भजन संहिता 14
14
पापी लोकां केरो चाल चलन
बज़ानेबालां केरे प्रधानेरे लेई दाऊदेरू भजन
1बेवकूफे अपने मने मां ज़ोवं, “कि कोई परमेशर नईं।”
तैना बिगड़ी जे, तैनेईं नफरतरां कम्मां कियोरन,
कोई भलां कम्मां केरनेबालो नईं।
2यहोवा सुर्गे मरां मैन्हन पुड़ नज़र दित्ती
कि हेरे कि कोई अक्लमन्दे,
कोई यहोवा तोप्पने बालोए कि नईं।
3तैना सब टेपलोइ जेवरेन, तैना सब भ्रष्ट भेवरेन;
कोई भलियाई केरनेबालो नईं अक भी नईं#रोम. 3:10-11.।
4कुन तैन बुरे लोकन किछ भी ज्ञान नईं,
ज़ैना मेरे लोकन एन्च़रे खातन ज़ेन्च़रे रोट्टी,
ते यहोवा कां कधे प्राथना न केरन?
5तैड़ी तैन पुड़ बड़ो डर पेव,
किजोकि परमेशर धेर्मी लोकां केरे मझ़ाटे लगातार रहते।
6तुसां गरीबां केरे योजना केरि हासी बनातथ
पन यहोवा परमेशर तैन केरि छ़पनेरी ठारे।
7ते भलू भोए कि इस्राएलेरी मुक्ति सिय्योने मरां बांदी भोथी ज़ैड़ी यहोवा रहते,
ज़ैखन यहोवा अपने लोकन गुलैमी मरां वापस आनेलो
त याकूब मघन ते इस्राएल खुश भोल्हो#भज. 53:6;लूक. 1:69.।
Currently Selected:
भजन संहिता 14: BHDNT
Highlight
Copy
Compare
Share
Want to have your highlights saved across all your devices? Sign up or sign in
Bhadrawahi Bible (भड्लाई बाइबिल), 2020 by Beyond Translation is licensed under a Creative Commons Attribution-ShareAlike 4.0 International License.
