2 इतिहास 20
20
दुश्मनां कै गैल युद्ध
1कुछ बखत बाद मोआबियाँ अर अम्मोनियाँ नै अर उनकै गैल कई मूनियां नै युद्ध करण खात्तर यहूदा के राजा यहोशापात पै चढ़ाई करी। 2फेर कुछ दूत्तां नै आकै यहोशापात तै बता दिया, “ताल कै पार तै एदोम देश की और तै एक बड़ी भीड़ तेरे पै चढ़ाई कर रही सै; अर देख, वो हसासोन्तामार ताहीं जो एनगदी#20:2 एनगदी एनगदी, जिसके नाम का मतलब सै बकरी का फव्वारा, यहूदा के राज्य म्ह मृत सागर के पश्चिमी तट पै था। भी कुह्वावै सै, पोहचगी सै।” 3फेर यहोशापात डर ग्या अर यहोवा की खोज म्ह लागग्या, अर पूरे यहूदा परदेस म्ह उपवास का प्रचार करवाया। 4आखर यहूदी यहोवा तै मदद माँगण खात्तर यरुशलेम म्ह एक साथ कठ्ठे होए, बल्के वे यहूदा के सारे नगरां म्ह तै यहोवा तै भेंट करण नै आए।
यहोशापात की प्रार्थना
5फेर यहोशापात यहोवा के भवन म्ह नये आँगण कै स्याम्ही यहूदियाँ अर यरुशलेमियाँ की मण्डळी म्ह खड्या होकै प्रार्थना करण लाग्या 6अर न्यू कहण लाग्या, “हे म्हारे पितरां के परमेसवर यहोवा! के तू सुर्ग म्ह परमेसवर न्ही सै? अर के तू जात-जात के सारे राजयां कै उप्पर प्रभुता न्ही करदा? अर के तेरे हाथ म्ह इसा बल अर पराक्रम न्ही सै के तेरा सामना कोए न्ही कर सकदा? 7हे म्हारे परमेसवर! के तन्नै इस देश के बासिन्दया ताहीं अपणी प्रजा इस्राएल कै स्याम्ही तै लिकाड़कै इन ताहीं अपणे दोस्त अब्राहम#20:7 अपणे दोस्त अब्राहम इस अभिव्यक्ति का आचार मुख्यत: उत्पत्ति. 18:23-33 म्ह पाया जावै सै जित्त अब्राहम परमेसवर तै इस तरियां बात करै सै जिस तरियां अपणे मित्तर तै। के वंश तै सदा खात्तर न्ही दे दिया?#20:7 याकूब 2:23 8वे इस म्ह बसगे अर इस म्ह तेरे नाम की एक पवित्र जगहां बणाकै कह्या, 9‘जै तलवार या मरी या अकाळ या और कोए विपत्ति म्हारे पै पड़ै, तोभी हम इसे भवन कै स्याम्ही अर तेरे स्याम्ही (तेरा नाम तो इस भवन म्ह बस्या सै) खड़े होकै, अपणे क्ळेश के कारण तेरी दुहाई देवांगे अर तू सुणकै बचावैगा।’ 10अर इब अम्मोनी अर मोआबी अर सेईर के पहाड़ी देश के माणस जिनपै तन्नै इस्राएल ताहीं मिस्र देश तै आन्दे बखत चढ़ाई करण नै दिया, अर वे उनकी और तै मुड़गे अर उन ताहीं विनाश ना करया,#20:10 गिनती 20:14-21 व्यवस्था 2:4-19 11देख, वेए माणस तेरे दिए होए हक के इस देश म्ह तै जिसका हक तन्नै म्हारे ताहीं दिया सै, म्हारे ताहीं लिकाड़कै किसा बदला हमनै दे रहे सैं। 12हे म्हारे परमेसवर, के तू उनका न्याय न्ही करैगा? या जो बड़ी भीड़ म्हारे पै चढ़ाई कर रही सै, उसके स्याम्ही म्हारा तो बस न्ही चालदा अर हमनै किमे सूझदा न्ही के, के करणा चाहिये? पर म्हारी आँख तेरी और लाग्गी सैं।”
परमेसवर का जवाब
13अर सारे यहूदी अपणे-अपणे बाळ-बच्चे, जनानियाँ अर बेट्टे समेत यहोवा कै धोरै खड़े रहे। 14फेर आसाप के वंश म्ह तै यहजीएल नाम का एक लेवीय जो जकर्याह का बेट्टा अर बनायाह का पोत्ता अर मत्तन्याह का बेट्टा यीएल का पड़पोत्ता था, उस म्ह मण्डळी के बीच यहोवा का आत्मा समाया। 15फेर वो कहण लाग्या, “हे सारे यहूदियों, हे यरुशलेम के रहण आळेयो, हे राजा यहोशापात, थम सारे ध्यान द्यो; यहोवा थारे तै न्यू कहवै सै, ‘थम इस बड़ी भीड़ तै ना डरो अर थारा मन कच्चा ना हो; क्यूँके युद्ध थारा न्ही, परमेसवर का सै। 16कल उनका सामना करण नै जाणा। देक्खो वे सीस की चढ़ाई पै चढ़े आवैं सैं अर यरूएल नाम के जंगळ कै स्याम्ही नाळे के सिरे पै थारे तै मिलैंगे। 17इस लड़ाई म्ह थमनै लड़णा न्ही होवैगा; हे यहूदा, अर हे यरुशलेम, ठहरे रहणा, अर खड़े रहकै यहोवा की और तै अपणा बचाव देखणा;’ डरो ना, अर थारा मन कच्चा ना हो; कल उनका सामना करण नै चालणा अर यहोवा थारे गैल रहवैगा।”
18फेर यहोशापात धरती की और मुँह करकै झुक्या अर सारे यहूदियाँ अर यरुशलेम के बासिन्दया नै यहोवा कै स्याम्ही गिरकै यहोवा ताहीं दण्डवत करया। 19कहातियाँ अर कोरहियाँ म्ह तै कुछ लेवीय खड़े होकै इस्राएल के परमेसवर यहोवा की स्तुति घणी ऊँच्ची आवाज तै करण लाग्गे।
विजय अर लूट
20वे सबेरै उठकै तकोआ के जंगळ की और लिकड़गे; अर चाल्दे बखत यहोशापात नै खड़े होकै कह्या, “हे यहूदियों, हे यरुशलेम के बासिन्दयों, मेरी सुणो, अपणे परमेसवर यहोवा पै बिश्वास राक्खो, फेर थम ठैहरे रहोगे; उसके नबियाँ पै बिश्वास करो, फेर थम कृतार्थ हो जाओगे#20:20 तकोआ का जंगल तकोआ शहर कै धोरै एक रेगिस्तानी इलाका था, जो यरुशलेम तै लगभग 16 किलोमीटर दक्षिण म्ह था। यो शहर हो सकै सै भविष्यवक्ता आमोस 1.1 का घर था।।” 21फेर उसनै प्रजा की गैल सलाह करकै कितन्याँ ताहीं ठैहराया, जो के पवित्रता तै शोभायमान होकै हथियारबन्दा कै आग्गै-आग्गै चाल्दे होए यहोवा के गीत गावैं, अर न्यू कहन्दे होए उसकी स्तुति करें, “यहोवा का धन्यवाद करो, क्यूँके उसकी करुणा सदा की सै।” 22जिस समय वे गाकै स्तुति करण लाग्गे, उसे बखत यहोवा नै अम्मोनियाँ, मोआबियाँ अर सेईर के पहाड़ी देश के माणसां पै जो यहूदा के खिलाफ आ रहे थे, घातकां ताहीं बैठा दिया#20:22 घातकां ताहीं बैठा दिया परमेसवर नै उन ताहीं बैठाया। उननै स्वर्गदूत मान्या गया था जिन ताहीं परमेसवर नै सेना म्ह अव्यवस्था पैदा करण अर विनाश ढाण खात्तर नियुक्त करया था की मोआबी, अम्मोनी पैहले तो एदोमियां को नाश करें फेर आप्पस म्ह लड़ मरें। अर वे मारे गए। 23क्यूँके अम्मोनियाँ अर मोआबियाँ नै सेईर के पहाड़ी देश के बासिन्दया ताहीं डराण अर सत्यानाश करण खात्तर उनपै चढ़ाई करी, अर जिब वे सेईर के पहाड़ी देश के बासिन्दया का अन्त कर चुके, फेर उन सारया नै एक दुसरे का नाश करण म्ह हाथ लगाया।
24जिब यहूदियाँ नै जंगळ की चौकी पै पोहचकै उस भीड़ की और नजर करी, फेर के देख्या के वे धरती पै पड़े होए लोथ सैं; अर कोए न्ही बच्या। 25फेर यहोशापात अर उसकी प्रजा लूट लेण नै गये अर लोथां कै बीच भोत सी सम्पत्ति अर मनभावणे गहणे मिले; उननै इतणे गहणे तार लिये के उननै ना ले जा सके, बल्के लूट इतणी मिली, के बटोरदे-बटोरदे तीन दिन बीतगे। 26उनकी लूट के चौथे दिन वे बराका नाम की तराई म्ह कठ्ठे होए अर ओड़ै यहोवा का धन्यवाद करया; इस कारण उस जगहां का नाम बराका#20:26 बराका आशीषों की घाटी की तराई पड़या, जो आज ताहीं सै। 27फेर वे, यानिके यहूदा अर यरुशलेम नगर के सारे माणस और उनकै आगै-आगै यहोशापात, आनन्द कै गैल यरुशलेम बोहड़े क्यूँके यहोवा नै उन ताहीं दुश्मनां पै आनन्दित करया था। 28आखर वे सारंगियाँ, वीणा अर तुरहियाँ बजान्दे होए यरुशलेम म्ह यहोवा के भवन म्ह आए। 29अर जिब देश-देश के सारे राज्याँ के माणसां नै सुण्या के इस्राएल के दुश्मनां तै यहोवा लड़या, फेर उनके मन म्ह परमेसवर का डर समा ग्या। 30इस तरियां यहोशापात के राज म्ह चैन मिल्या, क्यूँके उसके परमेसवर नै उस ताहीं च्यांरु और तै विश्राम दिया।
यहोशापात के शासनकाल का सारांश
31आखर यहोशापात नै यहूदा पै राज करया। जिब वो राज करण लाग्या जिब वो पैंतीस साल का था, अर पच्चीस साल ताहीं यरुशलेम म्ह राज्य करदा रह्या। अर उसकी माँ का नाम अजूबा था, जो शिल्ही की बेट्टी थी। 32वो अपणे पिता आसा की लीक पै चल्या अर उसतै ना मुड़या, यानिके जो यहोवा की नजर म्ह ठीक सै वोए वो करदा रह्या। 33फेर भी ऊँच्ची जगहां ढाई ना गई, बल्के इब ताहीं प्रजा के माणसां नै अपणा मन अपणे पितरां के परमेसवर की और ना लगाया था। 34शरु तै आखरी तक यहोशापात के और काम, हनानी के बेट्टे येहू कै बारै उस वृत्तान्त म्ह लिखे सैं, जो इस्राएल के राजयां की किताब म्ह पाया जावै सै।
35इसकै बाद यहूदा के राजा यहोशापात नै इस्राएल के राजा अहज्याह तै जो बड़ी दुष्टता करै था, मेल करया। 36यानिके उसनै उसकै गैल ज्यांतै मेल करया के तर्शीश जाण नै जहाज बणवावै, अर उननै इस्से जहाज एस्योनगेबेर शहर म्ह बणवाए। 37फेर दोदावाह के बेट्टे मारेशा शहर के रहणिए एलीएजेर नै यहोशापात कै खिलाफ या नबूवत करी, “तन्नै जो अहज्याह तै मेल करया, इस कारण यहोवा तेरी बणवाई होई चिज्जां नै तोड़ देवैगा।” आखर जहाज टूटगे अर तर्शीश नै ना जा सके।
Currently Selected:
2 इतिहास 20: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
