Haddoo 14
14
Muusinaa Haroonina Toommooch Asheenaꞌo Timo
1Aroochee iitoo bulli tiyiꞌi, ooge qaaroona cookiye. Aroobee xumo bullin asheenaꞌo eeppiibee qeyiyeete. 2Israꞌeeleenaꞌo bulli Muusinaa Harooninochi toommooch guruuxiyeete. Iiteenaꞌo bulli boonoshich ishichiyeete: “Gibitsaanoo qitibona! Woyee hini barahoochaanoo qitibona! 3Goraadoona no dihemmoyich, Doono Yeeri ebi showooch noon daammii bi beeto amoyichiye? No mecheenaꞌonaa no bushiisheenaꞌona kecceyemminaꞌone. Gibits wotto nooch gaaweyaache?” iyeete. 4Boonoshinaa boonoshina “Ittoshi waataa ukkiroon kaaciree Gibits wottebone” iyeete.
5Aroochee Muusinaa Haroonina kiceeti Israꞌeelee iitoo bulli aafooch baroona showooch guufeheete. 6Showoon qiidditinaꞌo daggoochee Nuuni bushoo Yaasinaa Yefuuni bushoo Kaaleebina boonoshi tahoon keexxiyeete. 7Boonoshiyoo Israꞌeelee iitoo bullich ishichiyeete: “Guuddaa no qiiddeti showoo oogeton gaawe showoone; 8Doono Yeeri noonna bi emirigaata, ejjoonaa eeyona xuupphiibeeti ebi showooch noon giijjemmone; aroonoo nooch immemmone. 9Doono Yeeri toommooch baach hukkoon tiijjiyaahote. Are showeexi asheenaꞌoyichoo shattaahote. Nooch kosho tunemminaꞌone; boonoshi nixiyoo tiyitone. Doono Yeeri noonna tookkii beetone. Boonoshin shattaahote” iyeete.
10Tunebaani iiteenaꞌo bulli boonoshin xaqqoona yexi wuxiya boonoshi toommooch tiyiyeete. Areegaata, Doono Yeerichi oogee yiiroo danee duukkaanoochaa Israꞌeeleenaꞌo bullich bekkehe.
Muusi Asheenaꞌoyich Corootoo
11Doono Yeeri Muusich ishichiye: “Hini asheenaꞌo taan boonoshi hoxe beeyemmo, aati wottooniye? Ebi boonoshi daggooch ta tuniyaabeeti, worganikkiti mooyo bullina taan gibenoon qayi boonoshi beeyemmo aati wottooniye? 12Boonoshin kupphe biiyoona yexxemmo taane; boonoshin aalliyemmo taane. Neen boonoshiyee beshe meetinaꞌonaa hakkechinaꞌonoyich nihoo tuniyemmo taane” iye.
13Tunebaani Muusi Doono Yeerich ishichiye: “Hini asheenaꞌon Gibitseenaꞌo daggoochee ne hakkoona kichaa deebeto neene. Gibitseenaꞌo ebin waayemminaꞌone. 14Boonoshiyoo ebi mooyon hini showooch beeti asheenaꞌoyich gettemminaꞌone. Doono Yeero, noonna tookkaa ne beemon, wotta Doono Yeero, ne qubo no toommooch bekkehooba nooch xalla ne bekkoon, areddoon giimboochoommon neexeebeeti quboona, xumoonoo giimboochoommon neexeebeeti qaaqqoona no aaf shiichaa ne hamon halla boonoshiyolla waayetinaꞌone. 15Hini asheenaꞌon ikke ashoon wuxoommon ne wuxigaata, worganikkiti ne mooyon waayeti aageteenaꞌo 16‘Doono Yeeri boonoshich imma bi wogeti showooch giijjoon bi mawiitoyich, ebi asheenaꞌon barahoochaa wuxiye’ geti yibbaatemminaꞌone.
17-18“Andoo neen qollehoye; ‘Doono Yeeri haaꞌiyecho, wodde shoodecho, axaaxoonaa xuꞌoonon maarecho, tunebaani xuꞌechon sheeraanoon besheyaano, boonoshi niheenaꞌochi axaaxoyich bushiisheenaꞌon keejjinnee woyee awuddinnee shiijjerooch beddaahaa sheerii beetone’ iyaꞌa ne gibenikkitoommon ne giidoo bekkebe.#Key. 20:5-6; 34:6-7; Yibba. 5:9-10; 7:9-10 19Gibitsee ne kichitoochee tiijjaa hanaach beddaahaa, boonoshi axaaxoon ne maaroommon, ne ariqqee woddoommonoo hini asheenaꞌochi axaaxoon ne maaremmoyich neen qollehoye” iye.#Key. 32:11-14
20Aroochee Doono Yeeri ishichiye: “Ne qolletoommon, boonoshi axaaxoon maarito taane. 21Tunebaani, ta beeyecho ta tunetoyich, iberoon showoo bulli Doono Yeeri ta oogee yiiroona ceennito bi tunetoyich, 22Gibitsee showoonaa barahoonoochaa ta oogee yiiroon, ta tuniiti gaakkechi mooyonoo beeggiti ebi asheenaꞌo bulli aashire wottoon taan phireya boonoshi qiiccetoyich, ta qaaroonoo waayo boonoshi qajjitoyich, 23boonoshi qaabbechinaꞌoyich imma ta wogeti showoon ciroona beegaachemminaꞌone; boonoshi daggoochee taan hoxeti asho koniyoona beegaachemmone. 24Tunebaani ta guuno Kaaleebi bariti ayaano biich bi beetoyich, ceeni mulloona taan bi dabbitoyich, hammii bi beeggiti showooch biin giijjemmo taane; bi shiijjereenaꞌoo woraashemminaꞌone.#Yaas. 14:9-12 25Amaleeqeenaꞌonaa Kanaaneenaꞌona bambooch boonoshi beetoyich, ittoshi hilla wotteree yaach Ceelle baharo waan daammiibeeti gommona barahooch hambote” iye.
Boonoshi Guruuxitoyich Doono Yeeri Asheenaꞌon Naxo
26Doono Yeeri Muusinaa Harooninoyich ishichiye: 27“Hini gonde iitoo ta toommooch bi guruuxi beeyemmo, aati wottooniye? Israꞌeeleenaꞌo ta toommooch boonoshi guruuxiibeeti guruuxoon waayeto taane. 28Boonoshichoo ishichibe: ‘Ta, beeyecho ta tunetoyich, ta waayaa beetaa ittoshi yibbaatetoommon, ebiyoommon ittoshi toommooch tuniyemmo taane. 29Haddeeti ittoshi bulli ittoshi haddoommona hiye natonaa ebiyee damboona bulli, ta toommooch guruuxiti ittoshi dubeno hini barahooch echemmone. 30Ittoshich imma ta wogeti showooch Yefuuni bushoo Kaaleebinaa Nuuni bushoo Yaasinoyee besh, ittoshi daggoochee ikkolla giyaachemmone. 31Tunebaani kecceyemminaꞌone ittoshi iti ittoshi bushiisheenaꞌon giijjemmo taane; ittoshi hoxeti showoon boonoshi woraashemminaꞌone. 32Tunebaani ittoshi dubeno hini barahooch yacheyemmone. 33Gibeneyaano ittoshi tunetoyich, ittoshi qitii ciiremmi wottoon, ittoshi bushiisheenaꞌo barahooch aabbe naton xuuxebee qiddoo tunemminaꞌone. 34Aabbe qemon, showoon ittoshi qiidditi haddoommon, ikke qemoyich ikke naton tuniitaa aabbe naton xuuxemmo ittoshine; ta kaaroonoo ariyemmo ittoshine. 35Doono Yeeri ta, ebin getteto taane. Ikkittinoona ta toommooch tiyiti, hini gonde iitoo bulli toommooch ebin tuniyemmo taane. Boonoshi ciiro hini barahooch tunemmone; qiti ciiremminaꞌone’ gete” iye.
36Showoon boonoshi qiiddemmoyich Muusi daachiiti asheenaꞌo, qiiddii wotteꞌi are showeechon gonde woroon getona iitoo bulli bi toommooch guruuxemmoyich tuniiti are asheenaꞌo, 37are showeechon gonde woroon deebiti ebi asheenaꞌo Doono Yeeri aafoochaa naxoona qitiyeete. 38Tunebaani showoon qiidooch hammiti asheenaꞌo daggoochee kashoona echetinaꞌo Yefuuni bushoo Kaaleebinaa Nuuni bushoo Yaasina baachiye.
Showoon Koyoyich Batti Batt Qiicceeti Qiicco
39Muusiyoo ebin Israꞌeeleenaꞌo bullich bi gettimmona, Israꞌeeleenaꞌo oogichii eeppiyeete. 40Bi dechara maaddoona tiyii, geppe showoon hami kocha kechiyeete. Boonoshiyoo ishichiyeete: “Axaaxoon shuuneto noone; and illa Doono Yeeri nooch gibenikkiti showooch hamoyich qannito noone” iyeete.
41Tunebaani Muusi “Doono Yeerichi getoon ittoshi shaaddeebeeto amoyichiye? Ittoshich kaameyaachemmone. 42Hammaahote; Doono Yeeri ittoshina tookki tuneyaachemmone; ebich ittoshi etteenaꞌo ittoshin koyi wochemminaꞌone. 43Amaleeqeenaꞌonaa Kanaaneenaꞌona danemmo ittoshine; boonoshi goraadoona dihemmo ittoshine. Doono Yeerichi hillooch dabboochee gubb ittoshi wottetoyich, Doono Yeeri ittoshina tookki tuneyaachemmone” iye.
44Tunebaani boonoshi, Doono Yeerichi wogee taabootoonaa Muusina kaambooch echeechaa, aafoon kuppheꞌi geppe showooch hammiyeete. 45Are geppe showooch koteti Amaleeqeenaꞌonaa Kanaaneenaꞌona desh kindiꞌi, boonoshin kochiyeete; Horima beddaahaa boonoshin yookkiyeete.
Currently Selected:
Haddoo 14: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Haddoo 14
14
Muusinaa Haroonina Toommooch Asheenaꞌo Timo
1Aroochee iitoo bulli tiyiꞌi, ooge qaaroona cookiye. Aroobee xumo bullin asheenaꞌo eeppiibee qeyiyeete. 2Israꞌeeleenaꞌo bulli Muusinaa Harooninochi toommooch guruuxiyeete. Iiteenaꞌo bulli boonoshich ishichiyeete: “Gibitsaanoo qitibona! Woyee hini barahoochaanoo qitibona! 3Goraadoona no dihemmoyich, Doono Yeeri ebi showooch noon daammii bi beeto amoyichiye? No mecheenaꞌonaa no bushiisheenaꞌona kecceyemminaꞌone. Gibits wotto nooch gaaweyaache?” iyeete. 4Boonoshinaa boonoshina “Ittoshi waataa ukkiroon kaaciree Gibits wottebone” iyeete.
5Aroochee Muusinaa Haroonina kiceeti Israꞌeelee iitoo bulli aafooch baroona showooch guufeheete. 6Showoon qiidditinaꞌo daggoochee Nuuni bushoo Yaasinaa Yefuuni bushoo Kaaleebina boonoshi tahoon keexxiyeete. 7Boonoshiyoo Israꞌeelee iitoo bullich ishichiyeete: “Guuddaa no qiiddeti showoo oogeton gaawe showoone; 8Doono Yeeri noonna bi emirigaata, ejjoonaa eeyona xuupphiibeeti ebi showooch noon giijjemmone; aroonoo nooch immemmone. 9Doono Yeeri toommooch baach hukkoon tiijjiyaahote. Are showeexi asheenaꞌoyichoo shattaahote. Nooch kosho tunemminaꞌone; boonoshi nixiyoo tiyitone. Doono Yeeri noonna tookkii beetone. Boonoshin shattaahote” iyeete.
10Tunebaani iiteenaꞌo bulli boonoshin xaqqoona yexi wuxiya boonoshi toommooch tiyiyeete. Areegaata, Doono Yeerichi oogee yiiroo danee duukkaanoochaa Israꞌeeleenaꞌo bullich bekkehe.
Muusi Asheenaꞌoyich Corootoo
11Doono Yeeri Muusich ishichiye: “Hini asheenaꞌo taan boonoshi hoxe beeyemmo, aati wottooniye? Ebi boonoshi daggooch ta tuniyaabeeti, worganikkiti mooyo bullina taan gibenoon qayi boonoshi beeyemmo aati wottooniye? 12Boonoshin kupphe biiyoona yexxemmo taane; boonoshin aalliyemmo taane. Neen boonoshiyee beshe meetinaꞌonaa hakkechinaꞌonoyich nihoo tuniyemmo taane” iye.
13Tunebaani Muusi Doono Yeerich ishichiye: “Hini asheenaꞌon Gibitseenaꞌo daggoochee ne hakkoona kichaa deebeto neene. Gibitseenaꞌo ebin waayemminaꞌone. 14Boonoshiyoo ebi mooyon hini showooch beeti asheenaꞌoyich gettemminaꞌone. Doono Yeero, noonna tookkaa ne beemon, wotta Doono Yeero, ne qubo no toommooch bekkehooba nooch xalla ne bekkoon, areddoon giimboochoommon neexeebeeti quboona, xumoonoo giimboochoommon neexeebeeti qaaqqoona no aaf shiichaa ne hamon halla boonoshiyolla waayetinaꞌone. 15Hini asheenaꞌon ikke ashoon wuxoommon ne wuxigaata, worganikkiti ne mooyon waayeti aageteenaꞌo 16‘Doono Yeeri boonoshich imma bi wogeti showooch giijjoon bi mawiitoyich, ebi asheenaꞌon barahoochaa wuxiye’ geti yibbaatemminaꞌone.
17-18“Andoo neen qollehoye; ‘Doono Yeeri haaꞌiyecho, wodde shoodecho, axaaxoonaa xuꞌoonon maarecho, tunebaani xuꞌechon sheeraanoon besheyaano, boonoshi niheenaꞌochi axaaxoyich bushiisheenaꞌon keejjinnee woyee awuddinnee shiijjerooch beddaahaa sheerii beetone’ iyaꞌa ne gibenikkitoommon ne giidoo bekkebe.#Key. 20:5-6; 34:6-7; Yibba. 5:9-10; 7:9-10 19Gibitsee ne kichitoochee tiijjaa hanaach beddaahaa, boonoshi axaaxoon ne maaroommon, ne ariqqee woddoommonoo hini asheenaꞌochi axaaxoon ne maaremmoyich neen qollehoye” iye.#Key. 32:11-14
20Aroochee Doono Yeeri ishichiye: “Ne qolletoommon, boonoshi axaaxoon maarito taane. 21Tunebaani, ta beeyecho ta tunetoyich, iberoon showoo bulli Doono Yeeri ta oogee yiiroona ceennito bi tunetoyich, 22Gibitsee showoonaa barahoonoochaa ta oogee yiiroon, ta tuniiti gaakkechi mooyonoo beeggiti ebi asheenaꞌo bulli aashire wottoon taan phireya boonoshi qiiccetoyich, ta qaaroonoo waayo boonoshi qajjitoyich, 23boonoshi qaabbechinaꞌoyich imma ta wogeti showoon ciroona beegaachemminaꞌone; boonoshi daggoochee taan hoxeti asho koniyoona beegaachemmone. 24Tunebaani ta guuno Kaaleebi bariti ayaano biich bi beetoyich, ceeni mulloona taan bi dabbitoyich, hammii bi beeggiti showooch biin giijjemmo taane; bi shiijjereenaꞌoo woraashemminaꞌone.#Yaas. 14:9-12 25Amaleeqeenaꞌonaa Kanaaneenaꞌona bambooch boonoshi beetoyich, ittoshi hilla wotteree yaach Ceelle baharo waan daammiibeeti gommona barahooch hambote” iye.
Boonoshi Guruuxitoyich Doono Yeeri Asheenaꞌon Naxo
26Doono Yeeri Muusinaa Harooninoyich ishichiye: 27“Hini gonde iitoo ta toommooch bi guruuxi beeyemmo, aati wottooniye? Israꞌeeleenaꞌo ta toommooch boonoshi guruuxiibeeti guruuxoon waayeto taane. 28Boonoshichoo ishichibe: ‘Ta, beeyecho ta tunetoyich, ta waayaa beetaa ittoshi yibbaatetoommon, ebiyoommon ittoshi toommooch tuniyemmo taane. 29Haddeeti ittoshi bulli ittoshi haddoommona hiye natonaa ebiyee damboona bulli, ta toommooch guruuxiti ittoshi dubeno hini barahooch echemmone. 30Ittoshich imma ta wogeti showooch Yefuuni bushoo Kaaleebinaa Nuuni bushoo Yaasinoyee besh, ittoshi daggoochee ikkolla giyaachemmone. 31Tunebaani kecceyemminaꞌone ittoshi iti ittoshi bushiisheenaꞌon giijjemmo taane; ittoshi hoxeti showoon boonoshi woraashemminaꞌone. 32Tunebaani ittoshi dubeno hini barahooch yacheyemmone. 33Gibeneyaano ittoshi tunetoyich, ittoshi qitii ciiremmi wottoon, ittoshi bushiisheenaꞌo barahooch aabbe naton xuuxebee qiddoo tunemminaꞌone. 34Aabbe qemon, showoon ittoshi qiidditi haddoommon, ikke qemoyich ikke naton tuniitaa aabbe naton xuuxemmo ittoshine; ta kaaroonoo ariyemmo ittoshine. 35Doono Yeeri ta, ebin getteto taane. Ikkittinoona ta toommooch tiyiti, hini gonde iitoo bulli toommooch ebin tuniyemmo taane. Boonoshi ciiro hini barahooch tunemmone; qiti ciiremminaꞌone’ gete” iye.
36Showoon boonoshi qiiddemmoyich Muusi daachiiti asheenaꞌo, qiiddii wotteꞌi are showeechon gonde woroon getona iitoo bulli bi toommooch guruuxemmoyich tuniiti are asheenaꞌo, 37are showeechon gonde woroon deebiti ebi asheenaꞌo Doono Yeeri aafoochaa naxoona qitiyeete. 38Tunebaani showoon qiidooch hammiti asheenaꞌo daggoochee kashoona echetinaꞌo Yefuuni bushoo Kaaleebinaa Nuuni bushoo Yaasina baachiye.
Showoon Koyoyich Batti Batt Qiicceeti Qiicco
39Muusiyoo ebin Israꞌeeleenaꞌo bullich bi gettimmona, Israꞌeeleenaꞌo oogichii eeppiyeete. 40Bi dechara maaddoona tiyii, geppe showoon hami kocha kechiyeete. Boonoshiyoo ishichiyeete: “Axaaxoon shuuneto noone; and illa Doono Yeeri nooch gibenikkiti showooch hamoyich qannito noone” iyeete.
41Tunebaani Muusi “Doono Yeerichi getoon ittoshi shaaddeebeeto amoyichiye? Ittoshich kaameyaachemmone. 42Hammaahote; Doono Yeeri ittoshina tookki tuneyaachemmone; ebich ittoshi etteenaꞌo ittoshin koyi wochemminaꞌone. 43Amaleeqeenaꞌonaa Kanaaneenaꞌona danemmo ittoshine; boonoshi goraadoona dihemmo ittoshine. Doono Yeerichi hillooch dabboochee gubb ittoshi wottetoyich, Doono Yeeri ittoshina tookki tuneyaachemmone” iye.
44Tunebaani boonoshi, Doono Yeerichi wogee taabootoonaa Muusina kaambooch echeechaa, aafoon kuppheꞌi geppe showooch hammiyeete. 45Are geppe showooch koteti Amaleeqeenaꞌonaa Kanaaneenaꞌona desh kindiꞌi, boonoshin kochiyeete; Horima beddaahaa boonoshin yookkiyeete.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.