भजन संहिता 13
13
मुक्तरे लेई प्राथना
प्रधान बज़ानेबालेरे लेई दाऊदेरू भजन
1हे परमेशर, तू केइस तगर? कुन तू मीं हमेशा बिसरी गालो?
तू केइस तगर अपनु तुत्तर मीं करां छ़ुपेइतां रखेलो?
2अवं केइस तगर अपने मने मां सोचतो रेइलो,
ते सैरी दिहैड़ी अपने दिले मां दुखी भोतो रेइलो,
ते केइस तगर मेरो दुश्मन मीं पुड़ हावी भोतो रालो?
3हे मेरे परमेशर यहोवा, मेरे पासे ध्यान दे ते मीं जुवाब दे,
मेरी एछ़्छ़न मां लौ एजने दे, एरू न भोए कि अवं मौतरी निड्ली मां झ़ुल्ली गेईं;
4एरू न भोए कि मेरो दुश्मन ज़ोए, “अवं एस पुड़ ज़ींतोरोईं;”
ते एरू न भोए कि ज़ैखन अवं बिछ़ड़ने लेग्गी, ते मेरे दुश्मन खुशी भोन।
5मीं त तेरी करुणाई पुड़ भरोसो कियोरोए;
मेरो दिल तेरे दित्तोरो छुटकारे मां मघन भोल्हो।
6अवं यहोवारे नंव्वेरू भजन ज़ोइलो,
किजोकि तैनी मेरी भलियाई कियोरीए।
Currently Selected:
भजन संहिता 13: BHDNT
Highlight
Copy
Compare
Share
Want to have your highlights saved across all your devices? Sign up or sign in
Bhadrawahi Bible (भड्लाई बाइबिल), 2020 by Beyond Translation is licensed under a Creative Commons Attribution-ShareAlike 4.0 International License.
