Mat 24
24
Jesû nîwaririe ûvoro wîgiî kwomomorwa kwa hekarû
(Mar 13.1-2; Luka 21.5-6)
1Nake Jesû nîwaumire hekarûrî. Na rîrîa aathiîcaga, arutwa ake nîmaathiîre kûrî ke na makîmwonia mîako ya hekarû. 2Nake Jesû nîwamacokerie atîrî, “Nîmûrona mîako îno yonthe? Nîramwîra na ma atî gûtirî îthiga wana rîmwe rîrî ava rîgaatigwa rî îgûrû rîa rîrîa rîngî; mathiga monthe nîmakoomomorwa.”
Mathîna na mînyamaaro
(Mar 13.3-13; Luka 21.7-19)
3Vîndî îrîa Jesû eekarîte nthî kîrîmarî Kîam mîtî ya mîtamaiyû îrîa îciaraga matunda, arutwa ake nîmaathiîre kûrî ke marî oonga na makîmwîra atîrî, “Ta twîre atîrî, maûndû mama monthe mageekîka rî, na nîndûî gîgaatwonia atî îvinda rîa gûka gwaku na rîa îthirîro rîa nthî nîrîkinyu.”
4Nake Jesû nîwamacokerie atîrî, “Îîmenyagîrîreni mûtikavîtithue nî mûndû wana ûrîkû. 5Nîûndû andû eengî nîmagaaûka makiugaga atîrî, ‘Nie nînie Mesaya,’ na nîmakaavîtithia andû eengî. 6Mue nîmûkegua mûrurumo wa mbaara vakuvî na mue, na wa mbaara îrîa îrî kûraca, nwatî mûtikavavûke. Maûndû ta mama nwa nginya mekîke, nwatî ûcio tîguo mûthiia wa nthî. 7Mavûrûri nîmakaarûa, namo mothamaki mathithûkanîre. Nîgûkaagîa na yûra kûndû kwîngî na kûgîe na ithingithia. 8Maûndû mama monthe nîta Kîammbîrîria Kîam ûrûrû ûrîa mûndûmûka egucaga akîgîa na mwana.
9 #
Mat 10.22
“Na mue nîmûgaacoka mûnyitwe na mûnenganîrwe kûrî andû nîguo mamûverithie na mamûûrage. Nao andû onthe a nthî nîmakaamûmena nîûndû wakwa. 10Vîndî îo andû eengî nîmagaatiganîria wîtîkio wao; nîmagaacukananîra na mathûrane o ene. 11Arathi eengî a maveeni nîmagaacoka meyumîrie na mavîtithie andû eengî. 12Na nîûndû waganu nîûkethîrwa wongererekete mûno, andû eengî nîmagaatiga kwenda arîa engî. 13#Mat 10.22 Nwatî mûndû wa wonthe ûkaaûmîrîria nginya mûthiia nîakaavonokua. 14Naguo Ûvoro Mwaro wîgiî Ûthamaki wa Ngai nîûkavunjua nthî yonthe wî ta ûira kûrî andû onthe, na vuva wa ûguo îthirîro rîcoke rîkinye.
Vingo ya mathîna
(Mar 13.14-23; Luka 21.20-24)
15 #
Dan 9.27; 11.31; 12.11 “Mue nîmûkoona ‘Kîndû kîrîa kîrî mûgiro’ kîrîa mûrathi Danieli aaririe ûvoro wakîo kîrûngamîte vandû varîa vatheru.” (Mûndû ûrîa ûrathoma nîataûkîrwe nî ûrîa kûrerwa!) 16Vîndî îo andû arîa makeethîrwa marî Judea nwa nginya maûre mathiî irîmarî. 17#Luka 17.31 Nake mûndû ûrîa ûkeethîrwa arî nyomba îgûrû ndakavarûrûke na atonye nyomba kûgîra indo ciake. 18Na mûndû ûrîa wî mûgûndarî ndagacokere nguo ciake. 19Na kaî vîndî îo aka arîa makeethîrwa marî îvu, na arîa makeethîrwa makîongithia nîmakeethîrwa na thîna mwîngî-î! 20Voyani Ngai nîguo mûtikaûre mûthiî vîndî ya mvevo kana mûthenya wa thavatû. 21#Dan 12.1; Kûguû 7.14 Nîûndû vîndî îo nîgûkeethîrwa na thîna mûnene ûkîrîte ûrîa wonthe wanagîa kuo kuuma rîrîa Ngai aaûmbire nthî nginyagia rîu, na gûtirî vîndî gûkooneka ta guo rîngî. 22Nwatî Ngai nîanyivanyivîtie mîthenya îo. Tiga nî ûguo, gûtirî mûndû ûngîgaatigara. Nwatî nîûndû wa andû ake arîa ethuurîrîte, Ngai nîakaanyivanyivia mîthenya îo.
23“Na vîndî îo mûngîkeerwa nî mûndû atîrî, ‘Taroria, ûyû nîke Mesaya!’ Kana amwîre ‘Taroriani, ûûrîa nîke Mesaya!’ Mûtikamwîtîkie. 24Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte. 25Tathikîrîriani! Nie namwîra maûndû mama mbere ya mekîke.
26 #
Luka 17.23-24
“Kwoguo mûndû angîmwîra atîrî, ‘Taroriani, arî werûrî!’ Mûtikaathiî kuo. Na mangîkaamwîra atî ethithîte nyomba! Mûtigetîkie. 27Nîûndû Mûrû wa Mûndû agaûka ta rûveni rûrîa rûvenagia îgûrû matuurî kuuma mwena wa îrathîro nginya mwena wa îthûîro. 28#Luka 17.37 Kûndû kûrîa kuonthe ciimba irî, nîkuo nderi igomanaga.
Gûka kwa Mûrû wa Mûndû
(Mar 13.24-27; Luka 21.25-28)
29 #
Isa 13.10; 34.4; Ezek 32.7; Joe 2.10; 3.4; 3.15; Kûguû 6.12-13 “Na warîo vuva wa vîndî îo ya mathîna, riûa nîrîgaatuîka nduma, mweri ûtige kwara, njata igwe nthî kuuma îgûrû, na maavinya marîa marî îgûrû mainainue. 30#Dan 7.13; Zak 12.10-14; Kûguû 1.7 Nakîo kîmenyithia gîa gûka kwa Mûrû wa Mûndû nîgîkeyumîria matuurî. Nao andû onthe a nthî nîmakaarîra moona Mûrû wa Mûndû agîûka arî ndaarî ya matu ma îgûrû, arî na vinya na riiri mwîngî. 31Natuo tûrumbeta nîtûkavuvwa. Nake nîagaacoka atûme araika mathiî nthî yonthe. Nao nîmakaaûngania andû arîa Ngai ethuurîrîte kuuma gîturi kîmwe Kîam nthî nginya kîrîa kîngî.
Kîthomo kuumana na mûkûyû
(Mar 13.28-31; Luka 21.29-33)
32“Tathomani kuumana na mûkûyû mwone atî, kavinda karîa mvûa ciambîrîria kûruta mathangû, nîmûmenyaga atî vîndî ya mbura îrî vakuvî. 33Na njîra ta îno, rîrîa mûkoona maûndû mama monthe magîkîka, nîmûkaamenya atî îvinda nîrîkuvîvîrie na rîrî vakuvî wata mûrangorî. 34Nîramwîra nama atî, rûciaro rûrû rûtikaathira maûndû mama monthe matarî mekîku. 35Îgûrû na nthî nîikaathira, nwatî ciugo ciakwa itikaathira.
Gûtirî mûndû wîcî mûthenya na îthaa
(Mar 13.32-37; Luka 17.26-30,34-36)
36“Gûtirî mûndû wîcî rîrîa mûthenya ûcio na îthaa rîu rîgaakinya. Araika arîa marî îgûrû wana nginya mûriû#24.36 wana nginya mûriû: Mandîko mamwe matirî ‘wana nginya mûriû.’ matiîcî. Vava tu nîke wîcî. 37#Kîam 6.5-8 Rîrîa Mûrû wa Mûndû agaaûka, gûkeethîrwa gwîkariî wata ûrîa gwekariî vîndî ya Noa. 38Nîûndû vîndî îo mbere ya nthî îkunîkîrwa nî manjî, andû nîmaarîcaga na makanyua. Arûme nîmaavikanagia nao aka makavikua, nginya mûthenya ûrîa Noa aatonyire thavinarî. 39#Kîam 7.6-24 Nwatî o matiamenyaga ûrîa gwekîkaga nginya mûthenya ûrîa maaûrîîre manjîrî onthe. Ûguo nîguo gûkeethîrwa gwîkariî vîndî îrîa Mûrû wa Mûndû agaaûka. 40Vîndî îo andû aîrî nîmakeethîrwa marî mûgûndarî. Ûmwe nîagocwa, ûcio wîngî atigwe. 41Aka aîrî nîmakeethîrwa makîthia, ûmwe nîagocwa, ûcio wîngî atigwe.
42“Kwoguo îîmenyagîrîreni nîûndû mûtiîcî mûthenya ûrîa Mwathani agaaûka. 43#Luka 12.39-40 Nwatî menyani waro atî, kethîrwa mwene nyomba nwa amenye thaa îrîa mwîi angîûka nyomba, nwa ekare emenyererete nîguo mwîi ûcio ndakavunje nyomba yake. 44Kwoguo mue wa namue nwa nginya mwîkarage mwîvarîrîtie vîndî cionthe, nîûndû Mûrû wa Mûndû agaûka îthaa rîrîa mûkeethîrwa mûtamwîrîgîrîrîte.
Ndungata îrîa îîvokekete na îrîa îtevokekete
(Luka 12.41-48)
45“Ndungata îrîa îîvokekete na mbûgî nî îrîkû? Nî îrîa îragwa nî Mwathi wayo îmenyagîrîre ndungata irîa ciîngî na îivecage irio mathaa marîa magîrîru. 46Rîrîa mwathi wayo agaaûka na ethîre ndungata îo îgîîka ûguo, nîkaarathimwa. 47Nîramwîra na ma atî mwene mûciî nîakaava ndungata îo wîra wa kûmenyerera indo cionthe ciake. 48Nwatî ethîrwa ndungata îo nî mbaganu, yo nîîkeîra na ngoro atî, Mwathi wayo nîagwîkara kavinda karaca ma agîgaacoka. 49Kwoguo yo îkambîrîria kûriva ndungata irîa ciîngî, na yambîrîrie kûrîa na kûnyua na mîrîu. 50Mwathi wa ndungata îo agaacoka mûthenya ûrîa ndungata îo îtamwîrîgîrîrîte na îthaarî rîrîa yo îtaicî. 51Mwathi wa ndungata îo nî akaamîverithia mûno na amîtuîre ûndû ûmwe na mvinga. Kûu nîkuo andû makaarîra na marîe magego nîûndû wa ûrûrû.
Currently Selected:
Mat 24: KKB
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
Mat 24
24
Jesû nîwaririe ûvoro wîgiî kwomomorwa kwa hekarû
(Mar 13.1-2; Luka 21.5-6)
1Nake Jesû nîwaumire hekarûrî. Na rîrîa aathiîcaga, arutwa ake nîmaathiîre kûrî ke na makîmwonia mîako ya hekarû. 2Nake Jesû nîwamacokerie atîrî, “Nîmûrona mîako îno yonthe? Nîramwîra na ma atî gûtirî îthiga wana rîmwe rîrî ava rîgaatigwa rî îgûrû rîa rîrîa rîngî; mathiga monthe nîmakoomomorwa.”
Mathîna na mînyamaaro
(Mar 13.3-13; Luka 21.7-19)
3Vîndî îrîa Jesû eekarîte nthî kîrîmarî Kîam mîtî ya mîtamaiyû îrîa îciaraga matunda, arutwa ake nîmaathiîre kûrî ke marî oonga na makîmwîra atîrî, “Ta twîre atîrî, maûndû mama monthe mageekîka rî, na nîndûî gîgaatwonia atî îvinda rîa gûka gwaku na rîa îthirîro rîa nthî nîrîkinyu.”
4Nake Jesû nîwamacokerie atîrî, “Îîmenyagîrîreni mûtikavîtithue nî mûndû wana ûrîkû. 5Nîûndû andû eengî nîmagaaûka makiugaga atîrî, ‘Nie nînie Mesaya,’ na nîmakaavîtithia andû eengî. 6Mue nîmûkegua mûrurumo wa mbaara vakuvî na mue, na wa mbaara îrîa îrî kûraca, nwatî mûtikavavûke. Maûndû ta mama nwa nginya mekîke, nwatî ûcio tîguo mûthiia wa nthî. 7Mavûrûri nîmakaarûa, namo mothamaki mathithûkanîre. Nîgûkaagîa na yûra kûndû kwîngî na kûgîe na ithingithia. 8Maûndû mama monthe nîta Kîammbîrîria Kîam ûrûrû ûrîa mûndûmûka egucaga akîgîa na mwana.
9 #
Mat 10.22
“Na mue nîmûgaacoka mûnyitwe na mûnenganîrwe kûrî andû nîguo mamûverithie na mamûûrage. Nao andû onthe a nthî nîmakaamûmena nîûndû wakwa. 10Vîndî îo andû eengî nîmagaatiganîria wîtîkio wao; nîmagaacukananîra na mathûrane o ene. 11Arathi eengî a maveeni nîmagaacoka meyumîrie na mavîtithie andû eengî. 12Na nîûndû waganu nîûkethîrwa wongererekete mûno, andû eengî nîmagaatiga kwenda arîa engî. 13#Mat 10.22 Nwatî mûndû wa wonthe ûkaaûmîrîria nginya mûthiia nîakaavonokua. 14Naguo Ûvoro Mwaro wîgiî Ûthamaki wa Ngai nîûkavunjua nthî yonthe wî ta ûira kûrî andû onthe, na vuva wa ûguo îthirîro rîcoke rîkinye.
Vingo ya mathîna
(Mar 13.14-23; Luka 21.20-24)
15 #
Dan 9.27; 11.31; 12.11 “Mue nîmûkoona ‘Kîndû kîrîa kîrî mûgiro’ kîrîa mûrathi Danieli aaririe ûvoro wakîo kîrûngamîte vandû varîa vatheru.” (Mûndû ûrîa ûrathoma nîataûkîrwe nî ûrîa kûrerwa!) 16Vîndî îo andû arîa makeethîrwa marî Judea nwa nginya maûre mathiî irîmarî. 17#Luka 17.31 Nake mûndû ûrîa ûkeethîrwa arî nyomba îgûrû ndakavarûrûke na atonye nyomba kûgîra indo ciake. 18Na mûndû ûrîa wî mûgûndarî ndagacokere nguo ciake. 19Na kaî vîndî îo aka arîa makeethîrwa marî îvu, na arîa makeethîrwa makîongithia nîmakeethîrwa na thîna mwîngî-î! 20Voyani Ngai nîguo mûtikaûre mûthiî vîndî ya mvevo kana mûthenya wa thavatû. 21#Dan 12.1; Kûguû 7.14 Nîûndû vîndî îo nîgûkeethîrwa na thîna mûnene ûkîrîte ûrîa wonthe wanagîa kuo kuuma rîrîa Ngai aaûmbire nthî nginyagia rîu, na gûtirî vîndî gûkooneka ta guo rîngî. 22Nwatî Ngai nîanyivanyivîtie mîthenya îo. Tiga nî ûguo, gûtirî mûndû ûngîgaatigara. Nwatî nîûndû wa andû ake arîa ethuurîrîte, Ngai nîakaanyivanyivia mîthenya îo.
23“Na vîndî îo mûngîkeerwa nî mûndû atîrî, ‘Taroria, ûyû nîke Mesaya!’ Kana amwîre ‘Taroriani, ûûrîa nîke Mesaya!’ Mûtikamwîtîkie. 24Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte. 25Tathikîrîriani! Nie namwîra maûndû mama mbere ya mekîke.
26 #
Luka 17.23-24
“Kwoguo mûndû angîmwîra atîrî, ‘Taroriani, arî werûrî!’ Mûtikaathiî kuo. Na mangîkaamwîra atî ethithîte nyomba! Mûtigetîkie. 27Nîûndû Mûrû wa Mûndû agaûka ta rûveni rûrîa rûvenagia îgûrû matuurî kuuma mwena wa îrathîro nginya mwena wa îthûîro. 28#Luka 17.37 Kûndû kûrîa kuonthe ciimba irî, nîkuo nderi igomanaga.
Gûka kwa Mûrû wa Mûndû
(Mar 13.24-27; Luka 21.25-28)
29 #
Isa 13.10; 34.4; Ezek 32.7; Joe 2.10; 3.4; 3.15; Kûguû 6.12-13 “Na warîo vuva wa vîndî îo ya mathîna, riûa nîrîgaatuîka nduma, mweri ûtige kwara, njata igwe nthî kuuma îgûrû, na maavinya marîa marî îgûrû mainainue. 30#Dan 7.13; Zak 12.10-14; Kûguû 1.7 Nakîo kîmenyithia gîa gûka kwa Mûrû wa Mûndû nîgîkeyumîria matuurî. Nao andû onthe a nthî nîmakaarîra moona Mûrû wa Mûndû agîûka arî ndaarî ya matu ma îgûrû, arî na vinya na riiri mwîngî. 31Natuo tûrumbeta nîtûkavuvwa. Nake nîagaacoka atûme araika mathiî nthî yonthe. Nao nîmakaaûngania andû arîa Ngai ethuurîrîte kuuma gîturi kîmwe Kîam nthî nginya kîrîa kîngî.
Kîthomo kuumana na mûkûyû
(Mar 13.28-31; Luka 21.29-33)
32“Tathomani kuumana na mûkûyû mwone atî, kavinda karîa mvûa ciambîrîria kûruta mathangû, nîmûmenyaga atî vîndî ya mbura îrî vakuvî. 33Na njîra ta îno, rîrîa mûkoona maûndû mama monthe magîkîka, nîmûkaamenya atî îvinda nîrîkuvîvîrie na rîrî vakuvî wata mûrangorî. 34Nîramwîra nama atî, rûciaro rûrû rûtikaathira maûndû mama monthe matarî mekîku. 35Îgûrû na nthî nîikaathira, nwatî ciugo ciakwa itikaathira.
Gûtirî mûndû wîcî mûthenya na îthaa
(Mar 13.32-37; Luka 17.26-30,34-36)
36“Gûtirî mûndû wîcî rîrîa mûthenya ûcio na îthaa rîu rîgaakinya. Araika arîa marî îgûrû wana nginya mûriû#24.36 wana nginya mûriû: Mandîko mamwe matirî ‘wana nginya mûriû.’ matiîcî. Vava tu nîke wîcî. 37#Kîam 6.5-8 Rîrîa Mûrû wa Mûndû agaaûka, gûkeethîrwa gwîkariî wata ûrîa gwekariî vîndî ya Noa. 38Nîûndû vîndî îo mbere ya nthî îkunîkîrwa nî manjî, andû nîmaarîcaga na makanyua. Arûme nîmaavikanagia nao aka makavikua, nginya mûthenya ûrîa Noa aatonyire thavinarî. 39#Kîam 7.6-24 Nwatî o matiamenyaga ûrîa gwekîkaga nginya mûthenya ûrîa maaûrîîre manjîrî onthe. Ûguo nîguo gûkeethîrwa gwîkariî vîndî îrîa Mûrû wa Mûndû agaaûka. 40Vîndî îo andû aîrî nîmakeethîrwa marî mûgûndarî. Ûmwe nîagocwa, ûcio wîngî atigwe. 41Aka aîrî nîmakeethîrwa makîthia, ûmwe nîagocwa, ûcio wîngî atigwe.
42“Kwoguo îîmenyagîrîreni nîûndû mûtiîcî mûthenya ûrîa Mwathani agaaûka. 43#Luka 12.39-40 Nwatî menyani waro atî, kethîrwa mwene nyomba nwa amenye thaa îrîa mwîi angîûka nyomba, nwa ekare emenyererete nîguo mwîi ûcio ndakavunje nyomba yake. 44Kwoguo mue wa namue nwa nginya mwîkarage mwîvarîrîtie vîndî cionthe, nîûndû Mûrû wa Mûndû agaûka îthaa rîrîa mûkeethîrwa mûtamwîrîgîrîrîte.
Ndungata îrîa îîvokekete na îrîa îtevokekete
(Luka 12.41-48)
45“Ndungata îrîa îîvokekete na mbûgî nî îrîkû? Nî îrîa îragwa nî Mwathi wayo îmenyagîrîre ndungata irîa ciîngî na îivecage irio mathaa marîa magîrîru. 46Rîrîa mwathi wayo agaaûka na ethîre ndungata îo îgîîka ûguo, nîkaarathimwa. 47Nîramwîra na ma atî mwene mûciî nîakaava ndungata îo wîra wa kûmenyerera indo cionthe ciake. 48Nwatî ethîrwa ndungata îo nî mbaganu, yo nîîkeîra na ngoro atî, Mwathi wayo nîagwîkara kavinda karaca ma agîgaacoka. 49Kwoguo yo îkambîrîria kûriva ndungata irîa ciîngî, na yambîrîrie kûrîa na kûnyua na mîrîu. 50Mwathi wa ndungata îo agaacoka mûthenya ûrîa ndungata îo îtamwîrîgîrîrîte na îthaarî rîrîa yo îtaicî. 51Mwathi wa ndungata îo nî akaamîverithia mûno na amîtuîre ûndû ûmwe na mvinga. Kûu nîkuo andû makaarîra na marîe magego nîûndû wa ûrûrû.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019