Mat 28
28
Kûriûka kwa Jesû
(Mar 16.1-10; Luka 24.1-12; Joh 20.1-10)
1Thavatû yathira, njumavili kîraûko tene, Mariamu Mûmagidali na Mariamu ûcio wîngî nîmaathiîre kûroria mbîrîra. 2Na wa rîmwe nîkwagîre na kîthingithia kînene. Nake Mûraika wa Mwathani nîwanyûrûrûkire kuuma îgûrû, akîvingiritia îthiga na akîrîkarîra. 3Mûraika ûcio aakengaga ta rûveni, nacio nguo ciake ciacerûvîte ta îra. 4Nao arangîri nîmeetigîre mûno, makinaina na magîkara ta andû akuû.
5Nake mûraika nîwerire aka acio atîrî, “Tigani gwîtigîra, nîûndû nîmbîcî mûracaria Jesû ûrîa wambirwe mûtharavarî. 6Ndarî ava, ke nîariûkîtue wata ûrîa aaugire. Taûkani mwone varîa aramamîte. 7Rîu thiîni narua mwîre arutwa ake atîrî, ‘Ke nîmûriûku, na nîakûthiî Galili mbere yenyu, na kûu nîkuo mue mûkamwona!’ Ririkanani ûrîa nie namwîra.”
8Kwoguo aka acio nîmaumire mbîrîrarî na îvenya mamakîte nwatî marî na gîkeno. Nîmaavinyûrire na makîthiî kwîra arutwa a Jesû ûvoro ûcio.
9Na wa rîmwe Jesû nîwaumîrîre aka acio na akîmeera atîrî, “Gîani na thayû.” Nao nîmaathiîre kûrî ke na makîmûgooca manyitîte magûrû make. 10Nake Jesû nîwamerire atîrî, “Tigani gwîtigîra. Thiîni mwîre ariû a îthe wetû mathiî Galili na kûu nîkuo makaamona.”
Ûrîa arangîri maugire
11Na rîrîa aka acio maathiîre, arangîri amwe gatagatîrî ka arîa maarangîrîte mbîrîra nîmaacokire matûûrarî, na makîra athînjîri-Ngai arîa anene maûndû marîa monthe mekîkire. 12Athînjîri-Ngai na athuuri nîmaagomanire na makîthondeka mûvango wao. Nîmaaveere arangîri acio mbeca nyîngî 13na makîmeera atîrî, “Thiîni mûkera andû atî arutwa a Jesû nîmaraûkire ûtukû na maîa mwîrî wa Jesû rîrîa mûraamamîte. 14Na mûnene wa thirikari ya Roma angîgua ûguo, tue nîtûkûmwonithia atî mûtiîvîtie. Kwoguo mûtigetigîre.”
15Kwoguo arangîri nîmoocire mbeca na magîka wa ûrîa meerîtwe meke. Naguo ûvoro ûyû nîguo ûtûîre ûganagwa nî Ayahudi nginya mûthenya wa ûmûnthî.
Jesû nîwaumîrîre arutwa ake îkûmi na ûmwe
(Mar 16.14-18; Luka 24.36-49; Joh 20.19-23; Ciîko 1.6-8)
16 #
Mat 26.32; Mar 14.28 Nao arutwa arîa îkûmi na ûmwe nîmaathiîre îtûûrarî rîa Galili, kîrîmarî kûrîa Jesû aamerîte mathiî. 17Na rîrîa maamwonire, nîmaamûgoocire wana gûtuîka amwe gatagatîrî kao maarî na nganja. 18Nake Jesû nîwathiîre vakuvî nao na akîmeera atîrî, “Nie nîrî mûve wathani wonthe gûkû nthî wana îgûrû. 19#Ciîko 1.8 Kwoguo thiîni kûrî andû onthe arîa marî nthî yonthe mûkamatue arutwa akwa. Mavatithagieni na rîîtwa rîa Îthe, na rîa Mûriû na rîa Roho Mûtheru. 20Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”
Currently Selected:
Mat 28: KKB
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
Mat 28
28
Kûriûka kwa Jesû
(Mar 16.1-10; Luka 24.1-12; Joh 20.1-10)
1Thavatû yathira, njumavili kîraûko tene, Mariamu Mûmagidali na Mariamu ûcio wîngî nîmaathiîre kûroria mbîrîra. 2Na wa rîmwe nîkwagîre na kîthingithia kînene. Nake Mûraika wa Mwathani nîwanyûrûrûkire kuuma îgûrû, akîvingiritia îthiga na akîrîkarîra. 3Mûraika ûcio aakengaga ta rûveni, nacio nguo ciake ciacerûvîte ta îra. 4Nao arangîri nîmeetigîre mûno, makinaina na magîkara ta andû akuû.
5Nake mûraika nîwerire aka acio atîrî, “Tigani gwîtigîra, nîûndû nîmbîcî mûracaria Jesû ûrîa wambirwe mûtharavarî. 6Ndarî ava, ke nîariûkîtue wata ûrîa aaugire. Taûkani mwone varîa aramamîte. 7Rîu thiîni narua mwîre arutwa ake atîrî, ‘Ke nîmûriûku, na nîakûthiî Galili mbere yenyu, na kûu nîkuo mue mûkamwona!’ Ririkanani ûrîa nie namwîra.”
8Kwoguo aka acio nîmaumire mbîrîrarî na îvenya mamakîte nwatî marî na gîkeno. Nîmaavinyûrire na makîthiî kwîra arutwa a Jesû ûvoro ûcio.
9Na wa rîmwe Jesû nîwaumîrîre aka acio na akîmeera atîrî, “Gîani na thayû.” Nao nîmaathiîre kûrî ke na makîmûgooca manyitîte magûrû make. 10Nake Jesû nîwamerire atîrî, “Tigani gwîtigîra. Thiîni mwîre ariû a îthe wetû mathiî Galili na kûu nîkuo makaamona.”
Ûrîa arangîri maugire
11Na rîrîa aka acio maathiîre, arangîri amwe gatagatîrî ka arîa maarangîrîte mbîrîra nîmaacokire matûûrarî, na makîra athînjîri-Ngai arîa anene maûndû marîa monthe mekîkire. 12Athînjîri-Ngai na athuuri nîmaagomanire na makîthondeka mûvango wao. Nîmaaveere arangîri acio mbeca nyîngî 13na makîmeera atîrî, “Thiîni mûkera andû atî arutwa a Jesû nîmaraûkire ûtukû na maîa mwîrî wa Jesû rîrîa mûraamamîte. 14Na mûnene wa thirikari ya Roma angîgua ûguo, tue nîtûkûmwonithia atî mûtiîvîtie. Kwoguo mûtigetigîre.”
15Kwoguo arangîri nîmoocire mbeca na magîka wa ûrîa meerîtwe meke. Naguo ûvoro ûyû nîguo ûtûîre ûganagwa nî Ayahudi nginya mûthenya wa ûmûnthî.
Jesû nîwaumîrîre arutwa ake îkûmi na ûmwe
(Mar 16.14-18; Luka 24.36-49; Joh 20.19-23; Ciîko 1.6-8)
16 #
Mat 26.32; Mar 14.28 Nao arutwa arîa îkûmi na ûmwe nîmaathiîre îtûûrarî rîa Galili, kîrîmarî kûrîa Jesû aamerîte mathiî. 17Na rîrîa maamwonire, nîmaamûgoocire wana gûtuîka amwe gatagatîrî kao maarî na nganja. 18Nake Jesû nîwathiîre vakuvî nao na akîmeera atîrî, “Nie nîrî mûve wathani wonthe gûkû nthî wana îgûrû. 19#Ciîko 1.8 Kwoguo thiîni kûrî andû onthe arîa marî nthî yonthe mûkamatue arutwa akwa. Mavatithagieni na rîîtwa rîa Îthe, na rîa Mûriû na rîa Roho Mûtheru. 20Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019