Yaasi Gimo
Gimo
Hini macaafo shigeto, meeti bi mooyo kooreeti, Yaasichi shigoonane. Yeeri Yaasin kaacciꞌi bi ukkiriito, Muusi qitoyee giishechoon shiichiꞌiniye.
Yaasi Macaafo gettiibeeto, Yaasichi mooyonaa Israꞌeeleenaꞌo mooyononiye. Israꞌeeleenaꞌo, Yeeri boonoshin gaachetaa, gibenee showoo Kanaanin kochii yechiyeete. Boonoshiyoo Yoordaanoosin worganikkiti gommona kuxxii kimmiꞌi, Yaariki katemoon kochii yechiyeete. Aroochee andoo, Yeeri boonoshin gaachetaa, Kanaanee showooch beeti, aricheti xaaꞌeenaꞌo bullin kaatee yechiꞌi hajjiyeete.
Yaasi, bi qitoyee shiichiꞌi, Yeeri bi wogoochaa gibenikkiti gibenoon asheenaꞌoyich shalligichiye. Asheenaꞌo Yeerin shunibee, bi getoonoo waayebee, boonoshi beeyemmoyich gettiye. Asheenaꞌo bulli aafoochaa bi, bi qelloona Yeerich goyinne maddemmo bi tunoon ishichiꞌi gettiye: “Konich ittoshi goyinne maddemmo gaata hanaach goomi kaacote. Tunebaani taannaa ta kechi asheenaꞌona no goyinne maddemmo Doono Yeerichiye” iye (24:15).
Inde Moochi Sheqqo
Kanaan giyiꞌi showoon yeshoyich Israꞌeeleenaꞌo qannoo (1:1–5:15)
Kanaanee showoon Israꞌeeleenaꞌo kochii yesho (6:1–12:24)
Showoo Israꞌeeleenaꞌoyich yoodi yoodee haddoona qoodeyoo (13:1–21:45)
Yaasichi ciireexi diggiyoonaa bi qitoona (22:1–24:33)
Currently Selected:
Yaasi Gimo: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.