Haddoo 28
28
Qemi Qemona Giddeebeeti Deejjoo
(Keyo 29:38-46)
1Doono Yeeri Muusich ishichiye: 2“Israꞌeeleenaꞌoyich ishichi gete: ‘Doono Yeeri taach gaawe cinnechi deejjoon, qaaqqoona micciibeeti ta deejjoon, taach giddeebeeti ta wojjoonoo bi goori gooroon quyeree taach giddiibote’ gete. 3Boonoshich ishichibe: ‘Doono Yeeri taach ittoshi deejjemmi qaaqqoona micciibeeti deejjoo ebine: kuxeyaanoon bulli aaboon micciibeeti deejjoyich bachaalli ikke nati gutte bagee baaddoon qemi qemona deejjibote. 4Ikke bagee baaddoon maaddoona, ikke bagee baaddoon wotta womikka deejjibote. 5Maayi buuroyich ikke neetiree gaawe zayitoona xirikketi gutte kobbaye qacini buddinoon boonoshi ikkikkoona tookki deejjibote. 6Ebiyoo shiichiꞌi Siini guudoochaa deejjeetoommi gaawe cinnechi deejjoo, Doono Yeeri taach qaaqqoona micciibeeti, kuxeyaanoon bulli aaboon giddeebeeti deejjoone. 7Ikkikke bagee baaddoona tookki giddemmi uyee deejjoo ikke neetiree kashi uyo tunebe. Ebi uyee deejjoon yaafeeti xaaꞌooch Doono Yeeri taach ukkibote. 8Guttinnee bagee baaddoon, maaddoona ittoshi deejjitoommon maayi deejjoonaa uyee deejjoona tookki womikka deejjibote. Ebiyoo qaaqqooch micciibeeti, Doono Yeeri taach gaawe cinnechi deejjoo tunemmone.
Shambetee Deejjoo
9“ ‘Shambetee aabooba bachaalli ikke nati gutte bagee baaddoon, maayi buuroyich, zayitoona xirikketi awudde kobbaye qacini buddinoon uyee deejjoona tookki giddiibote. 10Ebi shambeti shambetooba ittoshi giddiyemmi deejjoo, kuxeyaanoon bulli aaboon giddeebeeti, micciibeeti deejjoonaa uyee deejjoonoyee baroone.
Batti Agenee Keyi Deejjoo
11“ ‘Batti agenee keyooba gutte wuron, ikke ooge bagee baaddoon, bachaalli, ikke nati shabaatte gishiishi bagee baaddoon micciibeeti deejjoo tuniiree Doono Yeeri taach deejjibote. 12Maayi buuroyich, ikkikke wurona tookki zayitoona xirikketi shiritte kobbaye qacini buddinoon, ooge bagee baaddoona tookki zayitoona xirikketi awudde kobbaye qacini buddinoon, 13wotta gishiishi bagee baaddoo bi ikkikkoona tookki zayitoona xirikketi gutte kobbaye qacini buddinoon micciibeeti deejjoyich, Doono Yeeri taach gaawe cinnecho tuniiree, qaaqqoona micciibeeti deejjoon deejjibote. 14Eboshina tookki giddemmi woyinee uyee deejjoo, ikkikke wurona tookki gutte neetiree woyinee uyo, ooge bagee baaddoona tookki ikke neetiraa qach bede woyinee uyoonaa ikkikke gishiishi bagee baaddoona tookki ikke neetiree woyinee uyoonane. Ebiyoo nati daggooch beeti ageneenaꞌo bulliich giddemmi micciibeeti deejjoone. 15Wotta axaaxee deejjoyich tunemmi ikke emmishee baaddoon Doono Yeeri taach deejjibote. Ebiyoo kuxeyaanoon bulli aaboon micciibeeti deejjoonaa uyee deejjoonoyee baroone.
Beshee Baaree Deejjoo
(Leweenaꞌo 23:5-14)
16“ ‘Batti batti agenee aaraa awuddinnee qemooba Doono Yeeri taach Beshee Baaroo baareyemmone.#Key. 12:1-13; Yibba. 16:1-2 17Ebi agenee aaraa uuchinnee qemo baaroone. Shabaatte qemon shittoo giyaani koshon maayemmo ittoshine. 18Ebi baaree ikkinnee qemo Doono Yeerich goyinnoyich ittoshi kiceyemmi yaafeeti aaboon tunemmone. Arooba shuunoon shuuneyaahote. 19Gutte wuron, ikke ooge bagee baaddoonaa ikke nati shabaatte gishiishi bagee baaddoonon qaaqqoona micciibeeti deejjoon tunii Doono Yeeri taach deejjibote. Eboshi bulli ikke bachaalleenaꞌo tunebeete. 20Eboshina tookki zayitoona xirikketi qacini buddinoochee maayi deejjoon deejjibote. Ebiyoo ikkikke wurona tookki shiritte kobbaye buddinoon, ooge bagee baaddoona tookki awudde kobbaye buddinoonaa 21shabaatte gishiishi bagee baaddoo bi ikkikkoona tookki gutte kobbaye buddinoonon deejjibote. 22Wotta ittoshi axaaxoon maariyoyich tunemmi ikke emmishee baaddoon axaaxee deejjoyich deejjibote. 23Maaddoona giddeebeeti, kuxeyaanoon bulli aaboon micciibeeti deejjoyee baroo eboshin deejjibote. 24Ebiyoommon wotta Doono Yeeri taach gaawe cinnecho tuneti maayi buuroon, qemi qemona shabaatte qemon, qaaqqoona micciibeeti deejjoon deejjibote. Ebiyoo uyee deejjoona tookkii kuxeyaanoon bulli aaboon giddeebeeti micciibeeti deejjoyee baroone. 25Shabaattinnee qemon Doono Yeeri taach goyinnoyich ittoshi kiceyemmi yaafeeti aaboon tuniibote. Shuunoon shuuneyaahote.#Key. 12:14-20; 23:15; 34:18; Yibba. 16:3-8
Maayi Qeci Baaree Deejjoo
(Leweenaꞌo 23:15-22)
26“ ‘Qaabbe Maayi Qeci Baarooba, andire maayi cilloon Doono Yeeri taach ittoshi giddiibeeti Maayi Qeci Baarooba, taach goyinnoyich ittoshi kiceyemmi yaafeeti aabo tuniibote. Shuunoon shuuneyaahote. 27Gutte wuron, ikke ooge bagee baaddoonaa ikke nati shabaatte gishiishi bagee baaddoonon Doono Yeeri taach gaawe cinnechi micciibeeti deejjoon tunii deejjibote. 28Eboshina tookki zayitoona xirikketi qacini buddinoochee maayi buuroon giddiibote. Ebiyoo ikkikke wurona tookki shiritte kobbaye buddinoon, ooge bagee baaddoona tookki awudde kobbaye buddinoonaa 29shabaatte gishiishi bagee baaddoo bi ikkikkoona tookki gutte kobbaye buddinoononiye. 30Ittoshi axaaxoon maariyoyich ikke emmishee baaddoon deejjibote. 31Eboshin uyee deejjoona tookki deejjibote. Ebiyoo maayi buuroona tookkii kuxeyaanoon bulli aaboon giddeebeeti, micciibeeti deejjoyee baroone. Ebi gijjeenaꞌo bachaalleenaꞌo boonoshi tunoon xiishibote.#Key. 23:16; 34:22; Yibba. 16:9-12
Currently Selected:
Haddoo 28: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Haddoo 28
28
Qemi Qemona Giddeebeeti Deejjoo
(Keyo 29:38-46)
1Doono Yeeri Muusich ishichiye: 2“Israꞌeeleenaꞌoyich ishichi gete: ‘Doono Yeeri taach gaawe cinnechi deejjoon, qaaqqoona micciibeeti ta deejjoon, taach giddeebeeti ta wojjoonoo bi goori gooroon quyeree taach giddiibote’ gete. 3Boonoshich ishichibe: ‘Doono Yeeri taach ittoshi deejjemmi qaaqqoona micciibeeti deejjoo ebine: kuxeyaanoon bulli aaboon micciibeeti deejjoyich bachaalli ikke nati gutte bagee baaddoon qemi qemona deejjibote. 4Ikke bagee baaddoon maaddoona, ikke bagee baaddoon wotta womikka deejjibote. 5Maayi buuroyich ikke neetiree gaawe zayitoona xirikketi gutte kobbaye qacini buddinoon boonoshi ikkikkoona tookki deejjibote. 6Ebiyoo shiichiꞌi Siini guudoochaa deejjeetoommi gaawe cinnechi deejjoo, Doono Yeeri taach qaaqqoona micciibeeti, kuxeyaanoon bulli aaboon giddeebeeti deejjoone. 7Ikkikke bagee baaddoona tookki giddemmi uyee deejjoo ikke neetiree kashi uyo tunebe. Ebi uyee deejjoon yaafeeti xaaꞌooch Doono Yeeri taach ukkibote. 8Guttinnee bagee baaddoon, maaddoona ittoshi deejjitoommon maayi deejjoonaa uyee deejjoona tookki womikka deejjibote. Ebiyoo qaaqqooch micciibeeti, Doono Yeeri taach gaawe cinnechi deejjoo tunemmone.
Shambetee Deejjoo
9“ ‘Shambetee aabooba bachaalli ikke nati gutte bagee baaddoon, maayi buuroyich, zayitoona xirikketi awudde kobbaye qacini buddinoon uyee deejjoona tookki giddiibote. 10Ebi shambeti shambetooba ittoshi giddiyemmi deejjoo, kuxeyaanoon bulli aaboon giddeebeeti, micciibeeti deejjoonaa uyee deejjoonoyee baroone.
Batti Agenee Keyi Deejjoo
11“ ‘Batti agenee keyooba gutte wuron, ikke ooge bagee baaddoon, bachaalli, ikke nati shabaatte gishiishi bagee baaddoon micciibeeti deejjoo tuniiree Doono Yeeri taach deejjibote. 12Maayi buuroyich, ikkikke wurona tookki zayitoona xirikketi shiritte kobbaye qacini buddinoon, ooge bagee baaddoona tookki zayitoona xirikketi awudde kobbaye qacini buddinoon, 13wotta gishiishi bagee baaddoo bi ikkikkoona tookki zayitoona xirikketi gutte kobbaye qacini buddinoon micciibeeti deejjoyich, Doono Yeeri taach gaawe cinnecho tuniiree, qaaqqoona micciibeeti deejjoon deejjibote. 14Eboshina tookki giddemmi woyinee uyee deejjoo, ikkikke wurona tookki gutte neetiree woyinee uyo, ooge bagee baaddoona tookki ikke neetiraa qach bede woyinee uyoonaa ikkikke gishiishi bagee baaddoona tookki ikke neetiree woyinee uyoonane. Ebiyoo nati daggooch beeti ageneenaꞌo bulliich giddemmi micciibeeti deejjoone. 15Wotta axaaxee deejjoyich tunemmi ikke emmishee baaddoon Doono Yeeri taach deejjibote. Ebiyoo kuxeyaanoon bulli aaboon micciibeeti deejjoonaa uyee deejjoonoyee baroone.
Beshee Baaree Deejjoo
(Leweenaꞌo 23:5-14)
16“ ‘Batti batti agenee aaraa awuddinnee qemooba Doono Yeeri taach Beshee Baaroo baareyemmone.#Key. 12:1-13; Yibba. 16:1-2 17Ebi agenee aaraa uuchinnee qemo baaroone. Shabaatte qemon shittoo giyaani koshon maayemmo ittoshine. 18Ebi baaree ikkinnee qemo Doono Yeerich goyinnoyich ittoshi kiceyemmi yaafeeti aaboon tunemmone. Arooba shuunoon shuuneyaahote. 19Gutte wuron, ikke ooge bagee baaddoonaa ikke nati shabaatte gishiishi bagee baaddoonon qaaqqoona micciibeeti deejjoon tunii Doono Yeeri taach deejjibote. Eboshi bulli ikke bachaalleenaꞌo tunebeete. 20Eboshina tookki zayitoona xirikketi qacini buddinoochee maayi deejjoon deejjibote. Ebiyoo ikkikke wurona tookki shiritte kobbaye buddinoon, ooge bagee baaddoona tookki awudde kobbaye buddinoonaa 21shabaatte gishiishi bagee baaddoo bi ikkikkoona tookki gutte kobbaye buddinoonon deejjibote. 22Wotta ittoshi axaaxoon maariyoyich tunemmi ikke emmishee baaddoon axaaxee deejjoyich deejjibote. 23Maaddoona giddeebeeti, kuxeyaanoon bulli aaboon micciibeeti deejjoyee baroo eboshin deejjibote. 24Ebiyoommon wotta Doono Yeeri taach gaawe cinnecho tuneti maayi buuroon, qemi qemona shabaatte qemon, qaaqqoona micciibeeti deejjoon deejjibote. Ebiyoo uyee deejjoona tookkii kuxeyaanoon bulli aaboon giddeebeeti micciibeeti deejjoyee baroone. 25Shabaattinnee qemon Doono Yeeri taach goyinnoyich ittoshi kiceyemmi yaafeeti aaboon tuniibote. Shuunoon shuuneyaahote.#Key. 12:14-20; 23:15; 34:18; Yibba. 16:3-8
Maayi Qeci Baaree Deejjoo
(Leweenaꞌo 23:15-22)
26“ ‘Qaabbe Maayi Qeci Baarooba, andire maayi cilloon Doono Yeeri taach ittoshi giddiibeeti Maayi Qeci Baarooba, taach goyinnoyich ittoshi kiceyemmi yaafeeti aabo tuniibote. Shuunoon shuuneyaahote. 27Gutte wuron, ikke ooge bagee baaddoonaa ikke nati shabaatte gishiishi bagee baaddoonon Doono Yeeri taach gaawe cinnechi micciibeeti deejjoon tunii deejjibote. 28Eboshina tookki zayitoona xirikketi qacini buddinoochee maayi buuroon giddiibote. Ebiyoo ikkikke wurona tookki shiritte kobbaye buddinoon, ooge bagee baaddoona tookki awudde kobbaye buddinoonaa 29shabaatte gishiishi bagee baaddoo bi ikkikkoona tookki gutte kobbaye buddinoononiye. 30Ittoshi axaaxoon maariyoyich ikke emmishee baaddoon deejjibote. 31Eboshin uyee deejjoona tookki deejjibote. Ebiyoo maayi buuroona tookkii kuxeyaanoon bulli aaboon giddeebeeti, micciibeeti deejjoyee baroone. Ebi gijjeenaꞌo bachaalleenaꞌo boonoshi tunoon xiishibote.#Key. 23:16; 34:22; Yibba. 16:9-12
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.