Shaahiyoo 22
22
1Gaawe shigo meeti gaannoyee gaawiye;
gaawe aafoona ciicheyoo aachoonaa birewoonoyee beshiye.#Doj. 7:1
2Girechonaa gaannechonon daniibeeti mooyo,
boonoshi bullin hallito Doono Yeeri tunoone.
3Mullechi asho hayibo womon beeggiꞌi bi qelloon aachiye;
tunebaani tuushoo arooch hammii giyiꞌi xuuxehe.
4Qellee giishiyoonaa Doono Yeerin shatona,
gaannoon, oogoonaa kashoonon daniihe.
5Xumme ashi gommooch angixonaa shaachoona beetone;
tunebaani bi qelloon quyeebeeto aroochee wokkiye.
6Bushoyich bi hammemmi boochoon dojjibe;
bi geenehooboo aroochee ikaachemmone.
7Gaannecho girechon hajjiye;
eretteto erettiitoyich guunone.
8Gondittinoon shookkiibeeto iritoon qeccemmone;
bi kaaree gumbo dihemmone.
9Bi maayoochee girechoyich bi qooditoyich,
wojjechi asho diireyemmone.
10Cooqqirechon kichi yoohe; hayo echemmone;
kaaroonaa naagoonoo neexemmone.
11Mulli xalloo tunoon shunniibeeto, gaawe yibbaatechoo,
taatoona shunecho tunemmone.
12Doono Yeerichi aafo ariyoon quyehe;
tunebaani gibeneyaaneenaꞌochi qaaroon aalliihe.
13Yeexere asho “Daaheroo maaxooch beetone;
gommoochaa taan wuxemmone” iye.
14Shunimaaye noonoo oppee hoonoommone;
Doono Yeeri uppiti asho arooch dihemmone.
15Bushiishoochi mullooch tuushoo caaceetone;
tunebaani sheeree gumbo ebin boonoshi waanee wokkiihe.
16Bi gaannooch daakkoyich girechon xuqqiibeeto,
woyee gaannechoyich immiibeeto, giremmone.
Mullechi Asheenaꞌochi Ciico
17Ne waamon kaachiree mullechochi yibbaatoon waayebe;
ne mulloonoo ta doyoo waan wochibe.
18Eboshi ne mullooch boonoshi danegaata,
ne noonoochoo boonoshi beegaata, emiremmo neene.
19Ne gibeno Doono Yeeri bi tunemmoyich,
eboshin hanaach neech arichiiho.
20-21Kaamoonaa iberoona amo gaata neech arichiyoyich,
neen wochetinaꞌoyich ibere mooyon ne deebemmoyich,
ciicoonaa ariyoona beeti, shaashe mooyon neech kooraano taane?
22Girecho bi tunetoyich girechon boggaahine;
iritechon nallee gabberoochaa xuqqaahine.
23Ebiyoo Doono Yeeri boonoshi taggoon taggemmo bi tunetoyichiye;
boonoshin boggii beetinaꞌochi kashoon boggemmone.
24Kaarechi ashoona xibeyaahine;
ippechona tookkishoo hammaahine.
25Bi gommon ne doyigaata,
ne aalla shaachooch giyemmo neene.
26Buushaaroo tunoyich kishoo tappeyaahine;
hiishoyich ashoon buushaareyaahine.
27Ne qoccemmo aallegaata,
ne qeyaabeeti qeeno beddaahaa tiijjaa hammemmone.
28Ne qaabbechinaꞌo xogiti,
wonnee daaree malletoon waaxxaahine.
29Bi shuunoona qoppechi ashoon beeggetine?
Aroo taateenaꞌo aafooch neexemmone;
shigaalli asheenaꞌo aafooch neexeyaachemmone.
Currently Selected:
Shaahiyoo 22: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.