Haddoo 27
27
Tselofaadichi Maache Bushiisheenaꞌo Mooyo
1Minaasichi bushoo Makirichi bushoo Gilaadichi bushoo Hefeerichi bushoo Tselofaadichi maache bushiisheenaꞌo Yooseefichi bushoo Minaasichi gumbee ashi daggeexinaꞌone. Boonoshi shigo Mahilaahi, Noohi, Hogili, Milikinaa Tiritsina getteehe. 2Boonoshiyoo danee duukkaanee kellooch, Muusi aafooch, qeeshoo Elazaari aafooch, ukkireenaꞌonaa iiteenaꞌo bullinochi aafoochoo neexeechii ishichiyeete: 3“No nihoo anaami bushoon shiyaanoon barahoochaa qititone. Bi qitito bi axaaxoonani Doono Yeeri toommooch tiyiti Qoraahichi asheenaꞌona tookkii bi guuphitoyich toonoone. 4Anaami bushiishoon shimo bi qajjitoyich no nihoochi shigo gumbeenaꞌo daggoochee bi aallemmo amoyichiye? No niheesheenaꞌo daggooch iristoon noochoo imbote” iyeete.
5Muusiyoo boonoshi mooyon Doono Yeeri aafooch giddiihe. 6Doono Yeeriyoo Muusich ishichiye: 7“Tselofaadichi maache bushiisheenaꞌo echeto tatoone. Boonoshi niheesheenaꞌo daggooch boonoshi qoodee iristoon boonoshich imbe. Boonoshi nihoochi iristo boonoshich ichebe.
8“Israꞌeeleenaꞌoyichoo ishichibe: ‘Ikke asho anaami bushoon shiyaanoon bi qitigaata, bi iristoon bi bushech imbote. 9Bushee biich aallegaata, bi iristoon bi maneenaꞌoyich imbote. 10Manoo biich aallegaata, bi iristoon bi niheeshoyich imbote. 11Niheeshoo biich aallegaata, bi gumbee ashoochee katini bi xiboyich bi iristoon imbote. Biyoo ebi iristoon woraashibe. Ebiyoo Doono Yeeri ta, Muusich ta gettetoommon Israꞌeeleenaꞌoyich doyoonaa qociyoona tunebe itone’ gete” iye.
Yaasi Muusichi Xaaꞌooch Kereyoo
(Yibbaatoo 31:1-8)
12Doono Yeeri Muusich ishichiye: “Abariimi guudooch keyiichi, Israꞌeeleenaꞌoyich ta immeti showoon ciine. 13Ebi showoon ne ciinnetoyee gubb, ne manoo Haroonichoommon newoo wotta ne qaabbechinaꞌo waan xaꞌeyemmo neene. 14Ebiyoo Tsiini barahooch beeti aachi gashoochaa iiteenaꞌo ta toommooch tiyiyooba asheenaꞌo aafoochaa ta getoon quyoona yaafoo tuniiꞌi taan oogiyoo ittoshi qajjitoyichiye” iye. Ebi aaco Tsiini barahooch, Qadeesh beeti Meriibi aacone.#Had. 20:7-12; Yibba. 3:23-27; 32:48-52
15Muusiyoo Doono Yeerich ishichiye: 16-17“Asho kasho bulli Nuggishoo Doono Yeero! Doono Yeeri ne asheenaꞌo qiddaalli bagoommon boonoshi tuneyaachemmoyich, boonoshi aafooch keyi giyemmi, wotta boonoshin yaabi kichi giijjemmi ashoon hini iiteenaꞌo toommooch ukkiriibe” iye.
18Aroochee Doono Yeeri Muusich ishichiye: “Ayaano bi toommooch beeti asho, Nuuni bushoo Yaasin daami ne kishoon bi toommooch kotiibe. 19Biinoo qeeshoo Elazaarinaa iitoo bullinochi aafooch neechibe. Boonoshi ciini beetaa biin ukkiriibe. 20Iitoo bulli biich deꞌa gettemmoyich ne oogoochee biich imbe. 21Qeeshoo Elazaari Uriimoona ta daaggoon ariibeeto bi tunetoyich, biyoo Elazaarina degeebe. Biinnaa Israꞌeelee iitoo bullina Elazaarichi getoona keyeete; bi getoonoo gibeete” iye.#Key. 28:30
22Muusiyoo Doono Yeeri gettitoommon tuniihe. Yaasinoo daammii qeeshoo Elazaarinaa iitoo bullinochi aafooch neechiye. 23Aroochee Doono Yeeri biich gettitoommon, bi kishoon bi toommooch kotiiꞌi ukkiriihe.
Currently Selected:
Haddoo 27: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Haddoo 27
27
Tselofaadichi Maache Bushiisheenaꞌo Mooyo
1Minaasichi bushoo Makirichi bushoo Gilaadichi bushoo Hefeerichi bushoo Tselofaadichi maache bushiisheenaꞌo Yooseefichi bushoo Minaasichi gumbee ashi daggeexinaꞌone. Boonoshi shigo Mahilaahi, Noohi, Hogili, Milikinaa Tiritsina getteehe. 2Boonoshiyoo danee duukkaanee kellooch, Muusi aafooch, qeeshoo Elazaari aafooch, ukkireenaꞌonaa iiteenaꞌo bullinochi aafoochoo neexeechii ishichiyeete: 3“No nihoo anaami bushoon shiyaanoon barahoochaa qititone. Bi qitito bi axaaxoonani Doono Yeeri toommooch tiyiti Qoraahichi asheenaꞌona tookkii bi guuphitoyich toonoone. 4Anaami bushiishoon shimo bi qajjitoyich no nihoochi shigo gumbeenaꞌo daggoochee bi aallemmo amoyichiye? No niheesheenaꞌo daggooch iristoon noochoo imbote” iyeete.
5Muusiyoo boonoshi mooyon Doono Yeeri aafooch giddiihe. 6Doono Yeeriyoo Muusich ishichiye: 7“Tselofaadichi maache bushiisheenaꞌo echeto tatoone. Boonoshi niheesheenaꞌo daggooch boonoshi qoodee iristoon boonoshich imbe. Boonoshi nihoochi iristo boonoshich ichebe.
8“Israꞌeeleenaꞌoyichoo ishichibe: ‘Ikke asho anaami bushoon shiyaanoon bi qitigaata, bi iristoon bi bushech imbote. 9Bushee biich aallegaata, bi iristoon bi maneenaꞌoyich imbote. 10Manoo biich aallegaata, bi iristoon bi niheeshoyich imbote. 11Niheeshoo biich aallegaata, bi gumbee ashoochee katini bi xiboyich bi iristoon imbote. Biyoo ebi iristoon woraashibe. Ebiyoo Doono Yeeri ta, Muusich ta gettetoommon Israꞌeeleenaꞌoyich doyoonaa qociyoona tunebe itone’ gete” iye.
Yaasi Muusichi Xaaꞌooch Kereyoo
(Yibbaatoo 31:1-8)
12Doono Yeeri Muusich ishichiye: “Abariimi guudooch keyiichi, Israꞌeeleenaꞌoyich ta immeti showoon ciine. 13Ebi showoon ne ciinnetoyee gubb, ne manoo Haroonichoommon newoo wotta ne qaabbechinaꞌo waan xaꞌeyemmo neene. 14Ebiyoo Tsiini barahooch beeti aachi gashoochaa iiteenaꞌo ta toommooch tiyiyooba asheenaꞌo aafoochaa ta getoon quyoona yaafoo tuniiꞌi taan oogiyoo ittoshi qajjitoyichiye” iye. Ebi aaco Tsiini barahooch, Qadeesh beeti Meriibi aacone.#Had. 20:7-12; Yibba. 3:23-27; 32:48-52
15Muusiyoo Doono Yeerich ishichiye: 16-17“Asho kasho bulli Nuggishoo Doono Yeero! Doono Yeeri ne asheenaꞌo qiddaalli bagoommon boonoshi tuneyaachemmoyich, boonoshi aafooch keyi giyemmi, wotta boonoshin yaabi kichi giijjemmi ashoon hini iiteenaꞌo toommooch ukkiriibe” iye.
18Aroochee Doono Yeeri Muusich ishichiye: “Ayaano bi toommooch beeti asho, Nuuni bushoo Yaasin daami ne kishoon bi toommooch kotiibe. 19Biinoo qeeshoo Elazaarinaa iitoo bullinochi aafooch neechibe. Boonoshi ciini beetaa biin ukkiriibe. 20Iitoo bulli biich deꞌa gettemmoyich ne oogoochee biich imbe. 21Qeeshoo Elazaari Uriimoona ta daaggoon ariibeeto bi tunetoyich, biyoo Elazaarina degeebe. Biinnaa Israꞌeelee iitoo bullina Elazaarichi getoona keyeete; bi getoonoo gibeete” iye.#Key. 28:30
22Muusiyoo Doono Yeeri gettitoommon tuniihe. Yaasinoo daammii qeeshoo Elazaarinaa iitoo bullinochi aafooch neechiye. 23Aroochee Doono Yeeri biich gettitoommon, bi kishoon bi toommooch kotiiꞌi ukkiriihe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.