga we ndûrî na ûndû ûngîcokia îgûrû rîa maûndû mama monthe ûrathitangwa namo?” 63Nwatî Jesû ndaamatumûka, aakirire kivi. Na wa rîngî Mûthînjîri-Ngai ûrîa mûnene nîwerire Jesû atîrî, “Nie nakwatha na rîîtwa rîa Ngai ûrîa ûtûûraga Mwoyo ûtwîre kana we nîwe Mesaya Mûriû wa Ngai.”
64 #
Dan 7.13
Nake Jesû nîwamwîrire atîrî, “We nîwauga guo. Nwatî nîramwîra atîrî muonthe; kuuma rîu nîmûkwona Mûrû wa Mûndû ûrîa wîkaraga mwena wa ûrîo wa Ngai Mwene Vinya na mwone agîûka arî matuurî ma îgûrû!”
65 #
Ala 24.16
Nake Mûthînjîri-Ngai ûrîa mûnene nîwatembûrangire nguo ciake na akiuga atîrî, “Nîwaruma Ngai! Gûtirî aira engî tûrenda! Mue nîmwegua akîruma Ngai! 66Nîmuga atîa îgûrû rîake?”
Nao nîmaacokirie atîrî, “Ke nîmûvîtiu na nwanginya aûragwe.”
67 #
Isa 50.6
Nao andû amwe nîmaatuîrîre Jesû mata ûthiû na makîmûriva. Engî nao nîmaamûcamûrire na mvî 68na makîmwîra atîrî, “Mesaya, we wî mûrathi! Tatwîre nî ûrîkû wakûringa.”
Petero nîwakaanire Jesû
(Mar 14.66-72; Luka 22.56-62; Joh 18.15-18,25-27)
69Vîndî îo Petero ekarîte vau nja ya nyomba, mwîrîtu ûmwe warî ndungata ya mûnene wa athînjîri-Ngai nîwathiîre kûrî ke na akîmwîra atîrî, “Wa nawe mûrarî na Jesû wa Galili.”
70Nwatî Petero nîwakaanire arî mbere yao onthe na akiuga atîrî, “Nie ndiîcî ûrîa we ûrauga.” 71Petero nîwacokire akîthiî ya mwîrîgarî. Nake mwîrîtu wîngî warî ndungata nîwamwonire na îkîra andû arîa maarûngamîte vo atîrî, “Mûndû ûyû mararî na Jesû wa Nazarethi.”
72Nake Petero nîwakaanire rîngî akiuga atîrî, “Nîraria ma na Ngai nî mûira atî nie ndiîcî mûndû ûcio!”
73Vuva wa kavinda kanini andû arîa maarûngamîte vau nîmaathiîre kûrî Petero na makîmwîra atîrî, “Na ma ûrî ûmwe wao nîûndû wana mwarîrie waku nîûragûcukanîrîra!”
74Petero nîwambîrîrie kwîvîta akiugaga atîrî, “Nîraria ûma na Ngai amverithie ethîrwa nîraria maveeni atî nie ndiîcî mûndû ûcio!”
Na kavinda wa kau ngûkû nîyagambire. 75Nake Petero nîwaririkanire ûrîa Jesû aamwîrîte atî, “Mbere ya ngûkû îgambe nîûkwîthîrwa ûngaanîte maita mathatû.” Nake Petero nîwaumire nja na akîrîra arî na ûrûrû mwîngî mûno.
Currently Selected:
Mat 26: KKB
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
Mat 26
26
Mûvango wa kûûraga Jesû
(Mar 14.1-2; Luka 22.1-2; Joh 11.45-53)
1Rîrîa Jesû aarîkirie kûthomithania maûndû mau monthe, nîwerire arutwa ake atîrî, 2#Ntha 12.1-27 “Mue nîmwîcî atî kîrugo Kîam pasaka nîgîgûkinya vuva wa mîthenya îrî, na Mûrû wa Mûndû nîakûnenganîrwa akambwe.”
3Nao anene a athînjîri-Ngai wa vamwe na athuuri nîmaacemanirie mûciî kwa Mûthînjîri-Ngai mûnene wetagwa Kaiafa, 4na makîvanga ûrîa makûnyita Jesû na nthitho nîguo mamûûrage. 5Nwatî nîmeeranire atîrî, “Tûtingîmûnyita vîndî îno ya kîrugo, nîûndû andû mavota kûgoma.”
Jesû nîwetîrîrue maguta arî Bethania
(Mar 14.3-9; Joh 12.1-8)
6Nake Jesû aarî îtûûrarî rîa Bethania mûciî gwa Simoni ûrîa warwarîte mûrimû wa ngothi. 7#Luka 7.37-38 Rîrîa Jesû aarîcaga irio, mûndûmûka ûmwe nîwathiîre kûrî ke akuuîte mûcuva wîcûrîte maguta maanungaga waro na ma goro, na agîtîrîria maguta mau kîongorî Kîam Jesû. 8Nwatî rîrîa arutwa moonire ûguo nîmaarakarire na makîambîrîria kûrania atîrî, “Nî ndûî gîatûma anange maguta mau. 9Maguta mama nîmangîendua mbeca nyîngî ikînavewa athîni!”
10Nake Jesû nîwamenyire ûrîa maaugaga, na kwoguo nîwamerire atîrî, “Mûrathînia mûndûmûka ûyû nîkî? Mûndûmûka ûyû nîwambîka ûndû mwaro mûno. 11#Gûco 15.11 Andû arîa athîni mûkethagîrwa nao vîndî cionthe nwatî mûtikethagîrwa nanie vîndî cionthe. 12Mûndûmûka ûyû etîrîria mwîrî wakwa maguta nîguo aûvarîrîrie mbere ya ûthikwe. 13Nie nîramwîra nama atî kûrîa kuonthe ûvoro mwaro ûkaavunjua nthî yonthe, ûndû ûcio ambîka nîûkaganagwa nîguo aririkanagwe.”
Judasi nîwetîkîre gûcukanîrîra Jesû
(Mar 14.10-11; Luka 22.3-6)
14Nake mûrutwa ûmwe wa arîa îkûmi na aîrî wetagwa Judasi Mûsikariota, nîwathiîre kûrî anene a athînjîri-Ngai 15#Zak 11.12 na akîmaûria atîrî, “Nîndûî mûkûmva nîngîmûnengera Jesû?” Nao nîmaatarire mbeca mîrongo îthatû cia sîlûva makîmûnengera. 16Kuuma vîndî îo Judasi nîwambîrîre gûcaria kamweke nîguo anenganîre Jesû kûrî o.
Jesû nîwarîre irio cia pasaka marî vamwe na arutwa ake
(Mar 14.12-21; Luka 22.7-13,21-23; Joh 13.21-30)
17Na mûthenya wa mbere wa kîrugo gîa kûrîa mîgate îrîa îtethagîrwa îkîrîtwe ndawa ya kwimbia, arutwa a Jesû nîmaathiîre kûrî ke na makîmûûria atîrî, “Ûrenda tûgakûvarîrîrie irio cia pasaka kû?”
18Nake Jesû nîwamerire atîrî, “Ta thiîni kûrî mûndû mûna îtûûrarî na mûmwîre, ‘Mwarimû auga atîrî: Îvinda rîakwa nîrîkinyu, na nîngûrîîra irio cia pasaka gwaku nyomba tûrî na arutwa akwa.’ ”
19Nao arutwa nîmeekire wata ûrîa Jesû aamerîte, na makîvarîria irio cia pasaka.
20Na kîvwaî Kîam mûthenya wa ûcio, Jesû na arutwa arîa îkûmi na aîrî nîmeekarire nthî nîguo marîe. 21Na rîrîa maarîcaga Jesû nîwamerire atîrî, “Nîramwîra nama atî, ûmwe gatagatîrî kenyu nîakûnjukanîrîra.”
22Nao arutwa nîmaanyitirwe nî kîeva na makîambîrîria kûmûria ûmwe kwa ûmwe atîrî, “Mwathani, nî nie ngûgûcukanîrîra?”
23 #
Tha 41.10
Nake Jesû nîwamacokerie atîrî, “Ûmwe gatagatîrî kenyu ûrîa ûravokanîria mûgate thuvurî vamwe nanie nîke ûkûnjukanîrîra. 24Mûrû wa Mûndû nîagûkua wata ûrîa Mandîko Matheru maugîte. Nwatî kaî mûndû ûrîa ûgûcukanîrîra Mûrû wa Mûndû nîakûgîa na thîna-î! Nî kava mûndû ûcio atangîaciarirwe!”
25Nake Judasi ûrîa wamûcukanîrîre nîwamûririe atîrî, “Mwathani nînie ngûgûcukanîrîra?” Nake Jesû nîwamûcokerie atîrî, “Ûguo wauga nîguo.”
Irio cia Mwathani cia kîvwaî
(Mar 14.22-26; Luka 22.14-20; 1Akor 11.23-25)
26Rîrîa maarîcaga, Jesû nîwocire mûgate, akîûrathima, akîwenyûranga, akîûnengera arutwa ake na akîmeera atîrî, “Kani mûrîe, ûyû nî mwîrî wakwa.”
27Nîwacokire agîoca gîkombe, agîcokeria Ngai ngatho, akîmanengera, na akîmeera atîrî, “Nyuani îno muonthe. 28#Ntha 24.8; Jer 31.31-34 Îno nî nthakame yakwa ya Kîrîkanîro#26.28 Kîrîkanîro: Mandîko mamwe nîmongagîrîra, ‘ikîrîa gîcerû.’, îrîa îgeetûrûrwa nîûndû wa andû eengî nîûndû wa kwoverwa mevia. 29Nîramwîra atî nie ndigaacoka kûnyua ndivei îno rîngî nginya mûthenya ûrîa ngaamînyua îrî njerû tûrî namue Ûthamakirî wa Vava.”
30Nao marîkia kwina rwîmbo, nîmaaumire kûu nyomba makîthiî kîrîmarî Kîam mîtî ya Mîtamaiyû.
Petero nîwerirwe atî nî agakaana Jesû
(Mar 14.27-31; Luka 22.31-34; Joh 13.36-38)
31 #
Zak 13.7
Nake Jesû nîwamerire atîrî, “Ûtukû ûyû wa ûmûnthî muonthe nîmûkûûra mûndiganîrie. Nîûndû Mandîko maugîte atîrî, ‘Ngai nîakaaûraga mûrîthi; nacio ng'ondu ivurunjûke.’ 32#Mat 28.16 Nwatî nariûka nîngaamûtongoria tûthiî Galili.”
33Nake Petero nîwerire Jesû atîrî, “Wana arîa engî onthe mangîgagûtiganîria, nie ndigaagûtiganîria!”
34Nake Jesû nîwamwîrire atîrî, “Nîrakwîra na ma atî mbere ya ngûkû îgambe ûtukû ûyû wa ûmûnthî, nîûkwîthîrwa ûngaanîte maita mathatû.”
35Nake Petero nîwamûcokerie atîrî, “Nie ndigaagûkaana wana ethîrwa nîkwa ngûraganîrua vamwe nawe!”
Nao arutwa acio engî onthe nîmaaugire wa guo.
Jesû nîwavoire arî Gethisemane
(Mar 14.32-42; Luka 22.39-46)
36Nake Jesû na arutwa ake nîmaacokire makîthiî vandû vetagwa Gethisemane na akîmeera atîrî, “Îkarani ava kamwerua nthiî vaarîa ngavoe.” 37Nake Jesû nîwetire Petero na ariû aîrî a Zebedii na makîthiî vamwe nao. Jesû nîwambîrîrie kûnyitwa nî kîeva, akîthînîka mûno ngororî yake, 38na akîra arutwa ake atîrî, “Nie nînîregua kîeva kîîngî mûno ngororî yakwa wa takwa nîngîkua. Îkaragani ava vamwe na nie na mûtikagwatwe nî toro.”
39Jesû aagendagenda mbere vanini nîwegwîthirie nthî na akîvoya atîrî, “Vava ethîrwa nwa kûvoteke, nthengutîria gîkombe gîkî Kîam mathîna. Nwatî îka ûrîa we ûkwenda, tî ûrîa nie ngwenda.”
40Nake Jesû nîwacokire varîa arutwa acio athatû maarî, na akîmethîrîria marî toro. Nake nîwaûririe Petero atîrî, “Mûtingîvotire gwîkara mûtarî toro na mûvoe vamwe nanie wanarî îthaa rîmwe? 41Mûtikamame nwatî voyani nîguo mûtikagwe mageriorî. Roho nîûrenda nwatî mwîrî ndûrî na vinya.”
42Jesû nîwacokire akîmatiga rîngî na akîvoya atîrî, “Vava, ethîrwa gîkombe gîkî Kîam mathîna gîtingînthengutîra ndakînyuîrîrîte, wendi waku nîwîkwe.” 43Ke nîwacokire rîngî kûrîa arutwa maarî, na nîwamethîrîrie mamamiî nîûndû maarî na toro mwîngî.
44Nake Jesû nîwamatigire rîngî, akîthiî na akîvoya riita rîa kathatû akiugaga ciugo wata icio. 45Ke nîwacokire rîngî varîa arutwa maarî, na akîmeera atîrî, “Anga nginya rîu mûrî toro mûvurûkîte? Ta roriani! Îvinda nîrîakinya na Mûrû wa Mûndû nîakûnenganîrwa kûrî evia. 46Rûngamani tûthiî! Taroriani mûnjukanîrîri nîwakinya!”
Kûnyitwa kwa Jesû
(Mar 14.43-50; Luka 22.47-53; Joh 18.3-12)
47Rîrîa Jesû aaragia, Judasi ûrîa warî ûmwe wa arutwa arîa îkûmi na aîrî nîwakinyire. Aakinyire marî na andû eengî makuuîte mviû na njokoma. Nao maatûmîtwe nî anene a athînjîri-Ngai na athuuri. 48Judasi ûrîa wamûcukanîrîre nîwambîte kwîra kîrîndî atîrî, “Mûndû ûrîa ngamumunya, ûcio nîke. Mûnyiteni!”
49Na wa rîmwe Judasi nîwathiîre kûrî Jesû na akîmwîra atîrî, “Mwarimû! Wî mwaro.” Nîwacokire akîmûmumunya.
50Nake Jesû nîwamwîrire atîrî, “Mûrata, îka ûrîa ûûkire gwîka!”
Nao nîmaaûkire, makînyita Jesû na makîmûrangîra. 51Na ûmwe wa andû arîa maarî na Jesû nîwacomorire rûviû rwake, na akîrenga gûtû kwa ngombo ya Mûthînjîri-Ngai ûrîa mûnene. 52Nake Jesû nîwamwîrire atîrî, “Cokia rûviû rwaku njûrarî, nîûndû arîa onthe marûaga na rûviû makaûragwa na rûviû. 53Anga ndwîcî nwambîtie ûtethio kuuma kûrî Vava, na andûmîre athigari makîria ya ikundi îkûmi na igîrî cia araika. 54Nwatî nwa nginya gwîkîke ûguo, nîguo Mandîko Matheru mavingue, wata ûrîa maugîte?”
55 #
Luka 19.47; 21.37 Nake Jesû nîwaûririe kîrîndî atîrî, “Mûkîte kûnyita mûkuîte mviû na njokoma takwa nî mûcunani? Nîrekaraga hekarûrî mûthenya wa mûthenya ngîthomithagia na matingînyiita. 56Nwatî maûndû mama mekîka nîguo maûndû marîa maarîtue nî arathi mandîkorî marîa matheru mavinge.”
Nao arutwa ake onthe nîmaaûrire makîmûtiganîria.
Jesû arî mbere ya kîama
(Mar 14.53-65; Luka 22.54-55,63-71; Joh 18.13-14,19-24)
57Nao andû arîa maanyitire Jesû nîmaamûvirire mûciî kwa Mûthînjîri-Ngai mûnene ûrîa wetagwa Kaiafa. Nao athuuri, wa vamwe na arimû a Watho nîmaagomanîte kuo. 58Nake Petero nîwaumire Jesû vuva arî varaca, nginya magîkinya nja ya mûciî wa Mûthînjîri-Ngai mûnene. Nîwekarire vau nja marî na arangîri nîguo one ûrîa gûgwîkara. 59Nao anene a athînjîri-Ngai, na Kîamma kîonthe nîmaacaragia ûira wa maveeni ûrîa mangîruta nîguo maûragithie Jesû, 60nwatî ûgîtura. Kûnarî ûguo, andû eengî nîmaarutire ûira wa maveeni wîgiî Jesû. Na mûthiiarî andû aîrî nîmaaûkire 61#Joh 2.19 na makiuga atîrî, “Mûndû ûyû aaugire atî nwa avote kwomomora hekarû ya Ngai na amîtume rîngî na mîthenya îthatû.”
62Nake Mûthînjîri-Ngai ûrîa mûnene nîwarûngamire na akîra Jesû atîrî, “Anga we ndûrî na ûndû ûngîcokia îgûrû rîa maûndû mama monthe ûrathitangwa namo?” 63Nwatî Jesû ndaamatumûka, aakirire kivi. Na wa rîngî Mûthînjîri-Ngai ûrîa mûnene nîwerire Jesû atîrî, “Nie nakwatha na rîîtwa rîa Ngai ûrîa ûtûûraga Mwoyo ûtwîre kana we nîwe Mesaya Mûriû wa Ngai.”
64 #
Dan 7.13
Nake Jesû nîwamwîrire atîrî, “We nîwauga guo. Nwatî nîramwîra atîrî muonthe; kuuma rîu nîmûkwona Mûrû wa Mûndû ûrîa wîkaraga mwena wa ûrîo wa Ngai Mwene Vinya na mwone agîûka arî matuurî ma îgûrû!”
65 #
Ala 24.16
Nake Mûthînjîri-Ngai ûrîa mûnene nîwatembûrangire nguo ciake na akiuga atîrî, “Nîwaruma Ngai! Gûtirî aira engî tûrenda! Mue nîmwegua akîruma Ngai! 66Nîmuga atîa îgûrû rîake?”
Nao nîmaacokirie atîrî, “Ke nîmûvîtiu na nwanginya aûragwe.”
67 #
Isa 50.6
Nao andû amwe nîmaatuîrîre Jesû mata ûthiû na makîmûriva. Engî nao nîmaamûcamûrire na mvî 68na makîmwîra atîrî, “Mesaya, we wî mûrathi! Tatwîre nî ûrîkû wakûringa.”
Petero nîwakaanire Jesû
(Mar 14.66-72; Luka 22.56-62; Joh 18.15-18,25-27)
69Vîndî îo Petero ekarîte vau nja ya nyomba, mwîrîtu ûmwe warî ndungata ya mûnene wa athînjîri-Ngai nîwathiîre kûrî ke na akîmwîra atîrî, “Wa nawe mûrarî na Jesû wa Galili.”
70Nwatî Petero nîwakaanire arî mbere yao onthe na akiuga atîrî, “Nie ndiîcî ûrîa we ûrauga.” 71Petero nîwacokire akîthiî ya mwîrîgarî. Nake mwîrîtu wîngî warî ndungata nîwamwonire na îkîra andû arîa maarûngamîte vo atîrî, “Mûndû ûyû mararî na Jesû wa Nazarethi.”
72Nake Petero nîwakaanire rîngî akiuga atîrî, “Nîraria ma na Ngai nî mûira atî nie ndiîcî mûndû ûcio!”
73Vuva wa kavinda kanini andû arîa maarûngamîte vau nîmaathiîre kûrî Petero na makîmwîra atîrî, “Na ma ûrî ûmwe wao nîûndû wana mwarîrie waku nîûragûcukanîrîra!”
74Petero nîwambîrîrie kwîvîta akiugaga atîrî, “Nîraria ûma na Ngai amverithie ethîrwa nîraria maveeni atî nie ndiîcî mûndû ûcio!”
Na kavinda wa kau ngûkû nîyagambire. 75Nake Petero nîwaririkanire ûrîa Jesû aamwîrîte atî, “Mbere ya ngûkû îgambe nîûkwîthîrwa ûngaanîte maita mathatû.” Nake Petero nîwaumire nja na akîrîra arî na ûrûrû mwîngî mûno.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019