Haddoo 18
18
Qeesheenaꞌonaa Leweenaꞌonochi Shuunoo
1Doono Yeeri Haroonich ishichiye: “Yaafe xaaꞌoochaa shuuneebeeti xuꞌoyich ne, ne bushiishoonaa ne yareenaꞌona echeyemmo ittoshine. Neennaa ne bushiishoona qeeshittinee maddeexi xuꞌoyich echeyemmo ittoshine. 2Neennaa ne bushiishoona miixee duukkaanoochaa ittoshi maddee beegaata, shuunoona ittoshin boonoshi gaachemmoyich, Lewi yoodo tuneti ne maneenaꞌon deebe. 3Boonoshiyoo ittoshin gaachebee yaafee duukkaaneexi shuunoon shuunemminaꞌone. Tunebaani boonoshiyoo, ittoshiyoo qitaachemmoyich, Yaafe Xaaꞌeexi qiicoonaa deejjee gudoonooch katinnaayeete. 4Danee duukkaaneexi maddoo bullin maddoyich ittoshina tookki beebeete. Tunebaani bare asho koniyoona ittoshi waan katinnaaye.
5“Israꞌeeleenaꞌo toommooch kaaree shiixxoo wochinnoon bi kindaachemmoyich, Yaafe Xaaꞌoonaa deejjee gudoonon ittoshi quyebote. 6Ebiyoche, tawoo ittoshi maneenaꞌo tuneti Leweenaꞌon Israꞌeeleenaꞌo daggoochee taach kaacceto taane. Danee duukkaanee maddoon boonoshi maddemmoyich Doono Yeerich ichetinaꞌone; boonoshin ittoshich wojjaa immeto taane. 7Neennaa ne bushiishoona deejjee gudeexi maddoo bullinaa maccillaatee daggeexi qeeshittinee maddoo bullinon maddebote. Qeeshittinee maddoon ittoshich wojjoo tuniyaa immeto taane. Tunebaani bare asho arooch bi katinigaata qitibe” iye.
Qeesheenaꞌochi Qoodoo
8Aroochee Doono Yeeri Haroonich ishichiye: “Ebiyoche, Israꞌeeleenaꞌo taach giddiibeeti deejjoonaa buuroona bullin neech immeto taane. Yaafeeto bi tunetoyich, bulli aabooch neennaa ne bushiisheenaꞌonochi qoodoo bi tunemmoyich immeto taane. 9Taach boonoshi giddiibeeti qaaqqooch micheyaani, oogichii yaafeeti ebi wojjoo, ne qoodoo tunebe. Boonoshi wojjoo bulli, boonoshi maayi buuro bulli, boonoshi axaaxee deejjoo bulli, boonoshi xuꞌee deejjoo bulli, oogichii yaafeeton tuniiꞌi taach boonoshi giddiibeeti wojjoo neennaa ne bushiishoonoyich tunemmone. 10Yaafeeti xaaꞌoochaa ebin mamote. Anaamo bulli ebin mame. Ebiyoo neech yaafeeto tunemmone.
11“Israꞌeeleenaꞌo wojjiya deebiti, kaama tiijjaa giddeebeeti, wojjoo bulliyoo wotta neechone; neech, ne anaami bushiishoonaa ne maache bushiishoonoyich bulli aabooch ittoshi qoodoo bi tunemmoyich immeto taane. Ne kechi ashoochee xalloo tuneto koniyoona mamon hakkiye.
12“Doono Yeeri taach boonoshi giddiibeeti maayi cilloochee gaawe zayito bullin, gaawe woyinoonaa maayo bullinon neech immeto taane. 13Doono Yeerich boonoshi giddiibeeti, boonoshi showooch shaggiibeeti, maayi cillo bulli neech tunemmone. Ne kechi ashoochee xalloo tuneto koniyoona mamon hakkiye.
14“Israꞌeeleenaꞌo waan beeti, Doono Yeerich bariitaa kechiti amee mooyolla bi tunemmo neechiye.#Lew. 27:28 15Taach boonoshi giddiibeeto, asho tuneba gijjoo, maacwaqqo tuneto bulli neecho tunebe. Tunebaani gutenee bushoonaa xalloo tuneyaanee gijjoochee shiichii shiijjetona gijjoona bi biisheyemmoyich tuniyemmo neene. 16Shiijjee agen bedditi bushiishoo yaafee kechi machoona qocaa uuche sheqeelee birewoona bi biisheyemmoyich tuniyemmo neene. Ebiyoo shiche giraamoone.
17“Tunebaani miimoochee woyee bagoochee woyee emmishoochee shiichii shiijjeti qaabboo biisheyemmon tuniyaachemmo neene. Eboshi yaafeenaꞌone. Eboshichi damoon deejjee gudee toommooch wucemmo neene. Boonoshi awuyo Doono Yeerich gaawe cinnoon bi cinnemmoyich, qaaqqoona micciibeeti deejjoon tunii michemmo neene. 18Doono Yeerich deejjeeto bi tuno bekkemmoyich kaama tiijjaa giddeebeeti gaggimatoonaa qanne baatee galloona ittoshich bi tunoommon, eboshichi meeno ittoshich tunemmone. 19Israꞌeeleenaꞌo Doono Yeerich giddiiti, yaafeeti deejjoo bullin neech, ne anaami bushiishoonaa ne maache bushiishoonoyich bulli aabooch ittoshi qoodoo bi tunemmoyich, immeto taane. Ebiyoo neennaa ne yareenaꞌonoyich bulli yemeenoon Doono Yeeri aafoochaa kiikki wogoone”#18:19 Kiikki wogo bi giyeebeeto, kiihona yoppheeti meeno oꞌaanoon yagoommon are wogo yagemmo bi tunoon bekkiyoyichiye. iye.
20Doono Yeeri Haroonich ishichiye: “Israꞌeelee showoochee ne woraashemmi iristo amolla aalloone; Israꞌeeleenaꞌo daggoochee ne qoodeyemmi qoodoo amolla aalloone. Boonoshi daggooch neech, ne qoodoonaa ne iristoona taane” iye.
Leweenaꞌochi Qoodoo
21Doono Yeeri daakkiꞌi ishichiye: “Leweenaꞌo danee duukkaanee daggooch boonoshi maddee beetoyich, Israꞌeeleenaꞌo immiibeeti mooyoochee, asraatoon iristo tuniyaa boonoshich immeto taane.#Lew. 27:30-33; Yibba. 14:22-29 22Boonoshi axaaxoyich boonoshi echeyaachemmonaa boonoshi qitaachemmonoyich, ebiyee bekk Israꞌeeleenaꞌo danee duukkaanooch katinnaayeete. 23Tunebaani Leweenaꞌo danee duukkaaneexi maddoon maddemminaꞌone. Aroochaa shuuneebeeti xuꞌoyich echeyemminaꞌone. Ebiyoo woyemmi ittoshi shiijjerooch beddaahaa doyoo tunemmone. Leweenaꞌo Israꞌeeleenaꞌo daggoochee iristoon woraashaachemminaꞌone. 24Israꞌeeleenaꞌo Doono Yeerich boonoshi giddiibeeti mooyoochee, asraatoon boonoshich iristo tunii immeto taane; ‘Israꞌeeleenaꞌo daggoochee iristoon qoodeyaachemminaꞌone’ ta ito ebichiye” iye.
Leweenaꞌo Kichemmi Asraato
25Doono Yeeri Muusich ishichiye: 26“Leweenaꞌoyich ishichi gete: ‘Israꞌeeleenaꞌo waanee iristo tunii ittoshich ta immeti asraatoon ittoshi deꞌiyooba, Doono Yeerich wojjoon asraatoochee asraatoon giddiibote. 27Ebi ittoshi wojjoo bucheebeeti maayoochee woyee hiicheebeeti woyinoochee giddee beetoommon tuniitaa ittoshich haddeyemmone. 28Ebiyoommona Israꞌeeleenaꞌo waanee ittoshi deqqiibeeti asraato bulliichee Doono Yeerich wojjoon giddiibote; ebi Doono Yeerich icheti wojjoon qeeshoo Haroonich immemmo ittoshine. 29Ittoshi deqqiibeeti wojjoo bulliichee oogichii gaawetonaa yaafeetona tuneti qoodoo bullin Doono Yeerich giddiibote’ gete.
30“Ebich Leweenaꞌoyich ishichibe: ‘Ebi aroochee beshe gaaweton ittoshi giddiigaata, gochecho bi maayoonaa bi uyoonoochee giddiichii echeton biich bi tuniyoommon, ittoshiyoo echeton ittoshich tuniyemmo ittoshine. 31Danee duukkaanee daggooch ittoshi maddeti maddee shumaayoo bi tunetoyich, echeton ittoshinaa ittoshi kechi asheenaꞌona amee xaaꞌoochaanona mamon hakkiyote. 32Beshe gaaweton Doono Yeerich ittoshi giddiitoyee gubb, ittoshi maagaata, axaaxecho tuneyaachemmo ittoshine. Tunebaani beshe gaaweto aroochee tiyaan beetaa, ebi wojjoochee mamona Israꞌeeleenaꞌochi yaafeeti wojjoon ittoshi eeꞌiigaata, qitemmo ittoshine’ gete” iye.
Currently Selected:
Haddoo 18: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Haddoo 18
18
Qeesheenaꞌonaa Leweenaꞌonochi Shuunoo
1Doono Yeeri Haroonich ishichiye: “Yaafe xaaꞌoochaa shuuneebeeti xuꞌoyich ne, ne bushiishoonaa ne yareenaꞌona echeyemmo ittoshine. Neennaa ne bushiishoona qeeshittinee maddeexi xuꞌoyich echeyemmo ittoshine. 2Neennaa ne bushiishoona miixee duukkaanoochaa ittoshi maddee beegaata, shuunoona ittoshin boonoshi gaachemmoyich, Lewi yoodo tuneti ne maneenaꞌon deebe. 3Boonoshiyoo ittoshin gaachebee yaafee duukkaaneexi shuunoon shuunemminaꞌone. Tunebaani boonoshiyoo, ittoshiyoo qitaachemmoyich, Yaafe Xaaꞌeexi qiicoonaa deejjee gudoonooch katinnaayeete. 4Danee duukkaaneexi maddoo bullin maddoyich ittoshina tookki beebeete. Tunebaani bare asho koniyoona ittoshi waan katinnaaye.
5“Israꞌeeleenaꞌo toommooch kaaree shiixxoo wochinnoon bi kindaachemmoyich, Yaafe Xaaꞌoonaa deejjee gudoonon ittoshi quyebote. 6Ebiyoche, tawoo ittoshi maneenaꞌo tuneti Leweenaꞌon Israꞌeeleenaꞌo daggoochee taach kaacceto taane. Danee duukkaanee maddoon boonoshi maddemmoyich Doono Yeerich ichetinaꞌone; boonoshin ittoshich wojjaa immeto taane. 7Neennaa ne bushiishoona deejjee gudeexi maddoo bullinaa maccillaatee daggeexi qeeshittinee maddoo bullinon maddebote. Qeeshittinee maddoon ittoshich wojjoo tuniyaa immeto taane. Tunebaani bare asho arooch bi katinigaata qitibe” iye.
Qeesheenaꞌochi Qoodoo
8Aroochee Doono Yeeri Haroonich ishichiye: “Ebiyoche, Israꞌeeleenaꞌo taach giddiibeeti deejjoonaa buuroona bullin neech immeto taane. Yaafeeto bi tunetoyich, bulli aabooch neennaa ne bushiisheenaꞌonochi qoodoo bi tunemmoyich immeto taane. 9Taach boonoshi giddiibeeti qaaqqooch micheyaani, oogichii yaafeeti ebi wojjoo, ne qoodoo tunebe. Boonoshi wojjoo bulli, boonoshi maayi buuro bulli, boonoshi axaaxee deejjoo bulli, boonoshi xuꞌee deejjoo bulli, oogichii yaafeeton tuniiꞌi taach boonoshi giddiibeeti wojjoo neennaa ne bushiishoonoyich tunemmone. 10Yaafeeti xaaꞌoochaa ebin mamote. Anaamo bulli ebin mame. Ebiyoo neech yaafeeto tunemmone.
11“Israꞌeeleenaꞌo wojjiya deebiti, kaama tiijjaa giddeebeeti, wojjoo bulliyoo wotta neechone; neech, ne anaami bushiishoonaa ne maache bushiishoonoyich bulli aabooch ittoshi qoodoo bi tunemmoyich immeto taane. Ne kechi ashoochee xalloo tuneto koniyoona mamon hakkiye.
12“Doono Yeeri taach boonoshi giddiibeeti maayi cilloochee gaawe zayito bullin, gaawe woyinoonaa maayo bullinon neech immeto taane. 13Doono Yeerich boonoshi giddiibeeti, boonoshi showooch shaggiibeeti, maayi cillo bulli neech tunemmone. Ne kechi ashoochee xalloo tuneto koniyoona mamon hakkiye.
14“Israꞌeeleenaꞌo waan beeti, Doono Yeerich bariitaa kechiti amee mooyolla bi tunemmo neechiye.#Lew. 27:28 15Taach boonoshi giddiibeeto, asho tuneba gijjoo, maacwaqqo tuneto bulli neecho tunebe. Tunebaani gutenee bushoonaa xalloo tuneyaanee gijjoochee shiichii shiijjetona gijjoona bi biisheyemmoyich tuniyemmo neene. 16Shiijjee agen bedditi bushiishoo yaafee kechi machoona qocaa uuche sheqeelee birewoona bi biisheyemmoyich tuniyemmo neene. Ebiyoo shiche giraamoone.
17“Tunebaani miimoochee woyee bagoochee woyee emmishoochee shiichii shiijjeti qaabboo biisheyemmon tuniyaachemmo neene. Eboshi yaafeenaꞌone. Eboshichi damoon deejjee gudee toommooch wucemmo neene. Boonoshi awuyo Doono Yeerich gaawe cinnoon bi cinnemmoyich, qaaqqoona micciibeeti deejjoon tunii michemmo neene. 18Doono Yeerich deejjeeto bi tuno bekkemmoyich kaama tiijjaa giddeebeeti gaggimatoonaa qanne baatee galloona ittoshich bi tunoommon, eboshichi meeno ittoshich tunemmone. 19Israꞌeeleenaꞌo Doono Yeerich giddiiti, yaafeeti deejjoo bullin neech, ne anaami bushiishoonaa ne maache bushiishoonoyich bulli aabooch ittoshi qoodoo bi tunemmoyich, immeto taane. Ebiyoo neennaa ne yareenaꞌonoyich bulli yemeenoon Doono Yeeri aafoochaa kiikki wogoone”#18:19 Kiikki wogo bi giyeebeeto, kiihona yoppheeti meeno oꞌaanoon yagoommon are wogo yagemmo bi tunoon bekkiyoyichiye. iye.
20Doono Yeeri Haroonich ishichiye: “Israꞌeelee showoochee ne woraashemmi iristo amolla aalloone; Israꞌeeleenaꞌo daggoochee ne qoodeyemmi qoodoo amolla aalloone. Boonoshi daggooch neech, ne qoodoonaa ne iristoona taane” iye.
Leweenaꞌochi Qoodoo
21Doono Yeeri daakkiꞌi ishichiye: “Leweenaꞌo danee duukkaanee daggooch boonoshi maddee beetoyich, Israꞌeeleenaꞌo immiibeeti mooyoochee, asraatoon iristo tuniyaa boonoshich immeto taane.#Lew. 27:30-33; Yibba. 14:22-29 22Boonoshi axaaxoyich boonoshi echeyaachemmonaa boonoshi qitaachemmonoyich, ebiyee bekk Israꞌeeleenaꞌo danee duukkaanooch katinnaayeete. 23Tunebaani Leweenaꞌo danee duukkaaneexi maddoon maddemminaꞌone. Aroochaa shuuneebeeti xuꞌoyich echeyemminaꞌone. Ebiyoo woyemmi ittoshi shiijjerooch beddaahaa doyoo tunemmone. Leweenaꞌo Israꞌeeleenaꞌo daggoochee iristoon woraashaachemminaꞌone. 24Israꞌeeleenaꞌo Doono Yeerich boonoshi giddiibeeti mooyoochee, asraatoon boonoshich iristo tunii immeto taane; ‘Israꞌeeleenaꞌo daggoochee iristoon qoodeyaachemminaꞌone’ ta ito ebichiye” iye.
Leweenaꞌo Kichemmi Asraato
25Doono Yeeri Muusich ishichiye: 26“Leweenaꞌoyich ishichi gete: ‘Israꞌeeleenaꞌo waanee iristo tunii ittoshich ta immeti asraatoon ittoshi deꞌiyooba, Doono Yeerich wojjoon asraatoochee asraatoon giddiibote. 27Ebi ittoshi wojjoo bucheebeeti maayoochee woyee hiicheebeeti woyinoochee giddee beetoommon tuniitaa ittoshich haddeyemmone. 28Ebiyoommona Israꞌeeleenaꞌo waanee ittoshi deqqiibeeti asraato bulliichee Doono Yeerich wojjoon giddiibote; ebi Doono Yeerich icheti wojjoon qeeshoo Haroonich immemmo ittoshine. 29Ittoshi deqqiibeeti wojjoo bulliichee oogichii gaawetonaa yaafeetona tuneti qoodoo bullin Doono Yeerich giddiibote’ gete.
30“Ebich Leweenaꞌoyich ishichibe: ‘Ebi aroochee beshe gaaweton ittoshi giddiigaata, gochecho bi maayoonaa bi uyoonoochee giddiichii echeton biich bi tuniyoommon, ittoshiyoo echeton ittoshich tuniyemmo ittoshine. 31Danee duukkaanee daggooch ittoshi maddeti maddee shumaayoo bi tunetoyich, echeton ittoshinaa ittoshi kechi asheenaꞌona amee xaaꞌoochaanona mamon hakkiyote. 32Beshe gaaweton Doono Yeerich ittoshi giddiitoyee gubb, ittoshi maagaata, axaaxecho tuneyaachemmo ittoshine. Tunebaani beshe gaaweto aroochee tiyaan beetaa, ebi wojjoochee mamona Israꞌeeleenaꞌochi yaafeeti wojjoon ittoshi eeꞌiigaata, qitemmo ittoshine’ gete” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.