भजन संहिता 98
98
उद्धार अर न्याय खात्तर स्तुतिगान
भजन
1यहोवा कै खात्तर एक नया गीत गाओ,
क्यूँके उसनै बड़े-बड़े काम करे सै!
उसके सोळे हाथ अर पवित्र भुजा नै उसकै खात्तर उद्धार करया सै!
2यहोवा नै अपणा करया होया उद्धार जाहिर करया सै,
उसनै गैरजात्तां की नजर म्ह अपणा धर्म प्रगट करया सै।
3उसनै इस्राएल के घरान्ने पै अपणी दया
अर सच्चाई की सुधि ली,
अर धरती के सारे दूर-दूर के देशां नै म्हारे परमेसवर का करया होया उद्धार देख्या सै।
4हे सारी धरती के माणसों, यहोवा की जयजयकार करो;
खुशी की गैल जयजयकार करो, अर भजन गाओ!
5वीणा बजाकै यहोवा का भजन गाओ,
वीणा बजाकै भजन के बोल सुणाओ।
6तुरही अर नरसिंगे बजा-बजाकै
यहोवा राजा की जयजयकार करो।
7समुन्दर अर उस म्ह की सारी चीज गरज उठै;
दुनिया अर उसके रहण आळे ऊँच्ची आवाज तै!
8नदियाँ ताड़ी बजावै;
पहाड़ मिलकै जयजयकार करै।
9यो यहोवा कै स्याम्ही हो, क्यूँके वो धरती का न्याय करण खात्तर आण आळा सै।
वो धर्म तै दुनिया का,
अर सच्चाई तै देश-देश के लोगां का न्याय करैगा।
Currently Selected:
भजन संहिता 98: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
