Haddoo 15
15
Buuroon Giddiyoyich Icheti Bare Sheeroo
1Doono Yeeri Muusich ishichiye: 2“Israꞌeeleenaꞌoyich ishichi gete: ‘Ittoshi beeyemmoyich ta immemmi showooch ittoshi giyiyooba, 3ittoshi tiikkeshoon woyee mullee daaggee wojjoon woyee baaroobee wojjoon Doono Yeeri taach gaawe cinnecho tunii giddiyoyich miimoochee woyee bageenaꞌoochee qaaqqoona micciibeeti deejjoon woyee bare deejjoon ittoshi giddii beegaata, 4deejjoon giddiibeeti asho ikke neetiree zayitoona xirikketi gutte kobbaye qacini buddinee buuroon taach giddiibe. 5Micciibeeti woyee bare deejjoyich giddeebeeti bagee baaddoo bi ikkikkoona tookki ikke neetiree woyinee uyoon uyee deejjoyich giddiibote.
6“ ‘Ooge bagee baaddoona tookki ikke neetiraa qach bede zayitoona xirikketi awudde kobbaye qacini buddinoon qanniibote. 7Ebiyoommon wotta uyee deejjoyich tunemmi, ikke neetiraa qach bede woyinee uyoon qanniibote. Ebinoo Doono Yeeri taach gaawe cinnecho tuniiree deejjibote.
8“ ‘Wuron micciibeeti deejjoyich woyee bare deejjoyich woyee tiikkeshoyich woyee ikkittinee deejjoyich, Doono Yeeri taach giddiyoyich ittoshi qannii beegaata, 9wurona tookki gutte neetiree zayitoona xirikketi shiritte kobbaye qacini buddinoon giddiibote. 10Doono Yeeri taach gaawe cinnechi, qaaqqoona micciibeeti deejjoo bi tunemmoyich, gutte neetiree woyinee uyee deejjoon deejjibote. 11Wuro woyee ooge bagee baaddoo woyee giishi bagee baaddoo woyee emmishee baaddoo bi ikkikkoyich ebiyoommona qannibe. 12Ittoshi qanniiti haddoommona boonoshi ikkikkoyich ebiyoommon boonoshi haddi haddoommona tuniibote.
13“ ‘Israꞌeelee shiijjeroo tuneto bulli qaaqqooch micciibeeti, Doono Yeeri taach gaawe cinnechi deejjoon bi giddii beegaata, ebi mooyinaꞌon ebiyoommon tuniibe. 14Gubbi ittoshi shiijjeroo bulliich beddaahaa, shiqqoo woyee asho koniyoona ittoshi daggooch bi kotegaata, qaaqqoona micciibeeti, Doono Yeeri taach gaawe cinnechi deejjoon giddiiya bi qaawigaata, ittoshi tunii beetoommon, biyoo tuniibe. 15Iitoo ittoshinaa ittoshi daggooch beeti shiqqoonoyich qociyoo ikkoone. Ebi qociyoo gubbi ittoshi shiijjeroo bulliich beddaahaa, bulli yemeenee qociyoone. Ittoshiyoo tunebot shiqqeenaꞌo Doono Yeeri ta aafoochaa tato ittoshine. 16Ittoshinaa ittoshina tookkii koteti shiqqeenaꞌonoyich sheeroonaa doyoona ikkoo tunemmone’ gete” iye.#Lew. 24:22
17Doono Yeeri Muusich ishichiye: 18“Israꞌeeleenaꞌoyich ishichi gete: ‘Ittoshin ta daammaabeeti showooch ittoshi giyiyoobinaa 19are showoochee daneebeeti maayoon ittoshi maahoobina, Doono Yeeri taach deejjoon giddiibote. 20Batti batti ittoshi kochi bukoochee kachii buuroon giddiibote. Maayo buchee beeteexi buuroon ittoshi giddiyoommon giddiibote. 21Batti batti ittoshi maayoochee kochi deejjoon Doono Yeeri taach gubbi ittoshi shiijjeroo bulliich beddaahaa, giddiyemmo ittoshine.
Diqqoona Shuuneeti Axaaxoyich Giddemmi Deejjoo
22“ ‘Doono Yeeri Muusich gettiti ebi geteenaꞌo bullin shaaddeꞌi diqqoona ittoshi muricigaata, 23aaf Doono Yeeri gettiti aaboochee tiijjii, gubbi ittoshi shiijjerooch beddaahaa, Doono Yeeri Muusina gettito bullin shaaddeꞌi ittoshi muricigaata, 24iiteenaꞌo ariyaanoon diqqoona muricciꞌi ebin boonoshi tuniigaata, iitoo bulli micciibeeti deejjoyich, ikke wuron maayi buuroonaa uyee deejjoona tookki dojjeetoommon, Doono Yeerich gaawe cinnoon bi cinnemmoyich deejjibeete; wotta axaaxee deejjoyich ikke emmishee baaddoon giddiibeete. 25Qeeshoo Israꞌeelee iitoo bullin maariyemmone; boonoshiyoo maareyemminaꞌone. Ebiyoo diqqoona boonoshi muriccitoyich, boonoshi muricoyich qaaqqoona micciibeeti deejjoonaa axaaxee deejjoonon boonoshi giddiitoyichiye. 26Asheenaꞌo bulliyona muricona ebin boonoshi tuniitoyich, Israꞌeeleenaꞌo bullinaa boonoshi daggooch beeti shiqqeenaꞌona maareyemminaꞌone.
27“ ‘Tunebaani ikke asho diqqoona axaaxoon bi shuunegaata, ikke nati emmishee gidereen bi axaaxee deejjoyich giddiibe. 28Qeeshoo diqqoona axaaxoon shuuneti ebi ashi axaaxoon Doono Yeeri aafoochaa maariyemmone; bi axaaxoo maareyemmone.#Lew. 4:27-31 29Diqqoona axaaxoon shuunemmi ashich, Israꞌeelee shiijjereenaꞌoyich tuneba boonoshi daggooch koteti shiqqeenaꞌonoyich sheeroo ikkoo baach tunebe.
30“ ‘Tunebaani Israꞌeelee shiijjeroo tuneba shiqqoo bi qelloon oogiyoona axaaxoon bi shuunegaata, ebi asho Doono Yeerin qallayito bi tunetoyich, bi asheenaꞌo daggoochee kichaa yookkebe. 31Doono Yeerichi qaaroon bi hoxetoyich, bi getoonoo bi shaaddetoyich, ebi asho ciroona aallebe; bi axaaxoo bi toommooch tunebe’ gete” iye.
Shambetoon Oogiyaani Uro Xaqqoona Yexaa Qitoo
32Israꞌeeleenaꞌo barahooch beebee, ikke uro shambetee aaboon mixon mittii bi beetaa, daneheete. 33Mixon mittii bi beetaa daneti asheenaꞌo Muus waan, Harooninaa Israꞌeelee iitoo bullina waan uroon deebiyeete. 34Uro toommooch boonoshi tuniyemmi mooyo batt aricheyaano bi tunetoyich, uroon cuchiyeete. 35Doono Yeeri Muusich ishichiye: “Uro qitibe. Israꞌeelee iitoo bulli kaamboyee maach kichi xaqqoona yexi wuxibe” iye. 36Iitoo bulli kaamboyee maach biin kichiye; Doono Yeeri Muusich gettitoommon, xaqqoona yexxii wuxiyeete.
Qoreddee Caappoon Ciinnii Beetona Icheti Doyoo
37Doono Yeeri Muusich ishichiye: 38“Israꞌeeleenaꞌoyich ishichibe: ‘Ittoshiyoo, ittoshi shiijjereenaꞌoo ittoshi tahee gocooch caappoon gedote. Wotta ebi caappooch shimaayite yokkoon gedote.#Yibba. 22:12 39Ebi caappeenaꞌo shalligicheenaꞌo boonoshi tunetoyich, boonoshin ittoshi beegiyooba Doono Yeeri ta getoon shalligi quyemmo ittoshine. Ittoshi mullo qaatitonaa ittoshi aafo beeggitonon dabbi hamaachemmo ittoshine. 40Ebin ittoshi tuniigaata, ta geto bullin shalligi tuniyemmo ittoshine; ittoshi Nuggishoo taachoo yaafoo tunemmo ittoshine. 41Ta, ittoshi Nuggishoo Doono Yeeri taane. Ittoshi Nuggishoo tunoyich, Gibitsee ittoshin kichaa deebeto taane. Ta Nuggishoo Doono Yeeri taane’ gete” iye.
Currently Selected:
Haddoo 15: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Haddoo 15
15
Buuroon Giddiyoyich Icheti Bare Sheeroo
1Doono Yeeri Muusich ishichiye: 2“Israꞌeeleenaꞌoyich ishichi gete: ‘Ittoshi beeyemmoyich ta immemmi showooch ittoshi giyiyooba, 3ittoshi tiikkeshoon woyee mullee daaggee wojjoon woyee baaroobee wojjoon Doono Yeeri taach gaawe cinnecho tunii giddiyoyich miimoochee woyee bageenaꞌoochee qaaqqoona micciibeeti deejjoon woyee bare deejjoon ittoshi giddii beegaata, 4deejjoon giddiibeeti asho ikke neetiree zayitoona xirikketi gutte kobbaye qacini buddinee buuroon taach giddiibe. 5Micciibeeti woyee bare deejjoyich giddeebeeti bagee baaddoo bi ikkikkoona tookki ikke neetiree woyinee uyoon uyee deejjoyich giddiibote.
6“ ‘Ooge bagee baaddoona tookki ikke neetiraa qach bede zayitoona xirikketi awudde kobbaye qacini buddinoon qanniibote. 7Ebiyoommon wotta uyee deejjoyich tunemmi, ikke neetiraa qach bede woyinee uyoon qanniibote. Ebinoo Doono Yeeri taach gaawe cinnecho tuniiree deejjibote.
8“ ‘Wuron micciibeeti deejjoyich woyee bare deejjoyich woyee tiikkeshoyich woyee ikkittinee deejjoyich, Doono Yeeri taach giddiyoyich ittoshi qannii beegaata, 9wurona tookki gutte neetiree zayitoona xirikketi shiritte kobbaye qacini buddinoon giddiibote. 10Doono Yeeri taach gaawe cinnechi, qaaqqoona micciibeeti deejjoo bi tunemmoyich, gutte neetiree woyinee uyee deejjoon deejjibote. 11Wuro woyee ooge bagee baaddoo woyee giishi bagee baaddoo woyee emmishee baaddoo bi ikkikkoyich ebiyoommona qannibe. 12Ittoshi qanniiti haddoommona boonoshi ikkikkoyich ebiyoommon boonoshi haddi haddoommona tuniibote.
13“ ‘Israꞌeelee shiijjeroo tuneto bulli qaaqqooch micciibeeti, Doono Yeeri taach gaawe cinnechi deejjoon bi giddii beegaata, ebi mooyinaꞌon ebiyoommon tuniibe. 14Gubbi ittoshi shiijjeroo bulliich beddaahaa, shiqqoo woyee asho koniyoona ittoshi daggooch bi kotegaata, qaaqqoona micciibeeti, Doono Yeeri taach gaawe cinnechi deejjoon giddiiya bi qaawigaata, ittoshi tunii beetoommon, biyoo tuniibe. 15Iitoo ittoshinaa ittoshi daggooch beeti shiqqoonoyich qociyoo ikkoone. Ebi qociyoo gubbi ittoshi shiijjeroo bulliich beddaahaa, bulli yemeenee qociyoone. Ittoshiyoo tunebot shiqqeenaꞌo Doono Yeeri ta aafoochaa tato ittoshine. 16Ittoshinaa ittoshina tookkii koteti shiqqeenaꞌonoyich sheeroonaa doyoona ikkoo tunemmone’ gete” iye.#Lew. 24:22
17Doono Yeeri Muusich ishichiye: 18“Israꞌeeleenaꞌoyich ishichi gete: ‘Ittoshin ta daammaabeeti showooch ittoshi giyiyoobinaa 19are showoochee daneebeeti maayoon ittoshi maahoobina, Doono Yeeri taach deejjoon giddiibote. 20Batti batti ittoshi kochi bukoochee kachii buuroon giddiibote. Maayo buchee beeteexi buuroon ittoshi giddiyoommon giddiibote. 21Batti batti ittoshi maayoochee kochi deejjoon Doono Yeeri taach gubbi ittoshi shiijjeroo bulliich beddaahaa, giddiyemmo ittoshine.
Diqqoona Shuuneeti Axaaxoyich Giddemmi Deejjoo
22“ ‘Doono Yeeri Muusich gettiti ebi geteenaꞌo bullin shaaddeꞌi diqqoona ittoshi muricigaata, 23aaf Doono Yeeri gettiti aaboochee tiijjii, gubbi ittoshi shiijjerooch beddaahaa, Doono Yeeri Muusina gettito bullin shaaddeꞌi ittoshi muricigaata, 24iiteenaꞌo ariyaanoon diqqoona muricciꞌi ebin boonoshi tuniigaata, iitoo bulli micciibeeti deejjoyich, ikke wuron maayi buuroonaa uyee deejjoona tookki dojjeetoommon, Doono Yeerich gaawe cinnoon bi cinnemmoyich deejjibeete; wotta axaaxee deejjoyich ikke emmishee baaddoon giddiibeete. 25Qeeshoo Israꞌeelee iitoo bullin maariyemmone; boonoshiyoo maareyemminaꞌone. Ebiyoo diqqoona boonoshi muriccitoyich, boonoshi muricoyich qaaqqoona micciibeeti deejjoonaa axaaxee deejjoonon boonoshi giddiitoyichiye. 26Asheenaꞌo bulliyona muricona ebin boonoshi tuniitoyich, Israꞌeeleenaꞌo bullinaa boonoshi daggooch beeti shiqqeenaꞌona maareyemminaꞌone.
27“ ‘Tunebaani ikke asho diqqoona axaaxoon bi shuunegaata, ikke nati emmishee gidereen bi axaaxee deejjoyich giddiibe. 28Qeeshoo diqqoona axaaxoon shuuneti ebi ashi axaaxoon Doono Yeeri aafoochaa maariyemmone; bi axaaxoo maareyemmone.#Lew. 4:27-31 29Diqqoona axaaxoon shuunemmi ashich, Israꞌeelee shiijjereenaꞌoyich tuneba boonoshi daggooch koteti shiqqeenaꞌonoyich sheeroo ikkoo baach tunebe.
30“ ‘Tunebaani Israꞌeelee shiijjeroo tuneba shiqqoo bi qelloon oogiyoona axaaxoon bi shuunegaata, ebi asho Doono Yeerin qallayito bi tunetoyich, bi asheenaꞌo daggoochee kichaa yookkebe. 31Doono Yeerichi qaaroon bi hoxetoyich, bi getoonoo bi shaaddetoyich, ebi asho ciroona aallebe; bi axaaxoo bi toommooch tunebe’ gete” iye.
Shambetoon Oogiyaani Uro Xaqqoona Yexaa Qitoo
32Israꞌeeleenaꞌo barahooch beebee, ikke uro shambetee aaboon mixon mittii bi beetaa, daneheete. 33Mixon mittii bi beetaa daneti asheenaꞌo Muus waan, Harooninaa Israꞌeelee iitoo bullina waan uroon deebiyeete. 34Uro toommooch boonoshi tuniyemmi mooyo batt aricheyaano bi tunetoyich, uroon cuchiyeete. 35Doono Yeeri Muusich ishichiye: “Uro qitibe. Israꞌeelee iitoo bulli kaamboyee maach kichi xaqqoona yexi wuxibe” iye. 36Iitoo bulli kaamboyee maach biin kichiye; Doono Yeeri Muusich gettitoommon, xaqqoona yexxii wuxiyeete.
Qoreddee Caappoon Ciinnii Beetona Icheti Doyoo
37Doono Yeeri Muusich ishichiye: 38“Israꞌeeleenaꞌoyich ishichibe: ‘Ittoshiyoo, ittoshi shiijjereenaꞌoo ittoshi tahee gocooch caappoon gedote. Wotta ebi caappooch shimaayite yokkoon gedote.#Yibba. 22:12 39Ebi caappeenaꞌo shalligicheenaꞌo boonoshi tunetoyich, boonoshin ittoshi beegiyooba Doono Yeeri ta getoon shalligi quyemmo ittoshine. Ittoshi mullo qaatitonaa ittoshi aafo beeggitonon dabbi hamaachemmo ittoshine. 40Ebin ittoshi tuniigaata, ta geto bullin shalligi tuniyemmo ittoshine; ittoshi Nuggishoo taachoo yaafoo tunemmo ittoshine. 41Ta, ittoshi Nuggishoo Doono Yeeri taane. Ittoshi Nuggishoo tunoyich, Gibitsee ittoshin kichaa deebeto taane. Ta Nuggishoo Doono Yeeri taane’ gete” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.