Haddoo 2
2
Asheenaꞌo Boonoshi Yoodi Yood Kaamboon Geddii Koto
1Doono Yeeri Muusinaa Harooninoyich ishichiye: 2“Israꞌeeleenaꞌo boonoshi ikkikkoona boonoshi baanderi baanderoona, boonoshi qaabbechinaꞌo yari yaree malletoona, danee duukkaanee guudo bullina, boonoshi kaamboon gedi hododiree kotebeete.
3“Aabi-keyo waan kaamboon gedi boonoshi kuxi kuxona, boonoshi baanderoona kotemminaꞌo Yihudi kuxooch beeti yoodeenaꞌone. Yihudi yoodee iraashoo, Aminadaabi bushoo Nahishoonine. 4Bi asheenaꞌo haddoo shabaa awudde humaa shiritte balloone.
5“Boonoshi gaꞌooch kaamboon gedi kotemmo Yisakoori yoodoone. Yisakoori yoodee iraashoo, Tsuꞌaari bushoo Netaaneline. 6Bi asheenaꞌo haddoo aachaa awudde humaa awudde balloone.
7“Boonoshi gaꞌooch kaamboon gedi kotemmo Zebulooni yoodoone. Zebulooni yoodee iraashoo, Helooni bushoo Eliyaabine. 8Bi asheenaꞌo haddoo aachaa shabaatte humaa awudde balloone.
9“Yihudichi kuxooch beeti, boonoshi yoodi yoodoona haddeeti asheenaꞌo bulla, balli shinnaa shiritte humaa awudde balleenaꞌone. Aaf shiichi qaxiremminaꞌo eboshine.
10“Deshi-waan kaamboon gedi boonoshi kuxi kuxona boonoshi baanderoona kotemminaꞌo Roobeelichi kuxooch beeti yoodeenaꞌone. Roobeeli yoodee iraashoo, Sheduuri bushoo Elisuurine. 11Bi asheenaꞌo haddoo aabbaa shiritte humaa uuche balloone.
12“Boonoshi gaꞌooch kaamboon gedi kotemmo Simooni yoodoone. Simooni yoodee iraashoo, Tsurishadayi bushoo Shelumeline. 13Bi asheenaꞌo haddoo aachaa yiixiye humaa keejje balloone.
14“Boonoshi gaꞌooch kaamboon gedi kotemmo Gaadi yoodoone. Gaadi yoodee iraashoo, Reweeli#2:14 Reweelichi bare shigo Deweeline. Had. 1:14 ciin. bushoo Eliyasaafine. 15Bi asheenaꞌo haddoo aabbaa uuche humaa shiritte ballaa aachoone.
16“Roobeelichi kuxooch beeti, boonoshi yoodi yoodoona haddeeti asheenaꞌo bulla, balli aachaa ikke humaa awudde ballaa aacheenaꞌone. Boonoshiyoo tiyi, Yihudi yoodeenaꞌon dabbi qaxiremminaꞌone.
17“Ebiyee gubb, Leweenaꞌo danee duukkaanoon shaagiree, kaambo bullichi gutte daggooch tuneree qaxiremminaꞌone. Asheenaꞌo bulli boonoshi kuxi kuxona kaamboon geddiꞌi boonoshi kotetoommona boonoshi xaaꞌoon yeshiree, boonoshi baanderi baanderoona qaxiremminaꞌone.
18“Aabi-gimo waan kaamboon gedi boonoshi kuxi kuxona, boonoshi baanderoona kotemminaꞌo Efreemi kuxooch beeti yoodeenaꞌone. Efreemi yoodee iraashoo, Amihuudi bushoo Elishamine. 19Bi asheenaꞌo haddoo aabbe humaa uuche balloone.
20“Boonoshi gaꞌooch kaamboon gedi kotemmo Minaasi yoodoone. Minaasi yoodee iraashoo, Fedatsuuri bushoo Gamaleeline. 21Bi asheenaꞌo haddoo shaashaa gutte humaa gutte balloone.
22“Boonoshi gaꞌooch kaamboon gedi kotemmo Biiniyaami yoodoone. Biiniyaami yoodee iraashoo, Gideꞌooni bushoo Abidanine. 23Bi asheenaꞌo haddoo shaashaa uuche humaa awudde balloone.
24“Efreemi kuxooch beeti, boonoshi yoodi yoodoona haddeeti asheenaꞌo bulla, balli shimitte humaa ikke balleenaꞌone. Boonoshiyoo keejjinnee yaaroon yeshiree qaxiremminaꞌone.
25“Dambi-waan kaamboon gedi boonoshi kuxi kuxona, boonoshi baanderoona kotemminaꞌo Daanichi kuxooch beeti yoodeenaꞌone. Daani yoodee iraashoo, Amishadaayi bushoo Ahezeerine. 26Bi asheenaꞌo haddoo shichaa gutte humaa shabaatte balloone.
27“Boonoshi gaꞌooch kaamboon gedi kotemmo Aseeri yoodoone. Aseeri yoodee iraashoo, Okiraani bushoo Fageeline. 28Bi asheenaꞌo haddoo aabbaa ikke humaa uuche balloone.
29“Boonoshi gaꞌooch kaamboon gedi kotemmo Nifitaali yoodoone. Nifitaali yoodee iraashoo, Enaani bushoo Ahiirine. 30Bi asheenaꞌo haddoo aachaa keejje humaa awudde balloone.
31“Daanichi kuxooch beeti boonoshi yoodi yoodoona haddeeti asheenaꞌo bulla, balli aachaa shabaatte humaa shiritte balleenaꞌone. Boonoshiyoo tiyi boonoshi baanderi baanderoona ciiroochaa qaxiremminaꞌone” iye.
32Israꞌeeleenaꞌoochee boonoshi qaabbechinaꞌo yari yaroona haddeetinaꞌo eboshine. Boonoshi kaambi kaamboona, boonoshi kuxi kuxona haddeetinaꞌo bulla, shiritte ballaa keejje humaa uuche ballaa aacheenaꞌone. 33Tunebaani Doono Yeeri Muusich bi gettitoommon, Leweenaꞌo Israꞌeeleenaꞌona tookkii haddeyaaneenaꞌone.
34Israꞌeeleenaꞌo Doono Yeeri Muusich gettiti mooyo bullin tuniiheete. Boonoshi baanderi baanderoona kaamboon geddiꞌi koteheete; ebiyoommon wotta boonoshi gumbi gumboona boonoshi qaabbechinaꞌo yari yaroona tiyii qaxiriyeete.
Currently Selected:
Haddoo 2: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.