मरकुस 9
9
1तैखन यीशुए तैन सेइं ज़ोवं, “अवं तुसन सेइं सच़ ज़ोताईं कि ज़ैना इड़ी खड़े आन, तैन मरां किछ मैन्हु एरे आन कि ज़ांतगर तैना परमेशरेरे राज़्ज़ेरी शक्ति न हेरेले, तांतगर तैना न मरेले।”
ट्लाई चेले यीशुएरी महिमा हेरतन
(मत. 17:1-13;लूक. 9:28-36)
2शेइ दिहाड़ना बाद, यीशु अपने चेले पतरस, याकूब त कने यूहन्ना सेइं साथी एक्की पहाड़े पुड़ च़ढ़ो, ज़ैड़ी कोई भी न थियो। तैड़ी तैन केरे सामने यीशुएरी शकल बेदलोई जेई। 3तैसेरां लिगड़ां हिंवेरां ज़ेरां बड़ां चमकने लग्गां कि एत्रां छ़ित्तां भोआं कि धेरती पुड़ कोई भी लिगड़ां धोनेबालो एरां ज़ेरां छ़ित्तां न केरि सके। 4तैखन तैड़ी मूसा नबी त कने एलिय्याह भी यीशु सेइं साथी लेइहोए। ते तैना यीशु सेइं गल्लां केरने लग्गे। 5ज़ैखन पतरसे एन हेरू, त तैनी यीशु सेइं ज़ोवं, “हे गुरू, इश्शू इड़ी रानू रोड़ू आहे! एल्हेरेलेइ, अस ट्लाई डेरे बनाम, अक तेरे लेई, अक मूसेरे लेई, त कने अक एलिय्याहेरे लेई।” 6पतरसे एन्च़रां एल्हेरेलेइ ज़ोवं किजोकि तैस पतो न थियो कि कुन ज़ोईं, किजोकि तै त कने होरे दूई चेले भी बड़े डेरि जेवरे थिये। 7तैखन तैड़ी तैन पुड़ बिदलार आई ते तैस बिदलारी मरां परमेशरेरी आवाज़ आई, “एन मेरू ट्लारू मट्ठू आहे। ध्याने सेइं एसेरी गल शुना!” 8अकदम, ज़ैखन यीशुएरे चेलेईं च़ेवरे पासन तक्कू, त यीशुएरे अलावा तैड़ी तैन कोई भी न लेइहोव।
यीशुएरे चेले एलिय्याहेरे बारे मां सवाल पुछ़तन।
9पहाड़े पुड़ेरां ओस्ते-ओस्ते यीशुए अपने चेलन हुक्म दित्तो कि, “ज़ांतगर मैन्हेरू मट्ठू, यानी अवं, मेरतां ज़ींतो न भोईं, तांतगर ज़ैन किछ तुसेईं पहाड़े पुड़ लावरूए, तैन केन्ची सेइं न ज़ोइयथ।” 10तैनेईं तैन केन्ची सेइं न ज़ोवं, ते तैना एप्पू मांमेइं गलबात केरने लग्गे कि, “मेरतां ज़ींतो भोनेरो कुन मतलब भोइ सकते।”
11तैखन तैनेईं यीशुए पुछ़ू, “शास्त्री लोक किजो ज़ोतन कि मसीहेरे एजनेरां पेइले एलिय्याह नेबेरू दुनियाई मां एजनू ज़रूरी आहे?” 12यीशुए तैन जुवाब दित्तो, “ते तै सच़्च़ी गल आहे कि मसीहेरे एजने करां पेइले एलिय्याह एजतां सैरी गल्लां ठीक केरनिन। पन परमेशरेरी किताबी मां मैन्हेरे मट्ठेरे बारे मां, यानी मेरे बारे मां एन किजो लिखेरूए कि, ‘मीं बड़े दुख झ़ैल्लनेन त लोक मीं निकम्मो समझ़ेले?’ 13पन अवं तुसन सेइं ज़ोताईं कि ‘एलिय्याह’ त पेइले एवरोए, (यूहन्ना, एलिय्याहेरे जगाई अव) त ज़ेन्च़रां तैसेरे बारे मां परमेशरेरी किताबी मां लिखोरू थियूं, तेन्च़रां तैनेईं तैस सेइं कियूं, यानी ज़ेन्च़रां तैना चाते थिये, तेन्च़रां तैनेईं तैस सेइं बुरू कियूं।”
यीशु एक्की मट्ठे बज़्झ़ाते ज़ैस पुड़ भूतेरो सायो थियो।
(मत. 17:14-21;लूक. 9:37-43)
14तैल्ला पत्ती, यीशु त तैसेरे ट्लाई चेले पहाड़े पुड़ेरां ओस्तां, होरि चेलन कां पुज़्ज़े, ज़ैना बुन थिये। तैड़ी एजतां यीशुए तैन चेलन केरे च़ेवरे पासन मैन्हु केरि बड़ी भीड़ लाई। शास्त्री तैन चेलन सेइं बेंस केरि राओरे थिये। 15यीशु लेहितां सारे लोक बड़े हैरान भोए। तैना तैसेरे पासे दौड़तां आए ते तैस जो नमस्कार कियूं। 16तैखन यीशुए तैन पुछ़ू, “मेरे चेलन सेइं कुन बेंस केरि राओरेथ?” 17मैन्हु केरि भीड़ी मरां एक्की मैन्हे यीशु जुवाब दित्तो, “हे उस्ताद, मीं अपनु मट्ठू तीं कां आनेरू थियूं, ताके तैन ठीक भोए। किजोकि तैस पुड़ भूतेरो सायो आहे, ते तैस गल केरने न दे। 18कोन्ची भी ठैरी तैन भूत मेरे मट्ठे ट्लाते, ते ज़मीनी पुड़ बिछ़ोड़ते। तैखन तैसेरे ऐशी मरां शैम्फ एइतीए ते तैन दंत कटते ते ठठमुकर भोइ गाते। मीं तेरे चेलन सेइं ज़ोवरू थियूं कि, ‘मेरे मट्ठे पुड़ेरां भूतेरो सायो केढी देथ।’ पन तैना केढी न सके!” 19एन गल्लां शुन्तां यीशुए तैन जुवाब दित्तो, “हे गैर विश्वासी मैन्हव! अवं केइस तगर तुसन सेइं साथी रालो? त केइस तगर अवं तुश्शो अविश्वास झ़ैल्लेलो? तैस मट्ठे मीं कां आनां!” 20तैखन तैनेईं तैन मट्ठू यीशु कां आनू। ज़ैखन तैनी भूते यीशु लाव, त तैनी अकदम तैन मट्ठू मरोड़ू, ते मट्ठू तल्ले बिछ़ड़ू। ते तैसेरी ऐशी मरां शैम्फ निसने लग्गी त तैन ड्लेडने लग्गू।
21यीशुए तैसेरे बाजी पुछ़ू, “एसेरी ऐह हालत केइसेरी देंती आहे?” तैसेरे बाजे ज़ोवं, “बचपनेरी देंती। 22एस मारनेरे लेई एन भूत बड़े बार कधी अग्गी मां ते कधी पैनी मां बिछ़ोड़तू रहते, पन अगर तू किछ केरि सकतस, त असन पुड़ तरस खेइतां इश्शी मद्दत केर!” 23यीशुए तैस मट्ठेरे बाजी सेइं ज़ोवं, “तू ऐह को गल केरतस! अगर तू विश्वास केरस, त एन भोइ सकते। किजोकि मीं पुड़ विश्वास केरनेबालां केरे लेई सब किछ भोइ सकते।” 24तैस मट्ठेरे बाजे अकदम ज़ोरे सेइं लेरां देइतां ज़ोवं, “हे प्रभु, अवं विश्वास केरतईं, मेरी मद्दत केर कि अवं शक न केरि।”
25ज़ैखन यीशुए हेरू कि बड़े लोक दौड़तां अकोट्ठे भोने लग्गोरेन, त तैनी भूत एन ज़ोइतां डांटू, “हे भूता, ज़ै एस मट्ठे टोव्नू त लट्टू बनातस। अवं तीं हुक्म देताईं, एस मट्ठे मरां निस्सी गा, ते एसमां फिरी कधी भी न एज्जां!” 26तैखन तैनी भूते चिन्डां मारी त तैन मट्ठू मरोड़ू, फिरी तैन तैस मट्ठे मरां निस्सी जेव। त मट्ठू मर्रू ज़ेरू भोइ ज़ोवं, इड़ी तगर कि बड़े लोक ज़ोने लग्गे कि मट्ठू मेरि ज़ोवं। 27पन यीशुए मट्ठेरो हथ ट्लेइतां खड़ू कियूं। ते मट्ठू ठीक भोइतां खड़ू भोवं।
28तैल्ला पत्ती, यीशु ते तैसेरे चेले घरे जो जे। ज़ैखन तै अकैल्लो थियो तैखन तैसेरे चेलेईं तैस पुछ़ू, “अस तैस मट्ठे मरां भूतेरो सायो की न केढी सके?” 29यीशुए तैन सेइं ज़ोवं, “बगैर प्राथनारे (त कने बगैर बरत रखनेरे) अलावा, होरि केन्ची तरीके सेइं, तुस एरे ज़ेरे भूतेरो सायो न केढी सकतथ।”
यीशु अपने मौतरे बारे मां दुबारां ज़ोते
(मत. 17:22-23;लूक. 9:43-45)
30तैल्ला पत्ती, यीशु त तैसेरे चेले तैट्ठां निस्तां गलील इलाके मांमेइं च़ेलि राओरे थिये। यीशु न थियो चातो कि कोई तैसेरे बारे मां ज़ाने कि तै तैड़ी एवरोए, 31किजोकि तैखन तै अपने चेलन शिक्षा देतो ते तैन सेइं ज़ोतो थियो कि, “मेरे दुश्मनेईं मैन्हेरू मट्ठू, यानी अवं कैद केरनोईं। त तैनेईं अवं मारनोईं, पन मारनेरां ट्लेइयोवं दिहाड़े अवं मुड़दन मरां फिरी ज़ींतो भोनोईं।” 32पन यीशुएरी ऐह गल चेलां केरि समझ़ी मां न आई, ते तैना एस गल्लारो मतलब पुछ़ने करां भी डरते थिये।
चेलन मरां सेभना बड्डो कौन?
(मत. 18:1-5;लूक. 9:46-48)
33तैल्ला पत्ती, यीशु ते तैसेरे चेले कफरनहूम नगरे मां आए। तैना तैड़ी एक्की घरे मां जे। तैखन यीशुए अपने चेलन पुछ़ू, “बत्तां च़लते-च़लते तुस एप्पू मांमेइं कोस गल्लरे बारे मां बेंस केरि राओरे थिये?” 34तैना सब शरमेइतां च़ुप राए, किजोकि तैनेईं बत्तां एप्पू मांमेइं एसेरे बारे मां बेंस कियोरी थी कि असन मां बड्डो मैन्हु कौन आहे। 35तैखन यीशुए तल्ले बिशतां अपने 12 चेले कुजाए ते तैन सेइं ज़ोवं, “अगर कोई परमेशरेरी नज़री मां बड्डो बन्नू चाते, त तै सेब्भन करां निकड़ो बने, ते कने सेब्भी मैन्हु केरो सेवक बने।” 36तैखन यीशुए अक निकड़ो बच्चो हथ्थन मां ट्लेइतां, तैन केरे मझ़ाटे खड़ो कियो। तैनी तै बच्चो अपने कुम्मे मां रेखतां अपने चेलन सेइं ज़ोवं, 37“ज़ैना लोक मीं सेइं प्यार केरनेरे वजाई सेइं एरे ज़ेरे बच्चन मरां अक भी कबूल केरतन, तैना मीं कबूल केरतन। ज़ैना मीं कबूल केरतन, तैना सिर्फ मीं नईं, पन तैना परमेशरे भी कबूल केरतन, ज़ैनी अवं इड़ी भेज़ोरोईं।”
यीशु ज़ोते कि कौन मीं सेइं साथी आन त कौन मेरे खलाफ आन।
(लूक. 9:49-50)
38तैखन यूहन्ने यीशु सेइं ज़ोवं, “हे गुरू, असेईं अक मैन्हु लाव, ज़ै तेरू नवं घिन्तां लोकन मरां भूतेरो सायो केढी राओरो थियो। एल्हेरेलेइ, असेईं तै मैन्हु ठाको, किजोकि तै असन सेइं साथी तीं पत्ती न च़ले।” 39पन यीशुए जुवाब दित्तो, “तैस न ठाका, किजोकि अगर कोई मेरू नवं घिन्तां चमत्कारेरां कम्मां केरे, त तै मेरे बारे मां लूशी बुरी गल्लां न ज़ोए। 40किजोकि ज़ैना इश्शे खलाफ कम न केरन, तैना इश्शे पासेन। 41अगर कोई मेरे नंव्वे सेइं तुश्शी मद्दत केरे, अक गिलास पानी भी तुसन पियाए, कि मसीहेरे आथ, त अवं तुसन सेइं सच़ ज़ोतां कि तै मैन्हु परमेशरे केरां अपनो फल ज़रूर हासिल केरेलो।
42“ज़ै कोई इन निकड़े बच्चन मरां ज़ैना मीं पुड़ विश्वास केरतन, केन्ची भी पाप करवाए, त तैस मैन्हेरे लेई एन रोड़ू आहे कि ढ्लाटेरो अक बड्डो ढ्लेइटोल तैसेरे गल्ले सेइं बेन्धतां समुन्दरे मां शारो गाए। 43अगर तेरो हथ तीं पाप केरनेरे लेई ठोकर खुवाए, त तैस केट्टी छ़ड। किजोकि तेरे लेई दूई हथ भोंते सांते सज़ा मैल्हनेरे लेई नरकेरी अग्गी मां गाने केरां एन रोड़ू आए, कि तू डोण्डो भोइतां हमेशारी ज़िन्दगी मां दाखल भोस। किजोकि नरकेरी अग कधी भी न हिश्शे। 44तैड़ी तैन केरे कीड़े, ज़ैना तैन खातन न मरन ते कने अग भी न हिश्शे। 45त अगर तेरो पव तीं पाप केरनेरे लेई ठोकर खुवाए, त तैस केट्टी छ़ड। किजोकि तेरे लेई दूई पव भोंते सांते सज़ा मैल्हनेरे लेई नरकेरी अग्गी मां गाने करां एन रोड़ू आहे, कि तू टोन्टो भोइतां हमेशारी ज़िन्दगी मां दाखल भोस। किजोकि नरकेरी अग कधी भी न हिश्शे। 46तैड़ी तैन केरे कीड़े, यानी ज़ैना तैन खातन न मरन त अग भी न हिश्शे। 47अगर तेरी अछ़ तीं पाप केरनेरे लेई ठोकर खुवाए, त तैस केढी छ़ड। किजोकि तेरे लेई दूई एछ़्छ़ी भोंते सांते नरकेरी अग्गी मां छ़ड्डे गाने करां एन रोड़ू आहे, कि एक्की अछ़्छ़ी सेइं तू परमेशरेरे राज़्ज़े मां दाखल भोस। 48नरके मां तैन केरे कीड़े, ज़ैना तैन खातन न मरन त अग भी न हिश्शे। 49ज़ेन्च़रां हर बलिदाने#9:49 पुराने ज़माने मां बलिदाने पुड़ लून छ़डते थिये। तेन्च़रां यीशुएरो हर अक चेलो ज़ींतो बलिदानेरो ज़ेरो भोनोए। मतलब की, मसीहेरे लोक अग्गरे ज़ेरे मुसीबतन मां भी, परमेशरेरो हुक्म मन्नोरे लोड़े। मां लून छ़डनू ज़रूरी आहे, तेन्च़रां परमेशर हर#9:49 मूल भाषाई मां: हर अक मैन्हु अग्गी सेइं लूनो कियो गालो। एक्की मैन्हेरी अज़मैइश घिन्नेलो, ज़ै बड़ी दुखे बाली भोनी आहे, ज़ेन्च़रां कि अग्गी#9:49 परमेशर अग्गरे ज़ेरे मुसीबतन सेइं हर एक्की मैन्हु अज़मालो, यानी इमतिहान नेलो। एन्च़रां केरतां परमेशर साबत केरते की सच़्च़े मां तैसेरे लोक कौन आन, त तै तैन सेइं अपनो रिश्तो मज़बूत केरते। मांमेइं निसनूए। 50लून त रोड़ू आहे, पन अगर लूनेरो सुवाद च़ेलि गाए, त फिरी दुबारां केन्च़रे तैसेरो सुवाद वापस आनेले? तेन्च़रां तुस भी एप्पू मां लून रखा#9:50 यीशु चाते कि तैसेरे चेले नर्म दिले सेइं राए (वचन 35-37), ताके तैना एप्पू मांमेइं बेंस न केरे कि असन मरां बड्डो कौन आए, त तैन मरां कोई भी एन्च़रां न सोचे कि अव्वें बड्डोईं, त केन्ची ठोकर न खुवाए। , यानी परमेशरेरो हुक्म मन्ना, त एप्पू मांमेइं मेल मिलापे सेइं राथ।”
Currently Selected:
मरकुस 9: BHDNT
Highlight
Share
Compare
Copy
Want to have your highlights saved across all your devices? Sign up or sign in
Bhadrawahi Bible (भड्लाई बाइबिल), 2020 by Beyond Translation is licensed under a Creative Commons Attribution-ShareAlike 4.0 International License.
