भजन संहिता 35
35
ज़ींतनेरे लेई प्राथना
दाऊदेरू भजन
1हे यहोवा, ज़ैना मेरे खलाफ खड़े भोतन,
तू भी तैन केरे खलाफ खड़ो भोए;
ज़ैना मीं सेइं जंग केरतन, तैन सेइं तू भी जंग लड़।
2ढाल ते भालो नेइतां मेरी मद्दत केरनेरे लेई
खड़ो भो।
3भालो ट्ला ते मेरो पीछो केरनेबालां केरे
सामने एइतां तैन रोक;
ते मीं सेइं ज़ो,
कि अवं तेरी मुक्ति आईं।
4ज़ैना मीं मारनेरे कोशिशी मां आन,
तैना शरमिन्दा ते बेइज़्ज़त भोन!
ज़ैना मेरे नुक्सानेरो खियाल केरतन,
तैना पत्रोवं हटाए गान ते तैन केरू तुत्तर कालू भोए!
5तैना हवाई मां भूंसेरे ज़ेरे उडरी गानेबाले भोन,
ते यहोवारो दूत तैन पत्ती पे।
6तैन केरि बत आंधरी ते घिशकनेरी भोए।
ते यहोवारो दूत तैन निशानतो गाए।
7किजोकि तैनेईं छ़ेपतां बगैर वजां मेरी बत्ती मां
ज़ाल बिछ़ाव;
बगैर वजां तैनेईं मेरी जान नेनेरे
लेई खड्डो घड़ोरोए।
8अचानक तैन पुड़ मुसीबत एज्जी गाए!
ज़ैन ज़ाल तैनेईं मेरे लेई बछ़ावरूए
तैस मां तैना एप्पु फसन;
ते तैस मुसीबती मां तैना एप्पु फसन!#रोम. 11:9-10;1 थिस. 5:3.
9पन अवं यहोवारे वजाई सेइं अपने
मने मां मघन भोइलो,
अवं तैसेरे कियोरे मुक्ति सेइं खुशी मनेइलो।
10अवं अपने दिले सेइं ज़ोलो,
“हे यहोवा, तेरे बराबर कौने,
ज़ै गरीबे बड़े-बड़े ताकतबरन करां बच़ाते,
ते गरीब लोकां केरि लुटेरन करां हिफाज़त केरते?”
11झूठे गवाह मेरे खलाफ खड़े भोतन,
तैना मीं पुड़ झूठो इलज़ाम लातन।
12तैना मेरी भलियाई केरनेरे बदले बुराई केरतन,
इड़ी तगर कि मेरे प्राण थेकी गातन।
13ज़ैखन तैना बिमार थिये त मीं टाट पलेटतां
ते बरत रेखतां एपनी जानी दुख दित्तो;
मीं मेरी प्राथनारो जुवाब न मैल्हो।#35:13 टाट पलैटनू ते रोट्टी बगैर रानू अपनो दुख हिरानेरे लेई लोक इन केरते थिये।
14मीं त एरू कियूं कि ज़ेन्च़रे तैना,
मेरे साथी या ढ्लान; ज़ेन्च़रे कोई अम्मरे लेई
शोग केरतो भोए, तेन्च़रे मीं शोगेरां
लिगड़ां लेइतां क्रोड़ी लेकतां शोग कियो।
15पन ज़ैखन लंगड़ाने लगो तैखन तैना
दुश्मन लोक खुशी भोइतां सारे मेरे खलाफ अकोट्ठे भोए;
नीच़ लोक ते ज़ैन अवं ज़ानतो भी न थियो
तैना मेरे खलाफ अकोट्ठे भोए; तैना मीं लगातार छ़िन्दते राए;
16आदरारे बगैर तैना मेरो मज़ाक बनातन;
ते मीं पुड़ दंत कटतन।#भज. 37:12.
17हे प्रभु, तू केइस तगर च़ुपच़ारे तकतो रालो?
इस मुसीबती करां, ज़ैस मां तैनेईं
अवं छ़डोरोईं मीं बच़ा!
जुवान शेरन करां मेरे प्राण बच़ा!
18तैखन अवं हछ्छे लोकन मां तेरू शुक्र केरेलो;
बड़े लोकन मां अवं तेरी तारीफ़ केरेलो।
19झूठ ज़ोनेबाले मेरे दुश्मन मेरे खलाफ
आनन्द न केरि सकन,
ज़ैना मीं सेइं बगैर वजां बैर रखतन,
तैना एप्पु मांमेइं इशारो न केरि सकन।#यूह. 15:25;भज. 69:4.
20किजोकि तैना मेल मिलापेरी गल्लां न ज़ोन,
बल्के ज़ैना मुल्खे मां च़ुपच़ाप रहतन,
तैन केरे खलाफ धोखेरे खियाल केरतन।
21तैनेईं आशी खोलतां मेरे खलाफ ज़ोवं,
“अहा! अहा! असेईं एपनी एछ़्छ़न सेइं लावं।”
22हे यहोवा, तीं त हेरोरू; च़ुप न रा!
हे प्रभु, मीं करां दूर न रा!
23उठ, मेरो न्याय केरनेरे लेई बींझ़,
हे मेरे परमेशर, हे मेरे प्रभु,
मेरो मुकदमो खतम केरनेरे लेई एई!
24हे मेरे परमेशर यहोवा,
तू अपने धार्मिकतारे मुताबिक मेरो न्याय केर;
ते तैन्न मेरे खलाफ आनन्द केरने न दे!
25तैना दिले मां एन न सोचन,
“आहा! इश्शो इरादो पूरो भोव!”
तैना इन न ज़ोन, “असेईं तै निगलो।”
26ज़ैना मेरो नुकसान लेइतां खुशी भोतन
शरमरे मारे तैन सेभी केरां तुत्तरां कालां भोन!
ज़ैना मेरे खलाफ बड़कां मारतन
तैना शरमिन्दा ते बेइज़्ज़ती सेइं तुत्तर देनेरे न रान।
27पन ज़ैना मेरे भले कम्मन सेइं खुशी भोतन,
तैना जयजयकार ते आनन्द मनान,
ते लगातार ज़ोते रान, यहोवारी तारीफ़ भोए,
ज़ै अपने सेवकेरे सुखे सेइं खुश भोते!
28तैखन मेरी ज़बान तेरे धर्मेरू बियान केरेली,
सैरी दिहैड़ी तेरी तारीफ़ निसती राली।
Currently Selected:
भजन संहिता 35: BHDNT
Highlight
Copy
Compare
Share
Want to have your highlights saved across all your devices? Sign up or sign in
Bhadrawahi Bible (भड्लाई बाइबिल), 2020 by Beyond Translation is licensed under a Creative Commons Attribution-ShareAlike 4.0 International License.
