जकर्याह 6
6
च़ेवर रथां केरू दर्शन
1मीं फिरी अक होरू दर्शन लावं, ते कुन हेरताईं कि दूई पहाड़ां केरे मझ़ाटेरां च़ेवर रथ्थां एवरन; ते तैना पहाड़ां पितलरन। 2पेइले रथे मां लाल घोड़न ते होरि मां काले, 3ट्लेइयोवं रथ्थे मां छ़ित्ते सुफेद ते च़ेवरोवं मां चित्रे ते बादामी घोड़न,#प्रका. 6:2,4,5,8;19:11. 4तैखन मीं तैस दूते ज़ै मीं सेइं गल्लां केरतो थियो, पुछ़ू, “हे मेरे मालिक, एन कुने?” 5दूते मीं सेइं ज़ोवं, “एना अम्बरेरी च़ेवर हवान#6:5 हवान या आत्मा ज़ैना सैरी धेरतरे प्रभु कां हाज़र रैतिन, पन हुनी निस्सी एवरेन। 6ज़ैस रथे मां काले घोड़न, तैन उत्तरी मुल्खेरे पासे गाते, ते छ़ित्ते घोड़े पश्चिम मुल्खेरे पासे गातन, ते चित्रे घोड़े दक्षिणी मुल्खेरे पासे गेइ राहोरेन। 7ते बादामी घोड़ेईं खिनकतां चाव कि निस्तां सैरी धेरतरो फेरो केरन।” ते दूते ज़ोवं, “गेइतां धेरती पुड़ फेरो केरा।” तैखन तैना धेरती पुड़ फेरो केरने लगे। 8तैखन तैनी मीं सेइं ज़ोवं, “हेर, तैना ज़ैना उत्तरी मुल्खेरे पासे गातन, तैनेईं तैड़ी मेरे प्राण ठंडे कियोरेन।”
यहोशूए ताज लुवानेरो हुक्म
9यहोवाए फिरी मीं सेइं ज़ोवं: 10“गुलैमरे लोकन मरां, हेल्दै, तोबियाह, ते यदायाह करां किछ ने ते तैस्से दिहाड़े तू सपन्याहेरे मट्ठे योशियाहेरे घरे मां गा ज़ैस मां तैना बाबेले मरां एइतां पुज़ोरेन। 11तैन करां तू सोन्नू ते चाँदी ने, ते ताज बनेइतां तैन यहोसादाकेरे मट्ठे यहोशू प्रधान याजकेरे दोग्गे पुड़ रख; 12ते तैस सेइं एन ज़ो, ‘सेना केरो यहोवा एन ज़ोते, तैस मैन्हु तक ज़ेसेरू नवं शाख#6:12 शाख मतलब ज़ै मसीह ते राज़ो भी आहे। आहे, तैए एपनी ठैरी गेइतां यहोवारो भवन दुबारां बनालो।#यशा. 4:2. 13तैए यहोवारो भवन बनालो, ते तैस महिमा मैल्हेली, ते तखते पुड़ बिशतां हुकूमत केरेलो। तैसेरे तखते कां अक याजक#6:13 तखते कां अक याजक ते तै तैसेरे तखते कां याजक भोल्हो। भी रालो, ते दूईयां केरे दरमियान मेल मिलाप भोल्हो।’#यशा. 11:10. 14ते तैना ताजा हेलेम, तोबियाह, यदायाह, ते सपन्याहेरे मट्ठे हेने मैल्हन, ते तैना यहोवारे भवने मां यादरे लेई बनोरां रान।
15“फिरी दूरे-दूरेरे यहूदी लोक एइतां यहोवारू भवन बनानेरे लेई मद्दत केरेले, ते तुसन पतो लग्गेलो कि सेना केरे यहोवाए अवं तुसन कां भेज़ोरोईं। ते अगर तुस मन लेइतां अपने परमेशर यहोवारे हुक्मन मन्नेले त ई गल पूरी भोल्ही।”
Currently Selected:
जकर्याह 6: BHDNT
Highlight
Share
Compare
Copy
Want to have your highlights saved across all your devices? Sign up or sign in
Bhadrawahi Bible (भड्लाई बाइबिल), 2020 by Beyond Translation is licensed under a Creative Commons Attribution-ShareAlike 4.0 International License.
