भजन संहिता 97
97
परमेसवर सब तै बड़ा शासक
1यहोवा राजा होया सै, धरती मगन हो;
अर द्वीप जो भोत-से सै, वो भी खुशी मनावै!
2बादळ अर अँधेरा उसके च्यांरु ओड़ सै;
उसके सिंहासन की नींव धर्म अर न्याय सै।#97:2 वो धार्मिकता अर न्याय पै राज करण आळा सै
3उसकै आग्गै-आग्गै आग चाल्दी होई
उसके दुश्मनां नै च्यांरु ओड़ तै भस्म करै सै।
4उसकी बिजळियाँ तै दुनिया रोशन होई,
धरती देखकै थरथरागी सै!
5पहाड़ यहोवा कै स्याम्ही,
मोम की तरियां पिघळगें,
यानिके सारी धरती के परमेसवर कै स्याम्ही।
6अकास नै उसके धर्म की गवाही दी;
अर देश-देश के सारे माणसां नै उसकी महिमा देक्खी सै।
7यहोवा उनतै प्यार करै सै जो बुराई तै नफरत करै सै#97:7 यहोवा उनतै प्यार करै सै जो बुराई तै नफरत करै सै जो यहोवा तै प्यार करै सै वो बुराई तै नफरत करै सै
अर जो मूरतां पै घमण्ड करै सै, वे शर्मिन्दा हों;
हे सारे देवताओं थम उसे नै दण्डवत करो।
8सिय्योन सुणकै खुश होया,
अर यहूदा की बेट्टी मगन होई;
हे यहोवा, यो तेरे नियमां कै कारण होया।
9क्यूँके हे यहोवा, तू सारी धरती कै उप्पर परमप्रधान सै;
तू सारे देवत्यां तै घणा महान ठहरया सै।
10हे यहोवा के प्रेमियों, बुराई तै नफरत करो;
वो अपणे भक्तां की जान की हिफाजत करै सै,
अर उन ताहीं दुष्टां कै हाथ तै बचावै सै।
11चान्दणा धर्मी माणसां पै चमकै सै#97:11 चान्दणा धर्मी माणसां पै चमकै सै चान्दणा धर्मी माणसां खात्तर बोया गया सै,
अर सीध्धे मन आळयां खात्तर आनन्द बोया गया सै।
12हे धर्मियों, यहोवा कै कारण खुश हो;
अर जिस पवित्र नाम तै वो याद करया जावै सै, उसका धन्यवाद करो!
Currently Selected:
भजन संहिता 97: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
