Popular Bible Verses from 2 इतिहास 20

Share

फेर वो कहण लाग्या, “हे सारे यहूदियों, हे यरुशलेम के रहण आळेयो, हे राजा यहोशापात, थम सारे ध्यान द्यो; यहोवा थारे तै न्यू कहवै सै, ‘थम इस बड़ी भीड़ तै ना डरो अर थारा मन कच्‍चा ना हो; क्यूँके युद्ध थारा न्ही, परमेसवर का सै।

इस लड़ाई म्ह थमनै लड़णा न्ही होवैगा; हे यहूदा, अर हे यरुशलेम, ठहरे रहणा, अर खड़े रहकै यहोवा की और तै अपणा बचाव देखणा;’ डरो ना, अर थारा मन कच्‍चा ना हो; कल उनका सामना करण नै चालणा अर यहोवा थारे गैल रहवैगा।”

हे म्हारे परमेसवर, के तू उनका न्याय न्ही करैगा? या जो बड़ी भीड़ म्हारे पै चढ़ाई कर रही सै, उसके स्याम्ही म्हारा तो बस न्ही चालदा अर हमनै किमे सूझदा न्ही के, के करणा चाहिये? पर म्हारी आँख तेरी और लाग्गी सैं।”

फेर उसनै प्रजा की गैल सलाह करकै कितन्याँ ताहीं ठैहराया, जो के पवित्रता तै शोभायमान होकै हथियारबन्दा कै आग्गै-आग्गै चाल्दे होए यहोवा के गीत गावैं, अर न्यू कहन्दे होए उसकी स्तुति करें, “यहोवा का धन्यवाद करो, क्यूँके उसकी करुणा सदा की सै।”

जिस समय वे गाकै स्तुति करण लाग्गे, उसे बखत यहोवा नै अम्मोनियाँ, मोआबियाँ अर सेईर के पहाड़ी देश के माणसां पै जो यहूदा के खिलाफ आ रहे थे, घातकां ताहीं बैठा दिया अर वे मारे गए।

फेर यहोशापात डर ग्या अर यहोवा की खोज म्ह लागग्या, अर पूरे यहूदा परदेस म्ह उपवास का प्रचार करवाया।

‘जै तलवार या मरी या अकाळ या और कोए विपत्ति म्हारे पै पड़ै, तोभी हम इसे भवन कै स्याम्ही अर तेरे स्याम्ही (तेरा नाम तो इस भवन म्ह बस्या सै) खड़े होकै, अपणे क्ळेश के कारण तेरी दुहाई देवांगे अर तू सुणकै बचावैगा।’

कल उनका सामना करण नै जाणा। देक्खो वे सीस की चढ़ाई पै चढ़े आवैं सैं अर यरूएल नाम के जंगळ कै स्याम्ही नाळे के सिरे पै थारे तै मिलैंगे।

आखर यहूदी यहोवा तै मदद माँगण खात्तर यरुशलेम म्ह एक साथ कठ्ठे होए, बल्के वे यहूदा के सारे नगरां म्ह तै यहोवा तै भेंट करण नै आए।