2 इतिहास 11
11
रहबाम का राज
1जिब रहबाम यरुशलेम म्ह पोहच्या, फेर उसनै यहूदा अर बिन्यामीन के घरान्ने ताहीं जो मिलकै एक लाख अस्सी हजार आच्छे योद्धा थे कठ्ठा करया, के इस्राएल कै गैल युद्ध करै जिसतै राज रहबाम के वश म्ह फेर आ जावै। 2फेर यहोवा का यो वचन परमेसवर के भगत शमायाह कै धोरै पोहच्या 3“यहूदा के राजा सुलैमान के बेट्टे रहबाम तै अर यहूदा अर बिन्यामीन गोत्र के सारे इस्राएलियाँ तै कह, 4‘यहोवा न्यू कहवै सै, के अपणे भाईयाँ पै चढ़ाई करकै युद्ध ना करो। थम अपणे-अपणे घर बोहड़ जाओ, क्यूँके या बात मेरी ए और तै होई सै।’” यहोवा के ये हुकम मानकै, वे यारोबाम पै बिना चढ़ाई करे बोहड़गे।
रहबाम का नगरां ताहीं मजबूत करणा
5रहबाम यरुशलेम म्ह रहण लाग्या, अर यहूदा म्ह बचाव खात्तर ये नगर मजबूत करे, 6यानिके बैतलहम, एताम, तकोआ, 7बेतसूर, सोको, अदुल्लाम, 8गत, मारेशा, जीप, 9अदोरैम, लाकीश, अजेका, 10सोरा, अय्यालोन अर हेब्रोन जो यहूदा अर बिन्यामीन परदेस म्ह सैं, मजबूत करया। 11उसनै मजबूत नगरां ताहीं और भी मजबूत करकै उन म्ह प्रधान ठहराए, अर भोजनवस्तु अर तेल अर दाखमधु के भण्डार धरवा दिए। 12फेर एक-एक नगर म्ह उसनै ढाल अर भाले धरवा कै उन ताहीं भोत मजबूत कर दिया। यहूदा अर बिन्यामीन तो उसके हक म्ह थे।
याजकां अर लेवियाँ का यहूदा म्ह आणा
13सारे इस्राएल के याजक अर लेवीय भी अपणे सारे देश तै उठकै उसकै धोरै गए। 14आखर लेवीय अपणी चराईयाँ अर खास भूमि छोड़कै, यहूदा अर यरुशलेम म्ह आए, क्यूँके उननै इस्राएल के राजा यारोबाम अर उसके बेट्यां नै उन ताहीं लिकाड़ दिया था के वे यहोवा खात्तर याजक का काम ना करें, 15अर उसनै ऊँच्ची जगहां#11:15 ऊँच्ची जगहां दान अर बेतेल म्ह दो पवित्र जगहां। अर बकरा देवत्यां अर अपणे बणाए होए बाछड़या खात्तर, अपणी ओड़ तै याजक ठहरा लिए। 16लेवियाँ कै बाद इस्राएल के सारे गोत्रां म्ह तै जितने मन लगाकै इस्राएल के परमेसवर यहोवा के खोजी थे वे अपणे पितरां के परमेसवर यहोवा नै बलि चढ़ाण कै खात्तर यरुशलेम म्ह आए। 17उननै यहूदा का राज मजबूत करया अर सुलैमान के बेट्टे रहबाम ताहीं तीन साल तक मजबूत कराया, क्यूँके तीन साल ताहीं वे राजा दाऊद अर राजा सुलैमान की लीक पै चाल्दे रहे।
रहबाम का परिवार
18रहबाम नै एक जनान्नी तै ब्याह कर लिया, यानिके महलत तै जिसका पिता दाऊद का बेट्टा यरीमोत अर माता यिशै के बेट्टे एलीआब की बेट्टी अबीहैल थी। 19उसतै यूश, शेमर्याह अर जाहम नाम के बेट्टे पैदा होए। 20उसकै बाद उसनै अबशालोम की बेट्टी माका तै ब्याह कर लिया, अर उसतै अबिय्याह, अत्तै, जीजा अर शलोमीत पैदा होए। 21रहबाम नै अठारह राणी ब्याह ली अर साठ रखैल राक्खी, अर उसके अट्ठाईस बेट्टे अर साठ बेटियाँ पैदा होई। अबशालोम की बेट्टी माका तै वो अपणी सारी राणियाँ अर रखैलां तै घणा प्यार करै था; 22रहबाम नै माका के बेट्टे अबिय्याह ताहीं खास अर सारे भाईयाँ म्ह प्रधान इस विचार तै ठहरा दिया, के उसनै राजा बणावै। 23उसनै सुझ-बूझ कै काम करया, अर उसनै अपणे सारे बेट्टयाँ नै न्यारा-न्यारा करकै यहूदा अर बिन्यामीन के सारे देशां के सारे गढ़आळे नगरां म्ह ठहरा दिया; अर उनतै भोजनवस्तु बहुतायत तै दी, अर उनकै खात्तर भोत सी जनान्नी ढूँढ़ी।
Currently Selected:
2 इतिहास 11: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
