Haddoo 16
16
Qoraahi, Daataaninaa Abiraamina Hukkee Shuuno
1Lewi yoodeexi Qohaati yaroochee tuneti Yitsaari bushoo Qoraahi, Roobeeli yoodoochee tuneti Eliyaabi bushiisheenaꞌo Daataaninaa Abiraamina, wotta Feleeti bushoo Oni, 2Muusi toommooch tiyiyeete. Israꞌeeleenaꞌoochee gutte ballaa aache asheenaꞌon boonoshi waan wochiyeete. Eboshiyoo iiteenaꞌo kaacciti ukkireenaꞌone; wottoo aricheti asheenaꞌone. 3Boonoshiyoo Muusinaa Harooninochi toommooch kicee tiyiꞌi, boonoshich ishichiyeete: “Halla beshiito ittoshine. Iitoo bulli yaafoone. Doono Yeeriyoo no bullina tookkii beetone. Ishigaata, Doono Yeerichi iiteenaꞌo toommooch ittoshi geeciibeeto, amoyichiye?” iyeete.
4Muusi ishin waayeꞌi, baroona guufehe. 5Qoraahinaa bi guuphinaꞌo bullinoyich ishichiye: “Doono Yeeri yaach maaddoona biicho tunetonaa yaafoonon bekkiyemmone; bi waanoo katichemmone; bi kaaccimmi ashoon bi waan bi katinnemmoyich tuniyemmone. 6Qoraahinaa bi guupho bullinote; ebin tuniibote. Ixaano shookkeebeeti qiicoon yeshote. 7Yaach maaddoona Doono Yeeri aafoochaa qaaqqoon arooch boodote. Ixaanoonoo arooch gedote. Doono Yeeri kaaccimmi asho yaafoo tunemmone. Leweenaꞌote, ittoshiyoo halla beshiito ittoshine” iye.
8Daakkiꞌi Muusi Qoraahich ishichiye: “Leweenaꞌote, waayebote. 9Israꞌeelee Nuggishoo Israꞌeelee iiteenaꞌo daggoochee ittoshin bariiꞌi, Doono Yeerichi yaafee duukkaanee daggooch ittoshi shuunemmonaa iiteenaꞌo aafooch neexeree boonoshich ittoshi maddemmonoyich, bi waan ittoshin bi katichoo, ittoshich bedaache? 10Neennaa Lewi bushiisheenaꞌo tuneti ne maneenaꞌo bullinon bi waan katichitone. Tunebaani ittoshi wotta qeeshittinee ukkirittinoon qaawiibeeto ittoshine? 11Neennaa ne guuphinaꞌo bullina ikkooch kiceeꞌi ittoshi tiyito, Doono Yeeri toommoochiye. Halla ittoshi guruuxemmoyich, Harooni konine?” iye.
12Aroochee Muusi Eliyaabi bushiisheenaꞌo tuneti Daataaninaa Abiraaminon wochiihe; tunebaani boonoshi ishichiyeete: “No hamaachone. 13Barahoochaa noon wuxoyich, ejjoonaa eeyona xuupphiibeeti showoochee noon ne kichito, neech giishetaa no toommooch doono tunoyich qaawaa beetine? 14Ebiyee wotta, ejjoonaa eeyona xuupphiibeeti showooch noon giijjaano neene; goyoonaa woyinee budononoo nooch woraashiyaano neene. Andoo noon dachiya qaawiibeeto neene. No hamaachone” iyeete.
15Muusiyoo oogichii ippehe; Doono Yeerichoo ishichiye: “Boonoshi deejjoon deqqaahine. Ikke kuroonona, boonoshi waanee deꞌaano taane; boonoshi daggoochee ikkoonolla xuꞌaano taane” iye.
16Muusi Qoraahich ishichiye: “Yaach neennaa ne guuphinaꞌona Doono Yeeri aafooch giddebote. Harooniyoo arooch danemmone. 17Ittoshi ikkikkoona ixaano shookkeebeeti gutte ballaa aache ittoshi qiicoon deebote; ixaanoon arooch gediree, Doono Yeeri aafooch giddiibote. Neennaa Harooninoo wotta ixaano shookkeebeeti ittoshi qiicoon deebote” iye. 18Asho bi ikkikkoona ixaano shookkeebeeti bi qiicoon yechiye. Qaaqqoon arooch booddii, ixaanoon arooch geddiꞌi, Muusinaa Haroonina tookkii danee duukkaanee kellooch neexeheete. 19Aroochee Qoraahi iiteenaꞌo bullin boonoshi toommooch tiijjoyich, danee duukkaanee kellooch kiciye. Doono Yeerichi oogee yiiroo iiteenaꞌo bullich bekkehe.
20Doono Yeeri Muusinaa Harooninoyich ishichiye: 21“Boonoshi bullin ikke wottoona ta aalliyemmoyich, hini iiteenaꞌo daggoochee wohote” iye.
22Muusinaa Haroonina baroona showooch guufeechii, “Nuggishoo Yeero, asho kasho bulli Nuggishoocho, ikke uro shuuneti axaaxoona iiteenaꞌo bullin kaarenne?” iyeete.
23Doono Yeeriyoo Muusich ishichiye: 24“Iiteenaꞌoyich ishichibe: ‘Qoraahi, Daataaninaa Abiraaminochi duukkaanoochee wohote’ gete” iye.
25Muusiyoo Daataaninaa Abiraamina waan tiyii hammiye. Israꞌeelee geeneenaꞌoo biin dabbiyeete. 26Biyoo iiteenaꞌoyich “Ebi gonde asheenaꞌochi duukkaanoochee ittoshi wokkemmoyich, ittoshin qollehoye. Boonoshi axaaxoo bullina ittoshi aalleyaachemmoyich, boonoshicho tuneto bullin yechaahote” iye.
27Ebich Qoraahi, Daataaninaa Abiraaminochi duukkaanoochee wokkiyeete. Daataaninaa Abiraamina kechii hammiꞌi, boonoshi mecheenaꞌo, boonoshi bushiisheenaꞌonaa gaggereenaꞌona tookkii tuneꞌi boonoshi duukkaanee kellooch neexeheete.
28Aroochee Muusi ishichiye: “Ebi shuunoo bullin ta shuunemmoyich taan wocheto, Doono Yeeri tunoon, ta qelloona tunee bi qayon ebina ariyemmo ittoshine. 29Ebi asheenaꞌo asho qitii beetoommon taree qitoon boonoshi qitigaata woyee ashi toommooch shaggiibeeti mooyo baach boonoshi toommooch bi shagigaata, Doono Yeeri taan wochetaanoone. 30Tunebaani Doono Yeeri dallaawe mooyon tuniitaa, showoo haawutteꞌi, boonoshinaa boonoshicho tuneto bullinon bi qooxigaata, kashoona maash boonoshi hamigaata, arooba ebi asheenaꞌo Doono Yeerin hoxetinaꞌo boonoshi tunoon ariyemmo ittoshine” iye.
31Ebi qaaroon gettii bi ciichimmona, showoo boonoshiyee dechaa gaahehe. 32Showoo haawutteꞌi, boonoshin, boonoshi kechi asheenaꞌon, Qoraahichi asheenaꞌo bullinaa boonoshi qiico bullinon qooxxiye. 33Boonoshinaa boonoshich beeto bullina kashoona oppooch giyiyeete. Showoo boonoshi toommooch hiripphimiye; iiteenaꞌo daggoocheenoo aalleheete. 34Boonoshi guudoona beeti Israꞌeeleenaꞌo bulli ebi asheenaꞌochi bunnoochee tiyitona, “Showoo noonoo qooxxemmone” iꞌi wocee aalleheete. 35Qaaqqoo Doono Yeer waanee kindiꞌi, ixaanoon shookkiibeeti gutte ballaa aache asheenaꞌon maahe.
36Aroochee Doono Yeeri Muusich ishichiye: 37“Ixaano shookkeebeeti qiiceenaꞌo yaafeetinaꞌo boonoshi tunetoyich, micciti asheenaꞌo waanee tiijjiree arooch beeti qaaqqoon wokkiiree bi duppemmoyich, qeeshoo Harooni bushoo Elazaarich gete. 38Eboshiyoo boonoshi kashoon aalliyoyich axaaxoon shuuneti asheenaꞌochi ixaano shookkeebeeti qiiceenaꞌone. Ebi qiiceenaꞌo, Doono Yeeri ta aafooch giddetinaꞌonaa yaafeetinaꞌona boonoshi tunetoyich, deejjee gudee qeroon boonoshi tunemmoyich qici shishiibe. Ebiyoo Israꞌeeleenaꞌoyich cuuꞌiyoo tunebe” iye.
39Qeeshoo Elazaari micciti asheenaꞌo ixaanoon shookkiibee echeti gooshee qiiceenaꞌon deebii, deejjee gudee qeroon boonoshi tunemmoyich qicciye. 40Ebin bi tuniito, qeeshoo woyee Haroonichi shiijjeroo tunetaano, Doono Yeeri aafooch ixaanoon shookka bi giddeyaachemmoyich, gidderee, Qoraahinaa bi guuphinaꞌonochi daannoon bi deꞌaachemmoyich, Israꞌeeleenaꞌoyich shalligichoo bi tunemmoyichiye. Ebi bullin bi tuniito, Doono Yeeri Muusina biich bi gettitoommoniye.
Harooni Asheenaꞌon Wodiyoo
41Bi dechara Israꞌeeleenaꞌochi iiteenaꞌo bulli Muusinaa Harooninochi toommooch guruuxii tiyiꞌi, “Doono Yeerichi asheenaꞌon wuxito ittoshine” iyeete.
42Iiteenaꞌo Muusinaa Harooninochi toommooch tiyiꞌi ikkooch boonoshi kiceehooba, danee duukkaanoo waan guuddiꞌi qubo danee duukkaanoon qeriton beeggiyeete. Doono Yeerichi oogee yiiroo bekkehe. 43Aroochee Muusinaa Haroonina danee duukkaanee kellooch hammiyeete. 44Doono Yeeri Muusich ishichiye: 45“Boonoshi bullin ikke wottoona ta aalliyemmoyich, hini iiteenaꞌo daggoochee ikibote” iye.
Boonoshiyoo baroona guufeheete.
46Muusi Haroonich ishichiye: “Ixaano shookkeebeeti ne qiicoon yeshe. Deejjee gudoochee qaaqqoon arooch boode. Ixaanoonoo arooch gede. Kaate iiteenaꞌo waan hami boonoshi axaaxoon maariibe. Doono Yeer waanee kaaree shiixxoo kinditone; naxoo wonnitone” iye.
47Ebich Harooni Muusi gettitoommon yechiꞌi iiteenaꞌo daggooch wocciye. Naxo asheenaꞌo daggooch bi gimon beeggiꞌi, ixaanoon shookkii boonoshi axaaxoon maariihe. 48Aroochee qititinaꞌonaa wodeenaꞌonochi daggooch neexehe; naxoo tooqqiye. 49Qoraahichi naboona qititinaꞌoyee baroo, naxoona qititinaꞌo aaraa awudde humaa shabaatte balleenaꞌone. 50Aroochee naxo tooqqimmona Harooni Muus waan, danee duukkaanee kellooch wottehe.
Currently Selected:
Haddoo 16: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Haddoo 16
16
Qoraahi, Daataaninaa Abiraamina Hukkee Shuuno
1Lewi yoodeexi Qohaati yaroochee tuneti Yitsaari bushoo Qoraahi, Roobeeli yoodoochee tuneti Eliyaabi bushiisheenaꞌo Daataaninaa Abiraamina, wotta Feleeti bushoo Oni, 2Muusi toommooch tiyiyeete. Israꞌeeleenaꞌoochee gutte ballaa aache asheenaꞌon boonoshi waan wochiyeete. Eboshiyoo iiteenaꞌo kaacciti ukkireenaꞌone; wottoo aricheti asheenaꞌone. 3Boonoshiyoo Muusinaa Harooninochi toommooch kicee tiyiꞌi, boonoshich ishichiyeete: “Halla beshiito ittoshine. Iitoo bulli yaafoone. Doono Yeeriyoo no bullina tookkii beetone. Ishigaata, Doono Yeerichi iiteenaꞌo toommooch ittoshi geeciibeeto, amoyichiye?” iyeete.
4Muusi ishin waayeꞌi, baroona guufehe. 5Qoraahinaa bi guuphinaꞌo bullinoyich ishichiye: “Doono Yeeri yaach maaddoona biicho tunetonaa yaafoonon bekkiyemmone; bi waanoo katichemmone; bi kaaccimmi ashoon bi waan bi katinnemmoyich tuniyemmone. 6Qoraahinaa bi guupho bullinote; ebin tuniibote. Ixaano shookkeebeeti qiicoon yeshote. 7Yaach maaddoona Doono Yeeri aafoochaa qaaqqoon arooch boodote. Ixaanoonoo arooch gedote. Doono Yeeri kaaccimmi asho yaafoo tunemmone. Leweenaꞌote, ittoshiyoo halla beshiito ittoshine” iye.
8Daakkiꞌi Muusi Qoraahich ishichiye: “Leweenaꞌote, waayebote. 9Israꞌeelee Nuggishoo Israꞌeelee iiteenaꞌo daggoochee ittoshin bariiꞌi, Doono Yeerichi yaafee duukkaanee daggooch ittoshi shuunemmonaa iiteenaꞌo aafooch neexeree boonoshich ittoshi maddemmonoyich, bi waan ittoshin bi katichoo, ittoshich bedaache? 10Neennaa Lewi bushiisheenaꞌo tuneti ne maneenaꞌo bullinon bi waan katichitone. Tunebaani ittoshi wotta qeeshittinee ukkirittinoon qaawiibeeto ittoshine? 11Neennaa ne guuphinaꞌo bullina ikkooch kiceeꞌi ittoshi tiyito, Doono Yeeri toommoochiye. Halla ittoshi guruuxemmoyich, Harooni konine?” iye.
12Aroochee Muusi Eliyaabi bushiisheenaꞌo tuneti Daataaninaa Abiraaminon wochiihe; tunebaani boonoshi ishichiyeete: “No hamaachone. 13Barahoochaa noon wuxoyich, ejjoonaa eeyona xuupphiibeeti showoochee noon ne kichito, neech giishetaa no toommooch doono tunoyich qaawaa beetine? 14Ebiyee wotta, ejjoonaa eeyona xuupphiibeeti showooch noon giijjaano neene; goyoonaa woyinee budononoo nooch woraashiyaano neene. Andoo noon dachiya qaawiibeeto neene. No hamaachone” iyeete.
15Muusiyoo oogichii ippehe; Doono Yeerichoo ishichiye: “Boonoshi deejjoon deqqaahine. Ikke kuroonona, boonoshi waanee deꞌaano taane; boonoshi daggoochee ikkoonolla xuꞌaano taane” iye.
16Muusi Qoraahich ishichiye: “Yaach neennaa ne guuphinaꞌona Doono Yeeri aafooch giddebote. Harooniyoo arooch danemmone. 17Ittoshi ikkikkoona ixaano shookkeebeeti gutte ballaa aache ittoshi qiicoon deebote; ixaanoon arooch gediree, Doono Yeeri aafooch giddiibote. Neennaa Harooninoo wotta ixaano shookkeebeeti ittoshi qiicoon deebote” iye. 18Asho bi ikkikkoona ixaano shookkeebeeti bi qiicoon yechiye. Qaaqqoon arooch booddii, ixaanoon arooch geddiꞌi, Muusinaa Haroonina tookkii danee duukkaanee kellooch neexeheete. 19Aroochee Qoraahi iiteenaꞌo bullin boonoshi toommooch tiijjoyich, danee duukkaanee kellooch kiciye. Doono Yeerichi oogee yiiroo iiteenaꞌo bullich bekkehe.
20Doono Yeeri Muusinaa Harooninoyich ishichiye: 21“Boonoshi bullin ikke wottoona ta aalliyemmoyich, hini iiteenaꞌo daggoochee wohote” iye.
22Muusinaa Haroonina baroona showooch guufeechii, “Nuggishoo Yeero, asho kasho bulli Nuggishoocho, ikke uro shuuneti axaaxoona iiteenaꞌo bullin kaarenne?” iyeete.
23Doono Yeeriyoo Muusich ishichiye: 24“Iiteenaꞌoyich ishichibe: ‘Qoraahi, Daataaninaa Abiraaminochi duukkaanoochee wohote’ gete” iye.
25Muusiyoo Daataaninaa Abiraamina waan tiyii hammiye. Israꞌeelee geeneenaꞌoo biin dabbiyeete. 26Biyoo iiteenaꞌoyich “Ebi gonde asheenaꞌochi duukkaanoochee ittoshi wokkemmoyich, ittoshin qollehoye. Boonoshi axaaxoo bullina ittoshi aalleyaachemmoyich, boonoshicho tuneto bullin yechaahote” iye.
27Ebich Qoraahi, Daataaninaa Abiraaminochi duukkaanoochee wokkiyeete. Daataaninaa Abiraamina kechii hammiꞌi, boonoshi mecheenaꞌo, boonoshi bushiisheenaꞌonaa gaggereenaꞌona tookkii tuneꞌi boonoshi duukkaanee kellooch neexeheete.
28Aroochee Muusi ishichiye: “Ebi shuunoo bullin ta shuunemmoyich taan wocheto, Doono Yeeri tunoon, ta qelloona tunee bi qayon ebina ariyemmo ittoshine. 29Ebi asheenaꞌo asho qitii beetoommon taree qitoon boonoshi qitigaata woyee ashi toommooch shaggiibeeti mooyo baach boonoshi toommooch bi shagigaata, Doono Yeeri taan wochetaanoone. 30Tunebaani Doono Yeeri dallaawe mooyon tuniitaa, showoo haawutteꞌi, boonoshinaa boonoshicho tuneto bullinon bi qooxigaata, kashoona maash boonoshi hamigaata, arooba ebi asheenaꞌo Doono Yeerin hoxetinaꞌo boonoshi tunoon ariyemmo ittoshine” iye.
31Ebi qaaroon gettii bi ciichimmona, showoo boonoshiyee dechaa gaahehe. 32Showoo haawutteꞌi, boonoshin, boonoshi kechi asheenaꞌon, Qoraahichi asheenaꞌo bullinaa boonoshi qiico bullinon qooxxiye. 33Boonoshinaa boonoshich beeto bullina kashoona oppooch giyiyeete. Showoo boonoshi toommooch hiripphimiye; iiteenaꞌo daggoocheenoo aalleheete. 34Boonoshi guudoona beeti Israꞌeeleenaꞌo bulli ebi asheenaꞌochi bunnoochee tiyitona, “Showoo noonoo qooxxemmone” iꞌi wocee aalleheete. 35Qaaqqoo Doono Yeer waanee kindiꞌi, ixaanoon shookkiibeeti gutte ballaa aache asheenaꞌon maahe.
36Aroochee Doono Yeeri Muusich ishichiye: 37“Ixaano shookkeebeeti qiiceenaꞌo yaafeetinaꞌo boonoshi tunetoyich, micciti asheenaꞌo waanee tiijjiree arooch beeti qaaqqoon wokkiiree bi duppemmoyich, qeeshoo Harooni bushoo Elazaarich gete. 38Eboshiyoo boonoshi kashoon aalliyoyich axaaxoon shuuneti asheenaꞌochi ixaano shookkeebeeti qiiceenaꞌone. Ebi qiiceenaꞌo, Doono Yeeri ta aafooch giddetinaꞌonaa yaafeetinaꞌona boonoshi tunetoyich, deejjee gudee qeroon boonoshi tunemmoyich qici shishiibe. Ebiyoo Israꞌeeleenaꞌoyich cuuꞌiyoo tunebe” iye.
39Qeeshoo Elazaari micciti asheenaꞌo ixaanoon shookkiibee echeti gooshee qiiceenaꞌon deebii, deejjee gudee qeroon boonoshi tunemmoyich qicciye. 40Ebin bi tuniito, qeeshoo woyee Haroonichi shiijjeroo tunetaano, Doono Yeeri aafooch ixaanoon shookka bi giddeyaachemmoyich, gidderee, Qoraahinaa bi guuphinaꞌonochi daannoon bi deꞌaachemmoyich, Israꞌeeleenaꞌoyich shalligichoo bi tunemmoyichiye. Ebi bullin bi tuniito, Doono Yeeri Muusina biich bi gettitoommoniye.
Harooni Asheenaꞌon Wodiyoo
41Bi dechara Israꞌeeleenaꞌochi iiteenaꞌo bulli Muusinaa Harooninochi toommooch guruuxii tiyiꞌi, “Doono Yeerichi asheenaꞌon wuxito ittoshine” iyeete.
42Iiteenaꞌo Muusinaa Harooninochi toommooch tiyiꞌi ikkooch boonoshi kiceehooba, danee duukkaanoo waan guuddiꞌi qubo danee duukkaanoon qeriton beeggiyeete. Doono Yeerichi oogee yiiroo bekkehe. 43Aroochee Muusinaa Haroonina danee duukkaanee kellooch hammiyeete. 44Doono Yeeri Muusich ishichiye: 45“Boonoshi bullin ikke wottoona ta aalliyemmoyich, hini iiteenaꞌo daggoochee ikibote” iye.
Boonoshiyoo baroona guufeheete.
46Muusi Haroonich ishichiye: “Ixaano shookkeebeeti ne qiicoon yeshe. Deejjee gudoochee qaaqqoon arooch boode. Ixaanoonoo arooch gede. Kaate iiteenaꞌo waan hami boonoshi axaaxoon maariibe. Doono Yeer waanee kaaree shiixxoo kinditone; naxoo wonnitone” iye.
47Ebich Harooni Muusi gettitoommon yechiꞌi iiteenaꞌo daggooch wocciye. Naxo asheenaꞌo daggooch bi gimon beeggiꞌi, ixaanoon shookkii boonoshi axaaxoon maariihe. 48Aroochee qititinaꞌonaa wodeenaꞌonochi daggooch neexehe; naxoo tooqqiye. 49Qoraahichi naboona qititinaꞌoyee baroo, naxoona qititinaꞌo aaraa awudde humaa shabaatte balleenaꞌone. 50Aroochee naxo tooqqimmona Harooni Muus waan, danee duukkaanee kellooch wottehe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.