2 राजाओं 24

यहूदा पै दुश्मनां का आक्रमण

1उसके दिनां म्ह बाबेल के राजा नबूकदनेस्सर#24:1 नबूकदनेस्सर इस नाम की संधि तीन शब्दां तै करी गई सै, नबो: उनका एक प्रसिद्ध देवता (यशा 46:1), कुदूर जिसका अर्थ संदिग्ध सै (मुकुट या भूमि का निशान) अर उजर् यानिके रखवाळा। नै चढ़ाई करी अर यहूदा का राजा यहोयाकीम तीन साल ताहीं उसकै अधीन रहया; फेर उसनै मुड़कै उसतै बिद्रोह करया। 2फेर यहोवा नै उसकै खिलाफ अर यहूदा ताहीं नाश करण कै खात्तर कसदियाँ, अरामियां, मोआबियाँ अर अम्मोनियाँ के दल भेज्जे, यो यहोवा के उस वचन कै मुताबिक होया, जो उसनै अपणे दास भविष्यवक्ता के जरिये कह्या था। 3बेशक यो यहूदा पै यहोवा के हुकम तै होया, ताके वो उननै अपणे स्याम्ही तै दूर करै। यो राजा मनश्शे के सारे पापां कै कारण होया। 4अर निर्दोष के उस खून के कारण जो उसनै करया था; क्यूँके उसनै यरुशलेम ताहीं बेकसूरां के खून तै भर दिया था, जिसतै यहोवा राजा मनश्शे ताहीं माफ करणा ना चाह्या। 5यहोयाकीम के और सारे काम जो उसनै करे, वो के यहूदा के राजयां कै इतिहास की किताब म्ह न्ही लिक्खे सैं? 6अन्त म्ह यहोयाकीम मरकै अपणे पुरखां कै गैल जा मिल्या अर उसका बेट्टा यहोयाकीन#24:6 यहोयाकीन उसे यकोन्याह या कोनियाह भी कह्या जावै सै यहोयाकीन अर दोन्‍नु का अर्थ सै यहोवा स्थिर करैगा अर कोनियाह यानिके यहोवा स्थापित करे। उसकी जगहां पै राजा होया। 7अर मिस्र का राजा अपणे देश तै बाहर फेर कदे न्ही आया, क्यूँके बाबेल के राजा नै मिस्र के नाळे तै लेकै फरात महानद ताहीं जितना देश मिस्र के राजा का था, सब किमे अपणे वश म्ह कर लिया था।#24:7 2 इतिहास 36:9-10

यहोयाकीन का राज

8जिब यहोयाकीन राज करण लाग्या, फेर वो अठारह साल का था, अर तीन महिन्‍ने ताहीं यरुशलेम म्ह राज करदा रहया; अर उसकी माँ का नाम नहुश्ता था, जो यरुशलेम के एलनातान की बेट्टी थी। 9उसनै ठीक अपणे पिता कै बराबर वो करया, जो यहोवा की नजर म्ह बुरा सै। 10उसके दिनां म्ह बाबेल के राजा नबूकदनेस्सर के सेनापतियाँ नै यरुशलेम पै चढ़ाई करकै नगर ताहीं घेर लिया। 11जिब बाबेल के राजा नबूकदनेस्सर के कर्मचारी नगर नै घेरे होए थे, फेर वो आप ओड़ै आ ग्या। 12फेर यहूदा का राजा यहोयाकीन अपणी माँ अर कर्मचारियाँ, हाकिमां अर खोज्यां नै गैल लेकै बाबेल के राजा कै धोरै गया, अर बाबेल के राजा नै अपणे राज के आठवें साल म्ह उन ताहीं पकड़ लिया। 13फेर उसनै यहोवा के भवन म्ह अर राजभवन म्ह धरया होया पूरा धन ओड़ै तै लिकाड़ लिया अर सोन्‍ने के जो बरतन इस्राएल के राजा सुलैमान नै बणाकै यहोवा के मन्दर म्ह धरे थे, उन सारया ताहीं उसनै टुकड़े-टुकड़े कर दिया, जिसा के यहोवा नै कह्या था। 14फेर वो पूरे यरुशलेम ताहीं यानिके सारे हाकिमां अर सारे धनवानां ताहीं जो मिलकै दस हजार थे, अर सारे कारीगरां अर लोहारां नै बन्दी बणाकै लेग्या, उरै तक के यहूदा कै इलाके म्ह साधारण माणसां म्ह तै कंगालां नै छोड़ और कोए ना रहया। 15वो यहोयाकीन नै बाबेल म्ह लेग्या अर उसकी माँ अर जनानियाँ अर खोज्यां ताहीं अर देश के बड़े माणसां नै वो बन्दी बणाकै यरुशलेम तै बाबेल म्ह लेग्या। 16अर सारे धनवान जो सात हजार थे, अर कारीगर अर लोहार जो मिलाकै एक हजार थे, अर वे सारे वीर अर युद्ध कै लायक थे, उननै बाबेल का राजा बन्दी बणाकै बाबेल म्ह लेग्या। 17बाबेल के राजा नै उसकी जगहां पै उसके चाचा मत्तन्याह ताहीं राजा नियुक्त करया अर उसका नाम बदलकै सिदकिय्याह धरया।

सिदकिय्याह का राज

18जिब सिदकिय्याह राज करण लाग्या, फेर वो इक्‍कीस साल का था, अर यरुशलेम म्ह ग्यारह साल तक राज करदा रहया; उसकी माँ का नाम हमूतल था, जो लिब्नावासी यिर्मयाह की बेट्टी थी। 19उसनै ठीक यहोयाकीम की लीक पै चालकै वोए करया जो यहोवा की नजर म्ह बुरा सै#24:19 यहोवा की नजर म्ह बुरा सै सिदकिय्याह का चरित्र बुरे की अपेक्षा निर्बल था।। 20क्यूँके यहोवा के कोप कै कारण यरुशलेम अर यहूदा की इसी हालत होई, के अन्त म्ह उसनै उनतै अपणे स्याम्ही तै दूर करया।

Currently Selected:

2 राजाओं 24: BGC

Highlight

Copy

Compare