1 राजाओं 6

परमेसवर के भवन का निर्माण

1इस्राएलियाँ के मिस्र देश तै लिकड़ण के च्यार सौ अस्सीवें साल कै बाद जो सुलैमान के इस्राएल पै राज करण का चौथा साल था, उसके जीव नाम के दुसरे महिन्‍ने#6:1 आध्धे अप्रैल तै लेकै आध्धे मई ताहीं म्ह वो यहोवा का भवन बणाण लाग्या। 2जो भवन राजा सुलैमान नै यहोवा कै खात्तर बणाया उसकी लम्बाई साठ हाथ#6:2 साठ हाथ सत्ताईस मीटर, चौड़ाई बीस हाथ#6:2 बीस हाथ नौ मीटर अर ऊँचाई तीस हाथ#6:2 तीस हाथ साढ़े तेरह मीटर की थी। 3अर भवन के मन्दर कै स्याम्ही के ओसारे की लम्बाई बीस हाथ#6:3 बीस हाथ नौ मीटर की थी, यानिके भवन की चौड़ाई कै बराबर थी, अर ओसारे की चौड़ाई जो भवन कै स्याम्ही थी, वो दस हाथ#6:3 दस हाथ साढ़े चार मीटर की थी। 4फेर उसनै भवन म्ह चौखट सुधा जाळीदार खिड़की बणाई। 5अर उसनै भवन कै आस्सै-पास्सै की दीवारां तै सट्या होया यानिके मन्दर अर दर्शन-स्थान दोन्‍नु दीवारां कै आस्सै-पास्सै उसनै मंजिल अर कोठड़ी बणाई। 6सबतै नीच्‍चै आळी मंजिल की चौड़ाई पाँच हाथ#6:6 पाँच हाथ सवा दो मीटर, अर बीच आळी की छः हाथ, अर उप्पर आळी की सात हाथ#6:6 सात हाथ दो मीटर सत्तर सेंटीमीटर की थी, क्यूँके उसनै भवन कै आस्सै-पास्सै दीवारां ताहीं बाहर की और कुर्सीदार बणाया था ज्यांतै के कड़ी भवन की दीवारां नै पकड़े होए ना हों।

7बणान्दे बखत भवन इस्से पत्थरां का बणाया गया, जो ओड़ै ले आण तै पैहल्या गड़ कै ठीक करे गए थे, अर भवन के बणदे बखत हथौड़े, बसोल्‍ली या किसे तरियां के लोहे के औजार का शब्द कदे सुणाई न्ही पड्या।

8बाहर की बीच आळी कोठड़ियाँ का द्वार भवन की दाहिनी ओड़ था, अर माणस चक्‍करदार सीढ़ियाँ पै होकै बीच आळी कोठड़ियाँ म्ह जान्दे, अर उनतै उप्पर आळी कोठड़ियाँ पै जाया करैं थे। 9उसनै भवन बणाकै पूरा करया, अर उसकी छात देवदार की कड़ियाँ अर तखत्याँ तै बणी थी। 10अर पूरे भवन तै लाग्गी होई जो मंजिल उसनै बणाई वो पाँच हाथ#6:10 पाँच हाथ सवा दो मीटर ऊँच्‍ची थी, अर वे देवदार की कड़ियाँ के जरिये भवन तै मिलाई गई थी।

11फेर यहोवा का यो वचन सुलैमान कै धोरै पोहच्या, 12“यो भवन जो तू बणाण लाग रहया सै, जै तू मेरी विधियाँ पै चाल्‍लैगा, अर मेरे नियमां नै मान्‍नैगा, अर मेरे सारे हुकमां पै चालदा होया उनका पालन करदा रहवैगा, तो जो वचन मन्‍नै तेरे बारै म्ह तेरे पिता दाऊद तै दिया था उसनै मै पूरा करुँगा। 13अर मै इस्राएलियाँ कै बीच म्ह निवास करुँगा, अर अपणी इस्राएली प्रजा नै न्ही छोड़ूँगा।” 14आखर सुलैमान नै भवन ताहीं बणाकै पूरा करया।#6:14 प्रेरितों के काम 7:47 15उसनै भवन की दीवारां पै भित्तर की और देवदार की नक्‍काशी करी; अर भवन के फर्श तै छात तक दीवारां पै भित्तर की और लाकड़ी की नक्‍काशी करी, अर भवन के फर्श ताहीं उसनै सनोवर के तख्तां तै बणाया। 16अर भवन कै पाच्छै की और भी उसनै बीस हाथ की दूरी पै फर्श तै लेकै दीवारां के उप्पर ताहीं देवदार की नक्‍काशी करी; इस तरियां उसनै परमपवित्र स्थान कै खात्तर भवन की एक भीत्तरी कोठड़ी बणाई। 17उसकै स्याम्ही का भवन यानिके मन्दर की लम्बाई चाळीस हाथ#6:17 चाळीस हाथ अठारह मीटर की थी। 18भवन की दीवारां पै भित्तर की और देवदार की लाकड़ी की नक्‍काशी करी गई थी, अर उस म्ह कलियाँ अर खिले होए फूल खुदे थे, यो सारा देवदारे था: पत्थर किमे न्ही दिखाई पड़ै थे। 19भवन के भित्तर उसनै एक पवित्रस्‍थान यहोवा के करार का सन्दूक धरण खात्तर त्यार करया। 20अर उस पवित्रस्‍थान की लम्बाई, चौड़ाई अर ऊँचाई बीस-बीस हाथ#6:20 बीस-बीस हाथ नौ मीटर की थी; अर उसनै उसपै उत्तम सोन्‍ना मढ़वाया अर वेदी की नक्‍काशी देवदार तै करी। 21फेर सुलैमान नै भवन ताहीं भित्तर तै शुद्ध सोन्‍ने तै मढ़वाया, अर पवित्रस्‍थान कै स्याम्ही सोन्‍ने की साँकळ लगाई; अर उस ताहीं भी सोन्‍ने तै मढ़वाया। 22अर उसनै पूरे भवन ताहीं सोन्‍ने तै मंढ़वा कै उसका काम पूरा करया। अर पवित्रस्‍थान की पूरी वेदी ताहीं भी उसनै सोन्‍ने तै मंढ़वाया।

23पवित्रस्‍थान म्ह उसनै दस-दस हाथ#6:23 दस-दस हाथ साढ़े चार मीटर ऊँच्‍चे जैतून की लाकड़ी के दो करूब#6:23 पंखां आळा प्राणी जो परमेसवर कै तेज अर मौजूदगी नै दिखावै सै बणाकै धरे। 24एक करूब का एक पंख पाँच हाथ#6:24 पाँच हाथ दो मीटर का था, अर उसका दूसरा पंख भी पाँच हाथ का था, एक पंख के सिरे तै, दुसरे पंख के सिरे ताहीं लम्बाई दस हाथ थी। 25दूसरा करूब भी दस हाथ का था; दोन्‍नु करूब एके नाप अर एके आकार के थे। 26एक करूब की ऊँचाई दस हाथ की, अर दुसरे की भी इतणी ए थी। 27उसनै करूबां ताहीं भित्तर आळी जगहां म्ह धरवा दिया; अर करूबां के पंख इस्से फैल्‍ले थे, के एक करूब का एक पंख, एक दीवार तै, अर दुसरे का दूसरा पंख, दुसरी दीवार तै लाग्या होया था, फेर उनके दुसरे दो पंख भवन के बिचाळै एक दुसरे ताहीं छुया करैं थे। 28उसनै करूबां ताहीं सोन्‍ने तै मंढ़वाया।

29उसनै भवन की दीवारां पै बाहर अर भित्तर च्यांरु और करूब, खजूर के दरखत अर खिले होए फूल खुदवाए। 30भवन कै भित्तर अर बाहर आळी कोठड़ी के फर्श उसनै सोन्‍ने तै मंढ़वाए।

31पवित्रस्‍थान के प्रवेश-द्वार कै खात्तर उसनै जैतून की लाकड़ी के दरबाजे लगाऐ अर चौखट के सिरहाणै अर बाजुआं की बणावट पाँचकुणी थी। 32दोन्‍नु किवाड़ जैतून की लाकड़ी के थे, अर उसनै उन म्ह करूब, खजूर के दरखत अर खिले होए फूल खुदवाए अर सोन्‍ने तै मढ़यां अर करूबां अर खजूरां कै उप्पर सोन्‍ना मंढ़वा दिया गया।

33इसे तरियां उसनै मन्दर के प्रवेश-द्वार कै खात्तर भी जैतून की लाकड़ी के चौखट के बाजू बणाए, ये चकोर थे। 34दोन्‍नु दरबाजे सनोवर की लाकड़ी के थे, जिन म्ह तै एक दरबाजे के दो पल्‍ले थे; अर दुसरे दरबाजे के दो पल्‍ले थे जो पलटकै दुहरे हो जावैं थे। 35उनपै भी उसनै करूब अर खजूर के दरखत अर खिले होए फूल खुदवाए अर खुदे होए काम पै उसनै सोन्‍ना मंढ़वाया। 36उसनै भित्तर आळे आँगण के घेरे ताहीं गढ़े होए पत्थरां के तीन रद्दे, अर एक परत देवदार की कड़ी लगाकै बणाया।

37चौथे साल के जीव नाम के महिन्‍ने म्ह यहोवा के भवन की नींव धरी गई। 38अर ग्यारहवें साल के बूल#6:38 बूल एक कनानी नाम सै जो अक्टूबर कै बीच आळे बखत तै लेकै नवम्बर के बीच आळे बखत ताहीं दिखावै सै नाम के आठवें महिन्‍ने म्ह, वो भवन उस सारया सुधा जो उस म्ह उचित समझया गया बण चुक्या। इस तरियां सुलैमान नै उस ताहीं बणाण म्ह सात साल लाग्गे।

Currently Selected:

1 राजाओं 6: BGC

Highlight

Copy

Compare