Mat 25
25
Ngerekano ya erîtu îkûmi
1 #
Luka 12.35
“Vîndî îo Ûthamaki wa îgûrû ûkaagerekanua na erîtu îkûmi arîa moocire mataa mao nîguo magatûnge mûvikania. 2Atano marî aûgî na atano marî aritu. 3Erîtu acio atano maarî aritu, maakuire taa ciao, na matiakuua maguta ma kwongerera. 4Nwatî erîtu arîa maarî aûgî maakuire taa ciao, na magîkuua maguta ma kwongerera. 5Nake mûvikania nîwacererwe nî gûkinya, na kwoguo erîtu acio nîmaambîrîrie kûgocerera na makîmama.
6“Na thaa thita cia ûtukû ciakinya, nîkwanîrîrwe atîrî, ‘Mûvikania nîwakinya, Ûkani mûmûtûnge!’ 7Nao erîtu acio nîmaaûkîrire na makîambatia ndambi cia taa ciao. 8Nao erîtu acio maarî aritu nîmeerire erîtu arîa maarî aûgî atîrî, ‘Tûgaûrîreni maguta menyu nîûndû taa cietû nîiravora.’ 9Nwatî erîtu acio maarî aûgî nîmaamacokerie atîrî, ‘Naarî, maguta marîa tûrî namo matingîtwîgana na mamwîgane. Thiîni ndukarî mûkagûre menyu.’ 10Nao erîtu acio maarî aritu nîmaavinyûrire ndukarî kûgûra maguta. Rîrîa maathiîre kûgûra maguta, mûvikania nîwakinyire. Nao erîtu acio maarî aûgî nîmaatonyire vamwe na mûvikania kîrugorî Kîam ûviki, naguo mûrango ûkîvingwa.
11 #
Luka 13.25
“Kavinda kanini kavîtûka, erîtu acio engî wanao nîmaakinyire, na makiuga atîrî, ‘Mwathani, Mwathani tûvingûrîre mûrango.’ 12Nwatî mûvikania nîwamerire atîrî, ‘Nîramwîra nama atî nie ndimwîcî.’ ”
13Nake Jesû akîrîkîrîria nîwamerire atîrî, “Îkaragani mwîmenyererete nîûndû mûtiîcî mûthenya kana îthaa.
Ngerekano ya ndungata ithatû
(Luka 19.11-27)
14 #
Luka 19.11-27
“Vîndî îo Ûthamaki wa îgûrû ûkeethîrwa wîkariî ta û: Vîndî îmwe nîkwarî na mûndû wathiîcaga rûgendo. Mbere ya athiî nîwetire ndungata ciake na agîciatha imûroragîrie indo ciake. 15Nîwaigaîre wa ndungata kûringana na ûvoti wayo. Nîwagaîre ndungata îmwe mbeca ngiri ithano, îngî ngiri igîrî, na îo îngî nîyagaîrwe ngiri îmwe. Mûndû ûcio nîwacokire akîthiî rûgendo. 16Ndungata îrîa yaverwe mbeca cia sîlûva ngiri ithano, nîyathiîre wa rîmwe, na îgîcionjorithia, na îkîona ngiri ciîngî ithano. 17Îrîa yaverwe mbeca ngiri igîrî wanayo nîyacionjorithirie na îkîona mbeca ciîngî ngiri igîrî. 18Nwatî ndungata îrîa yagaîrîtwe mbeca cia sîlûva ngiri îmwe, nîyathiîre îkînja îrima na îkîthika mbeca cia mwathi wayo.
19“Na vuva wa gwîkara kavinda karaca, mwathi wa ndungata icio nîwacokire na akîenda kûmenya ûrîa ndungata ciekire na mbeca. 20Nayo ndungata îrîa yanengeretwe mbeca ngiri ithano nîyathiîre na îkiuga atîrî, ‘Mwathi wakwa, wanengere mbeca ngiri ithano, na rîu nîmonjorithîtie mbeca ciîngî ngiri ithano.’ 21Nake mwathi wake nîwamwîrire atîrî, ‘Nîwîkîte waro we wî ndungata mbaro. Nîwîvokekete na tûindo tûnini, na kwoguo nîngûgûtua mûmenyereri wa indo nyîngî. Tonya tûkenanîre vamwe!’
22“Nayo ndungata îrîa yanengeretwe mbeca ngiri igîrî nîyathiîre kûrî mwathi wayo na îkiuga atîrî, ‘Mwathi wakwa, wanengere mbeca ngiri igîrî, na rîu nîmonjorithîtie mbeca ciîngî ngiri igîrî.’ 23Nake mwathi wayo nîwamîrire atîrî, ‘Nîwîkîte waro. We wî ndungata mbaro na îîvokekete. Nîwîvokekete na tûindo tûnini. Nîngûgûtua mûmenyereri wa indo nyîngî. Tonya tûkenanîre vamwe!’
24“Nayo ndungata îrîa yanengeretwe mbeca ngiri îmwe nîyathiîre kûrî mwathi wayo na îkiuga atîrî, ‘Mwathi wakwa, nie nîmbîcî atî we wî mûndû mûcûku mûno; we ûkethaga kûrîa ûtavandîte, na ûgacokanîrîria kûrîa ûtaminjîte. 25Nie nînetigîre na kwoguo Nînathiîre na ngîthitha mbeca ciaku mûtheturî. Nacio mbeca ciaku nîcio ino, îcukia.’
26“Nake mwathi wa ndungata îo nîwamîrire atîrî, ‘We ndungata îno mbaganu na ngûtaru! Nîwecî atî nie ngethaga kûrîa ndavandîte, na ngacokanîrîria kûrîa ndaminjîte; 27Kwoguo we nîwagîrîrwe nî kwiga mbeca ciakwa bangi nîguo naacoka njokerue irî na maciaro.’ 28Nake mwathi wa ndungata icio nîwaugire mbeca icio ciocwe na inengerwe ndungata îrîa îrî na mbeca ngiri îkûmi. 29#Mat 13.12; Mar 4.25; Luka 8.18 Nîûndû mûndû wa wonthe wîna kîndû, nîakoongererwa ciîngî nyîngî, na makîrîa. Nwatî mûndû ûrîa ûtarî na kîndû, wana kîrîa kînini arî nakîo nîagaacunwa. 30#Mat 8.12; 22.13; Luka 13.28 Nayo ndungata îno ya mana, mikieni na kûu nja ndumarî; kûu nîkuo andû makaarîra na marîe magego.”
Îtuîro rîa mûthiia
31 #
Mat 16.27; 19.28 “Vîndî îrîa Mûrû wa Mûndû agaacoka arî Mûthamaki, na arî na araika ake onthe, nîagekarîra gîtî gîake Kîam ûthamaki. 32Nao andû a mavûrûri monthe nîmagacokanîrîrua vamwe vau mbere yake. Nake nîagaacoka amagaanie ikundi igîrî, wata ûrîa mûrîthi aamûranagia ng'ondu kuuma kûrî mbûri. 33Ke nîakaaiga andû arîa athingu mwena wake wa ûrîo, na acio engî amaige mwena wake wa ûmotho. 34Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî. 35Nîûndû nie naarî mûvûtu na mûkîmva kîndû gîa kûrîa, naarî mûnyondu na mûkîmva kîndû gîa kûnyua, naarî mûgeni na mûkûnyita ûgeni kwenyu mûciî, 36na naarî njaga na mûkîmva nguo ya gwîkîra. Nie naarî mûrûaru na mûkîmenyerera, na rîrîa naarî njeera nîmwaûkire kûmona.’
37“Nao andû arîa athingu nîmagaacoka mamûrie atîrî ‘Mwathani, nî vîndî îrîkû twakwonire ûrî mûvûtu na tûgîkûva irio, kana ûrî mûnyondu na tûgîkûva kîndû gîa kûnyua? 38Na nî vîndî îrîkû twakwonire wî mûgeni na tûgîkûnyita ûgeni gwetû mûciî, kana wî njaga na tûgîkûva nguo ya gwîkîra? 39Na nîrî twakwonire ûrî mûrwaru, na tûgîkûmenyerera, na ûrî njeera tûgîûka gûkwona?’ 40Nake Mûthamaki ûcio nîakaamacokeria atîrî, ‘Nie nîramwîra nama atî, ûndû ûrîa wonthe mwekire mûndû ûrîa mûnini mûno wa ariû a îthe wetû, nî nie mwekire!’
41 #
Dan 12.2
“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake. 42Nîûndû naarî mûvûtu na mûtiamva kîndû gîa kûrîa na naarî mûnyondu na mûtiamva kîndû gîa kûnyua. 43Nie naarî mûgeni na mûtianyita ûgeni kwenyu mûciî na naarî njaga na mûtiamva nguo ya gwîkîra. Nie naarî mûrwaru na naarî njeera na mûtiaûka kûmona!’
44“Nao nîmakaamûcokeria atîrî, ‘Nî vîndî îrîkû Mwathani twakwonire ûrî mûvûtu, kana ûrî mûnyondu kana ûrî njaga kana ûrî mûrwaru kana ûrî njeera, na tûkîrega gûgûtungatîra?’ 45Nake Mûthamaki nîakaamacokeria atîrî, ‘Nîramwîra nama atî vîndî îrîa mwaregire gûtethia mûndû ûrîa mûnini mûno, nînie mwaregire gûtethia.’ 46Nao andû acio nîmakaathiî kûrîa makaaverithua tene na tene. Nao andû arîa athingu nîmakaathiî mwoyorî wa tene na tene.”
Currently Selected:
Mat 25: KKB
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
Mat 25
25
Ngerekano ya erîtu îkûmi
1 #
Luka 12.35
“Vîndî îo Ûthamaki wa îgûrû ûkaagerekanua na erîtu îkûmi arîa moocire mataa mao nîguo magatûnge mûvikania. 2Atano marî aûgî na atano marî aritu. 3Erîtu acio atano maarî aritu, maakuire taa ciao, na matiakuua maguta ma kwongerera. 4Nwatî erîtu arîa maarî aûgî maakuire taa ciao, na magîkuua maguta ma kwongerera. 5Nake mûvikania nîwacererwe nî gûkinya, na kwoguo erîtu acio nîmaambîrîrie kûgocerera na makîmama.
6“Na thaa thita cia ûtukû ciakinya, nîkwanîrîrwe atîrî, ‘Mûvikania nîwakinya, Ûkani mûmûtûnge!’ 7Nao erîtu acio nîmaaûkîrire na makîambatia ndambi cia taa ciao. 8Nao erîtu acio maarî aritu nîmeerire erîtu arîa maarî aûgî atîrî, ‘Tûgaûrîreni maguta menyu nîûndû taa cietû nîiravora.’ 9Nwatî erîtu acio maarî aûgî nîmaamacokerie atîrî, ‘Naarî, maguta marîa tûrî namo matingîtwîgana na mamwîgane. Thiîni ndukarî mûkagûre menyu.’ 10Nao erîtu acio maarî aritu nîmaavinyûrire ndukarî kûgûra maguta. Rîrîa maathiîre kûgûra maguta, mûvikania nîwakinyire. Nao erîtu acio maarî aûgî nîmaatonyire vamwe na mûvikania kîrugorî Kîam ûviki, naguo mûrango ûkîvingwa.
11 #
Luka 13.25
“Kavinda kanini kavîtûka, erîtu acio engî wanao nîmaakinyire, na makiuga atîrî, ‘Mwathani, Mwathani tûvingûrîre mûrango.’ 12Nwatî mûvikania nîwamerire atîrî, ‘Nîramwîra nama atî nie ndimwîcî.’ ”
13Nake Jesû akîrîkîrîria nîwamerire atîrî, “Îkaragani mwîmenyererete nîûndû mûtiîcî mûthenya kana îthaa.
Ngerekano ya ndungata ithatû
(Luka 19.11-27)
14 #
Luka 19.11-27
“Vîndî îo Ûthamaki wa îgûrû ûkeethîrwa wîkariî ta û: Vîndî îmwe nîkwarî na mûndû wathiîcaga rûgendo. Mbere ya athiî nîwetire ndungata ciake na agîciatha imûroragîrie indo ciake. 15Nîwaigaîre wa ndungata kûringana na ûvoti wayo. Nîwagaîre ndungata îmwe mbeca ngiri ithano, îngî ngiri igîrî, na îo îngî nîyagaîrwe ngiri îmwe. Mûndû ûcio nîwacokire akîthiî rûgendo. 16Ndungata îrîa yaverwe mbeca cia sîlûva ngiri ithano, nîyathiîre wa rîmwe, na îgîcionjorithia, na îkîona ngiri ciîngî ithano. 17Îrîa yaverwe mbeca ngiri igîrî wanayo nîyacionjorithirie na îkîona mbeca ciîngî ngiri igîrî. 18Nwatî ndungata îrîa yagaîrîtwe mbeca cia sîlûva ngiri îmwe, nîyathiîre îkînja îrima na îkîthika mbeca cia mwathi wayo.
19“Na vuva wa gwîkara kavinda karaca, mwathi wa ndungata icio nîwacokire na akîenda kûmenya ûrîa ndungata ciekire na mbeca. 20Nayo ndungata îrîa yanengeretwe mbeca ngiri ithano nîyathiîre na îkiuga atîrî, ‘Mwathi wakwa, wanengere mbeca ngiri ithano, na rîu nîmonjorithîtie mbeca ciîngî ngiri ithano.’ 21Nake mwathi wake nîwamwîrire atîrî, ‘Nîwîkîte waro we wî ndungata mbaro. Nîwîvokekete na tûindo tûnini, na kwoguo nîngûgûtua mûmenyereri wa indo nyîngî. Tonya tûkenanîre vamwe!’
22“Nayo ndungata îrîa yanengeretwe mbeca ngiri igîrî nîyathiîre kûrî mwathi wayo na îkiuga atîrî, ‘Mwathi wakwa, wanengere mbeca ngiri igîrî, na rîu nîmonjorithîtie mbeca ciîngî ngiri igîrî.’ 23Nake mwathi wayo nîwamîrire atîrî, ‘Nîwîkîte waro. We wî ndungata mbaro na îîvokekete. Nîwîvokekete na tûindo tûnini. Nîngûgûtua mûmenyereri wa indo nyîngî. Tonya tûkenanîre vamwe!’
24“Nayo ndungata îrîa yanengeretwe mbeca ngiri îmwe nîyathiîre kûrî mwathi wayo na îkiuga atîrî, ‘Mwathi wakwa, nie nîmbîcî atî we wî mûndû mûcûku mûno; we ûkethaga kûrîa ûtavandîte, na ûgacokanîrîria kûrîa ûtaminjîte. 25Nie nînetigîre na kwoguo Nînathiîre na ngîthitha mbeca ciaku mûtheturî. Nacio mbeca ciaku nîcio ino, îcukia.’
26“Nake mwathi wa ndungata îo nîwamîrire atîrî, ‘We ndungata îno mbaganu na ngûtaru! Nîwecî atî nie ngethaga kûrîa ndavandîte, na ngacokanîrîria kûrîa ndaminjîte; 27Kwoguo we nîwagîrîrwe nî kwiga mbeca ciakwa bangi nîguo naacoka njokerue irî na maciaro.’ 28Nake mwathi wa ndungata icio nîwaugire mbeca icio ciocwe na inengerwe ndungata îrîa îrî na mbeca ngiri îkûmi. 29#Mat 13.12; Mar 4.25; Luka 8.18 Nîûndû mûndû wa wonthe wîna kîndû, nîakoongererwa ciîngî nyîngî, na makîrîa. Nwatî mûndû ûrîa ûtarî na kîndû, wana kîrîa kînini arî nakîo nîagaacunwa. 30#Mat 8.12; 22.13; Luka 13.28 Nayo ndungata îno ya mana, mikieni na kûu nja ndumarî; kûu nîkuo andû makaarîra na marîe magego.”
Îtuîro rîa mûthiia
31 #
Mat 16.27; 19.28 “Vîndî îrîa Mûrû wa Mûndû agaacoka arî Mûthamaki, na arî na araika ake onthe, nîagekarîra gîtî gîake Kîam ûthamaki. 32Nao andû a mavûrûri monthe nîmagacokanîrîrua vamwe vau mbere yake. Nake nîagaacoka amagaanie ikundi igîrî, wata ûrîa mûrîthi aamûranagia ng'ondu kuuma kûrî mbûri. 33Ke nîakaaiga andû arîa athingu mwena wake wa ûrîo, na acio engî amaige mwena wake wa ûmotho. 34Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî. 35Nîûndû nie naarî mûvûtu na mûkîmva kîndû gîa kûrîa, naarî mûnyondu na mûkîmva kîndû gîa kûnyua, naarî mûgeni na mûkûnyita ûgeni kwenyu mûciî, 36na naarî njaga na mûkîmva nguo ya gwîkîra. Nie naarî mûrûaru na mûkîmenyerera, na rîrîa naarî njeera nîmwaûkire kûmona.’
37“Nao andû arîa athingu nîmagaacoka mamûrie atîrî ‘Mwathani, nî vîndî îrîkû twakwonire ûrî mûvûtu na tûgîkûva irio, kana ûrî mûnyondu na tûgîkûva kîndû gîa kûnyua? 38Na nî vîndî îrîkû twakwonire wî mûgeni na tûgîkûnyita ûgeni gwetû mûciî, kana wî njaga na tûgîkûva nguo ya gwîkîra? 39Na nîrî twakwonire ûrî mûrwaru, na tûgîkûmenyerera, na ûrî njeera tûgîûka gûkwona?’ 40Nake Mûthamaki ûcio nîakaamacokeria atîrî, ‘Nie nîramwîra nama atî, ûndû ûrîa wonthe mwekire mûndû ûrîa mûnini mûno wa ariû a îthe wetû, nî nie mwekire!’
41 #
Dan 12.2
“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake. 42Nîûndû naarî mûvûtu na mûtiamva kîndû gîa kûrîa na naarî mûnyondu na mûtiamva kîndû gîa kûnyua. 43Nie naarî mûgeni na mûtianyita ûgeni kwenyu mûciî na naarî njaga na mûtiamva nguo ya gwîkîra. Nie naarî mûrwaru na naarî njeera na mûtiaûka kûmona!’
44“Nao nîmakaamûcokeria atîrî, ‘Nî vîndî îrîkû Mwathani twakwonire ûrî mûvûtu, kana ûrî mûnyondu kana ûrî njaga kana ûrî mûrwaru kana ûrî njeera, na tûkîrega gûgûtungatîra?’ 45Nake Mûthamaki nîakaamacokeria atîrî, ‘Nîramwîra nama atî vîndî îrîa mwaregire gûtethia mûndû ûrîa mûnini mûno, nînie mwaregire gûtethia.’ 46Nao andû acio nîmakaathiî kûrîa makaaverithua tene na tene. Nao andû arîa athingu nîmakaathiî mwoyorî wa tene na tene.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019