Haddoo 26
26
Asheenaꞌo Guttinnoon Haddeyoo
1Naxoyee gubb, Doono Yeeri Muusinaa qeeshoo Harooni bushoo Elazaarinoyich ishichiye: 2“Boonoshi eeno hiye natonaa ebiyee damboona tunetinaꞌon, ginooch hamoyich bedditinaꞌo bullin, Israꞌeelee iitoo bulliichee boonoshi gumbi gumboona haddibote” iye. 3Aroochee Muusinaa qeeshoo Elazaarina Yoordaanoosi aachi gashoochaa, Yaariki katemee ciinooch beeti Moꞌabi gaddoochaa asheenaꞌoyich ishichiyeete: 4“Doono Yeeri Muusich gettitoommon, boonoshi eeno hiye natonaa ebiyee damboona tuneti asheenaꞌon haddibote” iyeete.
Gibitsee kechii waati Israꞌeeleenaꞌo eboshine:
5Israꞌeelichi gutenee bushoo Roobeeli shiijjereenaꞌoochee:
Hanooki gumbee asheenaꞌo,
Faali gumbee asheenaꞌo,
6Hetsirooni gumbee asheenaꞌonaa
Karimi gumbee asheenaꞌonane.
7Eboshiyoo Roobeeli shiijjereenaꞌochi gumbee asheenaꞌone. Boonoshi haddoo aabbaa keejje humaa shabaatte ballaa shaashoone.
8Faali bushoo Eliyaabi, 9Eliyaabi bushiisheenaꞌo Nemuꞌeeli, Daataaninaa Abiraaminane. Ebi Daataaninaa Abiraamina iiteenaꞌo kaacciti ukkireenaꞌone. Qoraahichi dabbeenaꞌo Doono Yeeri toommooch boonoshi tiyiyooba, boonoshina tookkii tuneꞌi, Muusinaa Haroonina tookkii kaaretinaꞌone. Doono Yeeri toommooch boonoshi tiyiyooba, 10showee haawuttaꞌa Qoraahina tookkaa boonoshin qooxxahan. Qoraahichi dabbeenaꞌo qitiyooba gutte ballaa aache asheenaꞌon qaaqqoo maahe. Ebina boonoshiyoo bare asheenaꞌoyich cuuꞌiyoon tuneheete. 11Tunebaani Qoraahichi shiijjeroo kuxeyaanoone.
12Simoonichi shiijjereenaꞌo boonoshi gumbi gumboona eboshine: Nemuꞌeeli gumbee asheenaꞌo, Yamiini gumbee asheenaꞌo, Yakiini gumbee asheenaꞌo, 13Zaari gumbee asheenaꞌonaa Shaawulli gumbee asheenaꞌonane. 14Ebi Simooni shiijjereenaꞌochi gumbee asheenaꞌo hiyaa gutte humaa gutte balleenaꞌone.
15Gaadi shiijjereenaꞌo boonoshi gumbi gumboona eboshine: Tsefooni gumbee asheenaꞌo, Haggi gumbee asheenaꞌo, Shuuni gumbee asheenaꞌo, 16Ozini gumbee asheenaꞌo, Eriyi gumbee asheenaꞌo, 17Aroddi gumbee asheenaꞌonaa Areeli gumbee asheenaꞌonane. 18Ebi Gaadi shiijjeree gumbee asheenaꞌochi haddoo aabbe humaa uuche balloone.
19Yihudi bushiisheenaꞌo Eerinaa Onaanina Kanaanee showoochaa qititinaꞌone. 20Yihudi shiijjereenaꞌo boonoshi gumbi gumboona eboshine: Seeli gumbee asheenaꞌo, Feretsi gumbee asheenaꞌonaa Zaari gumbee asheenaꞌonane. 21Feretsi shiijjereenaꞌo Hetsirooni gumbee asheenaꞌonaa Hamuuli gumbee asheenaꞌonane. 22Ebi Yihudi shiijjereenaꞌochi haddoo shabaa shiritte humaa uuche balloone.
23Yisakoori shiijjereenaꞌo boonoshi gumbi gumboona eboshine: Tooli gumbee asheenaꞌo, Fuꞌaahi gumbee asheenaꞌo, 24Yashuubi gumbee asheenaꞌonaa Shimirooni gumbee asheenaꞌonane. 25Ebi Yisakoori shiijjereenaꞌochi haddoo shichaa awudde humaa keejje balloone.
26Zebulooni shiijjereenaꞌo boonoshi gumbi gumboona eboshine: Sereedi gumbee asheenaꞌo, Elooni gumbee asheenaꞌonaa Yahileeli gumbee asheenaꞌonane. 27Ebi Zebulooni shiijjereenaꞌochi haddoo shiche humaa uuche balloone.
28Yooseefi shiijjereenaꞌo Minaasinaa Efreemina waanaa boonoshi gumbi gumboona eboshine:
29Minaasi shiijjereenaꞌo, Makiri gumbee asheenaꞌone. Makiriyoo Gilaadi nihoone. 30Gilaadi shiijjereenaꞌoo eboshine: Izeeri gumbee asheenaꞌo, Heleeki gumbee asheenaꞌo, 31Asreeli gumbee asheenaꞌo, Shekeemi gumbee asheenaꞌo, 32Shemiidi gumbee asheenaꞌonaa Hefeeri gumbee asheenaꞌonane. 33Hefeeri bushoo Tselofaadich maache bushiishoani anaami bushoo aalloone. Ebi Tselofaadi maache bushiisheenaꞌochi shigo Mahilaahi, Noohi, Hogili, Milikinaa Tiritsinane. 34Ebi Minaasi shiijjereenaꞌochi haddoo aachaa gutte humaa shabaatte balloone.
35Efreemi shiijjereenaꞌo boonoshi gumbi gumboona eboshine: Shutelaahi gumbee asheenaꞌo, Bekeeri gumbee asheenaꞌonaa Taahaani gumbee asheenaꞌonane. 36Eraani gumbee asheenaꞌo Shutelaahichi shiijjereenaꞌone. 37Ebi Efreemi shiijjereenaꞌochi haddoo shaashaa gutte humaa uuche balloone.
Eboshiyoo boonoshi gumbi gumboona Yooseefichi shiijjereenaꞌone.
38Biiniyaami shiijjereenaꞌo boonoshi gumbi gumboona eboshine: Belaahi gumbee asheenaꞌo, Ashibeeli gumbee asheenaꞌo, Ahiraami gumbee asheenaꞌo, 39Shufaami gumbee asheenaꞌonaa Hufaami gumbee asheenaꞌonane. 40Wotta Belaahi bushiisheenaꞌo Ariddinaa Naꞌimaanina waanaa Ariddi gumbee asheenaꞌonaa Naꞌimaani gumbee asheenaꞌonane. 41Ebi boonoshi gumbi gumboona haddeeti Biiniyaamichi shiijjereenaꞌo aabbaa uuche humaa shiritte balleenaꞌone.
42Daani shiijjereenaꞌo, Shuhaamichi gumbee asheenaꞌochi haddoo, 43bulli shichaa awudde humaa awudde balloone.
44Aseeri shiijjereenaꞌo boonoshi gumbi gumboona eboshine: Yimini gumbee asheenaꞌo, Yishiwi gumbee asheenaꞌonaa Beeriyi gumbee asheenaꞌonane. 45Hebeeri gumbee asheenaꞌonaa Malikeli gumbee asheenaꞌona Beeriyi shiijjereenaꞌone. 46Aseeri bushee shigo Seeri getteehe. 47Ebi Aseeri shiijjereenaꞌo gumbee asheenaꞌochi haddoo aachaa keejje humaa awudde balloone.
48Nifitaali shiijjereenaꞌo boonoshi gumbi gumboona eboshine: Yahitseeli gumbee asheenaꞌo, Guuni gumbee asheenaꞌo, 49Yetseeri gumbee asheenaꞌonaa Shileemi gumbee asheenaꞌonane. 50Ebi Nifitaali shiijjereenaꞌo haddoo aabbaa uuche humaa awudde balloone.
51Israꞌeelee anaaminaꞌo haddoo bulli shiritte ballaa ikke humaa shabaatte ballaa shaashoone.#Had. 1:1-46
52Doono Yeeri Muusich ishichiye: 53“Ebi asheenaꞌoyich showoo boonoshi shigee haddoommona iristo bi tunemmoyich qoodeyemmone. 54Meeti shiishechi yoodoyich wodde iristoon, giisheche shiishechi yoodoyich giisheche iristoon immemmo neene. Bulli yoodoyich bi haddi haddoommona iristo ichemmone. 55Tunebaani showoo ixoona qoodeyemmone. Boonoshi qaabbechinaꞌochi yoodi yoodee shigoommona woraashemminaꞌone. 56Meetinaꞌonaa giishecheenaꞌona ciinaa iristo ixoona boonoshich qoodeyemmone” iye.#Had. 34:13; Yaas. 14:1-2
57Boonoshi gumbi gumboona haddeeti Leweenaꞌo eboshine: Gerishooni gumbee asheenaꞌo, Qohaati gumbee asheenaꞌonaa Meraari gumbee asheenaꞌonane. 58Eboshi wotta Lewi gumbee asheenaꞌone: Libiini gumbee asheenaꞌo, Kebirooni gumbee asheenaꞌo, Mahili gumbee asheenaꞌo, Muushi gumbee asheenaꞌonaa Qoraahi gumbee asheenaꞌonane. Qohaati Amiraami nihoone. 59Amiraami mechee shigo Yokebeedi getteehe. Biyoo Lewi busheene. Bi shiijjeto Gibitsee showoochaa Leweenaꞌochi shiijjeroocheeniye. Biyoo Amiraamich Haroonin, Muusinaa boonoshi manee Miiriyaminon shiyahan. 60Harooniyoo Nadaabin, Abiihin, Elazaarinaa Itamaarinon shiyihe. 61Tunebaani Nadaabinaa Abiihina yaafeyaani qaaqqoon Doono Yeeri aafooch boonoshi giddiihooba qitiyeete.
62Ikke agenoonaa ebiyee damboona tuneꞌi boonoshi daggoochee haddeeti anaaminaꞌo bulli hiyaa keejje humeenaꞌone. Israꞌeeleenaꞌo daggoochee iristo boonoshich icho bi qajjitoyich Israꞌeeleenaꞌona tookkii haddeyaaneenaꞌone.
63Muusinaa qeeshoo Elazaarina Yoordaanoosi aachi gashoochaa, Yaariki katemee ciinooch beeti Moꞌabi gaddoochaa Israꞌeeleenaꞌon boonoshi haddiyooba haddeetinaꞌo eboshine. 64Tunebaani Muusinaa qeeshoo Haroonina Siini barahoochaa Israꞌeeleenaꞌon boonoshi haddiyooba beeti asheenaꞌoochee ikkolla aalloone. 65Ebiyoo Doono Yeeri “Barahoochaa qitemminaꞌone” bi itoyich, Yefuuni bushoo Kaaleebinaa Nuuni bushoo Yaasinoyee besh, boonoshi daggoochee ikke asholla echeyaanoone.#Had. 1:26-35
Currently Selected:
Haddoo 26: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
