Haddoo 17
17
Haroonichi Gumbe Ato
1Doono Yeeri Muusich ishichiye: 2“Israꞌeeleenaꞌo boonoshi ikkikkoona boonoshi qaabbechinaꞌochi yari yaroochee ikkikke gumboon, boonoshi qaabbechinaꞌochi yari yaree ukkireenaꞌo waanee bulli aaraa gutte gumboon neech boonoshi deebemmoyich gete. Bi ikkikkoochi shigoon bi gumbi gumbee toommooch kooribe. 3Lewichi gumbee toommooch Haroonichi shigoon kooribe. Qaabbechinaꞌochi yari yaree ukkireenaꞌoyich boonoshi qelli qelloona ikkikke gumbo beemo qaawiihe. 4Ebi gumbeenaꞌon ittoshina tookkaa ta daneebeeti danee duukkaanee daggooch, taabootee aafooch gede. 5Ta kaacceti ashi gumbe atemmine. Ittoshi toommooch boonoshi guruuxiibeeti Israꞌeeleenaꞌochi guruuxoon ta waanee ebina kuxxemmo taane” iye.
6Muusiyoo Israꞌeeleenaꞌoyich gettiye. Boonoshi ukkireenaꞌo bulli aaraa gutte gumbeenaꞌon boonoshi qaabbechinaꞌochi yari yaroona ikkikke gumboon Muusich immiyeete. Haroonichi gumbo boonoshi gumbee daggooch beetone. 7Muusiyoo gumbeenaꞌon Doono Yeeri aafooch, taabooto beeti duukkaanee daggooch geddiye. 8Bi dechara, Muusi taabooto beeti duukkaanee maac giyiꞌi Lewi yoodoochee tuneti Haroonichi gumbo ateton beeggiye; wottoo nollii bungiꞌi kachiti luuzoon aafetone. 9Aroochee Muusi gumbeenaꞌo bullin Doono Yeeri aafoochee deebiꞌi Israꞌeeleenaꞌo bullich bekkiihe. Boonoshiyoo beeggiyeete; asho bi ikkikkoona bi gumbi gumboon daammiye.
10Doono Yeeriyoo Muusich ishichiye: “Haroonichi gumboon wogee taabootee aafooch wochiree kotiibe. Ta toommooch boonoshi guruuxiibeeti guruuxoo echemmoyich, boonoshiyoo qitaachemmoyich, ta toommooch tiyiibeeti asheenaꞌoyich malletoo tuneree quyeebe” iye. 11Muusiyoo Doono Yeeri biich gettitoommon tuniihe.
12Aroochee Israꞌeeleenaꞌo Muusich ishichiyeete: “Ebiyoche qitaaniye no beeto; aallaaniye no beeto; no bulliyona aallaaniye no beeto. 13Doono Yeerichi yaafee duukkaanooch katinnimmo koniyoona qitii beetone. Ishigaata, no bulliyona qitemmo noone getone?” iyeete.
Currently Selected:
Haddoo 17: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Haddoo 17
17
Haroonichi Gumbe Ato
1Doono Yeeri Muusich ishichiye: 2“Israꞌeeleenaꞌo boonoshi ikkikkoona boonoshi qaabbechinaꞌochi yari yaroochee ikkikke gumboon, boonoshi qaabbechinaꞌochi yari yaree ukkireenaꞌo waanee bulli aaraa gutte gumboon neech boonoshi deebemmoyich gete. Bi ikkikkoochi shigoon bi gumbi gumbee toommooch kooribe. 3Lewichi gumbee toommooch Haroonichi shigoon kooribe. Qaabbechinaꞌochi yari yaree ukkireenaꞌoyich boonoshi qelli qelloona ikkikke gumbo beemo qaawiihe. 4Ebi gumbeenaꞌon ittoshina tookkaa ta daneebeeti danee duukkaanee daggooch, taabootee aafooch gede. 5Ta kaacceti ashi gumbe atemmine. Ittoshi toommooch boonoshi guruuxiibeeti Israꞌeeleenaꞌochi guruuxoon ta waanee ebina kuxxemmo taane” iye.
6Muusiyoo Israꞌeeleenaꞌoyich gettiye. Boonoshi ukkireenaꞌo bulli aaraa gutte gumbeenaꞌon boonoshi qaabbechinaꞌochi yari yaroona ikkikke gumboon Muusich immiyeete. Haroonichi gumbo boonoshi gumbee daggooch beetone. 7Muusiyoo gumbeenaꞌon Doono Yeeri aafooch, taabooto beeti duukkaanee daggooch geddiye. 8Bi dechara, Muusi taabooto beeti duukkaanee maac giyiꞌi Lewi yoodoochee tuneti Haroonichi gumbo ateton beeggiye; wottoo nollii bungiꞌi kachiti luuzoon aafetone. 9Aroochee Muusi gumbeenaꞌo bullin Doono Yeeri aafoochee deebiꞌi Israꞌeeleenaꞌo bullich bekkiihe. Boonoshiyoo beeggiyeete; asho bi ikkikkoona bi gumbi gumboon daammiye.
10Doono Yeeriyoo Muusich ishichiye: “Haroonichi gumboon wogee taabootee aafooch wochiree kotiibe. Ta toommooch boonoshi guruuxiibeeti guruuxoo echemmoyich, boonoshiyoo qitaachemmoyich, ta toommooch tiyiibeeti asheenaꞌoyich malletoo tuneree quyeebe” iye. 11Muusiyoo Doono Yeeri biich gettitoommon tuniihe.
12Aroochee Israꞌeeleenaꞌo Muusich ishichiyeete: “Ebiyoche qitaaniye no beeto; aallaaniye no beeto; no bulliyona aallaaniye no beeto. 13Doono Yeerichi yaafee duukkaanooch katinnimmo koniyoona qitii beetone. Ishigaata, no bulliyona qitemmo noone getone?” iyeete.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.