Haddoo 29
29
Tiroon Huggi Baaree Deejjoo
(Leweenaꞌo 23:23-25)
1“ ‘Shabaattinee agenee ikkinnee qemon Doono Yeeri taach goyinnoyich ittoshi kiceyemmi yaafeeti aaboon tuniibote. Shuunoon shuuneyaahote. Ebi aabo tiroon ittoshi huggemmi aabo tunebe. 2Ikke wuron, ikke ooge bagee baaddoonaa bachaalli ikke nati shabaatte gishiishi bagee baaddoonon Doono Yeeri taach gaawe cinnechi micciibeeti deejjoon tunii deejjibote. 3Eboshina tookki zayitoona xirikketi qacini buddinoochee maayi buuroon giddiibote. Ebiyoo wurona tookki shiritte kobbaye buddinoon, ooge bagee baaddoona tookki awudde kobbaye buddinoon, 4shabaatte gishiishi bagee baaddoo bi ikkikkoona tookki gutte kobbaye buddinooniye. 5Ittoshi axaaxoon maariyoyich tunemmi ikke emmishee baaddoon axaaxee deejjoyich deejjibote. 6Ebiyoo batti agene keyooba maayi buuroona tookkii giddeebeeti, micciibeeti deejjoyee, maayi buuroona tookkii giddeebeeti, kuxeyaanoon bulli aaboon micciibeeti deejjoyee, wotta eboshina tookkii giddeebeeti uyee deejjoyee baroo, qoceetoommon giddeebeeti, Doono Yeeri taach gaawe cinnecho tuneti, qaaqqoona micciibeeti deejjoone.
Axaaxoon Maariyee Deejjoo
(Leweenaꞌo 23:26-32)
7“ ‘Hini shabaattinnee agenee aashirinnee qemon Doono Yeeri taach goyinnoyich ittoshi kiceyemmi yaafeeti aaboon tuniibote. Arooboo coomibote. Shuunoon shuuneyaahote. 8Doono Yeeri taach gaawe cinnechon tunii, ikke wuron, ikke ooge bagee baaddoonaa ikke nati shabaatte gishiishi bagee baaddoonon micciibeeti deejjoyich deejjibote. Bulliyona bachaalloon tunebe. 9Eboshina tookki zayitoona xirikketi qacini buddinoochee maayi buuroon giddiibote. Ebiyoo wurona tookki shiritte kobbaye buddinoon, ooge bagee baaddoona tookki awudde kobbaye buddinoonaa 10shabaatte gishiishi bagee baaddoo bi ikkikkoona tookki gutte kobbaye buddinoononiye. 11Wotta axaaxee deejjoyich ikke emmishee baaddoon deejjibote. Ebiyoo axaaxoon maariibeeti axaaxee deejjoyee, kuxeyaanoon bulli aaboon micciibeeti deejjoyee, maayi buuroonaa uyee deejjoonoyee baroone.#Lew. 16:29-34
Bashee Baaree Deejjoo
(Leweenaꞌo 23:33-44)
12“ ‘Shabaattinnee agenee aaraa uuchinnee qemon Doono Yeeri taach goyinnoyich ittoshi kiceyemmi yaafeeti aaboon tuniibote. Shuunoon shuuneyaahote. Shabaatte qemi baaroon Doono Yeeri taach baaribote. 13Taach gaawe cinnecho tuniiree, micciibeeti deejjooch aaraa keejje wuron, gutte ogooge bagee baaddoonaa ikke nati aaraa awudde gishiishi bagee baaddoonon deejjibote. Bulliyona bachaallo tunebe. 14Eboshina tookki zayitoona xirikketi qacini buddinoochee maayi buuroon deejjibote. Ebiyoo aaraa keejje wuro bi ikkikkoona tookki shiritte kobbaye buddinoon, gutte bagee baaddoo bi ikkikkoona tookki awudde kobbaayon, 15aaraa awudde gishiishi bagee baaddoo bi ikkikkoona tookki gutte kobbaayon deejjibote. 16Wotta axaaxee deejjoyich ikke emmishee baaddoon deejjibote. Ebiyoo maayi buuroonaa uyee deejjoona tookkii, kuxeyaanoon bulli aaboon giddeebeeti, micciibeeti deejjoyee baroone.
17“ ‘Bi gutte qemooba aaraa gutte wuron, gutte ogooge bagee baaddoonaa ikke nati aaraa awudde gishiishi bagee baaddoonon deejjibote. Bulliyona bachaallo tunebe. 18Wurinaꞌona, ogooge bagee baaddeenaꞌonaa gishiishi bagee baaddeenaꞌona tookki maayi buuroonaa uyee deejjoonon qoceetoommon, boonoshi haddoommona deejjibote. 19Wotta axaaxee deejjoyich ikke emmishee baaddoon deejjibote. Ebiyoo maayi buuroonaa uyee deejjoona tookkii kuxeyaanoon bulli aaboon giddeebeeti, micciibeeti deejjoyee baroone.
20“ ‘Bi keejje qemooba aaraa ikke wuron, gutte ogooge bagee baaddoonaa ikke nati aaraa awudde gishiishi bagee baaddoonon deejjibote. Bulliyona bachaallo tunebe. 21Wurinaꞌona, ogooge bagee baaddeenaꞌonaa gishiishi bagee baaddeenaꞌona tookki maayi buuroonaa uyee deejjoonon qoceetoommon, boonoshi haddoommona deejjibote. 22Wotta axaaxee deejjoyich ikke emmishee baaddoon deejjibote. Ebiyoo maayi buuroonaa uyee deejjoona tookkii, kuxeyaanoon bulli aaboon giddeebeeti, micciibeeti deejjoyee baroone.
23“ ‘Awuddinnee qemooba aashire wuron, gutte ogooge bagee baaddoonaa ikke nati aaraa awudde gishiishi bagee baaddoonon deejjibote. Bulliyona bachaallo tunebe. 24Wurinaꞌona, ogooge bagee baaddeenaꞌonaa gishiishi bagee baaddeenaꞌona tookki maayi buuroonaa uyee deejjoonon qoceetoommon, boonoshi haddoommona deejjibote. 25Wotta axaaxee deejjoyich ikke emmishee baaddoon deejjibote. Ebiyoo maayi buuroonaa uyee deejjoona tookkii, kuxeyaanoon bulli aaboon giddeebeeti, micciibeeti deejjoyee baroone.
26“ ‘Uuchinnee qemooba yiixiye wuron, gutte ogooge bagee baaddoonaa ikke nati aaraa awudde gishiishi bagee baaddoonon deejjibote. Bulliyona bachaallo tunebe. 27Wurinaꞌona, ogooge bagee baaddeenaꞌonaa gishiishi bagee baaddeenaꞌona tookki maayi buuroonaa uyee deejjoonon qoceetoommon, boonoshi haddoommona deejjibote. 28Wotta axaaxee deejjoyich ikke emmishee baaddoon deejjibote. Ebiyoo maayi buuroonaa uyee deejjoona tookkii kuxeyaanoon bulli aaboon giddeebeeti, micciibeeti deejjoyee baroone.
29“ ‘Shirittinnee qemooba shimitte wuron, gutte ogooge bagee baaddoonaa ikke nati aaraa awudde gishiishi bagee baaddoonon deejjibote. Bulliyona bachaallo tunebe. 30Wurinaꞌona, ogooge bagee baaddeenaꞌonaa gishiishi bagee baaddeenaꞌona tookki maayi buuroonaa uyee deejjoonon qoceetoommon, boonoshi haddoommona deejjibote. 31Wotta axaaxee deejjoyich ikke emmishee baaddoon deejjibote. Ebiyoo maayi buuroonaa uyee deejjoona tookkii kuxeyaanoon bulli aaboon giddeebeeti, micciibeeti deejjoyee baroone.
32“ ‘Shabaattinnee qemooba shabaatte wuron gutte ogooge bagee baaddoonaa ikke nati aaraa awudde gishiishi bagee baaddoonon deejjibote. Bulliyona bachaallo tunebe. 33Wurinaꞌona, ogooge bagee baaddeenaꞌona gishiishi bagee baaddeenaꞌona tookki maayi buuroonaa uyee deejjoonon qoceetoommon, boonoshi haddoommona deejjibote. 34Wotta axaaxee deejjoyich ikke emmishee baaddoon deejjibote. Ebiyoo maayi buuroonaa uyee deejjoona tookkii kuxeyaanoon bulli aaboon giddeebeeti, micciibeeti deejjoyee baroone.
35“ ‘Shimittinnee qemooba yaafeeti kiceyoon kiceebote. Shuunoon shuuneyaahote. 36Doono Yeeri taach gaawe cinnecho tuniiree ikke wuron, ikke ooge bagee baaddoonaa ikke nati shabaatte gishiishi bagee baaddoonon micciibeeti deejjoyich deejjibote. Bulliyona bachaallo tunebe. 37Wurona, ooge bagee baaddoonaa gishiishi bagee baaddeenaꞌona tookki, maayi buuroonaa uyee deejjoonon qoceetoommon, boonoshi haddoommona deejjibote. 38Wotta axaaxee deejjoyich ikke emmishee baaddoon deejjibote. Ebiyoo maayi buuroonaa uyee deejjoona tookkii kuxeyaanoon bulli aaboon giddeebeeti, micciibeeti deejjoyee baroone.
39“ ‘Micciibeeti ittoshi deejjeenaꞌon, ittoshi maayi buureenaꞌon, ittoshi uyee deejjeenaꞌonaa ittoshi ikkittinee deejjeenaꞌonon maacheeti ittoshi baaree aabooba Doono Yeeri taach deejjibote. Ebiyoo tiikkeshoonaa ittoshi mullee daaggoona ittoshi deejjiibeeti deejjoonoyee baroone’ gete” iye. 40Muusiyoo Doono Yeeri gettito bullin Israꞌeeleenaꞌoyich gettiye.
Currently Selected:
Haddoo 29: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Haddoo 29
29
Tiroon Huggi Baaree Deejjoo
(Leweenaꞌo 23:23-25)
1“ ‘Shabaattinee agenee ikkinnee qemon Doono Yeeri taach goyinnoyich ittoshi kiceyemmi yaafeeti aaboon tuniibote. Shuunoon shuuneyaahote. Ebi aabo tiroon ittoshi huggemmi aabo tunebe. 2Ikke wuron, ikke ooge bagee baaddoonaa bachaalli ikke nati shabaatte gishiishi bagee baaddoonon Doono Yeeri taach gaawe cinnechi micciibeeti deejjoon tunii deejjibote. 3Eboshina tookki zayitoona xirikketi qacini buddinoochee maayi buuroon giddiibote. Ebiyoo wurona tookki shiritte kobbaye buddinoon, ooge bagee baaddoona tookki awudde kobbaye buddinoon, 4shabaatte gishiishi bagee baaddoo bi ikkikkoona tookki gutte kobbaye buddinooniye. 5Ittoshi axaaxoon maariyoyich tunemmi ikke emmishee baaddoon axaaxee deejjoyich deejjibote. 6Ebiyoo batti agene keyooba maayi buuroona tookkii giddeebeeti, micciibeeti deejjoyee, maayi buuroona tookkii giddeebeeti, kuxeyaanoon bulli aaboon micciibeeti deejjoyee, wotta eboshina tookkii giddeebeeti uyee deejjoyee baroo, qoceetoommon giddeebeeti, Doono Yeeri taach gaawe cinnecho tuneti, qaaqqoona micciibeeti deejjoone.
Axaaxoon Maariyee Deejjoo
(Leweenaꞌo 23:26-32)
7“ ‘Hini shabaattinnee agenee aashirinnee qemon Doono Yeeri taach goyinnoyich ittoshi kiceyemmi yaafeeti aaboon tuniibote. Arooboo coomibote. Shuunoon shuuneyaahote. 8Doono Yeeri taach gaawe cinnechon tunii, ikke wuron, ikke ooge bagee baaddoonaa ikke nati shabaatte gishiishi bagee baaddoonon micciibeeti deejjoyich deejjibote. Bulliyona bachaalloon tunebe. 9Eboshina tookki zayitoona xirikketi qacini buddinoochee maayi buuroon giddiibote. Ebiyoo wurona tookki shiritte kobbaye buddinoon, ooge bagee baaddoona tookki awudde kobbaye buddinoonaa 10shabaatte gishiishi bagee baaddoo bi ikkikkoona tookki gutte kobbaye buddinoononiye. 11Wotta axaaxee deejjoyich ikke emmishee baaddoon deejjibote. Ebiyoo axaaxoon maariibeeti axaaxee deejjoyee, kuxeyaanoon bulli aaboon micciibeeti deejjoyee, maayi buuroonaa uyee deejjoonoyee baroone.#Lew. 16:29-34
Bashee Baaree Deejjoo
(Leweenaꞌo 23:33-44)
12“ ‘Shabaattinnee agenee aaraa uuchinnee qemon Doono Yeeri taach goyinnoyich ittoshi kiceyemmi yaafeeti aaboon tuniibote. Shuunoon shuuneyaahote. Shabaatte qemi baaroon Doono Yeeri taach baaribote. 13Taach gaawe cinnecho tuniiree, micciibeeti deejjooch aaraa keejje wuron, gutte ogooge bagee baaddoonaa ikke nati aaraa awudde gishiishi bagee baaddoonon deejjibote. Bulliyona bachaallo tunebe. 14Eboshina tookki zayitoona xirikketi qacini buddinoochee maayi buuroon deejjibote. Ebiyoo aaraa keejje wuro bi ikkikkoona tookki shiritte kobbaye buddinoon, gutte bagee baaddoo bi ikkikkoona tookki awudde kobbaayon, 15aaraa awudde gishiishi bagee baaddoo bi ikkikkoona tookki gutte kobbaayon deejjibote. 16Wotta axaaxee deejjoyich ikke emmishee baaddoon deejjibote. Ebiyoo maayi buuroonaa uyee deejjoona tookkii, kuxeyaanoon bulli aaboon giddeebeeti, micciibeeti deejjoyee baroone.
17“ ‘Bi gutte qemooba aaraa gutte wuron, gutte ogooge bagee baaddoonaa ikke nati aaraa awudde gishiishi bagee baaddoonon deejjibote. Bulliyona bachaallo tunebe. 18Wurinaꞌona, ogooge bagee baaddeenaꞌonaa gishiishi bagee baaddeenaꞌona tookki maayi buuroonaa uyee deejjoonon qoceetoommon, boonoshi haddoommona deejjibote. 19Wotta axaaxee deejjoyich ikke emmishee baaddoon deejjibote. Ebiyoo maayi buuroonaa uyee deejjoona tookkii kuxeyaanoon bulli aaboon giddeebeeti, micciibeeti deejjoyee baroone.
20“ ‘Bi keejje qemooba aaraa ikke wuron, gutte ogooge bagee baaddoonaa ikke nati aaraa awudde gishiishi bagee baaddoonon deejjibote. Bulliyona bachaallo tunebe. 21Wurinaꞌona, ogooge bagee baaddeenaꞌonaa gishiishi bagee baaddeenaꞌona tookki maayi buuroonaa uyee deejjoonon qoceetoommon, boonoshi haddoommona deejjibote. 22Wotta axaaxee deejjoyich ikke emmishee baaddoon deejjibote. Ebiyoo maayi buuroonaa uyee deejjoona tookkii, kuxeyaanoon bulli aaboon giddeebeeti, micciibeeti deejjoyee baroone.
23“ ‘Awuddinnee qemooba aashire wuron, gutte ogooge bagee baaddoonaa ikke nati aaraa awudde gishiishi bagee baaddoonon deejjibote. Bulliyona bachaallo tunebe. 24Wurinaꞌona, ogooge bagee baaddeenaꞌonaa gishiishi bagee baaddeenaꞌona tookki maayi buuroonaa uyee deejjoonon qoceetoommon, boonoshi haddoommona deejjibote. 25Wotta axaaxee deejjoyich ikke emmishee baaddoon deejjibote. Ebiyoo maayi buuroonaa uyee deejjoona tookkii, kuxeyaanoon bulli aaboon giddeebeeti, micciibeeti deejjoyee baroone.
26“ ‘Uuchinnee qemooba yiixiye wuron, gutte ogooge bagee baaddoonaa ikke nati aaraa awudde gishiishi bagee baaddoonon deejjibote. Bulliyona bachaallo tunebe. 27Wurinaꞌona, ogooge bagee baaddeenaꞌonaa gishiishi bagee baaddeenaꞌona tookki maayi buuroonaa uyee deejjoonon qoceetoommon, boonoshi haddoommona deejjibote. 28Wotta axaaxee deejjoyich ikke emmishee baaddoon deejjibote. Ebiyoo maayi buuroonaa uyee deejjoona tookkii kuxeyaanoon bulli aaboon giddeebeeti, micciibeeti deejjoyee baroone.
29“ ‘Shirittinnee qemooba shimitte wuron, gutte ogooge bagee baaddoonaa ikke nati aaraa awudde gishiishi bagee baaddoonon deejjibote. Bulliyona bachaallo tunebe. 30Wurinaꞌona, ogooge bagee baaddeenaꞌonaa gishiishi bagee baaddeenaꞌona tookki maayi buuroonaa uyee deejjoonon qoceetoommon, boonoshi haddoommona deejjibote. 31Wotta axaaxee deejjoyich ikke emmishee baaddoon deejjibote. Ebiyoo maayi buuroonaa uyee deejjoona tookkii kuxeyaanoon bulli aaboon giddeebeeti, micciibeeti deejjoyee baroone.
32“ ‘Shabaattinnee qemooba shabaatte wuron gutte ogooge bagee baaddoonaa ikke nati aaraa awudde gishiishi bagee baaddoonon deejjibote. Bulliyona bachaallo tunebe. 33Wurinaꞌona, ogooge bagee baaddeenaꞌona gishiishi bagee baaddeenaꞌona tookki maayi buuroonaa uyee deejjoonon qoceetoommon, boonoshi haddoommona deejjibote. 34Wotta axaaxee deejjoyich ikke emmishee baaddoon deejjibote. Ebiyoo maayi buuroonaa uyee deejjoona tookkii kuxeyaanoon bulli aaboon giddeebeeti, micciibeeti deejjoyee baroone.
35“ ‘Shimittinnee qemooba yaafeeti kiceyoon kiceebote. Shuunoon shuuneyaahote. 36Doono Yeeri taach gaawe cinnecho tuniiree ikke wuron, ikke ooge bagee baaddoonaa ikke nati shabaatte gishiishi bagee baaddoonon micciibeeti deejjoyich deejjibote. Bulliyona bachaallo tunebe. 37Wurona, ooge bagee baaddoonaa gishiishi bagee baaddeenaꞌona tookki, maayi buuroonaa uyee deejjoonon qoceetoommon, boonoshi haddoommona deejjibote. 38Wotta axaaxee deejjoyich ikke emmishee baaddoon deejjibote. Ebiyoo maayi buuroonaa uyee deejjoona tookkii kuxeyaanoon bulli aaboon giddeebeeti, micciibeeti deejjoyee baroone.
39“ ‘Micciibeeti ittoshi deejjeenaꞌon, ittoshi maayi buureenaꞌon, ittoshi uyee deejjeenaꞌonaa ittoshi ikkittinee deejjeenaꞌonon maacheeti ittoshi baaree aabooba Doono Yeeri taach deejjibote. Ebiyoo tiikkeshoonaa ittoshi mullee daaggoona ittoshi deejjiibeeti deejjoonoyee baroone’ gete” iye. 40Muusiyoo Doono Yeeri gettito bullin Israꞌeeleenaꞌoyich gettiye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.