Haddoo 7
7
Maccee Ukkireenaꞌo Immiti Wojjoo
1Muusi yaafee duukkaanoon xogii bi qanniihooba, yaafee duukkaanoonaa bi qiico bullinon, deejjee gudoonaa bi qiico bullinonoo huuttii yaafiye. 2Aroochee Israꞌeelee yoodeenaꞌochi gumbee ukkireenaꞌo tuneti ebiyoo asheenaꞌo haddeehooba ukkireꞌi beetinaꞌo, 3boonoshi wojjoon Doono Yeeri aafooch giddiiheete. Boonoshi giddiito, gutti gutte ukkireenaꞌo tuneꞌi ikkikke gaarin, wotta boonoshi qelli qelloona ikkikke gattooniye; ebina qereeti shiritte gaarinaa aaraa gutte gattoonon giddiiheete. Ebi wojjoon deebiꞌi yaafee duukkaanee aafooch giddiiheete.
4Aroochee Doono Yeeri Muusich ishichiye: 5“Ebin boonoshi waanee deꞌiree, danee duukkaaneexi maddoyich boonoshi heechiyemmoyich, boonoshi shuunoyich bi qaawii qaawee beetoommon, Leweenaꞌoyich imbe” iye.
6Muusiyoo gaarinaꞌonaa gatteenaꞌonon deqqiꞌi Leweenaꞌoyich immiye. 7Gutte gaarinaa awudde gattoonon Gerishoonichi yareenaꞌoyich boonoshi maddoommona immiye. 8Qeeshoo Harooni bushoo Itamaarichi getooch qeyiibeeti Meraarichi yareenaꞌoyich boonoshi maddoommona awudde gaarinaa shimitte gattoonon immiye. 9Tunebaani Qohaatichi yareenaꞌo boonoshich icheti yaafeeti qiico gogooch shaakkeebeeto bi tunetoyich, amoonolla boonoshich imaanoone.
10Ukkireenaꞌo wotta deejjee gudo huuttehooba deejjee gudee diiree baaroyich wojjoon deebiyeete; deebiꞌi deejjee gudee aafooch giddiiheete. 11Doono Yeeri Muusich ishichiye: “Ukkireenaꞌo boonoshi ikkikkoona, boonoshi wojjoon deejjee gudee diiree baaroyich, qemi qemona giddiibeete” iye.
12Ikkinnee qemooba wojjoon giddiito, Yihudi yoodoochee tuneti, Aminadaabi bushoo Nahishoonine.
13Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino, 14ixaano ceenniti, aashire sheqeelee aachoochee shuuneeti ikke shaatoo, 15micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo, 16axaaxee deejjoyich ikke emmishee baaddoo, 17ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Aminadaabi bushoo Nahishoonichi wojjoo ebine.
18Guttinnee qemooba Yisakoori yoodee ukkiroo tuneti, Tsuꞌaari bushoo Netaaneli wojjoon giddiihe.
19Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino, 20ixaano ceenniti, aashire sheqeelee aachoochee shuuneeti ikke shaatoo, 21micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo, 22axaaxee deejjoyich ikke emmishee baaddoo, 23ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Tsuꞌaari bushoo Netaanelichi wojjoo ebine.
24Keejjinnee qemooba Zebulooni yoodee ukkiroo Helooni bushoo Eliyaabi wojjoon giddiihe.
25Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino, 26ixaano ceenniti, aashire sheqeelee aachoochee shuuneeti ikke shaatoo, 27micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo, 28axaaxee deejjoyich ikke emmishee baaddoo, 29ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Helooni bushoo Eliyaabichi wojjoo ebine.
30Awuddinnee qemooba Roobeeli yoodee ukkiroo Sheduuri bushoo Elisuuri wojjoon giddiihe.
31Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino, 32ixaano ceenniti, aashire sheqeelee aachoochee shuuneeti ikke shaatoo, 33micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo, 34axaaxee deejjoyich ikke emmishee baaddoo, 35ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Sheduuri bushoo Elisuurichi wojjoo ebine.
36Uuchinnee qemooba Simooni yoodee ukkiroo Tsurishadayi bushoo Shelumeli wojjoon giddiihe.
37Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino, 38ixaano ceenniti, aashire sheqeelee aachoochee shuuneeti ikke shaatoo, 39micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo, 40axaaxee deejjoyich ikke emmishee baaddoo, 41ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Tsurishadayi bushoo Shelumelichi wojjoo ebine.
42Shirittinnee qemooba Gaadi yoodee ukkiroo Deweeli bushoo Eliyasaafi wojjoon giddiihe.
43Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino, 44ixaano ceenniti, aashire sheqeelee aachoochee shuuneeti ikke shaatoo, 45micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo, 46axaaxee deejjoyich ikke emmishee baaddoo, 47ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Deweeli bushoo Eliyasaafichi wojjoo ebine.
48Shabaattinnee qemooba Efreemi yoodee ukkiroo Amihuudi bushoo Elishami wojjoon giddiihe.
49Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino, 50ixaano ceenniti, aashire sheqeelee aachoochee shuuneeti ikke shaatoo, 51micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo, 52axaaxee deejjoyich ikke emmishee baaddoo, 53ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Amihuudi bushoo Elishamichi wojjoo ebine.
54Shimittinnee qemooba Minaasi yoodee ukkiroo Fedatsuuri bushoo Gamaleeli wojjoon giddiihe.
55Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino, 56ixaano ceenniti, aashire sheqeelee aachoochee shuuneeti ikke shaatoo, 57micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo, 58axaaxee deejjoyich ikke emmishee baaddoo, 59ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Fedatsuuri bushoo Gamaleelichi wojjoo ebine.
60Yiixiyinnee qemooba Biiniyaami yoodee ukkiroo Gideꞌooni bushoo Abidani wojjoon giddiihe.
61Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino, 62ixaano ceenniti, aashire sheqeelee aachoochee shuuneeti ikke shaatoo, 63micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo, 64axaaxee deejjoyich ikke emmishee baaddoo, 65ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Gideꞌooni bushoo Abidanichi wojjoo ebine.
66Aashirinnee qemooba Daani yoodee ukkiroo Amishadaayi bushoo Ahezeeri wojjoon giddiihe.
67Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino, 68ixaano ceenniti, aashire sheqeelee aachoochee shuuneeti ikke shaatoo, 69micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo, 70axaaxee deejjoyich ikke emmishee baaddoo, 71ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Amishadaayi bushoo Ahezeerichi wojjoo ebine.
72Aaraa ikkinnee qemooba Aseeri yoodee ukkiroo Okiraani bushoo Fageeli wojjoon giddiihe.
73Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino, 74ixaano ceenniti, aashire sheqeelee aachoochee shuuneeti ikke shaatoo, 75micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo, 76axaaxee deejjoyich ikke emmishee baaddoo, 77ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Okiraani bushoo Fageelichi wojjoo ebine.
78Aaraa guttinnee qemooba Nifitaali yoodee ukkiroo Enaani bushoo Ahiiri wojjoon giddiihe.
79Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino, 80ixaano ceenniti, aashire sheqeelee aachoochee shuuneeti ikke shaatoo, 81micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo, 82axaaxee deejjoyich ikke emmishee baaddoo, 83ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Enaani bushoo Ahiirichi wojjoo ebine.
84Deejjee gudo huutteehooba, diiree baaroyich Israꞌeelee ukkireenaꞌo giddiiti wojjoo ebine. Birewee yalle saano aaraa guttoo, birewee quppe saano aaraa guttoo, aachee shaatoo aaraa guttoo, 85birewee yalle saano bi ikkikkoona balli balli shaashe sheqeelo, wotta birewee quppe saano bi ikkikkoona shabi shabe sheqeeloone. Ebi bulli birewee qiico yaafee kechi machoona qocaa gutte humaa awudde balle sheqeeloone. 86Ixaano ceenniti, aaraa gutte aachee shaatoo bi ikkikkoona yaafee kechi machoona aashiri aashire sheqeeloone; aachee qiico bulli yaafee kechi machoona qocaa balli hiye sheqeeloone. 87Micciibeeti deejjoyich giddeti gijjeenaꞌo bulli aaraa gutte wuro, aaraa gutte ogooge bagee baaddoo, ikke nato tuneti, aaraa gutte bagee baaddoonaa eboshina tookki giddemmi maayi buuroonane. Axaaxee deejjee emmishee baaddoo aaraa guttoone. 88Ikkittinee deejjoyich tunemmi gijjeenaꞌo bulli hiyaa awudde wuro, shiche ogooge bagee baaddoo, shiche emmishee baaddoonaa ikke nato tuneti, shiche bagee baaddoonane. Deejjee gudo huuttetoyee gubb, diiree baaroyich giddeti wojjoo ebine.
89Muusiyoo danee duukkaanoochaa Doono Yeerina yibbaatoyich bi giyiyooba, miixee taabootee toommooch beeti, axaaxoon maariyee guufoyee tookkaa, gutte kiruubeenaꞌochi gutte daggoochaa Doono Yeeri biich yibbaatetaa waayehe.
Currently Selected:
Haddoo 7: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
