2 इतिहास 10
10
इस्राएल के राज्य का दो भाग हो जाणा
1रहबाम शेकेम नगर म्ह गया, क्यूँके उतरी इस्राएली राज्य के सारे माणस उसनै राजा बणाण कै खात्तर ओड़ैए गए थे। 2जिब नबात के बेट्टे यारोबाम#10:2 यारोबाम विभाजित राज्य इस्राएल का पैहला राजा। 975-954, ई. पू. वो एक एप्रैमी, नाबात का बेट्टा था। नै या सुण्या (वो तो मिस्र म्ह रह्या करदा, जित्त वो सुलैमान राजा के डर के मारे भाज ग्या था), तो वो मिस्र तै बोहड़ आया#10:2 1 राजा 11:26-40। 3फेर उननै उस ताहीं बुलावा भेज्या; आखर यारोबाम अर सारे इस्राएली आकै रहबाम तै कहण लाग्गे, 4“तेरे पिता नै तो म्हारे पै भारी जूआ गेर राख्या था, इस करकै इब तू अपणे पिता की मुश्किल सेवा नै अर उस भारी जूए नै जिस ताहीं उसनै म्हारे पै गेर राख्या सै किमे हळका कर, फेर हम तेरे अधीन रहवांगे।” 5उसनै उनतै कह्या, “तीन दिन कै बाद मेरै धोरै फेर आणा।” आखर वे चले गए।
6फेर राजा रहबाम नै उन बूढ़यां तै जो उसके पिता सुलैमान के जीवन भर उसके स्याम्ही हाजिर रह्या करै थे, यो कहकै सलाह ली, “इस प्रजा तै किसा जवाब देणा ठीक सै, इस म्ह थम के सलाह देओ सो?” 7उननै उस ताहीं या जवाब दिया, “जै तू इस प्रजा के माणसां तै आच्छा बरताव करकै उननै खुश करै अर उनतै मधुर बात कहवै, तो वे सदा तेरे अधीन बणे रहवैगें।” 8पर उसनै उस सलाह ताहीं जो बूढ़यां नै उसतै दी थी छोड़ दिया अर उन जवानां तै सलाह ली, जो उसकै गैल बड़े होए थे अर उसके स्याम्ही उपस्थित रह्या करै थे। 9उनतै उसनै पूच्छया, “मै प्रजा के माणसां नै किसा जवाब देऊँ, इस म्ह थम के सलाह देओ सो? उननै तो मेरै तै कह्या सै, ‘जो जूआ तेरे पिता नै म्हारे पै गेर राख्या सै, उस ताहीं तू हळका कर।’” 10जवान्ना नै जो उसकै गैल बड़े होए थे उसतै यो जवाब दिया, “उन माणसां नै तेरे तै कह्या सै, ‘तेरे पिता नै म्हारा जूआ भारी करया था, पर उसनै म्हारे खात्तर हळका कर;’ तू उनतै न्यू कहिये, ‘मेरी छिंगुलिया#10:10 मेरी छिंगुलिया छोट्टी उंगळी मेरे पिता की कमर तै भी मोट्टी ठहरैगी। 11मेरे पिता नै थारे पै जो भारी जूआ धरया था, उसनै मै और भी भारी करुँगा; मेरा पिता तो थारे पै कोड़यां तै ताड़ना दिया करदा, पर मै बिच्छुआं तै देऊँगा।’”
12तीसरे दिन जिस तरियां राजा हो गया नै ठैहराया था, “तीसरे दिन मेरे धोरै फेर आणा,” उसे तरियां ए यारोबाम अर सारी प्रजा रहबाम के धोरै हाजिर होई। 13फेर राजा नै उनतै कड़ी बात करी, अर रहबाम राजा नै बूढ़यां की दी होई सलाह छोड़कै 14जवान्नां की सलाह कै मुताबिक उनतै कह्या, “मेरे पिता नै तो थारा जूआ भारी कर दिया था, पर मै उसनै और भी मुश्किल कर दियुँगा; मेरे पिता नै तो थारे ताहीं कोड़यां तै ताड़ना दी, पर मै बिच्छुआं तै ताड़ना देऊँगा।” 15इस तरियां राजा नै प्रजा की बिनती ना मान्नी; इसका कारण यो सै, के जो वचन यहोवा नै शीलो नगर के रहण आळे अहिय्याह#10:15 अहिय्याह वो सुलैमान के युग म्ह शीली म्ह एक लेवीय नबी था। के जरिये नबात के बेट्टे यारोबाम तै कह्या था, उसनै पूरा करण खात्तर परमेसवर नै इसाए ठैहराया था।
16जिब सारे इस्राएलियाँ नै देख्या के राजा म्हारी न्ही सुणदा, फेर वे बोल्ले,
“दाऊद कै गैल म्हारा के हिस्सा?
म्हारा तो यिशै के बेट्टे म्ह कोए भाग ना सै।
हे इस्राएलियों, अपणे-अपणे घर म्ह चले जाओ!
इब हे दाऊद, अपणे ए घराने की चिन्ता कर।”
17फेर सारे इस्राएली अपणे घर म्ह चले गए। सिर्फ जितने इस्राएली यहूदा परदेस के नगरां म्ह बसे होए थे, उन ए पै रहबाम राज करदा रहया। 18फेर राजा रहबाम नै हदोराम ताहीं जो सारे बेगारां पै अधिकारी था भेज दिया, अर इस्राएलियाँ नै उसपै पथराव करया अर वो मर ग्या। फेर रहबाम फुर्ती तै अपणे रथ पै चढ़कै, यरुशलेम म्ह भाज ग्या। 19अर इस्राएल नै दाऊद के घरान्ने तै बलवा करया अर आज ताहीं फिरया होया सै।
Currently Selected:
2 इतिहास 10: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
