Yaasi 19
19
Simooni Yoodoyich Ixoona Shaggiti Showoo
1Guttinnee ixoo Simooni yoodoyich boonoshi yari yaroona kechiye. Boonoshich shaggiti showoo Yihudi yoodee showee gutte daggoochiye. 2-6Boonoshich icheti aaraa keejje katemeenaꞌo: Beershaabi, Sheebi, Molaadi, Hatsaar Shuwaali, Baali, Eseemi, Elitolaadi, Beetuuli, Horimi, Tsiqilaagi, Beet Markabooti, Hatsaar Susaahi, Beet Lebaꞌootinaa Sharuheeninane. Ebi katemeenaꞌo bullichi guudoona gafeenaꞌo beetinaꞌone. 7Awudde katemeenaꞌo: Ayini, Rimooni, Eteerinaa Ashaaninane; ebi katemeenaꞌo bullichi guudoona gafeenaꞌo beetinaꞌone. 8Wotta Baalaat Beeri getteeti katemoo, ebiyoo Negeebi daggooch beeti Raami katemooch beddaahaa beeti, ebi are katemeenaꞌochi guudoona beeti gafeenaꞌo bullina tookkiiniye. Illa boonoshi yari yaroona qoodaa boonoshich icheti Simooni yoodoochi showoo ebine.#1 Kiin. 4:28-33 9Yihudi yoodoyich icheti showoo boonoshich oogeti gamino bi tunetoyich, aroochee qoodaa Simooni yoodoyich ichehe. Ebina Simooni yoodo Yihudi yoodee iristee daggoochee iristoon deqqiye.
Zebulooni Yoodoyich Ixoona Shaggiti Showoo
10Keejjinnee ixoo Zebulooni yoodoyich boonoshi yari yaroona kechiye. Boonoshi showee daaro Sariid beddaahaa hammitone. 11Aroochee aabi-gimo waan hammii Mareeli katemoon beshehe. Dabesheeti shaggii, Yoqiniyami katemoochaa aabi-keyo waan beeti aacooch shaggiye. 12Sariidaa aabi-keyo waan guuddii, Kisiloot Taaboori danooch beddii, Daberaat hammii, aroona Yafiy shaggiye. 13Aroochee aabi-keyo waan hammii, Gaat Hefeeri katemoonaa Etiqatsin kimmii beetone; aroochee wotta Rimooni katemooch beddii, Neehi katemoo waan guuddii beetone. 14Dambi-waanaa Hanaatooni katemoo waan guuddii Yifitaheeli bambooch neexehe. 15Are showee daggooch Qaxaati, Nahalaali, Shimirooni, Idalaahinaa Beetilehemina beetinaꞌone. Bulli aaraa gutte katemeenaꞌone; ebi katemeenaꞌo bullichi guudoona gafeenaꞌo beetinaꞌone. 16Illa Zebulooni yoodo boonoshi yari yaroona, ebi katemeenaꞌonaa boonoshi guudoona beeti gafeenaꞌonon geddiꞌi, boonoshi woraashiti showoo ebine.
Yisakoori Yoodoyich Ixoona Shaggiti Showoo
17-22Awuddinnee ixoo Yisakoori yoodoyich boonoshi yari yaroona kechiye. Boonoshi showee daggooch beeti katemeenaꞌo: Yezireeli, Kesulooti, Shuneemi, Hafaraayimi, Shiyooni, Anaharaati, Raabiiti, Kishiyooni, Ebeetsi, Remeeti, En Ganiimi, En Hadaahinaa Beet Fazeezinane. Boonoshi showee dano wotta Taaboori katemooch, Shahazimi katemoonaa Beet Shemeeshi katemoonooch shaggiichii, Yoordaanoos neexehe. Ebi showooch aaraa shiritte katemeenaꞌo, boonoshi guudoonoo gafeenaꞌo beetinaꞌone. 23Illa Yisakoori yoodo boonoshi yari yaroona, ebi katemeenaꞌonaa boonoshi guudoona beeti gafeenaꞌonon geddiꞌi, boonoshi woraashiti showoo ebine.
Aseeri Yoodoyich Ixoona Shaggiti Showoo
24Uuchinnee ixoo Aseeri yoodoyich boonoshi yari yaroona kechiye. 25-30Boonoshi showee daggooch beeti katemeenaꞌo, Helikaati, Haali, Beteeni, Akishaafi, Alaam Meleeki, Amaadinaa Mishaalinane. Boonoshi showee dano aabi-gimo waanaa Qermeloosinaa Shihoor Libinaatinooch shaggii beetone. Aroochee aabi-keyo waan Beet Daagoon guuddii, Zebulooninaa Yifitaheeli bamboonon yechiꞌi, dambi-waan beeti Beet Emeeqinaa Neyilinooch shaggii beetone. Aroochee dambi-waan beeti Kaabul, Ebiroon, Rehoob, Hamoon, Qaaninaa ooge Sidooninooch beddii beetone. Ebi dano Raami katemooch guuddii, xaqqoona uxereeti Xiroosi katemooch shaggiye. Aroochee Hoosi katemooch guuddii, Meditiraanee baharooch shaggii neexehe. Mahalaabi, Akiziibi, Umaahi, Afeeqinaa Rehoobina getteebeeti katemeenaꞌon daakkii beetone. Ebi showooch hiyaa gutte katemeenaꞌo, boonoshi guudoonoo gafeenaꞌo beetinaꞌone. 31Illa Aseeri yoodo boonoshi yari yaroona ebi katemeenaꞌonaa boonoshi guudoona beeti gafeenaꞌonon geddiꞌi, boonoshi woraashiti showoo ebine.
Nifitaali Yoodoyich Ixoona Shaggiti Showoo
32Shirittinnee ixoo Nifitaali yoodoyich boonoshi yari yaroona kechiye. 33Boonoshi showee dano Heleefee, Tsananim beeti ooge mixooch, Adaam Nekeeb, Yabineelinaa Lakuuminooch shaggiꞌi, Yoordaanoos neexehe. 34Deshi-waani Nifitaalichi showee daaro, Yoordaanoosee tiijjiꞌi, aabi-gimo waan, Taaboori guudi gaꞌooch beeti Azinooti katemooch shaggiye. Aroochee aabi-keyo waanee Zebulooni yoodoochi showee danoon yechii, dambi-waan guuddiꞌi, Huqooqi katemooch shaggiye. Aroochee wotta Zebulooni yoodoochi dambi-waani dano bullin yechii aabi-gimo waan hammiye. Aseeri yoodoochi dano wotta boonoshi showee aabi-gimo waanee danoone; aabi-keyo waanee dano Yoordaanoosine. 35Xaqqoona uxereeti katemeenaꞌo eboshine: Tsidiimi, Tseeri, Hamaati, Rakaati, Kinerooti, 36Adamaahi, Raami, Hatsoori, 37Qedeeshi, Edireyi, En Hatsoori, 38Yirooni, Migidaleeli, Horeemi, Beet Anaatinaa Beet Shemeeshinane. Katemeenaꞌo bulli aaraa yiixiyeenaꞌone; ebi katemeenaꞌo bullichi guudoona gafeenaꞌo beetinaꞌone. 39Illa Nifitaali yoodo boonoshi yari yaroona ebi katemeenaꞌonaa boonoshi guudoona beeti gafeenaꞌonon geddiꞌi, boonoshi woraashiti showoo ebine.
Daani Yoodoyich Ixoona Shaggiti Showoo
40Shabaattinnee ixoo Daani yoodoyich boonoshi yari yaroona kechiye. 41Boonoshich icheti showee daggooch beeti katemeenaꞌo: Tsoriꞌi, Eshitaꞌooli, Iir Shemeeshi, 42Shalabini, Ayalooni, Itilaahi, 43Elooni, Timinaahi, Eqirooni, 44Eliteqeehi, Gibetooni, Baalaati, 45Yehuudi, Beneberaqi, Gaat Rimooni, 46Mejarikooninaa Rakooninane; wotta Yoopphi katemee guudooch beeti showoonoo geddiꞌiniye.
47Tunebaani ebiyee gubb Daani yoodo boonoshi showoon boonoshi bokketoyich, Lesheemi katemooch kechiꞌi, arooch beeti asheenaꞌon goraadoona wuxii aalliichii, ebi katemoon hajjiyeete; aroochoo koteheete. Ebi showee shigoon shaddii boonoshi qaabbechi nihoochi shigoona Daani iyeete.#Wora. 18:27-29 48Illa Daani yoodo boonoshi yari yaroona ebi katemeenaꞌonaa boonoshi guudoona beeti gafeenaꞌonon geddiꞌi, boonoshi woraashiti showoo ebine.
Yaasich Icheti Showoo
49Israꞌeeleenaꞌo boonoshi qoodi qoodee showoon boonoshi deqqitoyee gubb, Nuuni bushoo Yaasich boonoshi daggooch bi hajjoo tuneti showoon immiyeete. 50Doono Yeeri boonoshich bi gettitoommon, geppechi Efreemi showooch beeti, bi echeti Timinaat Seeri katemoon biich immiyeete. Yaasiyoo ebi katemoon wochinnoon haggiye; bi beeyi xaaꞌoonoo tuniihe.
51Ebina qeeshoo Elazaari, Nuuni bushoo Yaasinaa Israꞌeelee yoodeexi yaree ukkireenaꞌona Shiloohaa, danee duukkaanee kelloochaa, Doono Yeeri aafoochaa, ixoon duppiꞌi Israꞌeeleenaꞌoyich boonoshi qoodi qoodee showoon immiyeete. Showoon ebiyoommi gommona qoodii ciichiyeete.
Currently Selected:
Yaasi 19: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
